المساعد الشخصي الرقمي

مشاهدة النسخة كاملة : ابي طريقه او بروتين او اي شي لزياده وزن لو سمحتووووو


Gladius
14-04-2010, 03:19 AM
السلام عليكم ورحمه الله وبركاته
وش اخباركم
بعطيكم كل شي بالتفصيل

انا الحين لي اسبوع ونص مسجل بالجيم ( بودي ماستر )





ومسجل عندهم 3 شهور يعني تونا باقي اكثر من شهرين ونص

اول اسبوع خليته كلله لياقه عشان استعيد لياقتي واكون مستعد للحديد

ثاني اسبوع انا في 3 يوم بادي بالحديد
والجدول اول اسبوع جميع العضلات مع بعض يعني كرررف :bigeyes:
وبعدين المدرب بيعطيك جدول جديد تستمر فيه بعد مايشوف جسمك والنتايج الي صارت من اول اسبوع

اولاَ انا طولي : 196 او 170

الوزن : 62 ( بالجزمه وانتو بكرامه :D ) خخخخخخ
يعني بدون جزمه مدري كم

والاكل كل يوم فطور + غدا + سناك* + عشا

سناك* وجبه غذاء

وانا كل الي ابيه ابي اوصل وزني 70 يعني ابي ازيد 8 كيلو هل يمديني ؟؟
بس باسرع وقت مابي واحد يقولي 10 كيلو بسنه او زي كذى سلماات :cray:

واكيد ابي زياده وزن حديدمو دهون وشحم :boggled:
عشان يكون مفصل كويس

وبالنسبه للبروتين
هل اخذه من الحين لان توني 3 يوم لي بالحديد ولا اخليه بعد شهر ولا كيف
على فكره البروتين الي ابيه هو حق زياده وزن بقوه بعد
وتذكروووا
انا مابي ضخااامه
انسوو
ابي تفصيل فقط وزياده وزن عضل حديد وبروز العضله
عندي سؤال
انا كل يوم العب كوره قدم لانها هوايه من يومني صغير
هل تاثر بنقص الوزن او شي :boggled:
لاني كل يوم اتمرن حديد وبعدين العب كوره

وانشالله يكون كل شي واضح ويعطيكم الف عافيه
وانشالله تفيدوني
mashkaljey
14-04-2010, 03:32 AM
اخوي انت تقول تلعب كره كل يوم بعد النادي كيف تبي تزيد وزنك يعني ؟ما يصير هالكلام وقف الكوره مباشرة واستمر بالوجبات اللي تاكلها خلال هالشهر وبعدين يصير خير عالمكملات لانك فاهم اللعبه غلط مافي شي اسمه بروتين يزيدني عضل البروتين مكمل لسد نقص احتياجك اليومي منه لتغذيه العضلات واللي يحكم على كبر العضلات هي اوزانك اللي مع الوقت بتزيد وكل ما زادت الاوزان زادت العضلات فخلك عالجدول

اما مساله ابي يزيد وزني عضل بس وماتبي تطول السالفه الا ابشرك بطول السالفه مافي شي خلال 3 اشهر اسمه اصير عضل صافي وضخم من غير دهون مستحيل وانت نحيف لو متين قلنا شوي في مجال

فاطلب شي معقول وقول ابي خلال سنه ازيد عضل او خلال 3 اشهر يزيد وزني لكن بكلا الحالتين هذا الشي انت تحدده محد غيرك يقدر يلبي طلبك لو حتى اخذت منشطات وهرمونات وهالامور اذا ما تاكل عدل وما تتدرب عدل ما بيفيدك شي فالامر راجع لك نحن هنا نعطيك النصيحة فقط

موفق
Gladius
14-04-2010, 03:49 AM
حبيبي
انا مابي تضخيم على قوولتك
ابي جسم مناسب ومنسق
شوف اجسام الاعبين كلللللللللللهم
وانت تقولي ماينفع ابد كوره وحديد ؟
وكللللهم يتدربون فوق ال 6 ساعات يومياً كوره !!!
ويتدربون حديد
وشوف اجسامهم امثال سيرجيو راموس ورونالدو وغيرهو الكثير والكثير

انا ابي جسم رياضي منسق ومو تضخييم

وسؤالي هو هل يمككني ازيد 10 كيلو خلال 3 شهور او اقل وللمعلوميه اني العب حديد و كوره باستمرار
mashkaljey
14-04-2010, 04:02 AM
حبيبي انت قريت ردي ؟ من قال لك ضخم الحين عشان ترد وتقول على قولتك ؟!!

قاعد افهمك واقولك تبي توصل لجسم رونالدو وما ادري منو حبيبي هذيل ناس تلعب كره من عمر 13 سنه والجسم اللي حاصلين عليه والله عاجبك على قولتك هذا يا اخوي الحين روح شوف يوم كانو في مستوى متوسط شلون اجسامهم وخاصه رونالدو بس الظاهر انت مثل ما انا قلت فاهم كمال الاجسام غلط

احب اقولك لو كل واحد بيدش 3 اشهر كمال اجسام وبيصير فتنس مثلهم كان انا لعبت 3 اشهر وقعدت في البيت بدال لا اكدح كل هالفتره على الفاضي

( على فكرة اسمها فتنس مو ازيد ببروتين عضل بقوة لا وشارط بعد 8 كيلو عضل ب 3 اشهر ) ثاني مره وضح بالكلام ودامك ما تفهم باللعب لا تقول على قولتي وعلى قولتك لان هالاسلوب السخيف ما نحبه هنا

وبعدين لا تقارن الناس المحترفه في واحد يلعب لا نادي ولا هم يحزنون حبيبي عندنا هنا لو تبي تقارن قارن نفسك بلاعب خليجي لا تشطح بالتفكير وتشوف الاجانب لان هذي ناس عندها نوادي مختصه ومدرب مختص فيه وفريق طبي خاص بالنادي وين انت ووين هم حتى تشترط علينا وتقول ابي ب 3 اشهر 8 كيلو عضل ولا ابي اضخم !!
Gladius
14-04-2010, 04:23 AM
انا قلت ابي اصير مثلهم ؟؟؟؟؟
وييينيي ووييييينهم بسس

انا قلت لك امثالهم لانك تقول انو غلط تلعب كوره وحديد
وانا جبت لك مثال
بس انا ماقارنت وقلت لك ابي اصير مثلهم
وللمعلوميه كوره القدم كل يوم انا عليها اصلا من يوم عمري 7 سنين بالابتدائي توني جاهل لحد الحين عمري 21وانا العب لو العب لحالي عادي ماعمري قعدت يومين بدون كوره
عشان كذى انا قلت صعب اني افارق الكوره
وياخوي الفيتنسس غيييييييييييييير والحديد غير مدري وش جاب لجاب
الفيتنس = لياقه
انا ماقول انك مخطي
لا بلعكس انا اتعلم منك
وانا ماسالت الا اني محتاج اجابه ومحتاج رايكم وكل شي
بس اشووفك دااش معصصب ونفسيتك مخشمك لييش يعني ؟
mashkaljey
14-04-2010, 04:56 AM
يا خوي من قالك الحديد غير والفتنس غير ونعم ادري معناتها لياقه يعني جسم رونالدو شنو تسميه عضل ؟؟ لا اخوي ماهو عضلات ولا يوصل لمستوى لاعب كمال اجسام وانت وين تحصل على اللياقه بالشارع ولا بنادي كمال اجسام وحديد ؟؟ الظاهر النادي اللي انت فيه مافيه سويدي وهالامور اللي بكل نادي شكله بس بارات واوزان واجهزه حديد

وبعدين هذا نسميه جسم لاعب كمال اجسام دخل تضخيم وبعدين نشف جسمه

http://i2.ytimg.com/vi/eQ5zGgsaGxs/default.jpg


وهذا نسميه فتنس مثل رونالدو صاحبك

http://bumpshack.com/chriswinters3bumpshack.jpg

وفرق بين الصورة الاولى والثانية


واذا انا اعصب فانا ما شفت بردي الاول اي عصبيه لكن بالثاني اي نعم لان اسلوبك ما عجبني ولا تبي كل من هب ودب وسجل وقط كلمه امشيها له على عشان اكسبه لا بالله ما يشوف شر

وبعدين في قسم شكاوي واقتراحات على المراقبين اذاك تحب تشتكي الباب مفتوح لك والنفسيه بخشمي ليش يا اخوي الكبر لله سبحانه وانا ما اشوف بكلامي فوق اي تكبر عشان تقول نفسيه بخشمي ولا نفسيه بأذني !!!
mashkaljey
14-04-2010, 04:59 AM
ايه صحيح حتى ما تقول ما جاوبوني مع ان كل الكلام واضح

8 كيلو عضل ب 3 اشهر مستحيل لواحد مبتدأ وشي سهل لواحد متمرس وانت مبتدأ يعني يبيلك تشد على نفسك يمكن تحصل زياده 4 كيلو بهال3 اشهر عضل صافي معقوله جدا لكن مع لعب الكره انسا يمكن تزيد بشهر كيلو ويروح بالشهر اللي بعده لانك شغال حرق بالكره يعني ما تعطي مجال للعضل ياخذ راحته ويكبر ويستفيد من الاكل
Gladius
20-04-2010, 12:30 PM
مشكوووور اخوي وماقصرت على الفايده
للمعلوميه
عندنا حصص سويدي من 3 مدربين ابطال وعالمين بجنسيات مختلفه
ويعطيك العافيه

طيب هل السويدي لجميع الناس والاعمار
ولا للي يبي يخس او يضعف ؟