بغيت نوع بروتين اخذه بس ماني لاعب حديد

[GoOjey]

يعطيكم العافيه على المنتدى الاكثر من رائع من مواضيع ومن اعضاء ومشرفين
وهذي اول مشاركه لي :)
موضوعي الله يسلمكم اني مليت من الجسم ولازم اغيره خلاص
انا طولي ١٨٠ ووزني ١٠٩ كيلو
ابي انزل وزني لغايه ٨٠-٨٥ كيلو
وماابي استخدم الهرمون القروث والله اني شاريه وموجود بالثلاجه سويدي ١٦ يونت :) >>> ااذا مانفع معاي شي ماراح احقن نفسي فيه بل راح اشربه لووول :)
سؤالي :
١- بغيت نوع بروتين اخذه بس ماني لاعب حديد يعني بروتين بس للكارديو والمعده والشغلات الخفيفه
٢-بغيت تمرين لعظلات الصدر السفليه
٣-بغيت تمرين قوي يختفون الارداف
وسلامتكم واسف على الاطاله

وانشالله بس تعطوني نوع البروتين انا عندي نظام غذائي وجدل من تاليفي :) بجربه شهر اذا نفع وصارت الامور اوكي ماراح اقصر مع المنتدى انشالله

[mashkaljey]

اولا اخوي حياك الله بالقسم وتنبيه اول بقرائه شروط وقوانين القسم لاهمية لانك خالفت بند العنوان وسيتم تعديل العنوان لاول مره

بالنسبة تبي بروتين وما تلعب حديد اخوي البروتين يغذي العضل فاذا انت ماتبي تبني عضل مالك حاجه فيه ؟

بالنسبة لتمرين لمنطقه معينة وهو اجباه السؤال الثاني والثالث اخوي مافي هالكلام في عالم كمال الاجسام لازم تلعب عضلات جسمك كلها لان كل تمرين تتدخل عضله مع عضله مساعده مثال بالصدر وانت تلعب صدر تتحرك عضله الترايبس والكتف الامامي والتمرين اساسا للصدر

يعني مافي شي اسمه اضخم عضل واترك عضل

بالنسبة للقروث فمنو قالك تستعمله من غير تمرين ؟ اخوي هالامور والهرمونات قلنا ولازلنا نقول العب على الاقل سنتين كون عضل وبعدين فكر تنشف الدهون او تضخم اكثر لكن وانت مبتدأ بتشتغل شهر وتمل وتقول يالله اخذ القروث ؟

انت تعرف شنو القروث ولا بس سمعت انه ينشف وخلاص ؟

راجع مواضع قسم المواضيع المميزة واقرأ عن الهرمونات وبتعرف اكثر وايظا مر على المواضيع الخاصه بالتغذيه لتعرف شنو يناسبك ومر على تمارين المعده لتعرف شنو يناسبك لكن للاسف كل هذا ما بتستفيد منه اذا انت مو حاط في بالك تسجل نادي ومعتمد على التأليف في تمارينك !!

انت وزنك عالي وهذا دليل على عدم ادراكك لمفهوم التغذيه الصحية فكيف تعمل لنفسك جدول تغذيه ؟

اخوي من الاخر وبدون اطاله

ادخل نادي والعب سويدي وتمارين كارديو ومعده وشد على نفسك 3 اشهر بتلاحظ فرق باذن الله لكن ليس فقد ما يقارب من 20 كيلو لان صعب بهالفتره تفقد هالوزن

واحذف من راسك فكره هرمون فكر بصحتك اول

وبعدين يوم توثل لوزن يعجبك ادخل حديد والعب وزيد عضل جسمك

وبعدين لو فكرت في بطوله استخدم القروث وامور ثانية انت بغنى عنها حاليا

موفق خير

[AmiTy Ville]

لاتعليق كفيت ووفيت يامشكلجي

[GoOjey]

اولا يعطيك الف الف عافيه على الرد
وانتو يمكن مافهمتو نقطتي عدل ،،،،
انا ماني لاعب عضله وبترك الباجي ،،، انا قصدي لو كل يوم العب ديبس ولا بول اوفر بس علشان مع الكارديو والركض ولمه اضعف مايكون مترهل الجسم وخصوصا صوب عضله الصدر ،،،
وبالنسبه للبروتين قالولي عن الايزو بيوور مافي فات ولا كايبوهيدرات بس في بروتين ٥٠ جرام بالاسكوب
وبالسبه للقروث انا العب من عمري ١٨ بس قطاعي وعمري مااخذت ابر ولا شي والحين ٢٤ (العمر كله) وشريت قروث قلت بلعب شهر ولا شهرين اضعف وشهرين حديد وابلش قروث مع جم شي يدخل معاه
والنظام الغذائي انا ماخذه من كتاب شاريه من لندن وبدلت فيه جم شي

انا ودي اعرض عليكم شنو العب وياريت تفيدوني بنصيحه اذا في شي ناقص
١- امشي ١٠ دقايق تسخين
٢- اروح العب ريول للارداف بس ٥ جولات ٢٠
٣- العب ديبس او بول اوفر ٤ جولات ٢٠
٤-اروح اركض لغايه ما اشوف اني حرقت ٥٠٠ كالوري
٥- اروح العب معده وللعلم انه التمارين اخذته من الموقع في قسم المواضيع المميزه وبصراحه ١٠ على ١٠
٦- اروح اتسبح نص ساعه،،، سونه هم نص ساعه

وسلامتكم :)

[mashkaljey]

اولا يعطيك الف الف عافيه على الرد
وانتو يمكن مافهمتو نقطتي عدل ،،،،
انا ماني لاعب عضله وبترك الباجي ،،، انا قصدي لو كل يوم العب ديبس ولا بول اوفر بس علشان مع الكارديو والركض ولمه اضعف مايكون مترهل الجسم وخصوصا صوب عضله الصدر ،،،

كلام سليم يعني مثل ما قلنا لك خسس وزنك وبعدين ادخل جدول عشان تشد الترهل !! التخسيس الطبيعي عن طريق الرياضه اخوي ما يترهل جسمك لان فقد الدهون بيكون طبيعي نتيجه الحرق وليس نتيجه حرمان نفسك من الاكل ( الرجيم القاسي ) بالتالي ما يترهل جسمك ويشد مع الحديد باذن الله


وبالنسبه للبروتين قالولي عن الايزو بيوور مافي فات ولا كايبوهيدرات بس في بروتين ٥٠ جرام بالاسكوب

طيب ومحتاجه في شنو ؟ اخوي انت ما عندك عضل حاليا جسمك نسبه الدهون مرتفعه جدا ولا يوجد عضل وقلت لك البروتين لتغذيه العضل ؟ اذا نزل وزنك استخدم البروتين لتنمية وتغذيه العضلات
على كل حال براحتك حلالك وانت حر في صرفه :)

وبالسبه للقروث انا العب من عمري ١٨ بس قطاعي وعمري مااخذت ابر ولا شي والحين ٢٤ (العمر كله) وشريت قروث قلت بلعب شهر ولا شهرين اضعف وشهرين حديد وابلش قروث مع جم شي يدخل معاه

اخوي سنتين خليتها شهرين الله يهداك شهرين ما سويت شي انا اقولك 3 اشهر العب لياقه وبعدين دش بالحديد وانت تقول بتلعب شهرين وبتاخذ هرمون ؟ تفكيرك عن اللعبه غلط بشكل مو طبيعي

والنظام الغذائي انا ماخذه من كتاب شاريه من لندن وبدلت فيه جم شي

طيب يا ليت تفيدنا بالتغذيه شنو نحن ما نعارض الا مساله ان وزنك كبير وتوقعت انك تتكلم بواقع غير علمي لكن دام في كتاب توكل على الله

انا ودي اعرض عليكم شنو العب وياريت تفيدوني بنصيحه اذا في شي ناقص
١- امشي ١٠ دقايق تسخين
٢- اروح العب ريول للارداف بس ٥ جولات ٢٠
٣- العب ديبس او بول اوفر ٤ جولات ٢٠
٤-اروح اركض لغايه ما اشوف اني حرقت ٥٠٠ كالوري
٥- اروح العب معده وللعلم انه التمارين اخذته من الموقع في قسم المواضيع المميزه وبصراحه ١٠ على ١٠
٦- اروح اتسبح نص ساعه،،، سونه هم نص ساعه

زيد المشي وخله مشي سريع فتره لا تقل عن نصف ساعه والباقي اوكي استمر عليه

وموفق خير

[GoOjey]

ممشكوور على الرد :)
عموما هذا الرجيم اللي قتلكم عنه بالكتاب اهو وايد قاسي بس انا صرلي ٣ ايام عليه واشوف نفسي اوكي لا تعب ولا دوخه وشبعان عالاخر

الصبح
كوب ماء بارد +سلطه فواكه + موزتين + تفاحه + عنب

الغدا
بروتين لوفات مع حليب خالي الدسم + عنب
(طبعا انا ماشريت بروتين ف بدلته مع صدر دياي او تونه )
العشا
سلطه فواكه + موزه + عنب + ٧ حبات فراوله + تفاحه

طبعا بين الوجبات تاكل خيار اذا جعت او جزر
وسلطه الفواكه تتكون من (خوخ+كيوي+برتقال + بطيخ) وما يمنع انك تشرب عصير اناناس مره باليوم
واكيد ما ننسا الماء ٦ كاسات عالاقل

وسلامتك هذا اهو الجدول عاد ماادري مفيد لي مو مفيد بس احسه اوكي
وبخصوص وقت التمرين انا اروح بعد الافطار بساعتين يعني عال١١ الصبح الوقت مناسب ولا اروح العصر احسن ؟؟
وبخصوص سالفه القروث والله في ميانين قالوا جذي سو وانا مادري الظاهر كنت دايخ واقتنعت :) يعطيك العافيه عالنصيحه :) ادري اذيتكم بس تحملوا اسالتي :)

[GoOjey]

نسيت اكتب ان الصبح لازم كاس ماء بارد

وطبعا باليوم ٦ اكواب ماء
وفي سؤال وقت التمرين مهم ولا عادي اي وقت >>> انا اسمع انه اكثر وقت مفيد العصر
بس انا اروح بعد الافطار بساعتين يعني عال١١

[mashkaljey]

شوف بالنسبة لتغذيتك ممتازه ولو انك تعرف السعرات الحراريه كان افضل عشان تكون على بينه اكثر من الاطعمه اللي عندك

بالنسبة للتمرين الصبح او العصر او الليل عن نفسي اتمرن في الليل وفي ناس تتمرن العصر لكن الصبح انا اشوف انه صعب لان الواحد يكون توه قاعد من النوم وما اخذ طاقته من الاكل وحتى بالحرق يكون فقط يحرق ما تناوله بالصباح بعكس لو تدربت العصر مثلا تحرق ما تناولته من الصباح الى الغداء

وانت شوف الانسب لك واللي تحس بفرق بالوزن فيه وتوكل على الله

[GoOjey]

الله يسلمك مجموع السعرات الحراريه ١٠٠٠ كالوري
٣٠٠ الصبح
٣٥٠ الغدا
٣٥٠ العشا

انزين ممكن استفسار ثاني :) ؟ لوسمحتو طبعا
في مشكله اذا لعبت عضله وحده مع هذا الجدول ؟
يعني السبت صدر وسواعد
الاحد بيطان
الاثنين اكتاف ومثلثات
الثلاثه باي وتراي
وطبعا كل يوم تمرين ارداف وديبس او بول اوفر
يصير ولا لازم انزل وزني اول ؟
او عادي العب عضلتين مع هالجدول
يعني صدر وباي
بيطان وتراي
اكتاف ومثلثات

ياريت تفيدوني لانه والله لمه اركض وسوي كل شي اطالع صاله الحديد وتحسر :)

[GoOjey]

ياريت تفيدوني لانه لمه اخلص ركض وكل شي اطالع صاله الحديد وتحسر :)
ولا نمشي على المثل ( الصبر مفتاح الفرج) :)

[GoOjey]

ياريت تفيدوني لانه لمه اخلص ركض وكل شي اطالع صاله الحديد وتحسر :)
ولا نمشي على المثل ( الصبر مفتاح الفرج) :)

[mashkaljey]

الله يسلمك مجموع السعرات الحراريه ١٠٠٠ كالوري
٣٠٠ الصبح
٣٥٠ الغدا
٣٥٠ العشا

انت منزل حيل بالسعرات الله يعينك بصراحه

انزين ممكن استفسار ثاني :) ؟ لوسمحتو طبعا
في مشكله اذا لعبت عضله وحده مع هذا الجدول ؟
يعني السبت صدر وسواعد
الاحد بيطان
الاثنين اكتاف ومثلثات
الثلاثه باي وتراي
وطبعا كل يوم تمرين ارداف وديبس او بول اوفر
يصير ولا لازم انزل وزني اول ؟
او عادي العب عضلتين مع هالجدول
يعني صدر وباي
بيطان وتراي
اكتاف ومثلثات

ياريت تفيدوني لانه والله لمه اركض وسوي كل شي اطالع صاله الحديد وتحسر :)

شوف اخوي عادي تلعب لكن هل فيك طاقه بعد ما تتمرن تلعب حديد ؟ وثاني شي العضل ما راح يبين معاك لان فوقه طبقه من الدهون عرفت شلون فركز افضل على التخسيس ولاحق على العضل

[GoOjey]

الف شكر لك مشكلجي وانشالله بعد شهر بسمعكم الاخبار الطيبه :)

[AmiTy Ville]

شد حيلك وبالتوفيق ان شاءالله وننتظر علومك بأذن الله