تكفووون ياشباب ساعدوني هل للديكا اضرار اذا اخذتها اول كورس لي .. ردودكم تكفون

[خالد قحطان]

السلام عليكم ورحمة الله وبركاته
يااخوان تكفون ساعدوني انا المدرب جاني وقالي انت جسمك حلو وخامته حلو بس يبيلك كورس ديكا وانا ماعمري دخلت كورسات هرمونات ولا شي قلت له بس اخاف من اضرارها يا كابتن
قال والله يا يجيك شي اذا جاك شي في وجهي وانا الحين متردد لانه اول كورس

علما بان عمري 18 طولي 169 وزني 69

[animetadj]

يا أخي هذه الكورسات ممنوعة لمن هم أقل من سن 21 سنة كيف للمدرب ان ينصحك بها!!
انصحك بالإبتعاد عنها ركز الأن على الضخامة العضلية ...
بالتوفيق

[Leaner]

المدرب قاص عليك ويبي يمشي بضاعته عليك

تبي تندم، اسمع كلامه

[خالد قحطان]

والله هذا كلامه لي وناس واجد قالو لي خذ اول كورس لك عادي جدا ممتاز وبالعكس بيزيد طولك والحجم العضلي انا الحين راسي يدور ماعد عرفت وش اسوي

[alb3tal]

أنــا اقول ياخوي حبه حبه

ابدا ب المكملات بعدين ادخل ها العالم لو حاب مع اني انصحك تبتعد عنه !!

وانا اشوف انه تحتاج تخفيف وزن شوي :)

[ميعرو]

انا عمري 34 وما اخذت اي كورس فقط مكملات اللي هي احماض وبروتينات فقط مع العلم اني استطيع ادخل كورس لان عمري يسمح بس قلت قدام بعد سنه وانتا لسه عمرك مررررررررررررره مايسمح انتبه الله يوفقك لايغرربك المدرب بعد سن 22 ابدء

[بومشكان]

شوف يا صاحبي انتا عمرك 18 سنه يعني جسمك مازال في النمو الطبيعي يعني ما تدخل هرمون لي جسمك معنها انك بتعطل النمو الطبيعي . وبنسبه للضرار شوف الفيديو الي تحت وحا تعرف الاضرار
http://www.youtube.com/watch?v=Z4IMb0EwvHE&feature=related

وهاذا فيديو لشاب سمع كلام مدربه
http://www.youtube.com/watch?v=BQ9csF1gFJg&feature=related

[خالد قحطان]

الله يعطيكم العافيه عالمرور وعالنصايح

[خالد قحطان]

بو مشكان اووووووووووووووف هذي ماعتقد انها الديكا الي في المقطع الاول وش ذا الاجسام مقززه ياخي

[toto jeddah]

اول كورس ليا كان في عمر 22 سنة بعد اكتمال النمو الطبيعي ,,
لسا بدري ع الكورسات وزي ما افادوك الاخوه خليك ع المكملات الطبيعية واستمر بالتضخيم


بالتوفيق

[محمد552]

تمرن طبيعي مع شوية مكملات ووخر عن الهرمونات لانه جسمك يفرزها طبيعي

الله يستر عليك

[بومشكان]

بو مشكان اووووووووووووووف هذي ماعتقد انها الديكا الي في المقطع الاول وش ذا الاجسام مقززه ياخي
هذه هرمونات نمو . يعني زيها زي الديكا وسستا والنبولك الي اخ..............................
والله كلها خطيره وكلها طريق هلاك . خليك علي المكملات وعلي الغذاء السليم ونشاء الله توصل الي في راسك.......... وتحياتي:biggthump:biggthump:biggthump

[خالد قحطان]

طيب يا توتو جده بعد 22 عادي اخذ كورسات ؟

[ابونواف4]

يا أخي العزيز / خالد قحطان ..

رجاء خاص ابتعد عمّا يضرّ صحتك ،

كلّنا نحلم بأجسام جميلة ، ولكن !!

بعيداً عمّا يضرّ الصحّة التي هي تاج على رؤوس الأصحّاء ..


ولا داعي لاستعجال النتائج ،

انتظر فترة حتّى تبلغ عمر الـ 21

ولا تعلم قد تكون وصلت حينها إلى مُبتغاك دون المخاطرة والمجازفة بصحّتك وبالتالي حياتك ..

أتمنّى لك التوفيق والصحّة والسعادة ..

[خالد قحطان]

اشكرك ابو نواف على الرد المثلج للصدر هذا

[منادة الليل]

ماقصرو الوحوش بارك الله فيهم

ولا تنسى

الي يجي بسرعه يروح اسرع عزيزي

[آمير المشآعر]

اخوي خالد مافي هرومات مالها ضرر هذا مدرب كذااب

اي شخص يدخل كورس الهرمونات عارف بالعواقب ومع هذا يدخلها
مثل ماله منفعه له ضرر

وهذا بالنسبه للي تعدو سن 22

فما بالك انت الي عمرك 18

نصيحه بدرري عليك الهرمونات ونفس ما قالك الووحش تركي toto


وموووفق ..

[sami1989]

مافي شي خال من الضرر !!! وبالنسبه للاخ بومشكان هذي الفيديوهات ماله علاقه بالهرمونات

[أبوجنيه]

.. هلا وغلا أخوي خالد ..

.. أبعد عن الهرمونات ولاتفكر فيها نهائياً في هذا العمر مره مره مره ..

.. الا بعد الـ25 سنه وفي النهايه لها أضرار حتى بهذا العمر ومايتحمل نتائج الهرمونات غيرك لايضحك عليك المدرب ويقولك في وجهي ولاشي ..

.. وثاني شي الهرمونات مو شرط اضرارها تبان الان ممكن الاضرار تبان معاك في المستقبل ..

.. خلك على تمرينك الطبيعي وممكن مكملات واكل تمام والراحه التمام واحلى من كذا مافي ..

.. واتوقع مدربك اجنبي مع حترامي له وللمدربين لنه الهدف من هذا الشي المكسب المادي قبل كل شي ..

.. وتقبل مروري ..

[فيصل 2003]

انا لو مكانك اسحب ع المدرب لانه مايبي لك الخير واضح

وترا بعدين الندم ماينفع اذا استخدمت الهرمونات

موفق

[Yousif Alsaqer]

أخوي أنتَ شقاعد تقول .. للحين عمرك صغير

وبعدين نصيحة مني لا تاخذ هالسوالف .. قبل كل شي شوف الفيديو هذا

http://www.youtube.com/watch?v=Z4IMb0EwvHE&feature=related (http://www.youtube.com/watch?v=Z4IMb0EwvHE&feature=related)

وشوف اخر مقطع .. أشلون بالنهاية بتخسر إيدك .. والله حرام

[تي باغ مدريد]

دير بالك تسمع كلامه اخووي تكفى لا تاخذ هذا يبي يضرك و يمشي بضاعته عليك و الله فيه نااس ما تجيب اعيال و السبب الكورسات و لانهم غزو و هم بعمرك فانصيحة دير بالك و الولد من جماعتي و ما عنده اعيال و صار له اربع سنين متزوج و الدكتور قاله من الكورسات اللي كنت تاخذها فاخووي دير بالك و ركز على اكلك و اخذ المكملات الحين مع امينو و باور و رااح توصل للي ببالك و الله يوفقك تقبل مروري

[خالد قحطان]

والله يا اخوان ماقصرتو بس انا ابي ادخل كورس وقالو لي الكورس الاول ماله اي اضرار معليك خش كورس واحد يكفي ماراح يسوي لك شي هذي المشكله انه ناس واجد الي قالو لي ماهو واحد اشرايكم ؟ وبعدين يقولون اذا اخذته بنسبه معينه ماراح ياثر

[آمير المشآعر]

اخوي خالد انت عمرك مايآهل تاخذ كورس اول ولا ثاني

انت اذا خشيت الكورس الاول وشفت جسمك يتحسن راح تطمع تاخذ ثاني وثالث ورابع وماراح تفكر بالعواقب

دخول الكورسات هذي تضحيـه ومجازفـه قويـه للي تعدو سن المراهقـه فما بالك انت ياخالد ...؟

اخوي خالد الموضوع اخذ 3 صفحات وكل الشباب ماقصرو ونصحوك بأنه مضره مضره مضره

وانا بعد انصحـك وازيد من نصيحتي لا تدخل كورس الهرمونات نهائيا نصيحـه آخ لأخ

اهتم بآكلك ومكملاتك الغذائيـه وبإذن الله راح تشوف نتايج ترضيك

وانت عقلك براسك تعرف خلاصـك ..

والله يوفقــك ..

[WA7SH JEDDAH]

والله يا اخوان ماقصرتو بس انا ابي ادخل كورس وقالو لي الكورس الاول ماله اي اضرار معليك خش كورس واحد يكفي ماراح يسوي لك شي هذي المشكله انه ناس واجد الي قالو لي ماهو واحد اشرايكم ؟ وبعدين يقولون اذا اخذته بنسبه معينه ماراح ياثر



كل هذي النصايح وتعب هالوحوش وردودهم وخوفهم عليك من الاضرار وتقول الكورس الاول ماله اضرار ومااردي ايش !!!!!!! عجايب يا دنيا عجايب نصيحة اخيرة ابعد لانك توك مابعد توصل للعمر الي يأهلك انك تدخل مكملات موهرمونات وبعدين بدري على عليك جسمك الان في طور النمو ويفرز جميع الهرمونات بأنتظام وبنسب عالية جدا اكثر من الشخص الي تعدى سن 21 تقل عنده افرازات الهرمون اين كان نوع الهرمون عشان كيذا البعض منهم دخل في هذا المجال وحتى لو حصله ضرر ما راح يقولك في العلانية قدام كل الخلق لانه يخاف ويستحي من ردود الناس الي حوليه يكتم في قلبه الحسرة اكثر من كيذا ما ادري وش اكتبلك والوحوش ماقصروا وعندك في المنتدى مواضيع تغذية جبارة وموضوع ابو راشد للتمارين وانا من مجربين لهذا الجدول لكني ما طولت فيه لانه في الاساس للاعب متوسط في اللعبة وانا لي اكثر من7 سنين العب حديد ولكن على الطبيعي وبعض المكملات واتحدى اي واحد وصل للي انا وصلته من تقاسيم عضل وضخامة عضلية متوحشة ولكن بتواضع وليس تكبر وتحقير للأخرين امثال وحوشنا في المنتدى

للمعلومية انا وصلت الى وزن 105 كيلو عضل صافي قبل 3 سنين مع 6باك ودخلت بطولة واقسم بالله العظيم ما دقيت ربع ابرة هرمون حتى العالم ماصدقوا اني ما دخلت كورس الين ما فصخت ملابسي كلها ووقفت عاري الجسم قدامهم عشان يتأكدوا انو ما في موقع في الجسم لضربة ابرة وازيدك من الشعر بيت اخدت بطولة المنطقة الشرقية كانت البطولة في منقطة الاحساء (في الطرف ) اخذت الثاني على وزن مفتوح وكان معاي واحد بحريني مافي مكان في جسمه ما دخلته ابرة

انتبه انتبه انتبه وانت الحكم وانت الي بضر جسمك ومافي احد راح ينضر من الكورس الا انت حتى اقرب الناس لك بيحزن عليك ولكن ما عنده شي بنفعك

يعطيكم العافية ياشباب ماقصرتوا مع خوينا الي عمره 18 ويبي يدخل كورس هرموني ناس اعمارها على 30 و35 ما استخدموا مكمل واجسامهم خيالية والحبيب عمره 18 ويبي يدخل كورس

الله يستر عليك ويخليك لأهلك بس

والله لو اشوف كابتنك ابن الك .... لا اقطعه بأسناني:12:

[محمد المدني 1]

يخوي خالد الأخوان نصحوك ومايبون منك لاابيض ولااسود يبون لك الخير

الله يوفقك

[هولستون]

ياشباب خالو الرجل في حاله إذا كان يبغى يضر نفس خلي وبكيفه جسمه وهو حر فيه أنتم نصاحتو والفكره داخله في راسه ...
لا كن الهرمونات (البداية نزوه والنهاية دمار)...

[w.zahed]

ياعزيزي الفاضل احب اقولك مافي افضل من الصحة والعافية وانت صغير وبدري جدا على انك تستعجل في النتيجة حاول تاكل اكل صحي ومفيد وتاخذ واي بروتين في البداية وبعدثلاثة اشهر او شهرين خذ امينو 2222 او امينو 4300 وغير كذا لا تفكر تاخذ الابر والديكا لها مخاطر لاتعد ولاتوصف من تنشيط الخلايا السراطانية وفشل كلوي وتضر الكبد وتسبب العقم نعم كل هذا ليس في البداية يظهر ولكن مع مروور الوقت تجي المضاعفات هذي وقبل كل شي انصحك بتغيييييييييييير المدرب لنه انسان مايخاف الله واي انسان ينصحك بالامور هذي اما يكون انسان جاهل او يبي يسفيد منك فلوس وما يهمه انت ايش يصير فيك
وبعدين لما يقولك انا اضمن وانا وانا وينه لما يصير شي لا سمح الله لك ويش بيفيدك ابعد ابعد عن المدرب هذا نصيحتي وخليك على الاشياء الطبيعية ولا تستعجل في النتيجة واصبر وفي يوم حتدعيلي وشكرا

[خالد قحطان]

الله يعيطكم الف عافيه جميعا
اتحفتونا بردودكم ماقصرتو وان شاء الله ماخذ اي كورسات

[eng.bader09]

شوف اخوي لاتستعجل على شيء و تاخذ كورس عشان توصل لمستوى معين
في قاعده عامه تقول الي يجي بسرعه يروح بسرعه....انصحك روح لطبيب غدد صماء لان العلم الاكيد عنده و انا اعتقد انه راح يرفض...بس ها روح لمستشفى له سمعه مو اي عياده تروح لها
و بالتوفيق انشاء الله
وترى المدرب ماهو دكتور عشان يقول اول كورس ماله ضرر
يمكن حاله او حالتي ماصابهم ضرر و ترى في ناس كثيره تكتم يعني مايتكلم اذا صابته مشكله خصوصا ان هالمشكله على اقل تقدير تسبب مشاكل جنسيه يعني ماراح يمشي و يفضح بنفسه و غيره و غيره من الامراض

[ابو خالد السوري]

ياخي يا اخوي يا حبيبي

ياخالد انا بقلك شي الي يقولك كورس واحد وماياثر ومدري ايش

ياخي لاترد على هذه الناس ماتحب لك الخير

زي ماهم اخذو هذه الابر يبون كل الناس يصيرون زيهم وياخدون ابر زيهم انتبه يااخي
كل الناس نصحوك وانت لسا توك اول عمرك 18 سنة انتبه ياخي

والله مو مستاهلة على شان ابرة تخسر اشياء كثيرة!
الهم اني بلغت الهم فشهد وانت حر يا اخي بس الحمدلله الي علينا سويناه

ومانبي منك شي ابدا ونصيحة لوجه الله تعالى لاتقرب على الهرمونات خليك بروتينات وتدرب صح وكل شي يجي شوي شوي الي يجي بسرعة يروح بسرعة والسلام عليكم ورحمة الله

[خالد قحطان]

ابو خالد السوري شكرا لكم عالنصيحه يعيططكم العافيه

[red GT]

والله صدقتو يالربع الي يجي بسرعه يروح بسرعه وهالشي ذكرني بواحد من الربع الله يذكره بالخير
مينون كورسات مادري شصار فيه اعتقد خذ جرعه زايده ويطيح فالعنايه المركزه
بس الحمد لله تحسن بس بعد وشو عقب ماخسر الي بناه
والحمد لله على كل حال

خلك على كلام الشباب ولتسرع انا عمري 20 ولين يومك مافكرت فالهرمونات ولا الكورسات
خلني ع البروتين الامينو والكرياتين والفيتامينات احسن

وتذكر ترا اهم شي الصحه
وربي يعطيك العافيه
اخوك رد جيتي

[خالد قحطان]

اشكرك عالمرور وان شاء الله مااخذ اي كورس

[Shik0m]

نصيحة من اخ هذا المدرب لا تسمع له بعد الآن لأنه يا حرامي ويبغى يسوي حوارات معاك أو جاهل وما يفهم شي .. وفي كلا الحالتين انت الخسران معاه ..

الكورسات تكون بعد الـ 21 سنه بالضبط .. لأن وقتها يوقف النمو الطبيعي وتبدأ انت بإعطاء جسمك هرمونات للنمو العضلي .. لكن حالياً جسمك ينتج هذي الهرمونالت كيف تبغى تضيف عليها ..!!

[Shik0m]

وبعدين خذها معلومه أنا أشبه الكورسات بالتدخين اول شي سيجاره ما تضر وشويء شوي تلقى نفسك تشتري بكت ..

بالضبط الكورسات مثلها اول مره بس بحسن الجسم واستمر على البروتينات تمر عليك سنه سنتين بالكثير يضيع نتائج الكورس .. تقول بدخل كورس ثاني وآخر مره وعلى هالمنوال ..