المساعد الشخصي الرقمي

مشاهدة النسخة كاملة : هل من الممكن اجمع بين كمال الاجسام ولعب الكورة ؟


Mr.Asim
09-04-2010, 06:54 PM
"بسم الله الرحمن الرحيم"
الســلام عليكم ورحمة الله وبركاته

كيفكم شباب؟؟
شخباركم؟؟

شباب بس عندي سؤال..

أن لاعب جديد في كمال الأجسام..
وأريد أكون كتله عضليه ضخمه..

وفي نفس الوقت العب كره..

فهل من الممكن أني أجمع بين الكره وكمال الأجسام..
إذا كنت أريد أكون كتله عضليه ضخمه...
منادة الليل
09-04-2010, 07:23 PM
لا يالغالي

غير ممكن نهائياً

كرة القدم رياضة قوية وتحرق كل شي بجسمك وانت تبي تضخم علشان التضخيم لازم حتى انك في السبوع مره الى مرتين تجري فقط وجري خفيف مدة قصيرة :)

بالتوفيق عزيزي
Mr.Asim
09-04-2010, 07:30 PM
شكراً على مرورك الطيب حبوب..
اطول 1
10-04-2010, 01:39 PM
تبغا الصراحه انا رائيي من رائي الكابتن منادة الليل

والله يوفقك
professional8
10-04-2010, 09:42 PM
اخ مناذ سؤال انت قلت ان كرة القدم تحرق انا سبق سئلة عن الجري هل يأثر على العضلات فقالوا الشباب لا يؤثر لان في جسمك دهون طبعا الطول 173 والوزن 80 .. وانا اجري كل يوم بعد الحديد 30 دقيقه متواصله ..ولي شهرين على هالحال ؟ هل فعلا يؤثر .
آبو رآشـد
10-04-2010, 10:11 PM
تم تعديل العنوان

راجع قوانين المنتدى
منادة الليل
10-04-2010, 10:35 PM
العفو اخوي

اخوي professional8

انت قلتها انك عندك نسبة دهون :)

وانت اتوقع تبي تتخلص من الدهون
والجري هو الانسب لموضوعك وانت اصلاً واضحه زيادة الدهون عندك تقريباً 10 كيلو يالحبيب

وصاحب الموضوع قال


أن لاعب جديد في كمال الأجسام..
وأريد أكون كتله عضليه ضخمه..

الحين انت قول لي يا professional8 اي مدرب واي كابتن قال لك في حال انك تبي تبني عضل وجسم ضخم الجري راح يساعدك على الضخامة ؟

ومانبي نخرب موضوع الاخ افتح موضوع جديد ونناقش فيه الامر يالغالي:)
المايسترو99
11-04-2010, 03:13 AM
انا جربتها
المشكله اني احب الكورة وغصب عني العب

تجيني اغرائات بنت كلب

خ خ خ

المهم صدقني راح تتعب ولا راح تستفيد

لكن انسب طريقه انك توقف الكورة اذا انت تحبها انك تروح النادي وقت مع اصحابك يلعبو كورة

لانك لو قلت باتفرج وما العب صدقني راح تلعب

لكن اذا ان عروض المباريات تجيك في اي وقت فالله يعينك
فيصل 2003
11-04-2010, 03:30 AM
والله مشكله الكوره لازم منها ع الاقل مرتين بالاسبوع فقط
ومشكوررين جميعا
فلسطيني_سني
11-04-2010, 07:49 AM
رأيي والله أعلم

لو بتقدر تجمع بينهم بتطلع وحش بمعنى الكلمة و جسمك بيكون خالي من الدهون

مش مهم التضخيم المهم يكون عندك لياقة

لو عندك لياقة بتقدر تلعب حديد و مش مهم الأوزان بامكانك تلعب حديد لكي تصبح قوي

و الكورة للياقة

فاللياقة برأيي أهم من الحديد و يعطيك العافية
Mr.Asim
13-04-2010, 09:49 PM
شكراً شباب..

عالمرور الطيب منورين..
Mr.Asim
13-04-2010, 09:52 PM
بس شباب أنا أيام تمريني..

السبت إلى الخميس...

الجمعه رااااحه..

فهل أقدر العب كوره يوم الجمعه بس..

بدون ما أأثر ع الجسم الي بنيته..
mashkaljey
14-04-2010, 02:55 AM
عادي العب لكن راح تشوف التعب :)

لعب كره القدم يختلف على حسب مكان اللاعب ولا يشترط حركه اللاعب طوال فتره اللعب 90 دقيقه

لهذا انا عندي صديقي دخل بالتضخيم واراد مثلك اللعب للاسف ترك التضخيم لانه يحس بثقل ولا يمكنه اللعب كالسابق

الامر يرجع لك لو اردت كتل عضليه تظهر بشكل اسرع حاول الاهتمام برياضه واحده منهم وهي لعبه كمال الاجسام

بالتوفيق
Mr.Asim
14-04-2010, 07:04 PM
شكراً مرورك حبوب..

نورت..
فيصل..
14-04-2010, 09:22 PM
http://www.as.com/recorte/20091203dasdaiftb_18/C280/Ies/Cristiano_hace_mil_abdominales_dia.jpg

http://farm3.static.flickr.com/2044/2376601497_6aecdf5157.jpg

اختصر الكلام :)
Al3aZeF
14-04-2010, 11:25 PM
^ ^

بآلنسبـة للصـور آلي فـُوق للآعـب كريستيآنو طبـعاً ..
بس ملآحـظة ، آللآعبيـن آلأجآنـب !
يبنـُوآ آجسآمهم في آلـ Off Season ..
يعنـي لمآ يخلص آلدوري ويعطوهم إجآزة ، يتمـرنوآ حـديد فقـط ،
وبآلنسبـة لأيآم آلتمريـن .. يلعـبُوآ سويدي ،
وحديد يوميـن في آلآسبوع شآمـل بـأوزآن متوسطة إلى خفيفـة ،
بس لآ تلعـب يوم آلجمعـة ، فـ هو يوم للرآحة آلتآآآمـة للجسـم ~
حتى لو تلآحظ آلصورة آلأولـى ، حآط بس 5 كيـلو تقـريباً في كل جهـة !
يعـني بآختصآر ، جدآول وتمآرين لآعـبين آلكورة تختـلف عن جدآول لآعبين كمآل آلأجسآم ،
وهذآ يعتمـد عـليك إذآ كنـت تبي جسـم يسآعدك في آلكورة ، أم جسـم ضخم للمظهـر وكمآل آلآجسآم !
ع آلعموم ، بآلتوفيـــق ~
nassernasser123
15-04-2010, 05:55 AM
يا جماعه اسمحولي اتدخل بشغله ... الدهون ما تحترق بالكوره بنسبه عاليه او ما تحترق ابدا اللي يحترق هو الماء المخزون بالجسم اما الدهن يروح بالاكل الدايت الناشف اللي ما يكون فيه نسبه دهون مثل صدور الدجاج والتونه والبطاط المفيوح ... او في منتجات تحرق الدهن الفات بيرنر اما المشي والركض صحيح يضعف لكن هذا ماء مو دهن
Al3aZeF
15-04-2010, 11:04 AM
^ ^

nassernasser123 (http://montada.com/member.php?u=772639) : كـلآ‘م سـليم 100% ،
Mr..Arnold
15-04-2010, 12:46 PM
لا يالغالي

غير ممكن نهائياً

كرة القدم رياضة قوية وتحرق كل شي بجسمك وانت تبي تضخم علشان التضخيم لازم حتى انك في السبوع مره الى مرتين تجري فقط وجري خفيف مدة قصيرة :)

بالتوفيق عزيزي

كلام اخوي سليم
Mr.Asim
15-04-2010, 03:15 PM
متشكرين ع المرور..

وشكرا أخي فيصل ع الصور..

بس أنا أريد جسم ضخم جداً أكبر من جسم كرستيانو..

وأكرر شكري يا شباب ما قصرتوا..
آبو رآشـد
15-04-2010, 05:49 PM
شوف يا عزيزي كمال الاجسام والالعاب الرياضة الاخرى ما تجتمع مع بعض

تبغى جسم عادي فتنس بقليل من العضلات العب الاثنين ما فية مشاكل لكن لا تطمح يكون جسمك معضل جسم فرنسي ممتاز ومحترف او جسم ضخامة

السبب هو انك لا تعطي لعضلاتك المجال للنمو وان تترك قاعدة من اهم قواعد كمال الاجسام الا وهي

الراحة

العضلات محتاجة راحة لتنمو بعد التمزقات من التدريب واللعب يمنعها من هذا الشي لو تلعب في الاسبوع يوم واحد فقط لمدة نص ساعة ما فية مانع بالعكس افيد لك او تقدر تلعبة اكثر من يوم اذا كنت داخل تنشيف هذا ما فية مشاكل ايضا لكن غير هذا الكلام ابدا غير مقبول

بالتوفيق
مواي تاي 99
15-04-2010, 06:30 PM
صدقني تقدر ولو تبحث في النت راح تحصل اللي تبيه
Mr.Asim
15-04-2010, 10:53 PM
أهلين...

شكراً ع المرور ونورتوا الموضوع..

ثانكس أبو راشد ع الرد الجميل..