المساعد الشخصي الرقمي

مشاهدة النسخة كاملة : استفســـار عن التنشيف


MO5A
19-05-2010, 02:54 AM
السلام عليكم ورحمة من الله وبركاتة


كيفكم ياوحوش ان شاءالله بخير


عندي استفسارات ان شاءالله بسيطة


اول شي انا عمري 19 سنة ونص تقريبا


وزني 77 وطولي 171 الى 72


طبعا ودي بالجسم الفرنسي ( مافي امل ) :biggthump


لكن اتمنى طبعا انا داخل الصالة من زمان اتمرن على كل شي يعني تقولون جسمي لياقي طبيعي


لكن هالمرة ابي فرنسي


هل اول شي اعمل تنشيف والسؤال كيف ؟؟


هل بمكمل او منشف للدهون بالطبع مع التمارين


وكم من الوزن الي المفروض اخسرة ؟


ايش الجدول المناسب + المنشف الدهون المناسب ؟


افضل حل لازالة الدهون عند الصدر ( طريقة " تمرين " قوي ) ؟


واذا في عملية جري ومشي كم من الوقت يجب ان نكون في جهاز السير ؟


منشف الدهون الي راح تضعه لي هل مضر بالصحة :wow: ؟ ومتى تظهر فعاليتة ؟ ومتى استخدامة

هل في حاجة تنشف الدهون وتكمل الجسم بالبروتين ؟ اعتقد واي بروتين ... ابي توضيح ممل


مستنــي ردود جميع الوحوووش :biggrin2:
Shik0m
19-05-2010, 04:28 AM
وعليكم السلام ورحمة الله وبركاته

بسم الله الرحمن الرحيم

اللياقة اخوي تختلف عن الجسم الفرنسي

الجسم الفرنسي يعني يكون عندك أساس عضلي حتى اذا اختفت الدهون يظهر ويبرز ..

ركز أولاً على إظهار عضلاتك وتدريجياً مع تغذية سليمه <<( أهم شي ) تقل نسبة الدهون في جسمك وهذا من تجربة شخصية ولله الحمد ..

إظهار العضلات يحتاج لبروتين .. وهنا أقول لك الواي بروتين افضل ما ستجدة .. وانصحك بإستخدام طريقة تغذيتي ..

الكارب يكون قبل التمرين وبعد التمرين قفل الكارب والدهون واعتمد فقط على البروتين كغذاء ,,

التمارين أو ما يسمى الكارديو أنا أشوف افضل وقت هو إذا كنت تريد نقص الوزن والمحافظة على العضلات ..

20 إلى 30 دقيقة في الصباح .. بعد تمرين الحديد 20 دقيقة فقط حتى لا تسحب الجلكوز من العضلات وتهدم العضلة ..

----

نجي لتمارين تشيل دهون الصدر ( إذا كانت تتركز في الأسفل ) .. أنا كنت اعاني من هذي النقطة الى أن طبقت نظرية ولله الحمد جابت نتائج رائعه معاي .. العب على الجزء العلوي من تضخيم 10 - 8 - 6 والعب على السفلي تكرار 15- 15- 15 -15 بوزن تتعب ويصير ثقيل جداً عليك في العده الـ 12

-------

حارق دهون أنا جربتها لكن أكثر شي أر معاي green tea fat burner وبدرجة أقل lipo 6 x ..
لكن تذكر بدون تغذية سليمه الحوارق والتمارين تعتبر غير نافعه ..

حاول يكون الدايت حقك عالي في البروتين خالي من الدهون وبدرجة أقل من الكارب ..
MO5A
19-05-2010, 12:19 PM
الله يعطيك الف عافية


يعني تبيني استخدم الواي بروتين + ال lipo 6 x ..


الاول لاظهار العضلات والثاني لحرق وتنشيف الدهون ؟؟؟


بس ماقلتي كمان كم انقص من الوزن


علما بان وزني 76 الى 77


ونسبة الدهون 21
Shik0m
19-05-2010, 04:41 PM
mo5a

حبيب قلبي .. كل جسم يختلف عن الثاني .. عموماً انا كان وزني قبل شهرين وشوي 78 ونسبة الدهون 27 تقريباً .. الآن الحمدلله نسبة الدهون 21 ووزني 75 ..

فنسبة الدهون في الجسم هي اللي تحكم الوزن .. فالعضل وزنه أثقل من الدهن ..

عموماً الليبو والواي بروتين جداً ممتاز لكن بيفيدك اذا استخدمتها مع نظام غذائي صحي ..

عموماً العضلات ما تطلع الا بتغذيتها بالبروتين فركز على البروتين من الواي ومن الطبيعي .. بياض البيض .. صدور الدجاج .. التونه اللي تجي فاتح لونها وفي محلول مائي .. الحمص ( لكن انصح فيه قبل التمرين لأنه غني بالألياف وهذا يعطيك طاقه رهيبه في التمرين ) .. الجمبري ..
رامبو 1
19-05-2010, 06:41 PM
الله يرضى عليك اخوي Shik0m (http://www.montada.com/member.php?u=771487)

هذي الحبوب نفسسسي اعرف وين احصلها

green tea fat burner
Shik0m
19-05-2010, 08:27 PM
رامبو

والله يا غالي انا ادرس بمصر .. فما ادري في السعودية وين تلقاها لكن إسأل في gnc أكيد عندهم ..

عموماً الحبوب ماهي سحريه هي خلاصة الشاهي الأخضر وكافيين ( وهذا يعجبني لأنه يخليك تركز تركيز مو طبيعي في التمرين ) .

فأي منتج تسأل عنه في الصيدلية ويكون متوفر فيه هالشيئين يكون نفس الحبوب ..
رامبو 1
19-05-2010, 08:41 PM
تسلم اخوي

الله ييسر لكـ امورك ويغفر لك ولوالديك ويسكنكم الجنة جميعا

ويردك لاهلك سآلم غآنم