الهرمون والزواج....... مهم جداً ارجو الاطلاع

[WA7SH JEDDAH]

سلام عليكم ورحمة الله
:D
ودي اطرح موضوع اتوقع انه مهم بالنسبة للناس الي مثلي متزوجين ماا بغى اطول عليكم راح ادخل في صلب الموضوع

الان بالنسبة للكورسات الهرمون كيف يتعامل المتعاطي للهرمونات مع زوجته يعني بالعامية وقت الجماع اجلكم الله يقال وسمعت كثير من كباتن وناس كبار وعندهم خبرة 15 و20 سنة في الحديد والكورسات يقول لا تقرب زوجتك وقت الكورس الا بعد ما تنظف
الي فهمته اني ما اجامع زوجتي وقت الكورس ليش ؟ شيئا لايعقل اذا اتحمل هي المسكينه اش ذنبها !!!! :cray::cray:

وناس تقول ممكن تجامع زوجتك لكن (الله يعزكم) لا تضع الخاتم بها اتوقع انها مفهومة يعني لا تسقي الشجرة (اسف)ما عرفت اكتبها لا نها كلمة مقززة للحساسين:bigeyes:

ياريت يا شباب تعطوا الموضوع اهتمام وياريت ردود علمية وادلة علمية لانو امثالي يمكن متزوج وكان يتعاطى هرمون قبل والزواج والان وقف خوفا على زوجته وما سيأتيها من ضرر :cray::cray:
وبعضنا وده يدخل كورس اين كان تضخيم او تنشيف لكن العقدة في الجماع

ويعطيكم العافية على سعة الصدر:biggthump:biggthump

[.ابوقحط.]

الى يقولك ماعنده سالفه واسمحلى
روح قوله انت ماعندك سنه اولى روضه فى الحديد
اسمحلى على الاسلوب
لاكن هذا الواقع
ولان هذى المعلومه الى قالها فاشل

تبى دليل علمى
خذ اى روشته للسستانون او للتستفرون
واقراها
او اسال العم قووقل اكتب اسم المداه العلميه واقرا ومتع عيونك بالقرائه

اساسا هذا هرمون ذكرى يعطى للضعف الجنسى
وانا حافظ الروشته والكلام الى فيها
تعطى
1- للضعف الجنسى
2- لضعف الحيوانات المنويه
3- للخصى
4- العنه
5- لكبار السن لمساعدتهم على الجماع

شنو غير الكلام هذا ؟؟؟ وشنو معناه ؟؟؟؟؟

يعنى باختصار هذا هرمون حق جنس


انا الحمدلله متزوج وعندى ابناء وتوقفت عن الكورسات
ولما كنت اتعاطى الكورسات واتفنن فى تركيبها
كنت اجامع عادى
وحملو اهلى والحمدلله

يعنى الى يقولك لاتجامع ماعنده سالفه
لا علميا
ولا على ارض الواقع
ارفع سماعه الهاتف على اى صيدلى واسال قوله السستانون او التسفرون او التسترون او السيبونيت او الاومندرين شنو دواعى استعمالها ؟؟

دمت بود

[WA7SH JEDDAH]

يا سلام عليك يا بو قحط افحمتني برد الحار صراحة كلامك كله صح الصح لكن مشكلة هذي الهرمونات مصنعة ومضاف عليها استرويدية وما تدري من وين ما خذينها بيني وبينك انا ناوي ادخل كورس تنشيف وودي ادخل كورس ضخامة وعبدها بكم شهر انشف وش رايك ؟؟؟.

وش افضل كورس للضخامة وافضل كورس تنشيف للي اول مرة يدخل كورس طبعا للمعلومية انا لي اكثر من 7 سنين في كمال الاجسام يعني ما ينخاف علي في اداء التمارين متمكن منها يعني تقريباً مستواي متقدم والله اعلم

الي اعرفه انو كورس هرمون وقت استخدامه يسوي عقم مؤقت كما سمعت وقريت وش رايك بهل الكلام صحيح ام لا ؟؟؟

بو قحط الله يعطيك العافية

صراحة افحمتني

[آبو رآشـد]

ابو قحط روق المنقا

وهدي بالك:)

بالنسبة للبعض المنشطات تسبب عقم مؤقت هي ما تسبب عقم بشكل مباشر لكن تقلل الحيوانات المنوية والي بعضها ياخذ اوميغا وهذا غلط هذا منتج مقوي للجنس والافضل تاخذ دواء مقوي لوظائف الخصيتين واهم شي عند استعمالك للمنشطات ان ما يكون عدد الحيوانات المنوية اقل من20 مليون وتكون حركية وفعالة مو خاملة

بالتوفيق

[منادة الليل]

بوقحط بطل بارك الله فيك

انا صراحة استفدت من ردك للموضوع كان يدور في بالي سؤال ممثال له ....

[uae488]

اقترح عليك الغالي تسأل أي طبيب مختص بالعقم والامراض الجنسية >> صح انه بيكبرلك الموضوع لكن خذ المفيد وخل اللي مايفيد.

[WA7SH JEDDAH]

يعطيكم العافية شباب ما قصرتوا بس مو المفروض يكون في ادلة علمية على هذا الموضوع ياريت احد الاعضاء الكرام يتكرم ويعطينا ادلة علمية لانو صراحة تعبت وانا ادور في النت تدرون الواحد قد ما يقدر يدور الشي الي ضررو اقل وكمان ياريت تحطوا بند كامل ووافي لمثل هذي المواضيع

يعطيكم العافية

[.ابوقحط.]

يعطيكم العافية شباب ما قصرتوا بس مو المفروض يكون في ادلة علمية على هذا الموضوع ياريت احد الاعضاء الكرام يتكرم ويعطينا ادلة علمية لانو صراحة تعبت وانا ادور في النت تدرون الواحد قد ما يقدر يدور الشي الي ضررو اقل وكمان ياريت تحطوا بند كامل ووافي لمثل هذي المواضيع

يعطيكم العافية
قلنالك روح اقرب صيدليه
عندكم بالسعوديه يبيعون نوعين سستانون + تستفرون وهو الاقوى
انت بجده روح صيدليه النهدى

ترجع وتقول ادله علميه ؟

[.ابوقحط.]

ابو قحط روق المنقا

وهدي بالك:)

بالنسبة للبعض المنشطات تسبب عقم مؤقت هي ما تسبب عقم بشكل مباشر لكن تقلل الحيوانات المنوية والي بعضها ياخذ اوميغا وهذا غلط هذا منتج مقوي للجنس والافضل تاخذ دواء مقوي لوظائف الخصيتين واهم شي عند استعمالك للمنشطات ان ما يكون عدد الحيوانات المنوية اقل من20 مليون وتكون حركية وفعالة مو خاملة

بالتوفيق
هلا يابو راشد

الاخ يسال عن جماع الزوجه والحمل اثناء الكورس ويقول انه مايصير الجماع ؟
وانا بينت ان هذى المعلومه غلط........

بالنسبه للى تكلم عنه انت هذا درب داون
اى الفتور بالجهاز التناسلى بشكل عام

لاكن ياثر على الحمل ؟؟
لا مايأثر مستحيل

[آبو رآشـد]

معي علم ابو قحط :)

انا اجاوب على سؤالة الثاني



الي اعرفه انو كورس هرمون وقت استخدامه يسوي عقم مؤقت كما سمعت وقريت وش رايك بهل الكلام صحيح ام لا ؟؟؟

الي هو فتور الخصية بالنسبة لسؤالة الاول انت جاوبتة ومالة شغل بالحيوانات المنوية لان هو يقول ان اي واحد يتزوج ممنوع انة يقرب من زوجتة حتى لو يدخل الخاتم فقط وانت جاوبتة فية وطبعا جوابك 100 %100 والشائعة الي نقلها غلط هذا الكلام عاري من الصحة

وبالنسبة هل يوجد دليل علمي ؟؟!

ما يحتاج دليل علمي يا وحش جدة لانة الكلام الي نقلتة غلط شلون ما تقرب من زوجتك وش دخلها هي اصلا انت ما تاخذ دواء يغير من طبيعية النطفة من تحويل الكورسومات في جسمك او يزيدها او ينقصها ولا لة علاقة اصلا كل المنشطات الي تاخذة تخص جسمك انت فقط وهي مالها اي تاثير ابدا بالنسبة لسؤالك الثاني جوابتك في الرد الاول

بالتوفيق

[mashkaljey]

انا ايظا سمعت الكلام عن الهرمونات بالضبط مثل ما تكلم وحش جده لكن اخذ العلم من الناس الخبره والمجربه

وابو قحط اجابك ونورنا من ناحية هالنقطه

وانا سبق وقلت ولا ازال اقول هاللعبه لعبه تجربه صحيح بعض العلوم الطبية تدخل في تخصصنا وبعض الاراء من الاطبه لكن بكل الاحوال التجارب خير برهان

بالتوفيق

[آبو رآشـد]

لا معذور وحش جدة اتوقع يخاف يطلع ولدة لة ذيل اذا استخدم المنشطات :)

[toto jeddah]

ماشي زي الحلاوة معايا ,,
وبالعكس اصير اكتر جنون بالكورس لووووووول

[.ابوقحط.]

لا معذور وحش جدة اتوقع يخاف يطلع ولدة لة ذيل اذا استخدم المنشطات :)

لووووووووووووووووووووووووووووووووووووووووول

اضحك الله سنك يابو راشد
والله فطستنى من الظحك

[آبو رآشـد]

ان شاء الله دوم يا ابو عابد

يا وحش جدة ترنا نمزح معك لا اقل ولا اكثر ان شاء الله انك وسيع صدر :)

[mashkaljey]

مافي مثلي وسيع صدر على كلامك يابوراشد وخاصه يوم تغلط على حبيبي ارنولد :P

[آبو رآشـد]

من جهة وسيع صدر انا اشهد

ومن جهة ارنولد الله يخليكم لبعض بس اهم شي ما تزعل ام ابراهيم والله يرزقك بولد يشبه :)

[mashkaljey]

اعوووووذ بالله منك لوووووول

[آبو رآشـد]

هههههههههههههههههههههههههه زين فهمت

[SN!PER WOLF]

خلك طبيعي احسن

يا ريال انا سمعت انه من الهرمونات الرجال قامت يطلع من صدرها حليب

ماشي غير الطبيعي لا هرمونات ولا بروتينات ولا كورسات

خلك طبيعي اوزان خفيفه وتكرار تقسم العظله او تضخيم الي يعجبك بس اهم شي طبيعي

الحين انا رجعت النادي بحاول انزل 7 كيلو عقب برجع اقسم وان شاء الله كله طبيعي ولا اتهور
بالبروتينات وبعدين ينقطع النسل

وبالتوفيق ان شاء الله

[THE CAST]

خلك طبيعي احسن

يا ريال انا سمعت انه من الهرمونات الرجال قامت يطلع من صدرها حليب

ماشي غير الطبيعي لا هرمونات ولا بروتينات ولا كورسات

خلك طبيعي اوزان خفيفه وتكرار تقسم العظله او تضخيم الي يعجبك بس اهم شي طبيعي

الحين انا رجعت النادي بحاول انزل 7 كيلو عقب برجع اقسم وان شاء الله كله طبيعي ولا اتهور
بالبروتينات وبعدين ينقطع النسل

وبالتوفيق ان شاء الله

ههههههههه كيف يطلع حليب من الرجال يا اخSN!PER WOLF..لو على كذا كان صار لعيبة مستر اولمبيا من اكبر المرضعين في العالم
ثانيا البروتينات ماتسبب عقم اساسا غذائك اليومي يحتوي على بروتينات بنسب قليله

[SN!PER WOLF]

هههههه هذا الي سمعته انه واحد من الشباب قام يطلع من صدره حليب عقب الهرمونات والابر

بس ممكن تصير رجل يطلع منه حليب اذا كان فيه خلل هرمونات

البروتينات عادي شي بسيط لكن تقدر تستغني عنه بالكل الصحي

خلك طبيعي احسن ههههه

وبالتوفيج للجميع

[siga]

تسلم ياكابتن الموضوع حساس ..........وجريء

انا قريت الموضوع ورحت الصاله اسال الكباتن عندنا اصحاب البطولات .......من واقع خبرتهم عادي الجماع
بس مره بالاسبوع هلكان مرتين ......عشان ماتضيع فعالية الكورس وتستفيد من النتائج
وبالتوفيق

[WA7SH JEDDAH]

يا بعد قلبي يا بو راشد اخاف يطلع فيه سنامين وبرطمه مدلدل

بيني وبينك يوم قريت ردك ما كلن لي نفس اضحك من ضغط العمل بس والله العظيم مت من الضحك على ان يطلعله ذيل

قوييييييييييييييييية هههههههههه

SN!PER WOLF
اما بالنسبة للحبيب انت تضحك على نفسك انا معاك لا بروتينات ولا كورسات وتضخم وتقسم على اكل طبيعي اتحداك الا بعد سنتين ولا ثلاث يا بو يبغالك في اليوم تاكل من 6 الى 8 وجبات وش ذا البطن الي تتحمل اكثر من 5 وجبات ولا بعد خفيفة اما بالنسبة للتنشيف شلون تحافظ على العضل اذا منشف بدون مكمل حافظ للعضل؟؟؟!! غلطان

في رجال اعرفه دخل معي الناد قبل 4 سنين هو طبيعي وانا مكملات بعد سنة والله ما زاد جسمه الا 6كيلو وانا زدت 18 كيلو وجسمه كله بطن من كثر ما ياكل من هل البطاط والرز واللحم وبعدها نشفت انا وياه نفس الجدول في التمرين والدايت طبعا جسمه اختفى كنه عضلات سواق حافلة ملجلج (لا حظ الوصف) وانا اخذ مع التنشيف جلوتامين وامينو 2222 وطبعا ربد فيول حق التنشيف بس اي نعم نزل جسمي بس فر شاسع بيني وبينه

انا لا اوفقك الرأي يا صاحبي (الاختلاف في الرأي لا يفسد من الود قضية ) لا تاخذ على خاطرك مني بس وجهة نظر وحبيت اكتبها واكيد الشباب ماراح يقصروا

يا بو راشد ويا بوقحط يسلموا على الردود ولا حرمنا الله من ما تكنٌ به جعبتكم

يا بو قحط تراك عصبي خف على روحك شوي

في سؤال ما جابتوا عليه

[uae488]

(الاختلاف في الرأي لا يفسد من الود قضية )

[SN!PER WOLF]

لا عادي عزيزي نحن هني ياين نستفيد وانا تعلمت منك
فالسابق صح كنت استعمل لكن ياخي الخوف محد يعرف شو بياثر على الكلى
لكن ان شاء الله خير وبنشوف فالمستقبل شو بيصير

عندي اخوي يتمرن كمال اجسام من سنه 1990 ما شاء الله

وطبعا ياخذ بروتينات وامينوات وغيره وما ضره شي الحمدالله
وجسمه حلو ومعظل وحتى عنده اولاد واكبر واحد 17 سنه

حتى الي من عمره اشكالهم شواب وجسمهم تحدب لكن هو محافظ على اللياقه والجسم
بس ما اعرف اذا خذا كورسات ابر او ما شابه لكن ما اعتقد خذا لن ما يتهور في هذي الامور


وسلمت وحش جده

[آبو رآشـد]

الله يطولي بعمرك يا وحش جدة

ويا سنايبر اجل اذا استخدمت منشطات صدرك ينزل حليب ..؟ والبروتين يجيب العقم ..؟

وش قاعد تقول انت الله يطولي بعمرك وهذا الي كاتب الاختلاف في الراي لا يسفد في الود قضية ومعرضها بالاسود

اي اراء يا عزيزي ؟؟!

حنا بنغير ديكور المنتدى هذا علم والكلام هذا خاطى جدا وعاري من الصحة ويجيك واحد بقرة يقرى رد سنايبر يحسب صدق البرتين يسبب عقم ويجي يشغلنا عشان كذا نص العرب كروش ورايحين فيهات من ذا التفكير حليب يصب من الصدر ؟؟ الله يصلحك بس

[WA7SH JEDDAH]

صبحك بالخير يا بوراشد انا الي كتبت المثل عشان صاحبنا الي قال البروتين يجيب عقم رديت عليه رد قاسي شوي وحبت ابينله وجهة نظي لا اكثر ولا اقل وخفت انه يزعل من الكلام وعشان كذا كتبت الاختلاف في الرأي لا يفسد من الود قضية ةعلى ما اعتقد المتدى قائم على الأراء والنصح لا اكثر ولا اقل والمفروض ما احد يزعل ولا ياخذ على خاطرة من احد

يا بوراشد في نقطة ما جاوبت عليها في السؤال الاول بتاعي ارجع للموضوع الاساسي واقرا اخر 3 اسطر ولا تعصب يرحم واالديك ووالدين الجميع
يا بو قحط شحالك ابوي ان شاء بخير

[mashkaljey]

اكتبه هنا لان اشوف ردو على اسألتك كلها !!!!

[WA7SH JEDDAH]

مشكلجي كيفك
سؤالي وضعته في اكثر من موضوع بس ما احد اعطاني الجواب الكافي الوافي
شف طال عمرك انا كما اسلفت اني داخل مرحلة جديدة في هالعالم الغامض والي ماله نهاية ابغى احد الشباب الفاهمة والعاقلة يوصفلي كورس تضخيم للي اول مرة ياخذ كورس وما تكون مدته اكثر من شهر ونصف يعني مو اكثر من 12 ضربه طول المدة المقترحة ولا احد يفهمني غلط مع المقويات والمضادات ومواد التنظيف وجرعاتها عشان اكون على علم ويقين لمن اروح اخذ اكورس بالعربي عشان الي باخذ منه ما يلحس مخي بكلمتين لانه هو في الاساس مروج للسلعة ويدور الفايدة من وراها وما همه وش بيصير ولا ضرب حاسب الاهم من غير ديكا وجي اتش ويعطيكم العافية
ومشكور يا مشكلجي على الاهتمام

[mashkaljey]

اها

عزيزي الاخوان كلهم ثبتوا على راي ان اقل من 3 اشهر لا تفكر تاخذ كورس وكلهم اجمعو على ان القروث يبدأ فعاليته بعد ال 3 اشهر وانت تقول شهر ونصف وانا اقولك على كلامهم ما ينفع

فاذا تبي تستفيد من الكورس لا يقل عن 3 اشهر

ونصيحتي لك يا وحش جده انت رجل تلعب وماله داعي الكورس اذا ما تفكر ببطوله وهالكلام قلته للكثيرين في منهم اقتنع وفي منهم ابى ان يستمع فبراحتهم بالتاكيد

عزيزي دام صارلك اكثر من سنتين تلعب فاكيد تعرف كيف تزيد وزنك وكيف تتغلب على مشاكل العضلات الغير ضاهره من غير كورسات وانت خبرتك تدل على انك فاهم ان الكورسات لها اضرار ظاهره وخفيه

اذا احد بيفيدك فالله يوفقك ان شاء الله والان وضحت الصورة للجميع عسا ان يتم الرد عليك باقرب وقت

بالتوفيق

[WA7SH JEDDAH]

الله يسعدك يا مشكلجي صراحة كلامك صح الصح والله يعطيك العافية على هذا الرد بس موضوع الكورس عندي لاني ما عندي مشكلة كان في تضخيم او تنشيف لاني صراحة ابغى اضخم اعرف اش استخدم من مكملات بس زي ما انت عارف انو المكملات تاخذ معاك فترة طويلة في التضخيم اذا انت ما تبغى فات زايد يعني واي او نايتروتك يعني من هل البروتينات الي ما تعبيك فات ونسبة الفات فيها ما يزيد عن 1.5 جرام بس بالنسبة للكورس يعطيك ضخامة في اقل من 3 شهور اذا تعرف اش تاكل وش المكمل الي تستخدموا انا لي اكثر من 5 سنين استخدم مكملات واعرف استخدمها صح بس حبيت اجرب كورس وانا قصدت من الجي اتش والديكا اولا انا ما ابغى استخدم هل الهرمونين بالذات اولا الجي اتش يضرب الغدة النخامية المتحكمة لنمو الجسم واذ ما استخدمتو صح يؤدي الى امراض عديدة او الى وفاة لا قدر الله وانتو عارفين اضراره اكيد ولا تنسى البنكرياس والانسولين اما بالنسبة للديكا يعبي موية على الفاضي كأنك ما خذ كرياتين جراعات عالية على فترة طويلة ممكن 6 اشهر متواصلة وكمان يضرب الخصيتين اعزكم الله عشان مستحيل استخدم هذي الهرمونين وانا قصدت من كلامي انو مجرد تجربة لا اكثر ولا اقل وما قدمت على هذا الموضوع الا بعد ما عرت اضرار الهرمونات وقريت عنها كويس وبعدين يا صاحبي طبعا في نهاية الامر انا الي راح اتحمل نتيجة هذا الشي اذا اقدمت عليه ما في يمى ارحميني بس حبيت استفسر من الجماعة اش اول كورس استخدموا في بداية مشوارو في كمال الجسام وايش الاعراض الي حس بيها وكيف نتايجوا
وانت ماقصرت وبيض الله وجهك ورايتك بيضا يا صاحب في نهاية الكلام لا للجي اتش ولا للديكا وغيرها افكر فيها وادرسها من جميع نواحيها ما يبيلها كلام وذنبي على جنبي زي ما يقولوا
انا يا مشكلجي واعوذ بالله من كلمت انا طلعوا على يدي وحوش والحمدلله بس الاغلبية راعين فشخرة ومشاكل وصراحة ندمت اني دربتهم وعطيتهم خبرت سنين تعلمتها ووجربتا على نفسي قبل غيري والحمدلله

اسف اني طولت عليكم في الكلام واحس ان كلامي كثير ويزعج بعضكم ولا اقصد احد نهائياً احنا في النهاية اخوان
كلنا عيال قرية وكلن يعرف خييه

الله يوفق الجميع

وحاضرين للطيبين

[مـ ح ـمـ ـد]

موضوع ساخن :D

<< متابع :biggthump

[WA7SH JEDDAH]

ابو حميد مستانس ان شاء الله دوم بس ليه ماترد على الموضوع ولا ماعندك خلفية؟؟؟

[ولد ابوظبي]

السـلام عليكمـ .. بصراحه الموضوع حلو .. :) عجبتني الردود ^.*

حتى انا سمعت من عند واحد خبرره<على كلامه< وقالي انه وقت ماياخذ الكورس .. مايقرب من صوب زوجته لانه ممكن يأثر اذاا حملت منه ويمكن الياهل يطلع متشوه .. !؟!@؟! طبعا انا ماعندي خلفيه عن هالسوالف لاني ماقرب صوبها<<

المهمـ .. الصوره وضحت عندك .. ومن ناس لهم تجربه ..

انا مع مشكلجي في آخر رد .. لكن لك حرية الرأي الغـالي ..
انتظــر .. وان شاء الله اهل الخبره بيردون عليك

وشكرا على وسع صدرك .. المهم نفيد ونستفيد