مكملاتي الجديدة ::super amino4500+xpand +super mass gainer

[منادة الليل]

بسم الله الرحمن الرحيم

السلام عليكم ورحمة الله وبركاته

كيف حالكم اخواني عساكم طيبين

لكم وحشة ..شوي فترة مرض والحمدلله

وهذه مكملاتي الجديدة الي ابي اشاوركم فيها ...

super mass gainer
1280 calories
52g sustained relese protein
252g carbs
http://www.supplementcity.com.au/shop/images/dymsupermassgain.gif

super amino 4500mg
500caplets

xpand
xtreme pump



كلهم من شركة dymatize

http://dymatize.com/index.html

:) طرحي للموضوع هو لاخذ فكرتكم بالي خذيتهم هل اختياري ممتاز ...



طريقة الاستخدام

super mass gainer سكوبين في الصباح وسكوبين بعد التمرين مباشر
super amino 12 حبة باليوم +4 في الصباح 4 قبل التمرين 4 بعد التمرين
xpand سكوب قبل التمرين بنصف ساعه

الطول :169
الوزن السابق :59
الوزن الحالي:63
الهدف ضخامة طبعاً
:) ودمتم في حفظ الله

[آبو رآشـد]

ما تشوف شر ان شاء الله

بالنسبة للسوبر ماس قينر تقريبا نفس السيرياس ماس بالمكونات والسيرفينق والكارب والبروتين لاكنة اكثر من السيرياس ماس ب2 غرام بروتين

الفرق بشكل عام هو اسم الشركة فقط

الديمتايز اشتهرت بالامينو الي هو 4800 انا حاليا استخدمة

لكن بجرعتين فقط يعني 8 حبات يوميا يكفي احماض امينية منتج البروتين اصلا فية احماض

والاكس باند استخدامك مظبوط

بالتوفيق ان شاء الله

[منادة الليل]

هلا اخوي بوراشد

نورت نورت يالغالي حيالله

كيف حالك عساك بخير يالغالي

صحيح ..

وايضاً اسمح لي مابي افتح موضوع ثاني على حساب استفسار بسيط

الحين تطورت في رفع الاوزان وانا جدولي الي امشي عليه هو الجدول الي في توقيعي والحمدلله نتايج مرضيه ...

والحين تطورت ارفع

للصدر 50 كيلو ليش باوند

الباي : بار وانا واقف العب 40 كيلو +دمبلز الواحد 20 كيلو

التراي : 50 كيلو على الكرسي والدمبلز 20 كيلو

الظهر : 40 كيلو كل التمارين
الترابز والشولدر 40 كيلو كل التمارين
والارجل العبها مثل الاوزان لاني العب تمارين الفخذ بالبار والدمبلز :) بالاضافة الى الجريم مرتين بالسببوع مسافة 3 كيلو ونصف.
فما رائيك الاوزان الي وصلت لها ممتازه يالغالي....!!

وخذيت لي حزام للظهر لانه احس وزن الــ40 كيلو لما العب حق الباي والظهر احس انه احتاج الحزام فخذيت لي

وبارك الله فيك ما قصرت في متابعة الموضوع
وفي انتظار ردك :)

[آبو رآشـد]

لا مشاء الله ممتاز جدا وتقدم اكثر من ممتاز

بداياً اهتم انك قبل لا تدرب انك تكون ماكل صح علشان تستفيد من الاوزان الي ترفعها وتذكر انك تاكل 139 غرام بروتين في اليوم علشان جسمك يستفيد منة وتكبر معاك العضلة

بالنسبة للبار المستوي للباي حاول تتكي على الجدار بظهرك وتتتمرن علشان ما تلعب على نفسك وترفع الوزن بظهرك مو في الباي حقك وبالتوفيق ان ان شاءالله يا وحش

[lee mehdi]

بس انا عندي ملاحضة على السوبر جينر الي اشتريته , اضن اخي ان وزنك جيد و لا تحتاج لنسبة كاربوهيدرات جد عالية الافضل انك تركز على البروتينات مثل نتج gold standard 100% , هدا فيه السكوب 32 غرام منها 24 غرام واي بروتين معزول و 5 غرام احماض امينية
او منتج ellite او منج myofusion
بالتوفيق

[ولد ابوظبي]

السـلام عليكمـ .. يابطل
ماشاء الله عليك يا منادة الليل زدت 4 كيلو .. أنا في شهر زدت كيلو واحد كنت 60 وصرت 61

انا الحينه أفكر في كورس يديد وتحصلني ألف في المنتدى وأشوف عن شو الأعضاء مركزين وشو الأحسن .. :)
وان شاء الله راح أكتب موضوع يديد وأشاور الأعضاء في اللي أفكر فيه

بالتوفيق.. ولد بوظبي

[منادة الليل]

هلا اخوي لي

.....يالغالي هذا الوزن الي وصلت له الحمدلله اول الله ومن بعده نصايح الاعضاء وجدول اخونا بوراشد البطل والعزيمة والهمة حصلت على وزن عضل والحمدلله ....

بالعكس انا بحاجة للكربوهيدرات لاني بحاجه لضخامة يعني على الاقل اوصل الى وزن 75 باذن الله ومن بعدها اشتغل على الواي والامور الي فيها قليل الفات.....

والحمدلله انا مو معتمد فقط على المكملات ... معتمد على تطوير نفسي برفع اوزان ثقيلة بحيث ان اكسب منها وزن عضلي ....

وتسلم لي على طلتك وملاحظتك المفيده الي احتاج لها مستقبلاً باذن الله ...

هلا اخوي ولد بوظبي

صدقني والله شد حيلك وانا بسهل عليك مشوار المداور هذا يالغالي

1- اتبع جدول بوراشد الي فادني في شهر ورب يشهد والله ....
السيرس ماس وانصحك بالشوكولاته افضل طعم وممتاز .....+الانيمل بامب الي اشهد له بقوة .....

وباذن الله تحقق وكيلو ممتاز يالغالي ولا تيأس ابد ...:)

[منادة الليل]

ويالغالي اخوي بوراشد بارك الله فيك

انا في اول جلسة للباي بالبار ما اضغط على الظهر اما الجلسة الثانية في التكرار الخامس صراحه استخدم ظهري وصحيح كلامك وراح باذن الله اتبع كلامك بدقة

وربي يحفظك يالغالي دايم مفيد وربي يشهد اني ما انسى تعاونك ومساعداتك

:) الله يوفقك يارب

[AmiTy Ville]

ماقصرو الاخوان جزاهم الله خير

نقطه بسيطه بس اخوي ابتعد عن الجري لانك مو بحاجته ابدا بالعكس بينزل من وزنك تدريجيا خصوصا انك تبحث عن الضخامه

بالتوفيق

[toto jeddah]

^^

لا ,, خليه يجري ع الكارديو عشان يحرك الدورة الدموية و الرئتين وينظم ضربات القلب ويفلتر الشرايين ويخفف الكوليسترول ,, بس مو دايما وخليها 20 د ويفضل يوم تمرين الافخاذ ,,

وياليت تآكل مكسرات مقدار قبضة يد أو فنجال قهوة ( الفصفص ) ,,
ويعجبني فيك حماااسك وبالتوفيق

[منادة الليل]

هلا اخوي اميتي

صحيح كلامك انا ماشي على جدول تضخيم

ولكن عندي احساس اني مقصر شوي في تمارين البطن والفخذ علشان جذي انا في السبوع اطلع يومين جري
طبعا اطلع يوم الي العب بطن وبعدها بيوم وقت اطلع بعد مرة ..وتسلم لي يالغالي

هلا اخوي توتو ...

ان شاء الله يالغالي .... وربي يحفظك ويخليك

واشكركم على تواجدكم ومساعداتكم الي دايم تجي بوقتها .... :)

[speed 4 ever]

وعليكم السلام ورحمة الله وبركاته
سلامات ما تشوف شر ,على اجر ان شاء الله
وبعدين فقدناك الصراحه

[speed 4 ever]

موفق ببرنامجك الجديد يا رب
اهم شئ الحماس والنفسيه تكون صح

[منادة الليل]

هلا اخوي سبيد

الله يسلمك يالغالي والشر ما يجيك

الله يوفق الجميع يارب وتسلم لي على اهتمامك الجميل :)

[آبو رآشـد]

ممتاز جدا ومثل ما قال لك توتو الجري مهم جدا لكن لمرة وحدة في الاسبوع علشان معدل السكر ومعدل الكوليسترول والدورة الدموية

[منادة الليل]

هلا فيك استاذنا بو راشد مره اخرى
نورت الموضوع يالغالي

ان شاء الله :) راح اتبع الي وصيتوني عليه :)

الله يحفظكم

[ولد ابوظبي]

الله يوفقك .. يالغــالي ..

والشباب ماقصروا معاك ..

ربي يحفظك

[منادة الليل]

اجمعين يارب

اي والله ماقصرو بارك الله فيهم :)

ويخليك ياخوي ولد ابوظبي

[harrypotterqi]

السلام عليكم ورحمة الله وبركاته

اخوان اريد تفيدوني
صارلي سنة امارس لعبة بناء الاجسام ووزني 88 كغم وطولي 181سم

بس في مشكلة :02:

لما مشيت على التضخيم صار عندي تحسن بس على حساب زيادة في الشحوم وماقدرت اتخلص منها الا مشيت على جدول ريجيم قاسي واتخلصت من الوزن الزائد بس كان هذا على حساب الضخامة نزل جسمي بشكل ملحوظ وكنت استخدم النترو بس ما استفاديت منه بسبب الريجيم

والحين اريد ضخامة وبنفس الوقت ما اريد زيادة بالوزن وخاصة منطقة البطن

نصحني احد الاشخاص اللي يمارس بناء الاجسام من سنين باستخدام النترو
ويقول ان النترو يساعد على تشتيت الشحوم في الجسم ويساعد على بناء كتلة عضلية بس مع برنامج غذائي معتدل

فارجو ان تساعدوني اخوان
وبارك الله فيكم
وشكرا .......... :)

[Shik0m]

حياك الله اخوي الغالي منادة ..

طريقة اخذ البروتين اتمنى منا تغفل شي مهم جداً .. دراسات كثيره اثبتت ان الجسم ما يمتص الا 60 غرام في الساعه وبعضها يقلل ها لـ 50 .. والباقي يذهب بدون فائدة .. فالإسكوبين اللي في الصباح لو كانت قبلها او بعدها وجبة فطور مليئة بالبروتين يعني انت قاعد تهدر كمية من البروتين .. والا الباقي انت معلم ونتعلم منك .. لكن هذا ما قرأته وحبيت اشاركك المعلومه

[مشروع بطل]

مناداة

موفق في اختياراتك... وعقبال ما نشوف النتائج عليك يا وحش...

تقبل مروري

[آبو رآشـد]

حبيبي الرجال خلص من الكورس وبدا في كورس ثاني :)

راجع تاريخ الموضوع

[منادة الليل]

ماشاءالله رافع الموضوع كانك حافر قبر هههههههههههه

الله يوفق الجميع يالغالي

[rock hard]

السلام عليكم ... يا اخي انا اخدت نفس البروتين الي عند توا .. سوبر ماس قينر .... و اريد ان استفسر هل يمكن ان اخد super pump250
و اريد ان اعرف شو ممكن اخد معه ... و طبعا اريد الضخامه يا شباب

[THE CAST]

افتح موضوع خاص

تحياتي

[Meshalona]

اخوي انا داخل اقولك الحمدلله ع السلامه وماتشوف شر والله يدوم لك الصحه .. أجمعين

ويعجبني حماسك وثقتك بنفسك .. اللهم لاحسد

بالتوفيق :)