المساعد الشخصي الرقمي

مشاهدة النسخة كاملة : سالفــــــــــــ عجيبة لا تفوتكم....يالله وياي..


العيناويــــــة
20-01-2002, 08:07 PM
أولا أرحب فيكم....و أقول يا هلا و مرحبا ابكم....أنا اليوم أبغي أقول لكم سالفة.....السالفة سلمكم الله.......بسيطة...و هي كذا.....

كانت هناك بنت.....و الله يتني تشكي لي حالها......

فقالت لي الآتي:أنا بنت عمري 15 سنة.....جيت أشاورج و اشكي لج حالي لأنج أكبر مني....و سمعت انج تعرفين الصداقة الحقيقية و عشتيها و عشتي الخيانة....فأقول لج أنه....أنا عندي صديقة......أحبها وااااااايد كنا نسوي كل شيء مع بعض...نخبر بعض كل شيء......ففي يوم انضمت إلينا وحدة ثانية بعد تمينا مع بعض و استوت علاقتنا روح بالروح....بس في يوم من الأيام.....زاكتشفت أنه هم الاثنين أصلا يكلمون شاب....و يطلعون معاه....و ناويين إذا حد شك فيهن أو حسوا فيهن بيطيحون اللوم علي و يقولون أصلا هي عرفت هذا الشاب علينا......طبعا انصدمت فقررت أني أهدهن بس الحين صرت وحيدة ماعندي حد...زو احترت في أني أختار ربيعتي......فشو أسوي؟؟؟؟؟؟؟؟؟؟؟؟؟؟؟؟و الله أنا قلت لها كم من نصيحة بس أبغي مشورتكم....ززالكل يشارك و يعطيني وجهة نظره...ترى البنت كسرت خاطرية....فالحل....

تسلمون:)
yara
20-01-2002, 11:15 PM
اولا انتي ماجوره انشا الله لانك تقولي انك نصحتيها
وانشا الله تكون نصيحتك بمحلها وانك عرفتي توجهينها زين

وانا اقول اولا الحمدلله انها ابتعدت عنهم
ثانيا المفروظ عليها تبلغ اهلها على طول وتقول لهم ان زميلاتي اللي
كنت امشي معاهم عملو كذا وكذا
عشان اهلها ما يخلونها تشعر بوحده بعد فراقها صاحباتها
وعشان يوجهونها اكثر في كيفيت اختيار صديقات المستقبل

لان على حد قولك تقولي عمرها 15 سنه

وعليها بعد ان تشغل وقتها باشيا مفيدع مثل القرآه وغيرها
المهم تحاول تشغل وقتها لان الفراغ مرظ عظال يجرها لاشباء عده


واتمنى ان الاخوات الكرام ( روائع - وامة الله - ويارا ) يشوفوا
الموظوع ويعقبو عليه
ليالي الشوق
22-01-2002, 12:42 PM
مراحب

ان أقولج الله يكون في العون
وأقول مافي حد ما مر في مثل هاي الظروف ياما أصدقاء
خانوا الربع وأنا وحده من اللي انخانوا والله يسامحهم من ربع.

والسموحه :(
zozo_2002
22-01-2002, 07:23 PM
الله يعينك الله يعينك
ولد بوظبي
23-01-2002, 10:43 AM
يا أختي العيناوية البنت لازم تهد ربيعاتها و هي بعدها صغيرة يعني تقدر تلاقي أحسن من هل البنات و إن شاء الله تحصل منهو مثلها .


ملاحظة على أبناء بلدي(نحن ننطق بالشين مب بالجيم) مثلاً نحن ما نقول أقولج لكن نقول أقولش و مثل بعد نحن ما نقل أشاورج و لج نحن نقول أشاورش و لش.

يا ريت تكتبون مثل ما تنطقون (علشان إلي ما يعرف الإماراتيين و كلامهم)


مع تحياتي ولد بوظبي;)
العيناويــــــة
28-02-2002, 01:13 PM
يا ولد بو ظبي انته هب ظبياني صح؟؟؟؟:D

هاي الشين مال الرمس في راس الخيمة و هب مال بوظبي.

و له اتنه فيك عرج خيماوي؟؟?:D


تسلم:)