المساعد الشخصي الرقمي

مشاهدة النسخة كاملة : ممكن نصيحـــــــــة؟؟؟؟


العيناويــــــة
20-01-2002, 08:13 PM
أولا أرحب فيكم....و أقول يا هلا و مرحبا ابكم....أنا اليوم أبغي أقول لكم سالفة.....السالفة سلمكم الله.......بسيطة...و هي كذا.....

كانت هناك بنت.....و الله يتني تشكي لي حالها......

فقالت لي الآتي:أنا بنت عمري 15 سنة.....جيت أشاورج و اشكي لج حالي لأنج أكبر مني....و سمعت انج تعرفين الصداقة الحقيقية و عشتيها و عشتي الخيانة....فأقول لج أنه....أنا عندي صديقة......أحبها وااااااايد كنا نسوي كل شيء مع بعض...نخبر بعض كل شيء......ففي يوم انضمت إلينا وحدة ثانية بعد تمينا مع بعض و استوت علاقتنا روح بالروح....بس في يوم من الأيام.....زاكتشفت أنه هم الاثنين أصلا يكلمون شاب....و يطلعون معاه....و ناويين إذا حد شك فيهن أو حسوا فيهن بيطيحون اللوم علي و يقولون أصلا هي عرفت هذا الشاب علينا......طبعا انصدمت فقررت أني أهدهن بس الحين صرت وحيدة ماعندي حد...زو احترت في أني أختار ربيعتي......فشو أسوي؟؟؟؟؟؟؟؟؟؟؟؟؟؟؟؟و الله أنا قلت لها كم من نصيحة بس أبغي مشورتكم....ززالكل يشارك و يعطيني وجهة نظره...ترى البنت كسرت خاطرية....فالحل....

تسلمون:)
أحلى من العقد
20-01-2002, 11:46 PM
مرحبا

مايحتاج حل00تتركهم لأنهم ما يستاهلون صحبتها,مادام بيخونونها.
يارا
21-01-2002, 02:18 AM
شوفي اختي

قولي لها تجر عليهم السيفووووووووون جر


والله بيرزقها احسن منهم
وبعدين تاخذ احتياطها منهم وتقول لاحد من اهلها تثق فيه عن القصه وتشاوره لا يورطونها وتروح فيها
sweet revenge
21-01-2002, 11:34 AM
احس لها تغيرهم...
مثلاً انا اغير ربعي كل سنة .... مب معقول يعني نفس الربع كل سنة.... التغيير زين:D :D
إماراتية و النعم
21-01-2002, 02:22 PM
و الله مشكورين على النصيحة بس أبغي أعلق عليك يا sweet revenge

يتظاهر لي أنك هب من النوع المستقر؟؟؟؟؟صح؟؟؟يعني ما عشت حياة الصداقــــة الأصيلـــــة؟؟؟و ما ترتاح لحد معين؟؟؟؟؟صح أو لا؟؟؟؟

تسلــــــــمون:D
sweet revenge
21-01-2002, 02:31 PM
خطأ...
انا عندي ربع ومافي احسن عنهم....
إماراتية و النعم
21-01-2002, 02:57 PM
و الله يا sweet revenge يا حيك و الله أنا خسرت أغلى ناس في الدنيا غير
وحدة تمت معاي....أما الباقين خونة و مهما صار مارح أتركها أبدا

سوالـــــــــــــــــــــــم:)
sweet revenge
21-01-2002, 03:04 PM
كتب العضو (نونة سفيرة جهنم)
و الله يا sweet revenge يا حيك و الله أنا خسرت أغلى ناس في الدنيا غير
وحدة تمت معاي....أما الباقين خونة و مهما صار مارح أتركها أبدا

سوالـــــــــــــــــــــــم:)

يعني انتي نفس ال super glue.... يمكن هي ما تبي ترابعج....:D :D
إماراتية و النعم
21-01-2002, 03:10 PM
منو قصدك.....البنت اللي تميت معاها و لاه اللي تركونا؟؟؟؟؟؟؟؟؟؟

و ملاحظة:أنا انسان و مب صمغ........

ســـــــــــــــــــــــوالــــــــــــــــــــــم:)
يارا
21-01-2002, 10:20 PM
نونه خليك ريللللللللااااكس
بس يبغى يثيرك شوي يمازحك تقل خفيف دم
اقبليها عاد
ومشيها
وخذي الامور ببساطه
بالعربي
مشي وكنسلي


وعلى العموم الدنيا كلها مكاسب وخساير واكبر مكسب انك تلاقي انسان يحبك بصدق واخلاص مع ان هذا مو موجود بالدنيا لانه من المستحيلات وجود الخل الوفي

تسلمين يا سوالم
sweet revenge
22-01-2002, 11:16 AM
نونه سفيرة جهنم:
انتي شفت ال face هذا يعني انا امزح معاج....
got it or not...
الأسيرة
22-01-2002, 11:53 AM
مثل ما مكتوب في العنوان أنا جديده وما أبغي أحس إني غريبة من بينكم

ممكن اتحسسوني إني صديقه إلكم.........واليوم سجلت في المنتدى... وأبغي أحس إني اخترت المنتدى الأحلى والأحسن

تسلمون..........:": :":
يارا
22-01-2002, 09:19 PM
الاسيره انت جديده؟؟ مع ان لك 24 مشاركه

بس حياك الله صديقه لنا وعضوه فعاله

والتعارف زين
محروم
22-01-2002, 10:30 PM
اسيره اول شى انتى مش جديده هنا ابد فى احد جديد على اهله على العموم حياك الله مليون

وبالنسبه للموضوع انا اشوف تغيرهم احسن
المدير العام
23-01-2002, 12:51 AM
سلام...... خذ هذ الينك الجاهز (http://quraan.com/Audio/surah50.ram) .... فشعاري دوما هو : عندي جاهزة.":" :D
ام هلال
23-01-2002, 12:59 AM
والله انا من رايي ان صح التغيير زين .. بس اذا كانت ربيعتج موب اوكي .. اما اذا كانت طيبة فهذا كلام ثاني .. والله ... تصادقين لج من هاذول البنات الطيبين اللي ما فيه منهم وايد احسن من صداقة اللعابات .. وبعدين ما بتستقيدين منهم .. على العموم هذي الدنيا احنا مو ماخذين منها شي غير العمل .. فاحسن لج تدورين على غيرهم وتحصلين لج وحدة احسن .. ولو طلعت مو اوكي لا تنصدمين .. عادي شو فيها الدنيا ما تسوى!!!


ام هلال الكشخة":"
الأسيرة
23-01-2002, 06:27 PM
مشكورين على الكلام الحلو
acer2
23-01-2002, 06:33 PM
انا قبل لا اتعرف على ربعي

كنت امارس هوايات اكثر من هوايه واحده

علشان اقضي وقت فراغي

اول شيء كنت اقرا بجنون كل شيء اقراه
واطلع ويا الاهل

لاكن يوم مليت من هذي الاشياء

قلت اكو شيء واحد ما يخلص

وموجود 24 ساعه وما تمل منه

قلت اعتبر هذا الشيء مثل صديقي

وهذا الشيء هو الانترنت

ملاحظه هذا الكلام قبل 5 سنين

فهذي هذي الطريقه التي تعرفت بها على الانترنت


وانا عمري الحين 15 ونص

يعني لما كان عمري 10 ونص

بديت على الانترنت

ولاكن الحين

ولما تعرفت على ناس نحترمين اعتز فيهم كربع

ما هديت رفيجي الانترنت

وشكرا
Lotus
23-01-2002, 07:05 PM
بسم الله الرحمن الرحيم


أختي العزيزة:


قلت أن صديقتك اعتبرت صديقاتها كأغلى أخواتها ... و لا يعقل أن يترك الأخ أخاه للشيطان يسيطر عليه و يقوده الى هاوية لا صعود منها ... و ما دامت هذه الفتاة قد أحبت أخواتها في الله ... و ما دام حبها صادقا ... فان شاء الله لن يخذلها ربها ان دعته بقلب صادق أن يهديهن ... هذا أقل ما تستطيع فعله ... و لتعتبر هذا ابتلاء من ربها ... و لتعلم أنه لا يبتلى الا المؤمن ...
العيناويــــــة
28-02-2002, 01:09 PM
أنا كلمت البنت و عطيتها رايكم.

و نصحتها بأنها تبتعد عنهم و هذا شيء هي نفذته و الحين تحس براحة شوية و لا تخافون تراني قعدت أمدحكم كلكم جدامها و قلت الحل اللي ريحج هو من ربعي في المنتدى و النعم فيهم....


تسلموووووووون:)