المساعد الشخصي الرقمي

مشاهدة النسخة كاملة : وزني ما قام يزيد..ياليت تساعدوني


fares allil
27-04-2010, 12:41 AM
السلام عليكم و رحمة الله

طولي 163 الوزن 56 العمر 19

صارلي 4 شهور ألعب حديد..

قبل ما ابدء اللعب كان وزني 45
لعبت أول شهر..وقتها كنت آكل الأخضر و اليابس و فيه كل وقت..و اركز على الأكل الصحي و الاكثار من البروتين اكثر شي
و النتائج طلعت جبارة زدت 7 كيلو بما في ذلك عضل و دهون..
كنت تقريبا في كل 10 ايام تمر علي الاحظ الفرق عيني عينك في جسمي و في قوتي لحمل الأوزان

الشهر الثاني بعد ما شفت ان بديت أكسب دهون قلت يا ولد قلل أكل شوي و نظم جدولك..و بالفعل قللت
طبعا وقتها نظام دوامي في الجامعة تغير و بريكاتي صارت قليلة و ما عندي الوقت الكافي اني احصل على افضل الأكلات فكان نظامي كالتالي

اصحى الساعة 6 و على الريق 7 تمرات و كوبين ماء..بعدها بنص ساعة اكل سندويشتين + علبة تونه 185 جرام..الظهر..الساعة 12 أرز + صدر دجاج..الساعة 5 اتمرن ..و اول ما اطلع من التمرين اكل كيكة + وايبروتين..و بعدها بساعة..سندويشتين مع صدر دجاج..و قبل النوم كوب حليب او لبن مع فاكهه.

و بهذي الطريقة زدت 3 كيلو..و كان فيه منها دهون..و في هذي المرحة حسيت ان الدهون تأثر أكثر على جسمي..و قلت لازم ننظم اكثر..نبي عضل صافي و ما نبي دهون

الشهر الثالث..غيرت نظامي و خليتة على الشكل التالي على اساس اني احاول اني ابعد عن تخزين الدهون في جسمي..
اصحى الساعة 6 و على الريق 7 تمرات و كوبين ماء ..بعدها بنص ساعة اكل سندويش بر مع نصف علبة تونة 185 جرام..الساعة 9 ساندويش بر مع النصف الآخر من العلبة..12 ساندويش بر مع سلطة مع نصف صدر دجاج..أتمرن الساعة 5 و بعد التمرين كيكة + كوب حليب + سكوب بروكومبليكس و بعدها بساعتين ساندويش بر مع نصف صدر دجاج و بعدها بثلاث ساعات ساندويش بر مع قطعة برجر دجاج مشوي..و النتيجة 1 كيلو زيادة عضل بدون دهوون.و بشكل ملحوظ..

الشهر الرابع اتبعت نفس النظام..و المفاجئة اني ما زدت ولا كيلو :(

مع العلم اني ما اقدر اتفرغ للأكل بين الفترة من الساعة 12 الى الساعة 5 نظرا لدوامي..
جدولي 5 ايام..
اليوم الأول صدر + بطن
الثاني ظهر
الثالث باي + تراي
الرابع كتف + بطن
الخامس رجول
السادس راحة
السابع عودة لعمل الجدول من جديد

علما بان المدربين في النادي يغيرون لي التمارين في كل شهر لكن على نفس توزيع العضلات على الايام.

كل التمارين 3 جلسات 10 . 8. 6

ابدء الجلسة الأولى بـ 60% من اقصى وزن اقدر اشيلة لـ 6 عدات
الجلسة الثانية اشيل 80% من اقصى وزن اقدر اشيلة لـ6 عدات
الجلسة الأخيرة اشيل 100% من اقصى وزن اقدر اشيلة لـ 6 عدات

ياليت تساعدوني يا عالم..
و هدفي هو زيادة عضل صافي عالأقل 2 كيلو في الشهر
من دون دهون...>> يبي يبرز الـ six pack مع انها بدأت تبرز..ولا ابي اغيطها بالدهون

و مشكورين مقدما
منادة الليل
27-04-2010, 08:21 PM
هلا فيك يالغالي



اول شي ملاحظ شي وهو انك فقط باليوم الواحد تستخدم سكوب واحد البروكومبلكس!!!!!!!!!!!
احنا صحيح قلنا انه الاعتماد يكون اكثر شي على التغذية ولكن انت يالحبيب ظالم المكمل ولازم على الاقل تستخدمه 2 الى 3 مرات باليوم علشان تستفيد بشكل ممتاز :)

وانت تبي عضل صافي واستخدم المكملات بالشكل الصحيح والموصى فيها مره واحده هذي ما تجيب لك شي يالحبيب وحتى لو كانت تغذيتك 4 الى 6 وجبات :)

وغير هذا لابد انك تستخدم لك احد منتجات الامينو لانه دوره هو تغذية ونقل التغذية بشكل كبير للعضله علشان تستفيد :)

من دون استخدام مكمل وامينو ما نقول ما بتستفيد تستفيد فقط قوة وتحمل وتطول الفترة علشان يتغير الجسم ...

:) مع استخدام المكمل الغذائي والاامينو راح يستقبل الجسم الاوزان بشكل سريع جداً وراح تشوف الفارق بشكل ملحوظ :)

واتمنا اني فدتك يالغالي :)
THE CAST
27-04-2010, 08:46 PM
البطل مناده ماقصر... واحب اضيف
البروتين في نظامك نااقص..حاول تستخدم المكمل 3 مرات كما هو متعارف...واهتم ايضا بالبروتين في وجباتك

بالتوفيق
ولد ابوظبي
27-04-2010, 10:45 PM
صحيح كلامهمـ .. ولو تقدر تضيف منتج بمب .. مثل نو اكسبلود .. او انيمال بمب
البروكمبلكس تاخذه عالريق وبعد التمرين وقبل النوم
والامينو .. يعتمد على اللي تاخذه .. عندك مثلا 4800 .. 4 صبح .. 4 قبل التمرين +4 بعد التمرين
ومنتج البمب .. تاخذه قبل التمرين بـ 40 دقيقه
fares allil
28-04-2010, 01:14 AM
يعطيكم ألف عافيه يا شباب..
و على توصياتكم اللي راح تكون فعالة بإذن الله..ما قصرتو
بصراحة..أنا طالب جامعي و ليس لدي الكثير من المال لأتحمل اسعار المكملات و استخدامها بهالشكل..
لكن ما دام انه مافيه نتيجه من دون استخدام المكملات بشكل جيد..
راح أتنازل عن بعض مستلزماتي للشهر القادم..و راح أبدأ اخذ سكوبين في اليوم على الاقل و اذا الله قدرني راح اخذ ثلاثة
و بأشتري ايمينو..4800..و توني بعد ماخذ كرياتين و ان شاء الله راح ابدأ استخدمه
و راح احاول اني اضبط تغذيتي زيادة.و راح نشوف النتايج الشهر الجاي..

الله يوفقكم أجمعين