nassernasser123
22-05-2010, 01:19 AM
السلام عليكم ورحمه الله وبركاته
انا اليوم بتكلم بموضوع يخص اغلب المبتدئين وهو الاستعجال وانه حاط بباله انا بشهر بوصل للجسم اللي ابيه وفي ناس تلعب سنين وما وصلت للي تبيه :
1- الحديد لازم تاخذه على اساس انه مثل دوامك خلاص متلازم معاك مو تقول بلعب شهر شهرين ثلاث سنه وبقطع بتقطع بيرد جسمك مثل قبل وبيروح تعبك
2- لا تستعجل ولا تشوف جسمك بالمنظره وتتحبط وتقول ما طلع جسمي لانه مو انت اللي تحكم على نفسك الناس اللي يحكمون عليك الواحد ما يشوف نفسه
3- بالنسبه للمكملات تراهي مو سحر باخذها وبيفجر بجسمي اهم شي اكلك الاساسي بعدين تمرينك بعدين نومك انا اشوف الكثير علبالهم انه اذا خذا المكمل الفلاني خلاص بيطلع جسمي اسمه مكمل واهم شي والاساس الوجبات الرئيسيه والاكل الطبيعي المكمل تعويض
4- ترا محد طلع من بطن امه مجسم كلنا بدينا باوزان خفيفه وكنا نقول وشلون هذا يشيل هالوزن وبعد فتره نشيل اوزان اكثر منه اهم شي الصبر في هاللعبه والاصرار
5- لا تسمع لكلام الناس وتضيع ولا تروح لأكثر من مدرب وكل واحد يقولك شي وانت اللي ماكلها ومو عارف تتمرن خلك على مدرب واحد ممتاز وفاهم
6- لا تاخذها على اساس انه واجب بسويه وخلاص حاول تحب اللعبه وتستمتع فيها وحط جدامك هدف توصله
7- اذا لعبت بالنادي لا تلعب بالبيت الكثير علباله كثر ما يلعب بيطلع جسمه وهذا اكبر غلط لانه بالنادي العضله تضررت ومحتاجه راحه ولازم بعد 72 ساعه تمرن العضله مره ثانيه
8- نصيحتي لا تشترك بالنادي شهر واحد لانه راح يحسسك بالملل تعال ادفع كل شهر اشترك 3 اشهر او 6 اشهر او سنه بيكون ارخص وما تحاتي كل شهر تدفع لين يحسسك بالملل وتقطع
بالنهايه تقبلوا نقلي المتواضع وسامحوني على القصور بس حاولت انقل خبرتي المتواضعه في الحديد والاخطاء اللي تعلمت منها الى كل جديد في هذه اللعبه
:)
انا اليوم بتكلم بموضوع يخص اغلب المبتدئين وهو الاستعجال وانه حاط بباله انا بشهر بوصل للجسم اللي ابيه وفي ناس تلعب سنين وما وصلت للي تبيه :
1- الحديد لازم تاخذه على اساس انه مثل دوامك خلاص متلازم معاك مو تقول بلعب شهر شهرين ثلاث سنه وبقطع بتقطع بيرد جسمك مثل قبل وبيروح تعبك
2- لا تستعجل ولا تشوف جسمك بالمنظره وتتحبط وتقول ما طلع جسمي لانه مو انت اللي تحكم على نفسك الناس اللي يحكمون عليك الواحد ما يشوف نفسه
3- بالنسبه للمكملات تراهي مو سحر باخذها وبيفجر بجسمي اهم شي اكلك الاساسي بعدين تمرينك بعدين نومك انا اشوف الكثير علبالهم انه اذا خذا المكمل الفلاني خلاص بيطلع جسمي اسمه مكمل واهم شي والاساس الوجبات الرئيسيه والاكل الطبيعي المكمل تعويض
4- ترا محد طلع من بطن امه مجسم كلنا بدينا باوزان خفيفه وكنا نقول وشلون هذا يشيل هالوزن وبعد فتره نشيل اوزان اكثر منه اهم شي الصبر في هاللعبه والاصرار
5- لا تسمع لكلام الناس وتضيع ولا تروح لأكثر من مدرب وكل واحد يقولك شي وانت اللي ماكلها ومو عارف تتمرن خلك على مدرب واحد ممتاز وفاهم
6- لا تاخذها على اساس انه واجب بسويه وخلاص حاول تحب اللعبه وتستمتع فيها وحط جدامك هدف توصله
7- اذا لعبت بالنادي لا تلعب بالبيت الكثير علباله كثر ما يلعب بيطلع جسمه وهذا اكبر غلط لانه بالنادي العضله تضررت ومحتاجه راحه ولازم بعد 72 ساعه تمرن العضله مره ثانيه
8- نصيحتي لا تشترك بالنادي شهر واحد لانه راح يحسسك بالملل تعال ادفع كل شهر اشترك 3 اشهر او 6 اشهر او سنه بيكون ارخص وما تحاتي كل شهر تدفع لين يحسسك بالملل وتقطع
بالنهايه تقبلوا نقلي المتواضع وسامحوني على القصور بس حاولت انقل خبرتي المتواضعه في الحديد والاخطاء اللي تعلمت منها الى كل جديد في هذه اللعبه
:)