المساعد الشخصي الرقمي

مشاهدة النسخة كاملة : جدول يديد .. أبي رايكم فيه؟


ولد ابوظبي
15-04-2010, 02:52 PM
السـلام عليكمـ .. هذه جدولي الجديد من المدرب ..
مثل مانتوا عارفين .. الشورى مطلوبه في أمر مشكوك أو اود اني احسن منه..اذا فيه اي عيب :33:

خليته في صورة سهله وواضحه جدا ..

الملاحظات المكتوب:

التكرارات للكل .. 10 - 8 - 6 -6

احماء قبل كل تمرين 15 تكرار

4 ايام فقط في الاسبوع فقط<< رايكم؟ .. 4 ايام تمرين 5 يوم اخليه بطن؟ و6 و7 يكونون راحه؟

لانه البطن موزع تمرين واحد في كل يوم وحطيت جدول بوراشد مكان واحد
http://img105.herosh.com/2010/04/15/926399087.jpg (http://www.herosh.com)

الحمدلله بعد 3 ساعات من إعداده حتى يكون سهل عليكم .. اتمنى تعطوني رايكمـ فالتمارين اذا كانت ميه ميه .. لأنه يهمني :biggthumpابي أعرف اذا فيه اية اشكال مع اني شاك انه يبيله تعديل بعض الشيء

تحــياتي .. اخوكم ولد بوظبي
Mr.Asim
15-04-2010, 03:07 PM
تمرينات رائعه وجدول أروع..

واصل والله معك..
ولد ابوظبي
15-04-2010, 03:55 PM
شكرا مستر عاصم .. ومرورك .. أروع .. ^^

نشوف اقتراحات أخرى او اضافات .. :)

تحياتي
آبو رآشـد
15-04-2010, 04:42 PM
1

تمارن الكتف بدلة مع تمارين الظهر يعني يكون اليوم الاول صدر وباي واليوم الثاني ظهر وتراي

2
في يوم الظهر فية تمرين كتف خلفي ..؟

3

تمارين الكتف الخلفي اضفة مع تمارين الكتف

4
اضف تمرين للتراي الي هو بار مايل مستوي

5

اضف تمارين الترابيز مع تمارين الكتف

6

الغ اول تمرين للأرجل وحط بدالة جهاز دفع الى الاعلى
واضف مع تمارين الارجل خلفي مفرد
mashkaljey
15-04-2010, 05:34 PM
سبقني ابو راشد نعم انت مدخل تمرين اكتاف خلفي مع الظهر اللي اهوا الدامبلز وانت جالس بالكرسي رقم 6

بالنسبة لجدولك انت ضاغط نفسك اربع ايام وبعدين تلعب بطن وبعدين تريح يومين انا اقول العب يومين وارتاح يوم والعب يومين وارتاح يوم خلك على هالنظام افضل واسال مجرب مش حالك على هالنظام ترى حلو

بالنسبة للسواعد مدخلها مع الصدر والباي خلها مع الارجل يا غالي وتمرين الظهر السفلي اللي بالبار اللي مع الاربجل رقم 5 شيله وحطه مع يوم الظهر وخله اخر تمرين بالظهر لانه مو اساسي هو لتقويه الظهر فقط

بالنسبه لارجل 4 تمارين ما تكفي على الاقل 6 تمارين شوفلك جهاز دفع بالنادي ترى هالجهاز قوي قوي قوي على الاقل 5 تمارين افضل من 4 لان عضلات الرجل عضلات كبيره تتحمل ترفع اوزان وتتحمل كثره التمارين مثل الظهر لا تقل عن 5 تمارين

وموفق خير
Mr.Asim
15-04-2010, 10:02 PM
شكرا مستر عاصم .. ومرورك .. أروع .. ^^

نشوف اقتراحات أخرى او اضافات .. :)

تحياتي



لا شكر على وااااجب..

بس أظن أنه ( مشكلجي و أبو راشد )

أضافولك المفيد..

وسمحلي ما قدرت أضيفلك شيء لأني مبتدأ..
funny..boy
15-04-2010, 10:39 PM
انا عندي سوال بس ياخوان
في تمرين الصدر هل اللعب صدر علوي قبل ماللعب صدر مستوي بالبار ؟
يعني انا لما اللعب صدر اللعب اول شي صدر مستوي بالبار وبعدين صدر علوي بالبار . هل صحيح تمريني هذا ؟
وجدولك حلو اخوي ولد بوظبي شكلي بسرقه وبفك عمري هههههه
ولد ابوظبي
15-04-2010, 11:43 PM
http://www.montada.com/customavatars/avatar738748_4.gif (http://www.montada.com/member.php?u=738748) آبو رآشـد (http://www.montada.com/member.php?u=738748)

http://www.montada.com/customavatars/avatar710296_7.gif (http://www.montada.com/member.php?u=710296) mashkaljey (http://www.montada.com/member.php?u=710296) http://www.montada.com/montada/statusicon/user_online.gif

ماااقصرتوا وفيكم الخير .. دائم وأبد .. :) حتى اني قبل لاأحطه ضفت تمرين للصدر وعدلت .. هذه المدرب وجدوله.. الله يهديه للصواب

Mr.Asim (http://www.montada.com/member.php?u=772592) .. تسلم

funny..boy (http://www.montada.com/member.php?u=773284)
اسرقه .. بس اعديلي يطولي بعمرك .. وعلى فكره هذه مب للمبتدئين .. يعني صارلك 3 4 اشهر خذه
طبعا بعد مايتم تعديله ..


انزين ياطويلين العمــر.. هذه النسخه اليديده بعد التعديل .. احس اني غلطت يمكن في نقل التمارين .. الخ
وسواس ومايسوي .. خذوه نظره ثانيه .. والله يزيد فيكم الأجر إن شاء الله .. :)

http://img104.herosh.com/2010/04/15/741435469.jpg (http://www.herosh.com)

الحينه بتمرن يومين تمرين .. يوم راحه .. يومين تمرين .. يوم راحه .. - كعهدي السابق .. ^^

متى تنصحوني احط يوم الجري مع البطن؟

تحيــــاتي .. اي تعديل او او .. بانتظــاركمـ يالأبطال

ربي يحفظكم
Mr.Asim
15-04-2010, 11:47 PM
الله يسلمك حبوب..
ولد ابوظبي
16-04-2010, 12:33 AM
تصحيح كلمة ادعيلي ..

ومن قالها يارب عاصم ..

عندي سؤال .. تمارين البطن لجدول بوراشد .. يفضل اني اوزعها تمرين في كل يوم ..؟
sami1989
16-04-2010, 12:38 AM
تصحيح كلمة ادعيلي ..

ومن قالها يارب عاصم ..

عندي سؤال .. تمارين البطن لجدول بوراشد .. يفضل اني اوزعها تمرين في كل يوم ..؟


بالضبط تمارين البطن توزعها على ايام تمارينك باختصار نوع التمارين الي تلعبه في البطن او هذي كله في مصلحتك طبعا
toto jeddah
16-04-2010, 12:51 AM
بالتوفيق يارب
وشد حيلك وماقصر ابوراشد و مشكلجي
Northman
16-04-2010, 01:05 AM
يعجبني اسلوبك في الطرح ,, و مجهود تشكر عليه ,,

ياخي احس انك مهندس كل شي تسويه مرتب لووووول
J.SILVER
16-04-2010, 02:10 PM
يعطيك العافية ياولد بوظبي مجهود أكثر من رائع وما قصروا الوحوش ابو راشد ومشكلجي

عندي إضافة بسيطة والاخوان ممكن يعقبوا على هذه الاضافة

ممكن تضيف على تمارين الصدر
decline press
http://www.true-natural-bodybuilding.com/equipment/bench-presses/maxicam-decline-bench-press-06.jpg

أو parallel bar dips المتوازي
http://www.canterburyleague.com.au/cms/images/stories/uploads/Healthclub/ParalellBarDip2.jpg

لتشغيل المنطقة السفلية من الصدر
ولد ابوظبي
16-04-2010, 02:22 PM
toto jeddah (http://www.montada.com/member.php?u=754932) http://www.montada.com/montada/statusicon/user_offline.gif
آمين ياربي .. ويوفقك .. الحينه انا عدلت عليه ومنتظر الرد .. :) تسلم عالمرور

thman http://www.montada.com/montada/statusicon/user_offline.gif العفو .. هذه اللازم انه كل واحد يسهل على القارئ شو مطلبه ..

J.SILVER (http://www.montada.com/member.php?u=770637) http://www.montada.com/montada/statusicon/user_online.gif
صحيح كلامك .. انا يوم شفته الجدول.. قلت بزيدهـ .. وافكر ابدل بك دك .. بـ صدر سفلي

تحياتي .. بانتظار آرارء اخرى
J.SILVER
16-04-2010, 02:34 PM
ممكن تبدله مكان pec deck flys التمرين الخامس اذا تشوف ان التمارين كثيرة لأن الـ dumbbell fly التفاتيح التمرين الثالث يأدي الغرض ويكفي عن التمرين الخامس واذا بدلت أو أضفت المتوازي ممكن تخليه آخر تمرين صدر

بالنسبة لي ألعب صدر مع باي مثل جدولك .. وتمارين الصدر هي بار مستوي ومرتفع ودنبل مرتفع وتفاتيح وبلوفر ومتوازي وأحياناً ديك لاين بدل المتوازي .. ونشوف آراء الشباب وكلكم فيكم الخير والبركة لاهنتم.
آبو رآشـد
16-04-2010, 11:46 PM
الجري ثم البطن خلة يوم الراحة الي في النص

ان كان بطنك مشدود العبة في يوم الراحة الي في النص

وان كان فية دهون تقدر تلعب مرة ثانية في اي يوم ثاني غير يوم الراحة الاخير

بالتوفيق يا وحش وموجودين لأي استفسار ثاني
ولد ابوظبي
16-04-2010, 11:49 PM
Northman (http://www.montada.com/member.php?u=759164)
حياتي دايما وبفضل الله قائمة على اساس الترتيب .. وانته مب أول شخص يقولي .. الحمدلله :)
شكرا على رأيك

J.SILVER (http://www.montada.com/member.php?u=770637)
ان شاء الله ياطويل العمر . . فعلا التمارين عددها كافي ماودي ازيدها .. تسلم على ردك ^^
ولد ابوظبي
16-04-2010, 11:52 PM
الجري ثم البطن خلة يوم الراحة الي في النص

ان شاء الله .. وهذه اللي أفضله

ان كان بطنك مشدود العبة في يوم الراحة الي في النص

هيه نعم مشدود.. وتبرز الملامح لما اشده

وان كان فية دهون تقدر تلعب مرة ثانية في اي يوم ثاني غير يوم الراحة الاخير

وهذه اللي قاهرني .. الجسم نشف الا البطن .. للأسف شي بسيط ..

بالتوفيق يا وحش وموجودين لأي استفسار ثاني

هيه نعم .. يعني الجدول الحينه .. تمااام..؟ :)

فميزان حسناتك ان شاء الله
آبو رآشـد
17-04-2010, 12:36 AM
لا شغلك ممتاز الا الان راجع التعديلات الي قلت لك ايها والي قالك عليها ابو ابراهيم

والعضو سيلفر ذكرني بشي الله يذكرة بشهادة اضف نفس التمرين الي حاطة لك بالصورة الي فوق

الي هو بار صدر سفلي فقط بنفس التكرارات الي قلت لك عليها

وانتهينا ولا تنسى كل فترة تغير جدولك من تمارين اجهزة الى تمارين حرة وهكذا

يعني مثلا صدر علوي بار الاسبوع الاول الاسبوع الثاني صدر علوي جهاز وهكذا

بالتوفيق يا وحش
ولد ابوظبي
17-04-2010, 12:50 AM
جزااااك الله خير .. يابوراشد وكل الأعضاء اللي ساهموا فالرد .. ريحتوني الحينه وباكر ببدأ فيه
راح اتم اضافة التمرين للصدر السفلي ..
ماااقصرتوا .. وفعـلا دائما سباقين فالخير

ربي يحفظكم وماراح انساكمـ فالدعاء ..

ولد بوظبي
ولد ابوظبي
17-04-2010, 04:13 PM
الحمدلله .. راجعت يطولي بأعماركمـ .. وعدلت .. :) وشكرا ياسيلفر .. تمت اضافته .. ان شاء الله

شكرا ياوحووش .. وربي انكم تستاهلون كل خير .. الله يحفظكم ويحفظك اهلكم وعيـالكم.. ولكم حسن الدعاء فالغيب

اخوكمـ .. ولد بوظبي
J.SILVER
18-04-2010, 08:19 AM
العفو ياخوي ولد بوظبي و ابو راشد .. أسعدني اني ساهمت بشي بسيط معكم وعسى الله يوفق الجميع ..
ولد ابوظبي
18-04-2010, 10:14 AM
حتى لو اقل من بسيط .. ساهمـ ..

ربي يوفقك