المساعد الشخصي الرقمي

مشاهدة النسخة كاملة : تعاااااالو عزوووووني على حضي التعيش والبايخ


cool man
21-01-2002, 05:56 PM
ااااااااااااه من هاذا الحض تصدقوون اني كنت أحلم بأن أشتري (mgs2 سونز اوف لبريتي) وكاان ماعندي فلوس ذاك الوقت. صبرت صبرا جميلا لين دبرت المبلغ حق الشريط بعد 3 أشهر من ال.... خلوها على الله المهم دبرتها والسلام ويوم رحت أطلب الشريط وأشتريه قلي راعي المحل والله خلصت النسخ من الشريط(على فكرة الشريط أصلي) لاكن تعال بكرة ويوم رحت له قالي بكرة وبدى يشعل أصطوانة بكرة وألى الأن اليوم قلي بكرة يوم الثلاثاء المهم سألته ليش التأخير قال لي خلصة النشخ من كل المحلات وراح يجيبها من (دبي) ويرسل واحد من أتباعه أليها لاكن ما جا ألي الحين ... وش رايكم في الحض الرهييب صدقوني راح تضحكوو علي كثير من ذا الحض التافه لاكن الي أبيه منكم ياشباب المنتدى انكم تواسوني وتقولولي صح هي خلصة من الرياض.... يالله الهمة ياشباب وبعدين توقعو هل بألقاه وأفتك من الأنتضار وألي أروح أانام
solidesnake
21-01-2002, 06:16 PM
لا روح نام احسن:D
جيم سنتر
21-01-2002, 06:38 PM
الله يعينك ..... زين ان جهازي اوروبي يخليني انتظر القطعه الجديده غصب عني ..... الحمد والشكر لك يا رب ولا تخيل جهازي امريكي واشوف ميتل جير2 قدامي وانا رايح وجاي كان انفجر من القهر .... صدقوني انا بنعمه وجدا قنوع ......

::::::::::::::::::::::::::::::::::.......
cool man
22-01-2002, 03:47 PM
لا تغلط ياسنيك تراهي مو نكتة علشان تستهبل وشكرا جيم سنتر على الرد الي ما فادني لاكن مو زي ردك ياتاافه
neo-alarab
22-01-2002, 06:29 PM
The same thing habbend wih me when I whanted to buy FFx
العمدا
22-01-2002, 06:44 PM
يا اخوي ورا ما تروح لمحل العاب الكمبيوتر الي جمب صحارى تراه يبيع اشرطه مسنعملة ومرة نظيفة وانا ما اشتري الا من عنده وانا كنت شايف ميتل جير 2 معروض عنده من اسبوع رح شف امكن تلقاه.....?:
THE SOLID SNAKE
22-01-2002, 07:17 PM
تقدر تقول موقعه بضبط:D :D ?:
العمدا
22-01-2002, 09:17 PM
شف يا اخوي ..
رح لطريق الامير عبدالله وخل صحارى على يسارك ومن الاشارة رح يمين همن خش خط الخدمة واول لفة يمين من اول اشارة خش منها همن طول وحتجيك اشارة لف وارجع منها وامش على طول وحتلاقى المحل على يمينك:D :D :D
mr .cool
23-01-2002, 07:40 AM
في محل في الرياض إسمه بيت الكومبيوتر هذا له 4 فروع إثنين منهم في الرياض و واحد في جده و واحد في الخبر

أنا مني من الرياض لكن فرع جده ممتاز أنا ما أعرف كيف فرع الرياض



مع تحيات



MR.CooL
العمدا
23-01-2002, 10:50 AM
ترا فرع الرياض مرة كويس وفيه ناس تقول انه احسن من الي في جدة
cool man
23-01-2002, 12:07 PM
بدري توكم تردون بعد ما جاني الشريط لا ماقصرتم يأعضاء المنتدى الحلوين
العمدا
23-01-2002, 12:31 PM
مبروك يا اخوي...
وانشالله تخلصة........
واذا عندك اي استفسار فيه انا في الخدمة......:":" :cool: ":"
mr .cool
24-01-2002, 04:48 PM
معليش سامحنا على التأخير