animal stak - انمل ستاك

[متهجول]

animal stak - انمل ستاك

السلام عليكم

كيف حال الشباب + الشياب

ان شاء الله كلوا تماام :biggthump

اقول

ابو راشد ولا مشكلجي ولا اي وااحد

لا يجي احد يغير عنوااان الموضوع

عشان لاتصير مشكلة :ridinghorse:

ههههههههه

اقوول لاتصدق انت ويااهــ

على قولة مدربنا المصري (اوعى قسمك يغركـ)

لا بس الهدف

اني بحثت عن هذا المنتج ماطلعتلي الا نتائج اجنبية ، عربي مافيششش

فقلت العنوان اذا انكتب كذا اي واحد بيبحث عن هذا المنتج

بنطلع احنى في خششتة :D

المهم

المدرب الله يجزااهـ خير قلت له ابي محفز هرمون علشان يساعدني في حمل الاوزان + يعطيني طاقة خصوصتا اني مبتدا ومالي شهرين

ع العموم

اعطاني

pro complex + احماض امينيو 3000 (بلاك) مكتوب عليها + حارق دهون + انمل ستاك

من الاخير كذا

ابيكم تعلموني عن هالمنتج الي هو animal stak

وش هو ، ووش فائدتة ، ووش يحس فية ..؟!

وهل هو محفز هرمون ولا ايششش

لان لو ماطلع محفز رااح اذبح المصري اخذ مني 250 ريال عليه

هههههههههه

امزح ترى

المدرب اخ وعزيز

اعرف اني اقلقتكم مع الفجرية ذي :09:

بس وش تسون على قولة الرجال

خشمك منك لو هو اجدع :ee2:

ههههه

[آبو رآشـد]

(اوعى قسمك يغركـ)

ههههههههههههههههههههههههه

هو محفز للهرمونات واكثر شي محفز تسترون لكن ما يفيد لك تن كنت تحت الـ 25 لان التسترون عندك قوي ويضخ بقوة فلا تستفيد منة لو ماخذ انميال ام ستاك افضل منة على الاقل محفز لجميع الهرموناتويعطيك شدة وصلابة وبشكل عام منتجات الانيمال خصاة المحفزات وهي ثلاثة تحتاج الى فترة مو من اول استخدام تشوف نتيجة يعني 3 علبة راح تشوف نتيجة زي الهالو تقريبا على العموم مثل ما قلت لك هو يصلح للي تعدى الـ 25 ووقف التسترون عندة لكن فية هرمونات مثل التسترون والجي اتش ومانع للتحول للاستروجين على العموم موفق خير واي سؤال حنا حاضرين

والمثل هو انفك منك لو هو اجدع

[متهجول]

تسلم يا ابو راشد

والله وانا اخوكـ عمري ماوصل 25 سنة

لسى 24 سنة ويالله من فضلكـــ

وبيني وبينكـ انا مارتحت للمنتج ما ادري ليش .!!

ع العموم

ابو راشد

وش تنصحني (بهـ) على قولة بني قصيم

هذا مرجعة مرجعة الله لايعوق بششر

وش رايكـ استبدلة بـ انمل ام ستاك

ولا عندكـ محفز افضل منة اضافة الى الاشياء الي اخذهاا

اهم شي ابي شي استفيد منة

ومشكووور

[آبو رآشـد]

اول شي كلة ولا القصمان :)

ثاني امر لو تقدر تستبدلة بأنيمال ام ستاك يكون افضل بكثير

[متهجول]

ههههههه


نقدر نستبدلهـ ورااااااااو مانستبدلهــ


بكرة اروح اجدعهــ للمدرب واخليهـ يبدلهـ


وصدقت والله يا ابو راشد كلوو الا القصمان


ههههههههه


مشكور ماقصرت يالذيب


بيض الله وجهكــ


وجعل عدوك للساحق الماحق والمرض المتلاحق اللي يسحقهـ ويمحقهـ وين مايطس


لكــ دعوة في ظهر الغيب يالغالي


سسلام

[آبو رآشـد]

نستبدلوه < كذا :)


الله يعينك ويوفقك يا بعدي

[بطل أجسام]

اعذروني يا مشرفين ( بحلق شوي خارج السرب )
لا تلوموني الرسايل ومقدر ارسل وصعبة افتح موضوع علشان طلب بسيط من عضو .


اخوي متهجول :

على طاري ( انفك منك لو هو اجدع ):33:

ممكن تعطيني رقم اللي اشتريت منه مكملات غذائية ...

[آبو رآشـد]

اذا خقيت مع السعر يا بطل الاجسام ترا فية ناس تبيعة في الرياض بـ 160 ريال :)

[بطل أجسام]

يابو راشد

ودي بكورس كامل , يا ليت تزودني بأرقام ناس ثقات ولك تعامل معهم , الله لا يهينك ....

[آبو رآشـد]

والله اذا تبي نصيحتي رح لأرمال اشتر منهم حاليا

على احداث مسك اللاعبين الي يتعاطون منشطات مسكو عالم من الي يبيعون مكملات ومنشطات

انا خلصت مكملاتي ولا لقيت احد شكلي ابروح لجدة عند صابر هذاك واصل ما احد يقدر يمسكة او اني ابروح البحرين

الله يعين يا رجل

[بطل أجسام]

وانا اقول ليه , كل من سئلته يقولي ما عندي بضاعة الحين .

يالله شكل ما لنا الا البحرين نور العين ...


ــــــــــــــــــــــــــــــــ

[فرفورجدة]

الموانع للتحول للاستروجين موجوده في اي منتج ؟؟
التحول للاستريجين هوا سبب ظهور ما يعرف بالجينو صح ؟؟؟

[آبو رآشـد]

لا مو اي متتج لكن موجود في الانيمال ستاك

سؤالك الثاني واحد من اعراض الاستروجين هو الجينو صدقت

بالتوفيق

[آبو رآشـد]

لا مو اي متتج لكن موجود في الانيمال ستاك

سؤالك الثاني واحد من اعراض الاستروجين هو الجينو صدقت

بالتوفيق