المساعد الشخصي الرقمي

مشاهدة النسخة كاملة : مساعده بخصوص لبروتين


رونيك
02-03-2010, 12:58 PM
اسلاام عليكم ...


انشاء الله الكل يفهم شنو المساعده الي طالبهاا وخصوصون من المختصين في رفع الاثقال انا واحد اتمرن في البيت التمارين الي اسويهاا بوشب ضغط بطن وارفع اثقال بواسطة البار ودنبلين والوزن 50 k g وخذلين تقريبن ا4 مادري 5 سنوات وانه اتمرن لاكن ماكل ابروتين او اي شي فأتمنا من الاخوان انه ينصحوني شنو لبروتين الي لازم اخذه علشاان يظهر جسمي اكبر واحسن وانه اضعيف مب متين
albrkan2009
02-03-2010, 01:16 PM
طيب اخووي

كم وزنك
عمرك
طولك
بدك عضل صافي او عضل مع دهون
منادة الليل
02-03-2010, 01:17 PM
هلا اخوي

اولاً هلا فيك بالمنتدى

ثانيا: متاكد ياخوي 4 سنوات او 5 سنوات وللحين على وزن الــ50 كيلو؟؟؟؟؟ اذا كان اكيد فاسمح لي اقول لك شغلك فيه 90% خطأ ......

اول شي
اذكر لنا طولك ووزنك
ثاني شي اذكر لنا جدولك الي ماشي عليه
ثالث شي انت هدفك شنو من كمال الاجسام(ضخامة,تقسيم,فاتنس الخ...)

وباذن الله ما بنقصر معاك اذا كان بمقدورنا .....
رونيك
02-03-2010, 03:00 PM
مشكورين على الردود وبالنسبه حق 4 مادري 5 سنوات ارفع اثقال كانو اثقال بوزان اقل من الي اللحين ارفعهم وبالنسبه حق عمري 19 انه وبالنسبه حق الوزن وزني مادري جم بس فوق ال50 وعن الطول مادري بس مب قصير طولي زين ياشباب انه ابي عضل في اشوية ضخامه يعني ابي يبين انه ارفع اثقال من جذي ابي ابروتين ياريت احد يفيدني بالبروتين الي يناسبني وهل يفيدني او يضرني وسامحوني لانه اشوي الموضوع مافي توضيح دقيق
mashkaljey
02-03-2010, 05:52 PM
اخوي روح اقرب صيدليه وشوف طولك ووزنك هالكلام ما يمشي عندنا شنو تقولي طولي زين ووزني خمسين وشدراني انا انت نحيف ولا سمين ؟ وشتبي من مكملات فيها دهون ولا عادي مايصير هالكلام تعب نفسك شوي وروح صيدليه وعطنا الخبر الاكيد !!

ولا يهونون الشباب