المساعد الشخصي الرقمي

مشاهدة النسخة كاملة : سؤال عن طريقتي في حمل الاوزان ؟؟


professional8
24-03-2010, 10:10 PM
اخواني .. ان في صاله لا يوجد فيها مدرب و روادها قليلي العدد..
احيان لما ابدا برفع الحديد لما اضع الاوزان و خاصه في رفع البار .. لا اجد احد يساعدني .. ولما اسوي الجلسه المكونه من 12- 10-8-6 اجد صعوبه في اكمال العدد فمثلا اصل 8 . 6 . 6 .6
و احيان بعد التكرار الاول اقوم اقلل الوزن .. يعني انا و الحديد في بعض التمارين ( معافط)
هل استفادة العضله ام راح التعب من دون فائدة ...
ارجوا الافاده .
عشــق البطــوله
24-03-2010, 10:16 PM
هلا فيك اخوي

هذا عيب التمرين المنزلي :)

عموما .. لو ماعندك احد يساعدك فالأفضل انك تستخدم وزن تقدر تكمل فيه جميع التكرارات لجميع الجلسات ..

لأنك لو رفعت وزن وماقدرت تكمل فيه التكرارات واجهدت نفسك ربما انك تتعب وتشيله بطريقه غلط في آخر تكرارين او ثلاث فـ ماتستفيد او تجيك اصابه لاسمح الله ..

اولاً اهتم بالطريقه الصحيحه للتمرين ( عشان يكون التركيز عندك 100% ) وبالتالي تستفيد العضله وتضخم

ثانياً اهتم بالأوزان اللي تكمل فيها جميع التكرارات ..

اذا اهتميت بهالنقطتين صدقني راح تستفيد العضله تدريجيا وبتشوف نفسك المرات القادمه تقدر تزيد اوزانك وتكمل جميع التكرارات

بالتوفيق
منادة الليل
24-03-2010, 11:35 PM
كلام اخونا عشق البطولة 100%

وما قصر

شوف اخوي انا اتمرن بالمنزل ولكن احتاج لي مساعد في تمارين الصدر لانه الاوزان في كل جلسة تزيد واحتاج احد يطاولني البار وبالذات في الجلستين الاخير احتاج منه مساعدةفي دفع بسيط

بدايتي كنت ما احتاج احد ولكن لما تطورت الاوزان صراحه احتاج احد حتى لو كان واقف على راسي بحيث اني اضمن اني في حال اليأس راح يسحب شوي معاي :)

ولكن اذا ما عندك احد خذها نصيحة

امش على الاوزان الي انت تقدر عليها وفي اخر جلسة

زيد وزن ولكن خل التكرار بسيط حتى جسمك ياخذ على الوزن مع الايام

بالتوفيق
professional8
24-03-2010, 11:50 PM
شكرا يا ابطال على المعلومات الحلوه
mashkaljey
25-03-2010, 01:17 AM
اعتقد ان الشباب ما قصرو

لكن بعطيك يا اخوي معلومات عني

انا عندي بالبيت صاله مصغره عن الصاله اللي العب فيها

اذا جاني وقت ماقدرت اروح النادي العب في المنزل

طبعا الاوزان لا تقارن بالنادي ! لكن كمثال بالنادي العب تمارين دامبلز للباي 20 كيلو بالبيت تشوفني اقلل الى 15 !!؟ السبب ان اركز على التمرين بالاضافة الى اني اعلم لو شلت ال 20 واحتجت مساعده ما بحصل احد حولي فليش اكذب على نفسي واكابر ؟؟ اهم شي العضله تستفيد من التمرين وليس انك تمثل عليها الاستفاده !

لهذا الاوزان اللي ما تقدر عليها لا ترفعها من الاساس وريح بالك وصدقني بترفعها بترفعها لكن الصبر مفتاح الفرج

موفق خير