استفسار عن سمارت واي smart whey

[بارجيم]

السلام عليكم ورحمه الله وبركاته

مساكم الله بالخير يا ابطال المنتدى

الله يسلمك واحد يتمرن وياي قال لي عنده بروتين مايستعمله وعطاني اياه قلت بستعمله يمكن يكفي اسبوعين ولا ثلاث
اسمه سمارت واي smart whey
علبه بيضه واسمحو لي مالقيت صوره له الا صور صغااار بحبيب الشعب قوقل
وياليت تفيدوني عنه زين ولا رديئ وعضل صافي ولا فيه فات وكيف طريقه الاستعمال
ولاهنتوا
ملاحظات. العمر 19 الطول 167 الوزن 77

[آبو رآشـد]

ان كنت تقصد هذا

http://www.saturnsupplements.com/products/powders/lg/smartwhey_l.jpg


فما فية فات والكارب 1 غرام بس والسعرات 132 ولا فية سكر وما فية احماض ولا ملتي فيتامين الا صوديوم 28mg ولا شي يعني والبروتين 32 غرام

والسيرفينق حقة سكوب واحد 35 غرام

بالتوفيق

[بارجيم]

يعني ماينفع يابوراشد اخذ لي الواي السود واالاحمر افضل ؟؟؟؟

و قال لي فيه ملعقه داخل حط نصها
واخلطه مع ماي ولا حليب ؟؟
وانا يابوراشد مابي اخذ شي ولا استفيد منه يعني يابو زيد كنك ماغزيت ؟
ياليت توجهني
ولاهنت يابوراشد

[mashkaljey]

والله جلست بحث هل لي باسم الشركة على الاقل ندخل لموقعها مباشره ؟

[mashkaljey]

ايه حصلته يا بوراشد والله انك معاي الظاهر :)

اخوي الكريم تراه مناسب لك ومنتج فوق الممتاز مافيه الا بروتين صافي ينفع لك لو تبي عضل صافي وخذ معاه ماي بس لا تشربه مع حليب

وحط السكوب كامل يا بعدهم ليش نصفه ؟

موفق خير

[آبو رآشـد]

ما قلت لا تاخذة هو حلو الصراحة وبـ 35 غرام من المكمل يعطيك 32 غرام بروتين يعني وضعك تمام

من جهة بتستفيد منة راح تستفيد وهذا يرجع للشركة لكن ينقصة امينو معة ويطلع وضعك تمام

ثلاث مرات في اليوم تاخذة وازين ما فية السيرفينق 35 غرام بس يعني ولا شي تقريبا اقل من 20% بالمية من الشيكر زد علية شوي موية واشربة

بالتوفيق يا وحش

[بارجيم]

والله ياخوي مشكلجي ماعرف اسمها بس لقيت موقع مكتوب على العلبه www.saturnsupplements.com

[بارجيم]

الله يعطيكم العافيه ياكباتن و يخليكم ذخر للمنتدى
وانا فعلا ابي عضل صافي
وان شاء الله بستخدمه
وعن الملعقه الي داخل هذا خويي قال لي نص مادري عنه واخر سؤال اقدر اخذه وقت الراحه يعين مثلا بكره جمعه
ولاهنتوا يارب

[آبو رآشـد]

رديت علية انت وانا اكتب الرد :)

وتوي انتبة انة يقول ياخذ نص السكوب لا السكوب تاخة كامل يا وحش النص سكوب حقة ولا شي ما يحتاج موية حطة في فمك وامش :)

امش مثل ما قلنا لك يا بعدي

[بارجيم]

ومن ناحيه الامينو عندي سوبر امينو 4800
والاستعمال اخذه الصبح بعد الاكل وبعد التمرين وقبل النوم ؟؟؟ وهل ينفع احطه بكاس ماي العادي واحط عليه شويه ماي واشربه

[آبو رآشـد]

اكيد تاخذة في فترة الراحة لان ايام الراحة تنمو عضلاتك

وبالنسبة للامينو شغلك ممتاز وتبي تحطة في كاس ماء و تشربة ولا تشربة مع ديزل ولا تشربة وانت تصفق ما عندك مشاكل اهم شي يصير في بطنك

[بارجيم]

ههههههههههههه مع ديزل اخاف مايتهضم
وافهم من كلامك ان عادي ويا كاس العادي والماي معاه شوي ولا واجد مايهم

طيب واخر سؤال تحملني ياكبتن ابو راشد
استعمالي صح مره بعد الفطور وبعد التمرين وقبل النوم بنص ساعه

[آبو رآشـد]

لا يشترط انك تشرب معاه ماء كثير اهم شي انك ما تكون عطشان

واستعمالك صح يا بعدي لو غلط كان نبهتك ما عليك يا وحش نسنعك حنا هنا في المنتدى

[بارجيم]

تسلم يابوراشد ويشهد الله انكم تسنعون الواحد وتخلونه مايحتاج للناس الي بالجم او المدربين الي يتفلسفون واخرتها غلط
والله يوفقك ان شاءا لله

[mashkaljey]

يا خوي بار جيم ترى في ناس تطحنه طحن وتبلع الحبوب :) سهالات يا غالي مثل ما قالك بوراشد التزم بالجرعه لا تنقصها وبراحتك تبي مع قلاص ماي او لو تبي تقصها نصين مافي اشكال اهم شي الجرعه تكون كامله

موفق خير

[آبو رآشـد]

الطحن بيأخذ وقت زي مدربنا وحنا في الصالة يمسك الامينو زي الفصفص ويحطة في فمة ويكسر ووراة بكاس ماء
بس بياخذ وقت الصراحة يبيلة واحد فاضي وعندة ضروس زي ابو ابراهيم

[mashkaljey]

هاهاهاهاهاها الله يعطيك العافية يا بو راشد خليت عندي فك اسد ماهو فك انسان :)

[بارجيم]

هههههه عساكم على القوه اسود ماشاءا لله عليكم وانا الامينو ابلع الاربع حبات مره وحده ماعندي مشاكل والبروتين شريت اليوم على فراوله وشريت شيكر والطعم مايحتاااج عجيب كانه ميلك شييك واحط معاه بعد التمرين جلوتومين واخلطه واشربه

[آبو رآشـد]

ممتاز اهم شي تستمر يا وحش :)