المساعد الشخصي الرقمي

مشاهدة النسخة كاملة : ابي افصل جسمي يعني ابني عضلات معقوله


Mr.FoFe
02-03-2010, 10:04 AM
السلام عليكم ورحمة الله وبركاته

بالصدفه دخلت هالمنتدى والحمد لله انها كانت صدفه لاني ماكنت اعرف انه في مثل هالمواضيع
وانا مقبل على دخول صالة حديد وبصراحه فريت مواضيع منتدى اللياقه البدنية وكمال الاجسام
في مواضيع تخــوف :( وفي مواضيع ومصطلحات مافهمتها بصراحه :bigeyes: وجاني صداع منها

بإختصار انا مالي بالرياضة بتاتا البته عشان كذا ماني فاهم مصطلحاتكم وابي مساعدتكم
انا طولي 178 ووزني 62 وعمري 22 يعني نحيف ويسموني اصعوه :cray: ابي افصل جسمي يعني ابني عضلات معقوله
وبصراحه بدخل صالة والصالة غاليه تقريبا 4400 ريال لسنه بس عجبتني لانها بفندق ومافيها زحمه وانا إنطوئي ولا احب الزحمه والقرقه :o
ابي نصايحكم وتوجيهاتكم
شنو التمارين اللي أسويها للتفصيل الجسم وشد الجسم
كم شهر أحتاج حتى اصل للي ابيه
وش الطريقه اللي علي اتباعها
هل أقدر ازيد وزني

ياليت اللي بيجاوبني يكون رده بمصطلحات بسيطه يعني اقدر أفهمها :أفكر:

وجزاكم الله خير والله يوفقكم دنيا واخره


دورت صور للجسم اللي ابيه ومالقيت الا هذي


http://farm1.static.flickr.com/231/535555824_c2ed99bb38.jpg
mashkaljey
02-03-2010, 11:14 AM
اهلا بك اخي الكريم لو تراجع قوانين القسم قبل كتابه اي موضوع يكون افضل عندك خطأ بالعنوان سيتم تداركه لاول مره فقط لان سياستنا تمنع تكرار المخالفه

بالنسبه للصورة اخوي هذا ماهو جسم رياضي بارك الله فيك وينه وين الرياضه هذا يعني انت جسمك الحين ابد ما فيه ولا عضل خفيف لان اللي بالصورة جسمه ماهو جسم لاعب كمال اجسام بل موديل لعرض الجينز اعتقد

على كل حال اخذ لك لفه على مواضيع القسم المميزه وبتشوف اللي تحتاجه لان فيه تمارين وشنو تاكل وشنو يومك يكون والنصائح قبل ما تدخل النادي وانت بالنادي وبعد النادي

لان اسالتك عامه ماهي بشي معين ما نقدر نكتب كل شي ولا ما راح نخلص اليوم كله

وحياك ربي
Mr.FoFe
02-03-2010, 12:19 PM
اسف على المخالفه بس انا دخلت قوانين القسم وما شفت اني كاتب غلط

واذا على الصورة انساها سؤالي نفس الاسئله

شنو التمارين اللي أسويها للتفصيل الجسم وشد الجسم
كم شهر أحتاج حتى اصل للي ابيه
وش الطريقه اللي علي اتباعها
هل أقدر ازيد وزني
Mr.FoFe
02-03-2010, 12:53 PM
يعني باختصار لو بس ؤوس أقلام
منادة الليل
02-03-2010, 01:12 PM
هلا اخوي

ماقصرت مراقبنا الغالي

والكلام سليم ياخوي

ومافي شي اسمه تمارين معينة او تمارين اساسية ... انت لحد الان حتى ما سجلت بالصالة او الاصح للحين ما حركت جزء من عضلات جسمك ... رياضة كمال الاجسام مشوار وصبر والتزام مافيه شي اسمه اساسي ومعين .

وانت ماشاءالله عليك معدوم من الفات 178+62 .... يعني انت الحمدلله ناشف ومحتاج فات حالياً حتى يزيد وزنك فنقدر نساعدك في امور مبدئية لازم واسمح لي اقول لك مغصوب انك تلتزم فيها اذا كنت تبي نتايج :)

1- التغذية الي فيها فات عالي سعرات حرارية ودهون ... وما تقل وجباتك اليومية عن 4 اربع وجبات بما انك للحين ما دخلت كمال الاجسام ... وكل وجبة تكون اقوى من الثانية ...

2- النوم السليم الي ما يقل عن 8 ساعات وشي اكيد انه تكون تنام بالليل لانه 4 ساعات من نوم الليل تساوي 12 ساعة من نوم النهار :)

3- ابتعد عن الغازات والشاي واذا كنت من المدخنين قلل التدخين لاني اعرف انها صعبة تتركها مره وحده لكن مو مستحيلة :)

4-ابداء مشوارك بالصالة واكيد بما انك بتكون مبتدا الكابتن الي هناك بيمشيك صح اول شهر ولازم تلتزم فيه وما تجي وتقول ها يعطيني بار خالي العب فيه سبوع ويعطيني دمبلز وزن 2 كيلو .... يعني في نقاط ناس كثير اول ما تدخل تفكر انه تعال وارفع 10 كيلو من اول يوم ... فيعني لا تتفهلك في الصالة وامش على كلام الكابتن طبعاً بعد ما تسجل وانت للحين ما سجلت

5-كمال الاجسام اول شهرين تكون مملة ياكثرهم الي دخلوها وطلعوها من اولها .. يعني خلك صبور ولا تستسلم اذا كنت حاط لك هدف...

6- سلامتك وهذي اتوقع هي كل ما تحتاج له حالياً

واذا في شي ناسيه ما ذكرته الوحوش بيردون عليك :)

بالتوفيق
Mr.FoFe
02-03-2010, 01:41 PM
جزااااااااااااااااااااااك الله خير حمستني بصراحه إنشاء الله من يوم السبت ببدأ مشواري في كمال الاجسام
Mr.FoFe
02-03-2010, 02:15 PM
ياليت اللي عنده معلومات اكثر يفيدني لا خلا ولا عدم منكم