المساعد الشخصي الرقمي

مشاهدة النسخة كاملة : استفسار شخصي عن الهرمونات


legend 0f dark
07-03-2010, 02:42 PM
كتبت موضوع بعنوان " استفسار عن المحفزات و خصوصا القروث "
الظاهر إني ما عرفت أعبر فيا ريت من المشرفين أو المراقبين يقومون بحذفه

_______________________________________________


صار لي في مجال الحديد 7 شهور
و مع العلم إنه في هذه السنة أكمل الـ 18 عام

في أنواع هرمونات تكون أضرارها الجانبية بسيطة و تساعد على تقسيم الجسم بشكل سريع و سمعت إنه من أكثرها أماناً الي هو هرمون النمو ( القروث ) GH ( مثل ما قريت في المواضيع المميزة للمنتدى )

و مثل ما سمعت أعتقد لازم تاخذ معاه تسترون ( هرمون الذكورة )
هل هذا له آثار جانية غير القروث ؟

ما هي النصائح العامة الي ممكن أسمعها قبل لا آخذ هذا الهرمون ؟

من أين ممكن أحصل على هذا الهرمون و ما هي المنشطات الي تكون معاه مثل الأنسولين ؟

و ما هي تكلفة القروث بشكل عام ( بأي عملة كانت ! ) ؟

هل في أنواع أخرى من الهرمونات تكون آمنة نسبياً ؟ و نتائجها قوية ؟
الجو111د
07-03-2010, 03:00 PM
لا يوجد هرمون أمن
الشي الثاني 7 شهور تلعب وتبي هرمون حرام عليك
سنك صغير أنت بهذا السن ممنوع تستخدم بعض المكملات عاد كيف الهرمون
لاتسبب لنفسك مشكله وأنت بهذا العمر تندم عليها طول عمرك نصيحه غير تفكيرك وخذ المسأله رياضه
الجو111د
07-03-2010, 03:01 PM
لا يوجد هرمون أمن
الشي الثاني 7 شهور تلعب وتبي هرمون حرام عليك
سنك صغير أنت بهذا السن ممنوع تستخدم بعض المكملات عاد كيف الهرمون
لاتسبب لنفسك مشكله وأنت بهذا العمر تندم عليها طول عمرك نصيحه غير تفكيرك وخذ المسأله رياضه
الجو111د
07-03-2010, 03:02 PM
لا يوجد هرمون أمن
الشي الثاني 7 شهور تلعب وتبي هرمون حرام عليك
سنك صغير أنت بهذا السن ممنوع تستخدم بعض المكملات عاد كيف الهرمون
لاتسبب لنفسك مشكله وأنت بهذا العمر تندم عليها طول عمرك نصيحه غير تفكيرك وخذ المسأله رياضه
.ابوقحط.
07-03-2010, 03:06 PM
اخى العزيز لقد تكلمنا بما فيه الكفايه عن الهرمونات ولا نؤيدها نهائيا

اهون الشر والتى اخف اضرار
هى حبوب الانافار
ولا يجب ان تنضف بعد استخدامها بحدود المعقول
آبو رآشـد
07-03-2010, 08:09 PM
يا كابتن انت توك صغير في السن بتاخذ قروث بتجيك مشاكل وبتسبب لك عملقة ما تدري وش العملقة رح اقرى عنة تكلمنا لين دخنا فية

وتسترون بعد هرمون انت الحين التسترون يضخ ضخ في جسمك ووجهك ان كانت دهنية نصها حبوب من سبة التسترون وهذا دليل على وجودة بكمية كبيرة في جسمك

والحين بتاخذ هرمون ؟؟! يا عزيزي باين من كلامك انك ما عندك علم وش المحفز وش الهرمون وتفرق الهرمون من المنشط

ان كان المدرب او واحد وصاك بهذا الشي فحسبي الله ونعم الوكيل فية والله لا يوفقة لا في دنيا ولا في اخرة
حنا نلعب للكمال والصحة وانت تبي تدخل سموم في جسمك وتضر نفسك ومستقبل جسمك

لو سنك اكبر من 21 قلنا اضرارة بتكون اخف على جسمة من سنك الحالي وبنقول عقلة في راسة ويعرف خلاصة

المفيد في الموضوع اننا نبي لك الخير ونفكر لك لبعيد واعرف تمام ان اي شخص يوصيك بالهرمونات والمنشطات في هذا السن انسان جاهل ومهزوز شخصية وفاشل رياضياً

استعمل البروتينات يا عزيزي الامينو الكرياتين والامور هذي واجل فكرة الهرمونات والمنشطات الى وقت اخر

بالتوفيق والله يستر عليك
mashkaljey
08-03-2010, 08:35 AM
اخوي توك ما كملت 18 يعني حتى المكملات ما ننصحك فيها تروح تدخل بالهرمونات ؟

ما يصير هالكلام يا حبيبي والله ما يصير

استهدي بالله وانتظر لحد ما يكمل عمرك 18 عشان تاخذ مكملات وبالنسبة للمحفزات كلها لما بعد ال 21 سنه !!

السبب ان هرموناتك الان نشطه وشغاله وتعلم باحسن صورة كيف بتاخذ محفز ؟ ما بيفيدك ! والهرمونات خطره عليك بهالسن بالاضافه الى انها ما تفيدك مثل ما قالو لك الشباب

عزيزي لا تقرا فقط الفوائد وتبتعد عن المضار اقرأ ما نكتبه بصورة عامه

بالنسبة لموضوعك الاخر هو عن المحفزات اي يختلف ويترك

موفق
legend 0f dark
08-03-2010, 02:35 PM
والله مشكوريـــــــــــــــــــن و ما تقصرون

و تحية لك - بو راشد - على الكلام الحلو والله على راسي كلكم
و إنشالله نوخر عن الهرمونات




بس في سؤال لما الحين في بالي D: !!
شلون على تأثير بعض المكملات الي فيها محفزات لبعض هرمونات الجسم ؟

مثل anabolic halo
http://myamino.com/attachments/Image/Anabolic-Halo_jpg.jpg

أو
leukic

http://myamino.com/attachments/Image/leukic.jpg



كيف نتائجهم ؟
هل لهم نفس أضرار الهرمونات ؟
منادة الليل
08-03-2010, 02:52 PM
هلا اخوي

صراحة كفو ووفو الشباب ما قصرو ... واسمع النصيحة يالغالي ولا يفوتك الفوت ترى ما ينفع الصوت يالحبيب

وحالياً انت ما وصلت 18 سنة كيف تفكر في هذي الامور!!! خلك بعيد عن الهرمونات والمحفزات وحتى اكثر المكملات تتحدث عن الي اقل من 18 سنة لا يستخدم ....

وسنك على جسمك ياخذ بسرعه ويبني عضل بسرعه يعني اعتمد على التغذيه والتمارين الصحيحة وشوف بعدها ان شاء الله ادخل في المكملات


وابعد عن الشر يالغالي

بالتوفيق
mashkaljey
08-03-2010, 07:38 PM
عزيزي قريت ردي ؟ سؤالك جاوبته بشكل واضح ؟

والله اعتب على اللي يكتب موضوع وموضوعين و3 ويقول اين الردود والردود بمواضيعه !!!!!!

على كل حال اللهم اني بلغت اللهم فاشهد
legend 0f dark
08-03-2010, 09:03 PM
عزيزي قريت ردي ؟ سؤالك جاوبته بشكل واضح ؟

والله اعتب على اللي يكتب موضوع وموضوعين و3 ويقول اين الردود والردود بمواضيعه !!!!!!

على كل حال اللهم اني بلغت اللهم فاشهد


صح كلامك !!
حقك علي و الحمدالله استفدت الاستفادة الكاملة من كلام الوحوش الي اهو كلامكم إني ما آخذ شي اللهم على التمرين و التغذية السليمة
والله ما تقصرون

و إنشالله ما تكون زعلت علينا و إذا تبي تحذف الموضوع عندك ياه


تحياتي ,,,