المساعد الشخصي الرقمي

مشاهدة النسخة كاملة : مساعده ترهل بالصدر


7AB
26-02-2010, 12:49 AM
السلام عليكم

صراحه اعاني من ترهل الصدر صدري مثل صدر المره اشوي والبس ( سنتيانه ) وش اسوي يااهل الخير .

اخذها من قاصرها واسوي عملية ولا عندكم الي يشيلهم لو مع الوقت لو سنه قدام انا انسان صبور

افيدونا يااخوان الي عنده نصيحه او تمارين معينه لها المنطقه يفيدنا


والله يوفقكم ويحفظكم
ESKOBAR
26-02-2010, 01:04 AM
الله يعينك اخوي

انا انصحك تدخل دايت صحي وتبعد عن الدهون بشكل كبير والاكل ذو السعرات الحرارية زي الارز والمكرونة والبطاطس

اشترك بنظام دايت صحي + وخذلك حارق دهون من المنتجات ليبو سكس

واستمر على الكارديو والتمارين الهوائية وانشاء الله تشوف تحسن خلال اقل من سنة باذن الله

بس اشتر ااراده قبل كل شئ عشان تشوف لانه مافية شئ مستحيل
آبو رآشـد
26-02-2010, 03:40 AM
ما قصر الذيب معاك كفو ووفا

لكن عطني طولك ووزنك علشان تكون الصورة اوضح
alakrab
26-02-2010, 04:09 AM
طيب انت ماقلت لنا انت تتمرن ولا لا
من كلامك واضح انك ماتتمرن
عموما الصدر عند الرجل عضله
يعني ان شاء الله مع الصبر والتمارين الصحيحه
تقدر تخليه يصير على كيفك
دورلك نادي حديد فيه مدرب يفهم
وقوله ابي اشد صدري
وهو بيسويلك جدول يناسبك ويعلمك وش التمارين اللي تحتاجها
ومع الصبر ان شاء الله بتحقق احلا نتيجه
منادة الليل
26-02-2010, 06:03 AM
هلا اخوي

لابد بما انك طرحت موضوعك هنا اكيد الشباب كلهم ان شاء الله بيفيدونك ولكن ياريت تذكر وزنك وطولك علشان يكون بمقدور الاعضاء مساعدتك بشكل افضل حتى يعطونك المناسب لك ....

وبما انك قلت



اخذها من قاصرها واسوي عملية ولا عندكم الي يشيلهم لو مع الوقت لو سنه قدام انا انسان صبور


تعجبني والله انك راح تكون صبور لانه الموضوع كله صبر واجتهاد لفترة قصيرة وان شاء الله ترضى على نفسك

ولكن اذكر وزنك وطولك علشان نقدر نقدم لك مبتغاك
professional8
26-02-2010, 09:34 AM
يا غالي .. طبعا هذا رأيي .. هل الصدر طبيعي ام غير طبيعي .. يعني ترهل فقط ام لا .. يجب تزور طبيب متخصص حتى يبين لك هل يوجد اشكاليه في نظامك الغذائي ..... اذا كانت التحاليل طبيعيه ..
فعليك بشد الصدر .. عن طريق تمارين الصدر المنسقه .. وربي معاك خليك بطل يا بطل
mashkaljey
26-02-2010, 09:39 AM
تم تعديل العنوان ( عمر صدر الرجل ما كان صدر مرأه )
7AB
26-02-2010, 10:00 AM
الله يجزاكم الخير ويفتح عليكم

مشكورين على كلامكم الي يرفع المعنويه ويشد العزيمه ولا هو غريب على اعضاء هاالمنتدى
من زمان وانا من فتره وفتره اتصفح هاالمنتدى واحصل اغلب المشاركات ماتخلو من كلمة الصبر .وهاالكلمه مادونة من فراغ.

انا انسان أكوول نفسي مفتوحه لكل شئ مشكلتي اني اكل لين مايطلع الاكل من خشمي
مافي حميه مافي عزيمه
عن التمارين جلسة شهر كامل وانا دراجه وحديد في تغيررات بس العزيمه آه منهاا

وصراحه ماحولي نادي لآني بمنطقه نائيه ( قرية) ظروف عمل.

سلمكم الله طولي 176 ووزني 120

وعن الليبو 6 بستخدم بذرة الكتان وانشاءالله تجيب نتيجه قريت في اكثر من منتدى انها تحرق الدهون

لو تكرمتم يا اخوان
من عنده فكرة عن تمارين تحرق الدهون الي بالصدر يدونهاا ؛ والشكر موصول له
ولجميع من دون نصيحه وتوجيه

الله يوفقكم ويحفظكم

وتسلم يا مشكلجي ع العنوان الجديد
تغير العنوان بحد ذاته يعطي عزيمه
mashkaljey
26-02-2010, 10:16 AM
انت وزنك يا اخوي جدا عالي مقارب لوزن اخونا توتو جده بالسابق لو تراجع موضوعه عن الليبو 6 بتستفيد منه اكثر

وانا اقولك لا تفكر بالحديد او المنتجات الاخرى ولا بأس بالحوارق لكن انتبه لازم تتاكد من خلوك من الامراض والضغط والسكر والقلب

وعليك على الاقل يوميا تلعب تمارين حرق لا تقل عن ساعه وتنظم اكلك لان الاكل هو الاساس في هالعملية

وموفق خير
7AB
26-02-2010, 10:31 AM
تسلم يا الذيب

كلام ومنطوق يازينه بس العزيمه ياخوي لك عليهاا ؛ الدب دايما عزيمته موخره

من الليله انشاءالله ببدا بالتمارين الخاصه بحرق الدهون وببحث عنها بالمنتدى


الله يوفقك تسلم على التوجيه