خمول عند شرب البروتين ( قبل ) التمرين ..!؟

[BrOtHeRsY]

السلام عليكم ،،



كباتن ، انا استخدم بروتين Pro Complex Gainer و طريقه استخدامي له مع حليب خالي الدسم سكوب بعد الفطور وقبل التمرين وبعد التمرين ..


------------------------------------------------------------------------------------------------------------------------------------


السؤآل الي يطرح نفسه :



1-احس بخمول لما اخذ البروتين قبل التمرين وهل انا مجبور !، مع العلم ان لازم اخذ كرياتين قبل النادي بنص ساعه فـ احس اني اروح متفوخ وما فيني العب ..




2-وقريت بالمنتدى ان يفضل اخذ البروتين مع ماء بعد النادي لسرعه الامتصاص صحيح هالكلام ، وتأثيره اقوى من ان يكون مع الحليب ؟


------------------------------------------------------------------------------------------------------------------------------------



- واذا عندكم اي نصايح اكون شاكرلكم..

[آبو رآشـد]

كم وزنك ومتى تاخذة قبل التمرين

[BrOtHeRsY]

اشكرك على الرد السريع :
العمر 21 الطول 172 الوزن 68 و اخذه قبل النادي بساعه او ساعه ونص

[آبو رآشـد]

هذا شي طبيعي نظرا لوزنك القليل

تحس انك بطنك مليان مرة ولا تقدر تاخذ البروتين بعد التمرين

تاكد انك تاخذ فقط (165g) ولا تخلطة مع ماء كثير لانك اصلاُ في النادي تشرب ماء كثير بسبة الكرياتين

فتحس بطنك خلاص بينفجر

تقدر تبكر في البروتين بوقت اكثر وناس كثير تسوي كذا وتقدر تغير الجرعة الى قبل النوم حلو كذا لكن اذا سويت كذا لازم تاكل حلو قبل ما تروح النادي

بالتوفيق

[BrOtHeRsY]

عـساك عالقوه بو راشد والحل نفس ما قلت اني اخذه قبل فتره من التمرين ، بس ما عرفت الجواب على السؤال الثاني وشاركلك التواصل السريع .. :)

[آبو رآشـد]

اذا اخذتة مع ماء يكون امتصاصة اسرع وهذا يفضل بعد التمرين مباشرة
واذا اخذتة مع حليب يكون البروتين والكالوري اكثر لكن يفضل الصبح او قبل النوم علشان يغذي العضلة باستمرار

لكن بعد التمرين الجسم يكون متعكش ومحتاج البروتين والمغذيات فلازم تاخذة مع ماء

بالتوفيق

[BrOtHeRsY]

يزاك الله خير اخوي على هالشرح وعساك سالم :)

[mashkaljey]

بعد اذن اخوي بو راشد مداخله بسيطه

------------------------------------------------------------------------------------------------------------------------------------


السؤآل الي يطرح نفسه :



1-احس بخمول لما اخذ البروتين قبل التمرين وهل انا مجبور !، مع العلم ان لازم اخذ كرياتين قبل النادي بنص ساعه فـ احس اني اروح متفوخ وما فيني العب ..

وليش ما تاخذه بعد التمرين يا غالي افضل لك ؟


2-وقريت بالمنتدى ان يفضل اخذ البروتين مع ماء بعد النادي لسرعه الامتصاص صحيح هالكلام ، وتأثيره اقوى من ان يكون مع الحليب ؟

شوف انت هني عجبتني تقول بعد النادي طيب وليش اخذته من الاول قبل ؟ اكيد بيضايقك هالشي خلك قبل النادي كرياتين او حبوب طاقه مثل النانو فقط لانها خفيفه وما تغثك واحمد ربك مارجعت وخاصه بتمارين الظهر السحب تغثك حيل والله يوفقك

[BrOtHeRsY]

بعد اذن اخوي بو راشد مداخله بسيطه


------------------------------------------------------------------------------------------------------------------------------------



السؤآل الي يطرح نفسه :



1-احس بخمول لما اخذ البروتين قبل التمرين وهل انا مجبور !، مع العلم ان لازم اخذ كرياتين قبل النادي بنص ساعه فـ احس اني اروح متفوخ وما فيني العب ..


وليش ما تاخذه بعد التمرين يا غالي افضل لك ؟


2-وقريت بالمنتدى ان يفضل اخذ البروتين مع ماء بعد النادي لسرعه الامتصاص صحيح هالكلام ، وتأثيره اقوى من ان يكون مع الحليب ؟


شوف انت هني عجبتني تقول بعد النادي طيب وليش اخذته من الاول قبل ؟ اكيد بيضايقك هالشي خلك قبل النادي كرياتين او حبوب طاقه مثل النانو فقط لانها خفيفه وما تغثك واحمد ربك مارجعت وخاصه بتمارين الظهر السحب تغثك حيل والله يوفقك




هلا والله باهالطلله :) حيآك الله مشكلجي بس ابيك تأكدلي :
يعني الجسم ما يحتاج البروتين قبل النادي كثر ما يحتاجه بعد ..!؟
انزين واذا ما قدرت اخذه الصبح اقدر اخذه بس بعد النادي وقبل النوم ؟

[mashkaljey]

شوف احتياج لاعب كمال الاجسام طوال الاربع وعشرين ساعه كمية معينه من البروتين ولا اقصد يفرق قبل وبعد لكن بما انك بالاساس بذلت مجهود فانت تحتاج تغذي العضل وافضل وقت هو بعد التمارين ولا تنسا بعض المنتجات يوصى بها بعد او قبل النادي على حسب المحتوى والبروتين لم يحددو وقت معين له ولكن بما انك تستخدم منتج به ماء قبل النادي ابتعد عن اضافه منتج اخر به ماء ايظا حتى لا تمتلا المعده وتحس بالخمول والارهاق ويمكن تحس بالملل وانت تلعب لان معدتك ملينه ماء وبروتين

عن نفسي استخدمه الصبح وبعد النادي وقبل النوم

[آبو رآشـد]

وليش ما تاخذه بعد التمرين يا غالي افضل لك ؟

هو ذكر في الموضوع انة ياخذ البرتين بعد التمرين

قلت لة انة لو ياخذة قبل النوم يكون حلو لكن يكون مأكل صح قبل لا يروح النادي عشان الطاقة

[mashkaljey]

ايه ما انتبهت يا بو راشد اتصدق والله !!

انت يا الغالي تاخذه قبل وبعد شي زين والله لكن لو تخليها بعد النادي وقبل النوم مثل ما قال بوراشد افضل

على فكرة انا كنت مثلك في الاول وخاصه المنتجات اللي فيها كرياتين مثل النيتروتك كنت اخذه قبل وبعد النادي لكن بطلت هالعاده لاني كنت احس بالغثه وانا العب غير ان حلقي ينشف وماغير اشرب هالماء الين يطيح حضي :)

[ولد ابوظبي]

ههههه ضحكتني يامشكلجي .. عالعموم بالتوووفيق ياخويه .. واتمنى الشباب ساعدووك ووضحولك الفكره

[mashkaljey]

دوم يا الغالي :)

[BrOtHeRsY]

شاكرلكم هالتعاون بالردود والله يعطيكم دوام الصحه والعافيه..:)

[toto jeddah]

الكلام سليم لأبو ابراهيم ,, وماقصر الوحش ابوراشد ,,

انا ضد فكرة البروتين قبل التمرين ,, اش الفايدة ؟؟؟
لا طاقة ولا هم يحزنون !!

الطاقة في الكاربوهيدرات مثل الرز والشوفان والمعكرونة وخاصة اذا مسلوقة ,,
والطاقة كمان موجودة في الكرياتين اللي هو المفروض تآخدو قبل التمرين بـ 45 د ,,

صدقني , انتا ضيعت ع نفسك اسكوب لما اخدت بروتين قبل التمرين ,,

خلي البروتين بعد النوم وبعد التمرين مباشرة , وقبل النوم ,,,,,,,
بالتوفيق