شورايكمـ .. استفسار كورس يديد من المكملات..؟

[ولد ابوظبي]

السـلام عليكم ورحمة الله وبركاته ..

السموحه لاني ماعرفت سو اسمي الموضوع .. ولكن اتمنى اني قدرت اوضحه

موضوعي جدا بسيط .. لكن احترت في اختيار المكملات هالمره

اولا .. ببدى في جدول بوراشد للضخامه.. وبكره راح ابدى اطلع صور التمارين اللي ماعرفها
وبديت من اسبوعين حق البطن لموضوع بوراشد ربي يحفظه

انا منتظر جي ان سي خصمهم و ناوي بداية هالشهر آخذ:

بروكمبلكس العادي
واي بروتين
امينو
جلوتامين
وعندي انيمال بمب

وخطتي اهيه ..

واي بروتين قولد = فترة الضحى سكوب .. وقبل النوم سكوب << فهالفتره ابي بروتين يكون مافيه دهون

بروكمبلكس= سكوب قبل التمرين بساعه .. وبعد التمرين سكوب
وافكر ببروكمبلكس قاينر عشان ازيد الوزن .. لكن انا الحينه عندي كرش .. والحمدلله خففت منه بتقليل من الكارب بعد التمرين وابي اقلله اكثر وابي اشوف السكس باك :cray: مع انه بدت توضح ملامحها .. وبعدين ناوي على القاينر .. << شورايكم؟


امينو = انا جربت 2222 و امينو 2222 سوفت جيل وماعليهم كلام .. بس ودي اغير .. وابي تكون حبوب حجمة متوسط وينبلع بسرعه .. نفس السوفت جيل مثلا.. وتأثيره اقوى

الجلوتامين= اللي جربته 3000 كبسول .. حبتين اول الصباح وقبل النوم
وكل كبسوله .. تحتوي على 3 جرام من الجلوتامين
هل تنصحوني بأفضل منه ؟ مع اني اذكر كلام الغالي توتو .. يمدح البودر ..
مثلا جلوتامين بودر من اوبتيمم او في افضل منه؟



ضفت الواي بروتين لانه صارتلي ظرووف ضغطت عليه لدرجه ماعدت آكل عدل..وكانت تغذيتي ضعيفه وبالذات فتره الليل او بعد التمرين

حسيت اني اعوض البروتين والفيتامينات من المكمل.. ومن هالمنطلق .. ضفت الواي بروتين عليهم ويكون اول الصبح وقبل النوم


حبيت آخذ رايكم.. لانه مالي غير هالمنتدى اللي لاقى استحساني ويهتم بهالهوايه واحب أشاورهـ :) وعقبال مااشاروكم فالزواج خخخ

السموووووحه غثيتكم بطولة الكلام ..وبانتظار ردودكم الحلو
اخوكم\ ولد بوظبي
ربي يحفظكم

[آبو رآشـد]

هلا حياك يا بعدي

في البداية يا ليت تعطينا طولك ووزنك علشان نعطيك الافضل يا ولد ابو ظبي

[A / MERSON]

بالتوفيق يارب ^__^

[makkahboys]

امممممم
الجولاتامين لو تاخذه ماظن انك تاخذ الانمال بمب لانه فيه كرياتين

[ولد ابوظبي]

آآسف يابوراشد .. امس كاتبه وعين مغمضه وعين مفتحه

طولي 169 ووزني اخر مره وزنته 63 .. اتوقعه الحين 64

تحيــــاااااتي المتواضعه

[ولد ابوظبي]

مررحبـا .. احس الموضوع نزل تحت ومحد سأل عنه..
بالنسبة للوزن .. مافي تحسن يذكر .. وهذه بسبب التغذيه والوقت والخ .. ومن جذه ضفت وي بروتين

ممم فانتظاركم

[مشتاق بيروت]

اهلا بالجميع

(((((((((( اخواني الاحظ مصطلح كورس بكثرة واللي نذكره ان الكورس غالبا ما يكون هرمون اما البروتين ليس بكورس لانك محتاجه على طول ما راح توقفه حبيت انوه لذلك )))))))))))))))

رأيي لك بما تغذيتك ضعيفة خذ
وي بروتين + بروتين البيض+كازيين هذي كفيلة ببناء جسمك (تجي مجموعة 3 علب)
ملاحظة كل انواع الامينو قريبة من بعض .

تقبل مروري

[آبو رآشـد]

هلا اسف كنت منظغط شوي

شوف حبيبي حاول ما تعتمد على المكملات اذا اعتمدت عليها ضعف اكلك

بالنسبة للواي والبروكومبلكس

البرو كومبلكس خلة قبل النوم لانة بطي امتصاص ويغذي العضلة وانت نايم لمدة 7 ساعات

بالنسبة للاوي بروتين خذة بعد النادي مباشرة واول ما تصحى لان العضلة ما فية شي يغذيها ومحتاجة تغذية عن طريق بروتين سريع امتصاص زي الوي بروتين

بالنسبة للأمينو نسبة الامينو في الوي بروتين اكثر من امينو 2222

فخذ لك امينو حلو

وعغلى فكرة مكملاتنا في السعودية بعضها تجي من عندكم
ابعد عن جي ان سي سعر غالي وبعض المكملات ما تلقها عندهم

وذكرني ان نسيت شي

بالتوفيق

[THE CAST]

السـلام عليكم ورحمة الله وبركاته ..

السموحه لاني ماعرفت سو اسمي الموضوع .. ولكن اتمنى اني قدرت اوضحه

موضوعي جدا بسيط .. لكن احترت في اختيار المكملات هالمره

اولا .. ببدى في جدول بوراشد للضخامه.. وبكره راح ابدى اطلع صور التمارين اللي ماعرفها
وبديت من اسبوعين حق البطن لموضوع بوراشد ربي يحفظه
جدول ابوراشد ممتااز
انا منتظر جي ان سي خصمهم و ناوي بداية هالشهر آخذ:
نصيحه وفر على نفسك وخل جي ان سي اسعارهم عااااليه رحت مره عندهم وندمت
اشتر من اخونا انجل ..او اي احد مضمون يستوردها بسعر جدا ممتاز ويبيعها لك ارخص من جي ان
بكثيير
بروكمبلكس العادي ممتاز
واي بروتين ممتاز لكن احسه زايد لكن مايمنع انك تاخذه
امينو مهم جدا
جلوتامين ايضا لاغنى عنه
وعندي انيمال بمب الكثير يمدحونه انا عن نفسي ماجربته

وخطتي اهيه ..

واي بروتين قولد = فترة الضحى سكوب .. وقبل النوم سكوب << فهالفتره ابي بروتين يكون مافيه دهون
يفضل اول ماتصحى ايضا..قبل النوم مع حليب قليل الدسم..كذا تمام
بروكمبلكس= سكوب قبل التمرين بساعه .. وبعد التمرين سكوب
وافكر ببروكمبلكس قاينر عشان ازيد الوزن .. لكن انا الحينه عندي كرش .. والحمدلله خففت منه بتقليل من الكارب بعد التمرين وابي اقلله اكثر وابي اشوف السكس باك :cray: مع انه بدت توضح ملامحها .. وبعدين ناوي على القاينر .. << شورايكم؟
الفرق مو هذاك الكبيير بين العادي والغينر لكن افضل العادي... هم نفس النسب لكن الاختلاف في الكاربوهيدرات والفات فقط ان تبغا ضخامه مع شوية دهن خذ الغينر والعكس

امينو = انا جربت 2222 و امينو 2222 سوفت جيل وماعليهم كلام .. بس ودي اغير .. وابي تكون حبوب حجمة متوسط وينبلع بسرعه .. نفس السوفت جيل مثلا.. وتأثيره اقوى
خذلك امينو انابوليك 10000 حبته صغيره وتنبلع بسرعه وقوي
الجلوتامين= اللي جربته 3000 كبسول .. حبتين اول الصباح وقبل النوم
وكل كبسوله .. تحتوي على 3 جرام من الجلوتامين
هل تنصحوني بأفضل منه ؟ مع اني اذكر كلام الغالي توتو .. يمدح البودر ..
مثلا جلوتامين بودر من اوبتيمم او في افضل منه؟

ايه..جلوتامين اوبتمم افضل الي يجيك بودر..حط ملعقه صغيره(اي 5 غرام تقريبا) مع جرعة البروكمبلكس الي بعد التمرين

ضفت الواي بروتين لانه صارتلي ظرووف ضغطت عليه لدرجه ماعدت آكل عدل..وكانت تغذيتي ضعيفه وبالذات فتره الليل او بعد التمرين
لاتقصر بالاكل لانك لو ماتغذيت زين محترضيك النتايج من المكملات

حسيت اني اعوض البروتين والفيتامينات من المكمل.. ومن هالمنطلق .. ضفت الواي بروتين عليهم ويكون اول الصبح وقبل النوم
ماعندك اشكاليه:)


حبيت آخذ رايكم.. لانه مالي غير هالمنتدى اللي لاقى استحساني ويهتم بهالهوايه واحب أشاورهـ :) وعقبال مااشاروكم فالزواج خخخ
ههه خذ راحتك اتمنى اني اكون افدتك:)
ولاتنسى تعزمنا في زواجك :أفكر:

السموووووحه غثيتكم بطولة الكلام ..وبانتظار ردودكم الحلو
اخوكم\ ولد بوظبي
ربي يحفظكم


موفق باذن الله

[صوت الجماهير]

(((((((((( اخواني الاحظ مصطلح كورس بكثرة واللي نذكره ان الكورس غالبا ما يكون هرمون اما البروتين ليس بكورس لانك محتاجه على طول ما راح توقفه حبيت انوه لذلك ))))))))))))))) :biggthump

[منادة الليل]

والله ياخوي ولد ما قصرو الوحوش بارك الله فيهم

مافي مجال لاضافة اي شي

اهم شي يالغالي انك ما تفكر في شي لما تلعب لانه التفكير له دور في ضعف النفس ولما تضعف نفسية الانسان ياخي تتعب الجسم وتهلك الجسم فحاول انك ما تفكر دائماً ..... .

والعب وانتظر النتايج ولما بين فترة تشوف نفسك حاول انك تشوف نفسك بنظرة انك تحس بتغير علشان تقدر تتقدم الى الافضل

بالتوفيق يالحبيب

[ولد ابوظبي]

مشتاق بيروت (http://www.montada.com/member.php?u=770638)

.. هلا والله .. وشكرا على الملاحظه.. ماكنت اقولها قبل .. بس من لزمت المنتدى .. واشوف الشباب يتكلمون عن الكورس . . واقول من موضوعه هذه يبي ابر .. ومن ادخل اشوف يتكلم عن مكملات .. الخ .. وخذتها على اساس .. كورس مكملات .. او كورس ابر .. تؤبرني :)


آبو رآشـد (http://www.montada.com/member.php?u=738748)


هلا اسف كنت منظغط شوي
حسيت فيك ولا مب من عوايدك يالطيب
شوف حبيبي حاول ما تعتمد على المكملات اذا اعتمدت عليها ضعف اكلك
نعم صح كلامك.. ولكن تمر ايام شويه تجبرني.. وتقل التغذيه عندي الفتره المسائية

بالنسبة للواي والبروكومبلكس

البرو كومبلكس خلة قبل النوم لانة بطي امتصاص ويغذي العضلة وانت نايم لمدة 7 ساعات
ممم يعني بخليه .. قبل التمرين.. وقبل النوم

بالنسبة للاوي بروتين خذة بعد النادي مباشرة واول ما تصحى لان العضلة ما فية شي يغذيها ومحتاجة تغذية عن طريق بروتين سريع امتصاص زي الوي بروتين
اول الصبح .. وبعد التمرين..

بالنسبة للأمينو نسبة الامينو في الوي بروتين اكثر من امينو 2222

فخذ لك امينو حلو
ممم اليوم خذت جوله عليهم.. وبشوف امينوا لا باس فيه

وعغلى فكرة مكملاتنا في السعودية بعضها تجي من عندكم
ابعد عن جي ان سي سعر غالي وبعض المكملات ما تلقها عندهم
ممم هيه والله غاليين الله لايوفقهم
اتخيل امس اسأل عن جلوتامين قالت درهم 320
واليوم اشترت من محل اتعاملت معاه مره وحده قبل وخذت جلوتامين بودر اسمه جلوتالين من شركة لابرادا بـ 145 درهم وعلبته كبيره نوعا ما ..اظن 500 جرام الحجم

وسعره كااااسر لكل محلات البروتين
السبب يبيع بفايده اقل . . لانه محله صغيره واجاره رخيص ومنافس لمحل عنده .. وقالي اقدر ابيع اكثر, بفايده اقل ..
المحل اسمه فيتامين شوب= الماريه مول=ابوظبي
الغرض مب دعايه لكن لوجود مكان ارخص ومساعده اللي يحب يشتري منه

وذكرني ان نسيت شي
ماعليك قصور .. والمنتدى شامخ بتواجدك .. وبتواجد الأعضاء كلهم بدون ذكر اسماء

بالتوفيق

[ولد ابوظبي]

http://www.montada.com/customavatars/avatar760620_1.gif (http://www.montada.com/member.php?u=760620) THE CAST (http://www.montada.com/member.php?u=760620)

والله ماقصرت فالرد يطولي بعمرك ..
وعشان الجي ان سي اليوم بطرش شكوى على الفلبينيه .. اتخيل اتصلت بتكرر ابي استفسر عن سعر منتج.. الخ تقولي انته تبي تشوف سعر تعال المحل .. ليش كل شوي تتصل وباسلوب الله لا يوفقها

وبالنسبه للانيمال بمب .. بصراحه كتجربه اشوفه وايد اوكيه وتغيرت عندي الاوزان.. وبالذات الكبسولة الحمراء دمار.. تعطيك تركييز وماتخليك تنام فالليل :) اذا خذتها فالفتره المسائية -
اتخيل مره اتمرنت لمده ساعه ونص تقريبا وبعدها طلعت اركض .. ماشاء الله ركضت 35 دقيقه متواصله .. وحاس انه في شي متغير وبعدني فيه طاقة .. ورديت مب قادر انام

بس على كلام الأعضاء عن تجربه ويفضلون .. يمدحون الـ ان او اكسبلود .. والسوبر جارج.. وفيه منتج داينامتايز .. شي ماذكر اسمه .. منادة الليل مجربه ويمدحه
------------------------------------------------------------------------------
صوت الجماهير (http://www.montada.com/member.php?u=770714)
:) مادري شو ارد عليك .. شكرا على الابتسامه
----------------------------------------------------------------------------
http://www.montada.com/customavatars/avatar127719_4.gif (http://www.montada.com/member.php?u=127719) منادة الليل (http://www.montada.com/member.php?u=127719)

والله ياخوي ولد ما قصرو الوحوش بارك الله فيهم
مب جديد عليهم .. دائما
مافي مجال لاضافة اي شي

اهم شي يالغالي انك ما تفكر في شي لما تلعب لانه التفكير له دور في ضعف النفس ولما تضعف نفسية الانسان ياخي تتعب الجسم وتهلك الجسم فحاول انك ما تفكر دائماً ..... .
ان شاء الله .. وهذه شي اللي احيانا يدمرني

والعب وانتظر النتايج ولما بين فترة تشوف نفسك حاول انك تشوف نفسك بنظرة انك تحس بتغير علشان تقدر تتقدم الى الافضل

الا النظره موجوده يطولي بعمرك :) بس من افصخ واشوف .. احس اني تعودت على شكلي والعضل..<<يمكن من كثر ماشوف بالمرايا .. بس اتحمس لما اشوف انه الاوزان تغيرت عن السابق وبشكل شاسع..
ومثل ماتقول .. هذي رياضة بناء اجسام .. يعني صبر .. ولو كانت في ظروف تأخرك او تقهرك احيانا
بالتوفيق يالحبيب

وياك يارب ..


مااااااااااقصرتوا جميعا .. وفيكم الخير والله .. مب عارف كيف اشكركم .. ولكن مااقدر غير اني ادعي لكم بالغيب وبميزان حسناتكم..
شكرا و عساكم ع القوة .. وان احتجت شي :) بتكونون اول ناس اسألكم فيهـ ..

[آبو رآشـد]

هلا بالنسبة لسكوب قبل التمرين مو لازم اهم شي بعد التمرين وقبل النوم والصبح بالنسبة لك انت على وزنك

بالسنبة للجلوتامين غالي ؟؟؟ الجلوتامين رخيص عند جي ان سي سعرة 90 ريال تقريبا اسمة جلوتامين جي ان سي

بالتوفيق يا وحش

[ولد ابوظبي]

http://www.montada.com/customavatars/avatar738748_4.gif (http://www.montada.com/member.php?u=738748) آبو رآشـد (http://www.montada.com/member.php?u=738748)
هلا بالنسبة لسكوب قبل التمرين مو لازم اهم شي بعد التمرين وقبل النوم والصبح بالنسبة لك انت على وزنك

ان شاء الله .. بعد التمرين .. وقبل النوم .. مشكور على الاهتمام
بالسنبة للجلوتامين غالي ؟؟؟ الجلوتامين رخيص عند جي ان سي سعرة 90 ريال تقريبا اسمة جلوتامين جي ان سي
والله اتصلت وقلت لهالفلبينيه .. قالتلي ارخص واحد بـ 120 درهم وكبسول
بالتوفيق يا وحش
ويوفقك يااربي .. ربي يوفقك ويرزقك فميزان حسناتك

[منادة الليل]

هلا اخوي ولد

الله يحفظك نبي رضاك اكثر من انك تشكرنا يالحبيب ومابين الاخوان شيء

شوف يالغالي ترى. حتى لو كان اختلاف كبير بجسمك ما راح تلاحظه لانك بشكل يومي تشوف جسمك عارف كيف

جرب الي بقول لك عليه وبتشوف الفرق ان شاء الله

اول شيء صور روحك صورة. وبعد شهر من التمرين. خذ لك صورة ثانية وقارن. بينها وبين السابق

ثاني شيء. قيس عضلات جسمك الباي والصدر بمقياس وارجع بعد سبوعين. الى شهر وقيس مره ثانية


جذي راح تعرف كيف اذا كان في اختلاف او لا


عارف انا والله يالغالي فصلت لي قميص. قبل شهرين. وحطة القميص فاتنس. حلو
والبسه بشكل دايم لانه لبس رسمي للعمل
الحين. والله لابسه ياخوي. تخيل ماشاءالله. صار نوع الضيق. ولما كنت انا مسويةعلى مقاس جسمي كان ينلبس براحة. الحين ياخوي. يدي شوي تطول والله على ما البس صار صاك عليها حتى الصدر
ووالحمدالله. يعني هذا يكفيني علشان اعرف. اذا في تطور بجسمي اولا

فحاول انك تسوي الي قلت لك عليه علشان انك بنفسك تشوف الفرق معاك


واسمح لي على مداخلتي مره ثانية


بالتوفيق

[mashkaljey]

ما قصرو الشباب معك يا ولد ابو ضبي

لي تعليق فقط على الشباب اللي واحد منهم علق والثاني يهتف له :)

اخواني من قال لكم مافي شي اسمه كورس مكملات !!! الظاهر ما عندكم خبره باللعب

يعني الحين لمن اقول اخذ لاكيك وجاكيك وكريكيك من شركه مصل تج بتاخذه كل شهر !!! خطأ يا عزيزي خطأ راجع الموقع وشوف شنو يتكلم عن المنتجات اللي ذكرتها وللعلم يبيعونها باكيج كامل 3 علب محكمة الاغلاق بنوع من الكارتون المرسوم عليه لوقو الشركة والمنتجات !

فلو اننا نقول اوكي نتناول الكريكيك مره اخرى كيف يا عزيزي وهو كرياتين ؟ اليس الكرياتين معروف عنه هناك فتره توقف ؟

لهذا يا اخي اللي يعرف باللعب وصارله فتره يعرف ان في كورس مكملات وفي كورس هرمونات وفي كورس ابشركم هرمونات مع مكملات وهو اللي داخل فيه اخونا الحبيب توتو جده !!

وموفقين خير

[mashkaljey]

ما قصرو الشباب معك يا ولد ابو ضبي

لي تعليق فقط على الشباب اللي واحد منهم علق والثاني يهتف له :)

اخواني من قال لكم مافي شي اسمه كورس مكملات !!! الظاهر ما عندكم خبره باللعب

يعني الحين لمن اقول اخذ لاكيك وجاكيك وكريكيك من شركه مصل تج بتاخذه كل شهر !!! خطأ يا عزيزي خطأ راجع الموقع وشوف شنو يتكلم عن المنتجات اللي ذكرتها وللعلم يبيعونها باكيج كامل 3 علب محكمة الاغلاق بنوع من الكارتون المرسوم عليه لوقو الشركة والمنتجات !

فلو اننا نقول اوكي نتناول الكريكيك مره اخرى كيف يا عزيزي وهو كرياتين ؟ اليس الكرياتين معروف عنه هناك فتره توقف ؟

لهذا يا اخي اللي يعرف باللعب وصارله فتره يعرف ان في كورس مكملات وفي كورس هرمونات وفي كورس ابشركم هرمونات مع مكملات وهو اللي داخل فيه اخونا الحبيب توتو جده !!

وموفقين خير

[ولد ابوظبي]

http://www.montada.com/customavatars/avatar127719_4.gif (http://www.montada.com/member.php?u=127719) منادة الليل (http://www.montada.com/member.php?u=127719)

مشكووور على ملاحظتك يالغـالي .. وكلامك كله 100% وانا كل شي متغير عندي والحمدلله من ناحية الأوزان والشكل ( بس بعد يبيلي أزيد وزن - وابي اخف كرش) .. حتى ربيعي ما شافني من فتره و اليوم يقول جسمك وايد صاير اوكيه .. بس متى بتشيل الكرشه بتصير احلى :)

---------------------------------
http://www.montada.com/customavatars/avatar710296_7.gif (http://www.montada.com/member.php?u=710296) mashkaljey (http://www.montada.com/member.php?u=710296)

هلا وغـلا .. نورت بطلتك للموضوع .. :) انته وبوراشد .. دايما بالمرصاااد خخخ
ماترحمون يوم تمسكون حد على زله

ربي يحفظكمـ .. وعساكم ع الخير القوه دايم.. وربي يعوضكم أجر ان شاء الله .. ولكم دعوة بظهر الغيب


اخوكم ولد بوظبي

[شريف0]

والله الاعضاء الكرام والمشرفين ما قصرون واى استفسار اخر موجودين يا اخى موفق ا نشاء الله