عندي امتحان ايلس الاسبوع الياي وابغي نصايحكم

[.::RaK_BoY::.]

السلام عليكم

ممكن حد يعطيني نصاايح

لاني اول مرة ادخل هالامتحان ومب عاااارف الترتيبات والمتطلبات


اللي اكثر شي مخوفني الـwriting

|Academic|

[snake.ae]

عليكم السلام
انا جربت الايلس مرة

بالنسبة للريدنج لاتاخذ اكثر من 20 دقيقة في كل قطعة وهم ثلاث قطع
ابدا بسوال بختيار العناوين و اخر اسئلة حلها الاختيارات و صح وخطاء
لذا طلب منك true & false لازم تحط true & false و اذا طلب yes &no لازم تحطهم ولا الاجابة خطاء اذا عكستهم

في اللسننج لازم تركز في الجزء الاول و الثاني و الثالث لان الرابع صعب

في السبيكنج اذا تستخدم كلمات صعبة وجمل طوية مركبة اضمن لازم تكمل 15 دقيقة تقريبا عشان تضمن النجاح
اول شي تعريف و اسئة عامة حاول تكمل 6 دقايق على الاقل المراقب يسال و انت تجاوب اوشي عنك بشكل عام بعدين شوية اسئلة عامة
القسم الثاني طولة دقيقتين دقيقة تسجل افكارك عن السوال و الثانية تتكلم
القسم الثالث سوال له علاقة بالقسم الثاني او الاول وانت تتكلم و هو يسالك ويناقشك لكن مب مثل القسم الاول

الرايتنج لازم تستخدم كلمات صعبة و جمل مركبة
نظام اسئلتة قسمين

الاول ما علية درجات وايد و لزم تخلصة في 20 دقيقة على الاكثر وهو عبارة عن شكل او جدول او صورة وانت لازم تشرحها ب 150 كلمة على طريقتي في العد 16 سطر

حاليا اعتقد انهم يركزون على اكثر من نوع و انت تربط بينهم مثل جدول و شكل

طريقة الحل البرجراف الاول تعيد صياغة العنوان و تكتب overview للشكل (الخلاصة) بعدين تبدى بالبرجراف الاول تشرح فية الشكل الاول و بعدين البرجراف الثاني و تشرح فية الشكل الثاني و تخلص ال150 كمة فية و دخل في القسم الثاني

امثلة

http://www.scribd.com/doc/4104174/IELTS-Writing-Samples-Task-1-

http://www.ielts-exam.net/index.php?option=com_content&task=category&sectionid=7&id=20&Itemid=32

مثال على شكل وجدول
http://www.ielts-exam.net/index.php?option=com_content&task=view&id=589&Itemid=32

مثال على صورة و شرحها

http://www.ielts-exam.net/index.php?option=com_content&task=view&id=560&Itemid=32

مثال على صورتين و انت تربط بينهم

http://www.ielts-exam.net/index.php?option=com_content&task=view&id=533&Itemid=32


القسم الثاني المهم و الاصعب 250 كلمة تقريبا 26 سطر طولة 40 دقيقة
السوال لازم تركز فية لانة مرات يكون قسمين او يعطيك جملة ويقولك توافق او لا او يطلم منك تقارن
الموضوع يقسم الى اربع اقسام مقدمة و رايك و راي غيرك و الخلاصة
لازم ما تكرر الكلمة وتستخدم مرادفاتها
لازم تعيد صياغة العنوان
لازم تتجنب الاخطاء الاملائية لانها تنزل درجتك

امثله

http://www.scribd.com/doc/5128744/ielts-writing-samples-task-2

http://www.ielts-exam.net/IELTS-Writing-Samples/ielts-writing.htm

http://www.ielts-exam.net/index.php?option=com_content&task=category&sectionid=7&id=15&Itemid=28

بشوف اذا حصلتلك نماذج زيادة او اسئلة ثانية بحطها في الموضوع

[.::RaK_BoY::.]

يزاك ربي الجنه

ومشكور عالنصايح الذهبية

و اللهيوفقني بالامتحان

لاني ابغي اجيب 6

[snake.ae]

هاي طريقة حساب الدرجات في الليسننج و الريدنج (http://ieltsmelbourne.com/ielts-band-score-calculator/)

عشان تطلع المجموع اجمع كل الارقام و اقسمها على 4


في المرفقات سوال ما انتبهت اذا في شي مثلة ولا
السوال يطلب منك تتكلم عن الماضي و الحضر و المستقبل حسب التاريخ

بالنسبة لنضام اسئلة اللسننج
صورة وتحط عليها معلومات و جدول و اختيارات و قطعة وفيها فراغات تكملهم
عند دقيقة او اقل قبل كل مجموعة اسئلة عشان تقراهم و دقيقة تقريبا بعد كل مجموعة لمراجعة الاجابات اذا كنت متاكد من الاجابة او ما سمعت الاجابة ادمج الوقت وشوف اسئلة المجموعة اللي بعدها

و اذا ركزت تقدر تييب باند 9 في اللسننج