عـضله أكبر عـن عـضله ؟! لـم أحقق المطلوب ..

[alb3tal]

الـسلام عليكم ورحمه الله وبركاته :

المشكله كما هي مثلا : انه الباي اليمين اكبر من اليسار والايد اليمين مقسمه اكثر عن اليسار .

صارلي في صاله فتره طويله 3 سنوات ممكن تقدرون تقولون بلا فايده ما وصلت للهدف الي ابيه هو تضخيم وتقسيم تقدرون تقولون جسم فرنسي !!

طبعا اقطع وارجع .. راجع قبل 3 شهور ! وبدات استعمل مكملات ل اول مره استعمل Opti Whey on و Mic Creatine من نفس الشركه on

الـطول : 178
الوزن : 79-80
العمر : 20

ف أبغي اضخم واقسم نفس الوقت ما ابغي اكون وايد ضخم بس ابغي جسم يكون بارز ومقسم :)

سـويت موضوع عن المكملات :

والي نصحوني اخذه Pro Complex + No-Xplode + Super Amino4800

التدريب :

4 ايام الاسبوع

1 - صدر
راحه
2- ظهر
راحه
3-اكتاف
4- باي وتراي
راحه

واعود على نفس الجدول

ف خبرتكم ي اصحاب الخبره :)

[arnold classic]

هلا بك اخوي، لكن وين الارجل بجدولك؟ لا تهمل الأرجل رجاءً/ المكملات الي نصحوك فيها الشباب ممتازة
وخذ بنصيحتهم . والله الموفق

[منادة الليل]

بخصوص عضلة كبيرة وعضلة صغيرة حاول انك تمرن العضلة الصغيرة بشكل صحيح وحاول تركز على انك تعطيها تمرين صح ونفس الوزن للعضلة اليمنى وحاول في الايام الاخرى شوي تمرن العضلة الصغيرة



حاول تغير الجدول يالغالي وتنوع في التمارين :)

وانت تبي تضخم فاخذ لك بروكومبلكس الجينر وليس العادي :)

بخصوص تضخم وتقسم في نفس الوقت صعبه يالغالي :)

حاول انك تضخم وبعدها اشتغل على التنشيف حتى تقسم :)

عصفورين بحجرة واحده ما تجي كل مره في وقتها :)

والنو اكسبلود اذا استخدمته شهرين وقف عنه شهر لانه ما راح يعطيك نتايج بعد الشهرين بسبب انه الجسم اعتاد على هذا الشي فلابد راحة شهر حتى يتجدد مفعول المنتج بعد الاستخدام

اذا مر لك اكثر من شهر او شهرين على نفس الجدول غيره الى هذا

1- صدر +باي
2- ظهر+تراي
3-ارجل
4- اكتاف+ترابز
5- بطن
6 راحة

وترجع على الجدول
ولكن هذا الجدول راح يفيد في حال كانت تمارينك ثقيلة وقوية :)

وتاكد اذا كنت في حالة تضخيم انك في كل جلسة تقلل التكرارا وتزيد الوزن :)

بالتوفيق

[mashkaljey]

الشباب ما قصرو ابد معاك واخوي 3 سنوات وما تعرف توازن بين الاوزان وتظهر العضل بالشكل الصحيح ؟ غريبه والله انا اشوف ناس صارلها 3 اشهر وماشاء الله اكتسبت خبره

الا اذا كان قصدك 3 سنوات بين شهر وشهر توقف شهرين ولا ثلاث اذا هذا الكلام صحيح يعني انت بس قاعد تتعب نفسك عالفاضي لان ما ينفع تلعب وتوقف تلعب توقف هذا الشي ما يخليك توصل لاوزان فتصير كانك تلف في دائرة توصل لمستوى وترجع من جديد

[alb3tal]

لا مثلا استمر 7 شهور واوقف 3 شهور وارجع ..

يعني استمر فتره حلوه ..

والله مب عارف يعني اتمرن صح واشوف الي يسووونه واسال المدربين

الظاهر لازم اغير صاله ل اني مستمر فيها من زمان وما وراها فايده

وعن البروكملبكس ؟ مب استعمل العادي افضل من الغينر ل اني ما احتاج وزن ؟

[alb3tal]

وعـن الاوزان حاليا يعني

العب بنش مستوي 25 - 25 مع مساعده خفيفه وعالي نفس شي ونازل تقريبا نفس وزن ها ب النسبه للصدر يعني ابين لكم .

اول تمرين 4 جلسات

مثلا العب 10 وزن و ازيد 15 - 20 - 25

ثاني تمرين
15-20 -25
طبعا ما كنت جي اول

اول كنت 10-12.5-15 -17.5

ويوم من الايام كنت اشل 35-35 :)

لكن مب محصل الجسم المراد العظلات ما احسها كبيره ذاك الزود :(

[alb3tal]

أخوووي مناده الليل !!

الله يهديك يوم نريح بس ف اسبوع ما ينفع !! لازم 3 :(

بعد الصدر خلاص انتهى لازم راحه :p

وعن الاوزان كتبت لك فوق :)

[منادة الليل]

3 ايام !؟؟؟؟؟؟

يالغالي من الذكي الي قال لك في مثل هذا الجدول تحتاج الى 3 ايام يالغالي

لا تنسى اول يوم صدر وترجع له بعد 5 ايام هذا كفاية ريحته وكل عضله تاخذ حقها من الراحة

يعني لما تلعب ارجل ضغط على صدرك او البايسبس او التراي سبس؟

والله شوفي الغالي تبي المفيد وقدمنا لك :) وترى 3 ايام هذي تعدم العضلة صراحة مو تفيدها

تخيل تريح 3 ايام في السبوع !؟!؟؟؟؟؟؟؟؟ هذا خليها حق اصحاب البطولات واصحاب رافعي الاوزان فوق الــ80 كيلو ههههههههههه

الله يوفقك يالحبيب

[alb3tal]

لا انا ما اقصد 3 ايام ورا بعض !!

3 ايام متفاوته يعني مثلا

صـدر + باي
راحه
ظهر + تراي
راحه
أكتاف + مثلثات + أرجل
ركـض + بـطن ( ممكن نخلي الارجل هني بدل مع اكتاف )
وراحه

واعيد يوم السبت على نفس الجدول

شو رايك ؟

لوا انت قصدك ما ينفع اريح 3 ايام ف الاسبوع ل انه كما تشوف جدولي الي فوق انا اريح 3 ايام ف الاسبوع :)

الـي هو هذا

التدريب :

4 ايام الاسبوع

1 - صدر
راحه
2- ظهر
راحه
3-اكتاف
4- باي وتراي

فـ انتظار ردك ^^

[ازرق اللون]

فيه مشكلة اشوف كثير يقع فيها عندنا بالصالة وهي عدم الاهتمام بتوازن الكرسي او البنش النايم في تمرين الصدر والكتف يعني تلقى الكرسي رايح شوي يمين او تلقى المشترك مايل لجهة اكثر من جهة وهو عالبنش النايم ويديه اتساعها مو متوازن المسكة عالبار ولما تختلف اتساع المسكة يد عن يد تختلف تاثير الوزن عالعضلة وتدخل معها عضلة ثانية او تكون متركزة عالزاوية الخارجية اكثر في جهة والجهة الثانية عالداخلية اتمنى تكون وصلت لك الفكرة

بالنسبة لحمل الاوزان ترى لكل شخص قدرته من الله سبحانه لكن انت تطورها واهم شي انك دايم توصل العضلة لاكبر توتر وجهد عشان تنمو مو لازم تشوف زميلك يشيل 50 تشيل زيه فالقدرات مختلفة حسب العامل الوراثي وقوة العضلات والاعصاب وهذي البعض يكتسبها بسرعه والبعض يحتاج لوقت اطول

[Mr.0teeby]

منادة الليل

مايقصد ايام الراحة كثيرة

يقصد انه لما تمشي ع الجدول

1- صدر +باي

هنا نبدا بتمرين عضلات اخرى


2- ظهر+تراي
3-ارجل
4- اكتاف+ترابز
5- بطن
6- راحة


نرجع للصدر والباي بعد خمس ايام وبتكون هالخمس ايام

العضلتين مرتاحة لانه ماكان التمرين عليها مباشرة ع عضلات اخرى

وبكذا اخذت الراحة الكافية وفوق ذا ( راحة يوم كامل للعضلات )