سؤال عن الامينو اسيد ..والنظام الرياضي المناسب

[ana84]

مرااااااااااااااحب كيفكم ؟:jap038:
(باركوووولي )الحمد لله خلللللللللللللللللللللصت امتحانات وفضيييييييت لنفسي الحين:banana:
المهم الحين انا أبي أبدأ ببرنامج رياضي من بكرة معي مهلة 7 شهور ابي خلالها يشد جسمي مع عضل خفيف لان بعدها عندي مشروع وبالاحرى هي مسابقة اشتركت فيها وأبي فزززززعتكم
في شخص نصحني بالامينواسيد كمكمل غذائي يساعدني هل هو كويس ؟(انا سألت اللي يشتغل بمحل ارمال بس حسيته يبي يبيعني اي شي )
وممكن تساعدوني باختيار نظام رياضي متكامل عشان اوصل لهدفي ؟
انتو ماقصرتو دلتوني على كثير تمارين اسويها بموضوع سابق هو (سؤال عن المكملات الغذائية ) بس كم ساعة أخصصها للتمارين يوميا علما بأني امشي ساعة لكن هالايام برررد :bigeyes: فيمكن الغي المشي واكتفي بالدراجة وطلوع الدرج وكمان ببدأبالتمارين اللي دلتوني عليها بس ما أعرف المدة اللي اتمرنها خلال اليوم بليز ابي نصيحتكم واذا فزت لكم الحلوان (بس بعد7شهور مو الحبن):wink2:
(انا امرأة العمر 25 الطول 166 الوزن 55 )

[ana84]

صباااااااح الخير
يعني مافي أحد رد علي :( أبي فززززعتكم
ولا أبدا لحالي :cray:؟!!

[عشــق البطــوله]

صباح النور ..

الف مبروك على الإجازه طلعتي من الشر ههه وعقبال النجاح ان شاء الله ..

الحقيقه يعني انا اشوف ان جسمج متناسق وممتاز مايحتاج الى حرق دهون والا تحولتي لهيكل .. ولكن اذا كان هدفج هو شد الجسم فـ مافي مشكله

ذكرتيني بموضوع مشابه لموضوعج وراح يفيدج كثير وهذا رابطه:

http://www.montada.com/showthread.php?t=635948

الموضوع راح تلقين فيه اجابات لأسئلتج اقرأي ردي في الموضوع راح يفيدج كثير وايضاً ردود الاخوان ممكن تفيدج

من ناحيه اخرى / المكملات الغذائيه كالبروتين والامينو وغيرها ما انصحج فيها لأنها مكملات غذائيه للاعبين كمال الأجسام وفايدتها انها تغذي العضل وخاصه بالرجال وما اعتقد انها تناسب النساء فالأحرى انج تبتعدين عنها .. :)

لكن ممكن تستخدمين ملتي فيتامين من اي صيدليه عشان يغذي جسمك بالفيتامينات ويقاوم النقص اللي بالجسم ..

** من ناحية المشي ممكن تمارسينه على السير / او على السيكل / او صعود الدرج

وياليت لو حددتي الهدف عشان تتضح الصوره بس ( هل الهدف تخفيض الوزن ؟ ) او الهدف ( شد الجسم مثلا والحصول على جسم رشيق وقوام ممشوق ؟ ) < متعوب عليها الكلمه

عموما انا ذكرت الجواب لكلا الحالتين في الرابط اللي وضعته فوق ولو فيه اي استفسارات ثانيه حاظرين ..

وبالتوفيق ان شاء الله

[ana84]

صباح النور ..

الف مبروك على الإجازه طلعتي من الشر ههه وعقبال النجاح ان شاء الله ..

الحقيقه يعني انا اشوف ان جسمج متناسق وممتاز مايحتاج الى حرق دهون والا تحولتي لهيكل .. ولكن اذا كان هدفج هو شد الجسم فـ مافي مشكله

ذكرتيني بموضوع مشابه لموضوعج وراح يفيدج كثير وهذا رابطه:

http://www.montada.com/showthread.php?t=635948

الموضوع راح تلقين فيه اجابات لأسئلتج اقرأي ردي في الموضوع راح يفيدج كثير وايضاً ردود الاخوان ممكن تفيدج

من ناحيه اخرى / المكملات الغذائيه كالبروتين والامينو وغيرها ما انصحج فيها لأنها مكملات غذائيه للاعبين كمال الأجسام وفايدتها انها تغذي العضل وخاصه بالرجال وما اعتقد انها تناسب النساء فالأحرى انج تبتعدين عنها .. :)

لكن ممكن تستخدمين ملتي فيتامين من اي صيدليه عشان يغذي جسمك بالفيتامينات ويقاوم النقص اللي بالجسم ..

** من ناحية المشي ممكن تمارسينه على السير / او على السيكل / او صعود الدرج

وياليت لو حددتي الهدف عشان تتضح الصوره بس ( هل الهدف تخفيض الوزن ؟ ) او الهدف ( شد الجسم مثلا والحصول على جسم رشيق وقوام ممشوق ؟ ) < متعوب عليها الكلمه

عموما انا ذكرت الجواب لكلا الحالتين في الرابط اللي وضعته فوق ولو فيه اي استفسارات ثانيه حاظرين ..

وبالتوفيق ان شاء الله


هلا والله اخوي والله يبارك فيك و مافصرت والله
وانا اللي ابيه شد وعضل خفيف
هذا نظامي اليومي وعطوني ارائكم
ثلث ساعة دراجة (السرعة 10 كيلو/20دقيفة)
الدرج عدد مرات الطلوع ثلاثين مرة (بس آخذ راحة كل عشر مرات طلوع )
وتمرين البوش اب أسويه من 30 مرة مع راحة كل 15 مرة
والاوزان اشيل خمسة كيلو واقدر ازيد بس قاعدة ابدأ بالتدريج واشيل 45 مرة مع راحة كل 15 مرة
وتمارين البطن اسويها 90 مرة راحة كل 30 مرة متواصلة
طبعا الراحة تقريبا 15 ثانية اريح العضل وابدل بين التمارين


فهل هذا النظام كويس ولا ازيد ؟ وهل ممكن احصل النتايج مع هذا النظام بالوقت المحدد (لأني موناوية اخسر بالمسابقة:))؟
ومعليش على كثرة اسئلتي بس والله ماعندي خبرة كويسة تفيدني :ee2:

[عشــق البطــوله]

مرحبا اختي ..

بالنسبه للبرنامج ممتاز جداً ..

ولكن عندي بعض الملاحضات ..

1- تمارين الدانبلز ( الأوزان ) يكون الوزن خفيف وتدريجي مثلا تبدأين بـ3كيلو .. وتقسمين عدد الجلسات الى 4 جلسات الجلسه الأولى 14 تكرار / الثانيه 12 / الثالثه 10 / الرابعه 8
وطبعا تزيدين الوزن تدريجيا مثلا الجلسه الأولى وزن خفيف 3 والثانيه 5 كيلو والثالثه 10 كيلو والرابعه 15

انتي تعملين 45 خطا كذا ممكن يجهد العضله وماراح تلقين استجابه ..

بالنسبه للتمارين تكون لجميع عضلات الجسم وبنفس الجلسات والتكرارات ( الأوزان تختلف من عضله لأخرى ) ولكن ابدأي بشكل تدريجي من وزن خفيف الى وزن اكبر

ولو تاخذين لج فره على قسم المواضيع المميزه فيه مجموعة تمارين لجميع عضلات الجسم ( بالصور ) وتقدرين تتمرنين نفس التمارين بالأوزان والجلسات اللي حددتها لج ( وفيه موضوع عن تمارين آرنولد بالصور للأخ مشكلجي ) الموضوع ممتاز جداً وشامل لجميع عضلات الجسم تقدرين تتبعين هالتمارين .. وهذا رابط الموضوع:

http://www.montada.com/showthread.php?t=655576

===============================

2- الملاحظه الثانيه وهي على تمارين البطن ( اذا تبين تحققين افضل النتائج لاتتمرنين بطن بشكل يومي ) لأن عضلة البطن مثل اي عضله بالجسم تحتاج للراحه حتى تستجيب وتنمو ..

فالأفضل انج تتمرنين من 3 الى 4 ايام في الأسبوع مع الفصل بين هذي الأيام ..

وايضا لاحظي ان عضلة البطن تتقسم الى 3 اقسام ( علوي - وسط - سفلي ) بالإضافه الى الخواصر

بالنسبه للبطن انا وضعت رابط سابق يحتوي على تمارين ممتازه للبطن وتشمل العلوي والسفلي والوسط :

http://www.youtube.com/watch?v=sWjTnBmCHTY

وهذي تقدرين تتمرنينها بأوزان خفيفه أو بدون أوزان ( التمرين بالأوزان لتكبير حجم العضه وشد الترهلات ) والتمرين بدون اوزان لحرق الدهون

اذا كان بطنج فيه دهون وتحتاجين لحرقها فـ تقدرين تتبعين نفس الفيديو اللي وضعته بالظبط

واذا كان بطنج مافيه دهون مجرد ترهلات بسيطه وتحتاج لشد فعليج بنفس التمارين ولكن بأوزان

وطبعا تمارين البطن 4 ايام فقط بالأسبوع

بالنسبه لتمارين الخواصر اعتقد انها معروفه ( التمرين بالعصا ) :)


====================

3- الملاحظه الثالثه لازم تاخذين يومين على الأقل للراحه ماينفع كل يوم تتمرنين بشكل متواصل راح يتعب الجسم ويوقف عملية الأيض ..
بالتالي يكون الجسم على ماهو عليه مجرد تمرين وتعب بدون اي فايده لابد من اخذ راحه يومين في الاسبوع على الأقل

=========================

4- الملاحظه الرابعه وهي اهم ملاحظه وهي نوعية الأكل اللي تاكلينها مثل ماذكرت في ردي السابق وضعت رابط وتكلمت للأخت اللي في الموضوع السابق عن نظام التغذيه ويجب الإبتعاد عن الدهون .. الخ ( راجعي ردي السابق )

بالإضافه الى انج تتبعين جدول للسعرات الحراريه وماتزيدين عن السعرات الحراريه اللي يحتاجها جسمك تفادياً لزيادة الوزن

معادلة السعرات = الوزن x في 30 = عدد السعرات اللي يحتاجها الجسم في اليوم

*( ملاحظه / ممكن تاخذين يوم مفتوح كل 3 اسابيع ) وتتناولين فيه ماتشائين لكسر نظام السعرات الحراريه وبذالك يبدأ الجسم يحرق مره ثانيه ويزيد معدل الأيض ..

وبإذن الله اذا اتبعتي هالنظام توصلين للهدف ان شاء الله وشدي حيلج مافيه شي صعب

بالتوفيق :)

[ana84]

تسلم أخوي والله كفيت ووفيت الله يعطيك العافية :biggthump وانشالله بتبع النظام بحذافيره وانشالله بكون على تواصل بالمستجدات ومشكوووور على مساعدتك:biggrin2:

[عشــق البطــوله]

بالتوفيق ان شاء الله

ولاتنسين الحلاوه لافزتي :) <- امزح

[ana84]

ولووووووووووو أكييييييييييييييييييييييد:wink2:
ويوفقك ربي

[mashkaljey]

كفو عليك يا عشق البطولة ما قصرت يا بطل

[AmiTy Ville]

يعطيك العافيه عشق البطوله ماقصرت

وان شاءالله توصلين للنقطه المحدده بس حطي ف بالج تركيز + صبر + تغذيه ممتازه وراحه والامور ميه ميه

بالتوفيق

[عشــق البطــوله]

حبيبي ابو ابراهيم مشكور ع تعقيبك الطيب يالذيب :)

=============

أمتي الله يعافيك يالغالي ولاهنت :)


يامرحبا فيكم ياشباب ومانستغني عن خبرتكم

[منادة الليل]

يعطيك الف عافيه يا عشق البطولة

ماقصرت

[ana84]

يعطيك العافيه عشق البطوله ماقصرت

وان شاءالله توصلين للنقطه المحدده بس حطي ف بالج تركيز + صبر + تغذيه ممتازه وراحه والامور ميه ميه

بالتوفيق

انشالله بدعواتكم:) ومشكور أخوي