استفسار عن التكرار ولا الجولات

[wew858]

السلام عليكم و رحمة الله و بركاته


عندي سؤالين و اتمنى الاجابه عليها من زوي الخبرة

* الاول بخصوص عدد الجولات
ما الفرق بين لعب 3 او 4 جولات ؟

* الثاني عن التكرار الفرق بين لعب كل تكرار و الزيادة الاوزان ؟

12 12 12 12
12 10 8 6


10 10 10 10
10 8 8 8
10 8 8 6
10 8 6 4


8 8 8 8


بانتظار ردودكم ولكم جزيل الشكر :)

[منادة الليل]

هلا فيك اخوي الغالي

1- الفرق بين الجولات هو انه زيادة الجولات يعتمد على حسب تمرينك ...

واعتدنا على انه جدول التقسيم والتنشيف والامور هذي اغلبيتها تعتمد على الجولات ال3 ... والتضخيم تعتمد على ال4 جولات

السبب يتزامن مع عدد التكرارات

اما التضخيم ... راح تلعب 4 جولات وكل جولة تزيد الوزن وتقلل التكرار .. لو نقول انك الجلسة الاولى لعبت 12 في الجلسة الثانية بتلعب 10 مع زيادة الوزن وبتكون التكرارال10 صعب يعني ما راح توصل له مثل الجلسة الاولى .. واياض تنازلياً في التكرار وتصاعدياً في الاوزان :)

والجدال الي تعتمد تقريباً على الاوزان الثابته والتكرار الثابت هي تكون للتنشيف او للتقسيم واظهار العضلة متقطعة :).. الوزن الثابت والتكرار الثابت في اكثر الاحيان يكون متعب وصعب عكس زيادة الوزن وتقليل الجلسات :)

وانتظر رد الشباب حبيت افيدك بالي عندي :)

بالتوفيق

[MOOKA]

اخوي منادة الليل
انا اختلف معك في نقطه طبعا مو من خبرتي لاني ما عندي خبره كبيره
لكن حسب ما عرفت في النادي ومن المدريبين اللي مرو علي
ان فترة التظخيم تقدر تلعب 3 جلسات وكل جلسه تقلل التكرار وتزيد الوزن
اما في التنشيف فتلعب 4 او 5 جلسات ويكون التكرار عالي مثلا 12
زي ما قلت لك هذا على كلام المدربين
تحياتي

[منادة الليل]

هلا اخوي موكا

تسلم لي يالغالي على معلومتك وانا شوف قلت في ردي السابق اني قلت هذا على حدود معلوماتي ... وهذي معلوماتك وافادتني يالحبيب :)

ومنكم نستفيد والله :)

وبعد نشوف ردود الباقي علشان نستفيد بشكل اوسع :)

[Carrera 4s]

شباب احترت بينكم العب 3 ولا 4 لضخامه ؟؟

[منادة الليل]

لا تتحير يالغالي

خذ الحل

في حال كنت تلعب جدول ضخامة وكنت تلعب عضلتين بيوم

خليها التكرار 3 مع زيادة الوزن

في حال تلعب كل يوم عضلة

خليها التكرار اربعه مع زيادة الوزن :)

وانتظر رد الوحوش

بالتوفيق

[Al3aZeF]

4 جـولآت للعضـلآت آلكبيـرة مثـل آلصـدر وآلظهر ، إذآ تقـدر كل آلتمآرين 4 جولآت ..
3 جولآت للعضلآت آلصغـيرة مثـل آلبآي وآلترآي ، بس بإمكآنك تلعـب 4 جولآت لأول تمرين فقـط !

[Carrera 4s]

تمارين الباي ولتراي مااقدر العبهم كلهم 4 جولات بس اول تمرين والباجي 3

[mashkaljey]

ما قصرو الشباب والعضو اللي سال غير العضو المتابع انتبهو شباب يمكن تحتاجون معلومه ولا شي :)

والشكر للوحوش

[AmiTy Ville]

بتكلم عن اللي يلعب عضلتين باليوم وعن جدول للضخامه



للمبتدئ


العضلات الكبيره 4 تمارين - 3 جلسات
العضلات الصغيره 3 تمارين - 3 جلسات


للمتوسط


العضلات الكبيره 5 تمارين - الجلسات اول شي 4 والباقي 3
العضلات الصغيره 3 تمارين - 4 جلسات


فوق المتوسط


العضلات الكبيره 5 تمارين - 4 جلسات
العضلات الصغيره 4 تمارين - 3 جلسات وتقدر تخلي اول تمرين 4 جلسات


اما المحترف طبعا مايحتاي نطرحه

[ولد ابوظبي]

.. ماشاء الله عليكمـ .. :) .. وحووش

[wew858]

مشكورين يا شباب وما قصرتو

بخصوص التكرار/ اذا كان التكرار ثابت ازيد الوزن ولا لا

[Carrera 4s]

ماقصرتو يا شباب

[AmiTy Ville]

مشكورين يا شباب وما قصرتو

بخصوص التكرار/ اذا كان التكرار ثابت ازيد الوزن ولا لا

لو ثابت ماراح تقدر تزيد وزن بالاساس
ياتثبت الوزن بحيث تكمل كل العدات بدون ماتخرب تمرينك يا تخف الوزن تدريجيا

[wew858]

اولا مشكور على الرد


لو ثابت ماراح تقدر تزيد وزن بالاساس
ياتثبت الوزن بحيث تكمل كل العدات بدون ماتخرب تمرينك يا تخف الوزن تدريجيا

ممكن ابدا بوزن خفيف و ازيد كل جولة ...

[AmiTy Ville]

لو حاب تضخم راح تلعب بوزن متوسط وتزيد نسبيا في كل جلسه
لو حاب تشد وتقسم عادي تزيد تدريجيا لكن لاتطلع وزن عالي بل تطلع تكرار عالي والوزن من فوق الخفيف الى متوسط والتكرارات يا ثابته يا هرميه يا تدريجيا لاعلى او لأسفل

[wew858]

لو حاب تضخم راح تلعب بوزن متوسط وتزيد نسبيا في كل جلسه
لو حاب تشد وتقسم عادي تزيد تدريجيا لكن لاتطلع وزن عالي بل تطلع تكرار عالي والوزن من فوق الخفيف الى متوسط والتكرارات يا ثابته يا هرميه يا تدريجيا لاعلى او لأسفل


مشكور يا الغالي و ما قصرت

[Carrera 4s]

شباب بخصوص السواعد انا العب تكرار

15 15 15 مع زيادت الوزن هل شغلي مضبوط

وكذالك المعده 20 20 20 مع زيادة الوزن ملاحظه المعده ناشفه وبارزه والفور باكس مبينين

[mashkaljey]

نعم شغلك مظبوط دام تشوف نتائج انت بالطريق الصحيح