قررت ادخل صالة

[FEATHER]

السلام عليكم

انا وزني (ماشاء الله ) 98 وطولي 179 , يعني دب ههههههههههههههههه( وين ايام زمان وزني 68 ) وجسمي مو متناسق يعني ارداف وجوانب والبطن شوية طالعه .

المهم قررت اخش صالة علشان انقص وزني 15 كيلو او اكثر شوي وبعدين ببدأ اشد جسمي والعب حديد .

لكني خايف من المدربين يعطوني جدول اي كلام او معلومات مب صحيحه لاني قريت ان تعامل المدربين مع الجدد لك عليه , فانا ابي رايكم ونصيحتكم يا اخوان وابيكم تعطوني معلومات تنفعني اذا جيت اتناقش مع المدرب .

ماهو الوزن المناسب اللي لازم اوصل له بالنسبة لطولي علشان اقدر العب حديد , مع العلم انا ابي عضلات اليدين والصدر تكون ضخمه شوي ؟

كم راح تاخذ الفترة علشان اقدر ابني جسم متناسق او مشدود واتخلص من الجوانب والارداف (اهم شي عندي الارداف ذابحتني ) وبعد كذا ابد حديد ؟

بالنسبة للحديد , هل الاستمرار على وزن ثابت ينمي العضلات ام لازم ازيد الوزن تدريجيا ؟

التمارين السويدية , لو اعتمد عليها فقط , هل راح احصل على جسم متناسق او مقسم كما يقال ام لازم العب اثقال معاه ؟

اتمنى توضحوا لي علشان اذا رحت للصالة اعرف كيف اتخاطب ولا ابين قدامه جاهل وبعدين يستلمني انت يحتاج لك وانت يبيلك ولازم تشتري ولازم تحط . عاد انتم تعرفون الوضع اكثر مني .


وجزاكم الله خيرا على المساعدات اللي تقدمونها في هذا المنتدى

[منادة الليل]

هلا وغلا فيك يالغالي

منور منتدانا :)

واختيارك ان شاء الله لهذا المنتدى ما يخيب ضنك:)

ماشاءالله عليك عندك زيادة في وزن تقريباً 23 كيلو

ولكن ماهي مستحيلة يالغالي اهم شي خل عندك همة ولا تستسلم للموضوع :)

ماهو الوزن المناسب اللي لازم اوصل له بالنسبة لطولي علشان اقدر العب حديد , مع العلم انا ابي عضلات اليدين والصدر تكون ضخمه شوي ؟
على الاقل 75
كم راح تاخذ الفترة علشان اقدر ابني جسم متناسق او مشدود واتخلص من الجوانب والارداف (اهم شي عندي الارداف ذابحتني ) وبعد كذا ابد حديد ؟
والله يالغالي هذا راجع لك,يعني قد ما حطيت على روحك والتزمت صح بالكارديو ومشيت على الجدول بشكل صح ان شاء الله ان شاء الله من شهرين الى 3 شهور .....واذا كان معاها حارق دهون اتوقع خلال شهر ونص الى شهرين :)

بالنسبة للحديد , هل الاستمرار على وزن ثابت ينمي العضلات ام لازم ازيد الوزن تدريجيا ؟
والله يالغالي هي كل ما زدت الاوزان كبرت العضلة :) وطبعاً اللعبة هي اوزان يالغالي فحط في بالك انك دائماً تطور روحك بين فترة الى الاخرى لزيادة الوزن ......

التمارين السويدية , لو اعتمد عليها فقط , هل راح احصل على جسم متناسق او مقسم كما يقال ام لازم العب اثقال معاه ؟
والله يالغالي انت حالياً نهائياً ما تحتاج تلعب حديد فقط عليك بحرق الدهون وشد الجسم فالتمارين السويدية هي لهذا الموضوع اما حق تحصل جسم متناسق ومقسم لابد انك تلعب حديد ولكن بعد حرق الدهون والشد :)

اتمنى توضحوا لي علشان اذا رحت للصالة اعرف كيف اتخاطب ولا ابين قدامه جاهل وبعدين يستلمني انت يحتاج لك وانت يبيلك ولازم تشتري ولازم تحط . عاد انتم تعرفون الوضع اكثر مني .
والله يالغالي بخصوص هذا الموضوع انصحك تاخذ لك طلة على قسم المواضيع المميزة وبتلاقي مواضيع كثيرة للوحوش بارك الله فيهم ... وانت اذا تبي اسرع ما يكون تحرق الدهون الي في جسمك وتشده لابد انك تستخدم حارق دهون لانه الزيادة عندك تحتاج للامر هذا ولكن كم عمرك يالغالي .؟ يعني اذا اقل من 18 سنة لا تستخدم لصحتك هذا الشي ....

وتوكل على الله يالغالي وانت شوف اول شي المدرب مالك شنو يقول لك وشنو التمارين الي يعطيك اياها وحياك اذكرها هنا بموضوع جديد وان شاء الله نفيدك ...

بالتوفيق واسمح لي يمكن اكون مقصر في بعض الامور لكن الوحوش ما بيقصرون ....(^_^)