المساعد الشخصي الرقمي

مشاهدة النسخة كاملة : " مبتدئ في تمارين الحديد ومحتاج نصائحكم اذا سمحتم "


Mr.Hemo
13-03-2010, 06:31 PM
السلام عليكم . .

أخواني أنا مبتدئ في عالم تمارين الحديد, وماعندي الخبرة الكافيه عشان أشتغل بنفسي . . :o

ومحتاج لـنصائح الخبراء والي مشاء الله متواجدين بكثره في هالمنتدى . .

أنا السبب الرئيسي في دخولي على هالعالم هو تحسين الجسم وزيادة الوزن > > لأن وزني مايضبط مع طولي مره :(

النادي الي أنا فيه أغلبهم يعتمدون على نفسهم وكلهم مشاء الله أجسامهم فل الفل > > لذلك ماتشوف مدربين كثيرين يساعدونك, لكن هذا أقرب نادي لي وتورطت فيه

فأرجو منكم المساعده وإبداء الرأي :

- ما هو أفضل بروتين أو مكمل غذائي يفيدني في حالتي ويساعدني في زيادة الوزن بالإضافة إلى بناء العضله ( مع العلم إن عمري 18 سنه :) ) ؟!

- هل يمكن وضع جدول لي من أحد الخبراء في هالمنتدى وأمشي عليه ؟! > > أو هل يوجد موضوع في المنتدى يوضح تمارين المبتدئين وشوي شوي تتطور التمارين مع الوقت ؟! ( لأنه بصراحة أبي أحد يوجهني )

- دائماً أسمع إنه لازم الواحد يأكل 6 وجبات, لكن صراحة مايمديني أبد لأنه مافي وقت غير كذا راح أترك شغلي وأداوم في المطبخ :D > > فهل هناك مساعد أو مكمل غذائي يعوض النقص في هالنقطه ؟!

- نصائحكم إذا سمحتم, وماهي الأمور الي لازم أهتم فيها عشان أوصل للمطلوب ؟!

شاكر لكم تعاونكم, وأنتظر أرائكم !
آسير حلم
13-03-2010, 09:00 PM
بالنسبه للنادي اخوي الي انت تشوفهم معتمدين على انفسهم هذولا قديمين
بالاساس انت لازم تروح للمدرب وهو الي يعطيك برنامج حسب جسمك والي يشوفه هـو
الوضع عادي والمدربين ممكن يكونو افهم ناس بالتمارين الي عليك اسمع لتوجيهاته وطبق + خذلك معلومات كافيه بالمنتدى ممكن تفيدك .!
الـ٦ وجبات اخوي ماتكون كبيـره وهي تكون للي جالسين يعملون تضخيم ان بحالت التخسيس والشد مثلك ٤ وجبات كافيه حسب معلوماتي .. وهذا الي اقدر افيدك فيه لاني مبتدآ مثلك :)
Carrera 4s
13-03-2010, 09:02 PM
اخوي انا العب ضخامه

صدر وباي

بيطان وتراي

اكتاف ومثلثات

ريول وسواعد

طبعا التكرارت 12 10 8

بنسبه حق البروتينات ميقا ماس او سوبر جينر و امينو شراب او حبوب الي ترتاح له

تقدر تسال الشباب يفيدونك اكثر مني الله يوفقك
منادة الليل
13-03-2010, 09:15 PM
كلام اسير الحلم صحيح100% ولكن المدرب يختلف من شخص الى اخر

فيهم من يتهور ويعطيك اشياء نهائياً عكس متطلبات وفيهم الصح

انت الحين مبتدى امش على هذا الجدول على الاقل شهر

وان شاء الله جدول للتضخيم موجود لاخونا بوراشد وحتى الجدول الي ذكره اخونا Carrera 4s ممتاز

ولكن في حالة تدخل جدول ضخامة تكون تلعب اوزان كبيرة وكل جلسة تزيد وزن وتقلل التكرار مثل ما ذكر فوق

ووجباتك ما تقل عن 5 الى 6 وجبات

ومو شرط تبات في المطبخ يالغالي..... بس اهتم في تغذيتك صح حتى لو كانت 4 وجبات بس تكون الوجبة عن وجبتين وغنية بالفيتامينات والبروتينات

حالياً اول شهر لا تستخدم اي مكمل

وبعد شهر على الاقل من بروز العضل

استخدم السيرس ماس او البروكومبلكس الجينر او السوبر ماس جينر

الميغا ماس ما عاد منه امان نهائياً لكثرة المغشوش في السوق بحيث انك ما تستفيد منه

بس الله يخليك حط لنا وزنك وطولك علشان الوحوش يفيدونك اكثر
Mr.Hemo
13-03-2010, 09:38 PM
للمعلومية : أنا كنت مداوم في النادي شهر وزيادة تقريباً ( بعدها إنقطعت عنه بسبب ظروف الدراسة ), لكن كنت متخبط وأتمرن على كيفي وكان التغير في جسمي بسيط إلى حدٍ ما وغير ملحوظ, وكنت أستخدم هذا المنتج :
http://images.productserve.com/preview/1837/21593206.jpg

لكن ماكنت مداوم عليه ( ولافاد في زيادة الوزن) >> بالأحرى, كانت هذيك الفترة زي قلتها وصراحة ما أبي أعيد الغلطة مع رجعتي للنادي مره آخرى :o . . !!

طولي في حدود 170, والوزن تقريباً 50

فـ أتمنى منكم مشكوراً جدول مبدئي وكيفية التغيير وتطوير التمارين مع الوقت وما هو نوع البرويتن المناسب ؟ > > وفي نفس الوقت راح أحاول أشوف المدرب بإذن الله

في إنتظاركم . .
منادة الليل
13-03-2010, 10:18 PM
هلا اخوي

ماشاءالله عندك نقص في الوزن ما يقارب الــ16 كيلو

ولكن مقدور عليها

1- خل تغذيتك ما تقل عن 6 وجبات.. وتكون غنية بالفيتامينات والسعرات الحرارية وبالاحرى تكون فات لانك محتاج لها .
2- شوف لك احد المكملات هذي لزيادة الوزن : السيرس ماس, البروكومبلكس الجينر ,السوبر ماس جينر .احلى النكهات هي الشوكولاته .
3-امش على جدول صح ولا تلخبط مثل الماضي .
4-اعتمد على النوم الي ما يقل عن 8 ساعات

---------- وحالياً امش على جدول الي ذكره اخوي Carrera 4s افضل لك على الاقل امش عليه من شهر الى شهرين مع تغير التمارين والتنويع فيها...

مواضيع تفيدك يالغالي لو تاخذ عليها طلة بقسم المواضيع المميزة

بالتوفيق