المساعد الشخصي الرقمي

مشاهدة النسخة كاملة : استفسار من الابطال عن البروكمبلكس


professional8
22-02-2010, 07:06 AM
اخواني انا اخذت البروكمبلكس العادي .. واستخدامي ليه .. هو نصف سكوب مع
ربع لتر ماء قبل الفطور .. و قبل التمرين سكوب مع نصف لتر ماء .
وبعد التمرين نصف سكوب مع ربع لتر ماء .. وقبل النوم نصف سكوب مع ربع لتر ماء

المجموع اثنين و نصف سكوب في اليوم مع واحد و ربع لتر ماء .
الطول 173 و الوزن 84 اريد جسم عضلي مثالي من دون دهون .
طبعا استخدم للايبو 6 قبل الفطور و قبل الغداء .

هل طريقتي في استخدام جرعات البروكمبلكس صحيحه ام لا و ما هي نصائحكم .
مع العلم اني لا ابحث عن زيادة الوزن ابحث عن جسم عضلي جميل .
شكري لكم
mashkaljey
22-02-2010, 07:30 AM
هلا بك اخوي ما ادري ليش ما انتبهت لموضوعك السابق والي كان عنوانه مخالف لقوانين القسم يمكن سهيت لكن هذا ما يمنع انك تراجع انت قوانين القسم وتعرف انه يمنع كتابه هالعنوانين اللي ماتدل على محتوى الموضوع وراح يتم التعديل هالمره فقط للموضوعين نتمنا التقيد

بالنسبة للجرعة ما ادري ليش انت تاخذ نص بنص ؟ اخوي الجرعه سكوب لا تقل عن سكوب الى سكوبين من مرتين الى 3 مرات باليوم حاول انك تخليها بهالطريقه في الصباح وبعد التمرين وقبل النوم تبي سكوب او سكوبين انت تشوف جسمك يحتاج شنو وبما ان ما صارلك شهرين اقول خلك على السكوب

بالنسبة اذا انت تبي تخسس وبعدين تزيد وزن فهذا افضل من انك تاخذ ليبو 6 وتبي تلعب حديد وتاخذ منتج بروكمبلكس

فالحين انت ركزلي على شي اما انك تخسس وبعدين لا فقدت الدهون تبدا تلعب او انك تلعب وتستخدم الليبو وهذا بيخليك شوي شوي تصعد عضل مو بالسرعه المطلوبه ويعني بالكثير يبيلك 3 اشهر حتى تشوف الفرق طبعا مع جدول وتغذيه صح لان انا مثل ما فهمت من موضوعك السابق تقول لاتنام عدل وتخبص بالاكل وهالكلام ما يمشي مع اي رياضه فما بالك بالحديد ؟

موفق خير
professional8
22-02-2010, 07:44 AM
مشكلجي روح ح ح ح ح ح ح ح ح الله يوفقك ..
بس يا غالي .. هل الليبو 6 له تاثير على بروز حجم العضلات ..
و يا بطل با النسبه لجرعة البرو كمبلكس كم اخذ مع السكوب لتر ماء ..
وربي يوفقك
mashkaljey
22-02-2010, 08:09 AM
الليبو ما ياثر على بروز العضل لكن ينشف الدهون بالجسم وهذا يساعد على اظهار شكل العضل اكثر لكن ما يساعد على كبر الحجم يعني عادي ان يظهرحجم عضلك صغير لكن واضح

وبالبروكمبلكس كوب من الماء من 150 مل الى 250 مل وعادي بالنسبه للماء تقدر براحتك تخليها ربع لتر نص لتر اهم شي تشرب البروتين بالكامل وتكثر ماء باليوم بشكل عام لا يقل عن 2 الى 3 لتر

بالنسبة للبروكمبكلس طعمه جدا رائع ما يغثك مع الماء بعكس باقي المنتجات

وموفق خير
professional8
22-02-2010, 04:09 PM
يا سيد .. مشكلجي تشكراتي لك .. لدي سؤال يا بطال.. لما اتدرب عشان ازيد حجم العضلة .. سمعت ان التكرار يزيد من حجمها هل هذا صحيح ..
واذا كان خطأ كيف ازود حجمها ..وكم جلسه للعضله باليوم ..( كم نوع من التمارين للعضله)
آبو رآشـد
22-02-2010, 04:37 PM
لا اخوي التكرار للي يبي يحرق الدهون او يكسب قوة التضخيم يكون بتكرارات عالية ثم نزولا

والتكرار يكون للعضلة هكذا 12/10/8/6

بالتوفيق
professional8
22-02-2010, 06:47 PM
ابو راشد شكرا على ردك .. ما تواخذني يعني بالجلسه الواحدة اسوي اربع تمارين اي 12 /10 / 8 /6
عشان ازيد العضلات.. تحياتي
آبو رآشـد
22-02-2010, 06:50 PM
لا

مثلا عندك اربع جلسات

الجلسة الاولى 12
الجلسة الثانية 10
الجلسة الثالث 8
الجلسة الرابعة 6

بالتوفيق
professional8
22-02-2010, 07:00 PM
الله يرفع قدرك ربي معك الله يوفقك
speed 4 ever
22-02-2010, 07:25 PM
سكوبين في الشيكر مع 300 مل او(10 اونصه) ماء وخضه زين واشربه

طعمة فله يا شيخ ومنعش بعد التمرين .. هذا استخدامي له الصبح بعد الفطور بساعتين وبعد التمرين
professional8
25-02-2010, 04:37 PM
الله ينعش حياتكم .. وخص يا سبيد فور ايفر
بوحميد الكبير
25-02-2010, 04:46 PM
اما طعمه حلو فهاذا كثرولي منها شباب ههههههههه
اوسخ طعم في حياتي تحس كانك شارب سكر مب بروتين

انا حقي كاكاو