النظام الغذائى هل لازم؟

[حمدى المصرى]

قريت كتير هنا فى المنتدى مواضيع عن نظام غذائى للتنشيف ونظام غذائى للتضخيم مع احترامى للجميع بس بستغرب يعنى لما بشوف ان الكميه بتبقى محدده مثلا 150 جرام شوفان يعنى لو بقيوا 200 العملية هتبوظ ولا ايه ؟ انا لسه مبتدئ بس بحتار لما بشوف حجات زى كده يعنى عندنا فى مصر فى ناس كتير بتلعب اللعبه دى وبتمشى الحكايه كده بالبركه حتى مش بتحدد والله تنشيف ولا تضخيم وجسمهم بيطلع حلو بعد فتره من التمرين وبيدخلوا بطولات وبياخدوها واعرف ناس كتير كده وبياكلوا فى معظم الاحيان تلات وجبات او اربعه فقط يعنى

انا عاوز اعرف انا ايه النظام الغذائى اللى امشى بيه بس ميكنش معقد يعنى انا تقريبا يوميا وجبة تونه 185 جرام العلبه اللى مكتوب عليها كده :D انا دقيق برده اهو

وبرده فى ايام بكل صدور فراخ بس مش على طول يعنى تقريبا بس لما بكل صدور فراخ مش بشيل منها الجلد

وبرده الفول المدمس والبيض فى ايام كتير برده بس احيان كتير بكل البياض بس واحيان اكتر الايام دى بكل البيضه كلها وتقريبا بكل من 2 الى 5 بيضات منهم 3بيضات كحد اقصى

وبرده ساعات بكل خضار على حسب ما الست الوالده عامله بقى :d فى الغداء

ياريت ملاحظتكم على الحجات دى وفيدونى لانى لسه مبتدأ فيدونى

[animetadj]

السلام عليكم
كمال الأجسام عبارة عن مثلث قوامه
التمرين + التغذية + الراحة
فالتغذية جد مهمة خاصة البروتين فيجب عليك التنويع في مصادر البروتين حيث يحتاج كل كلغ من جسمك الى 2 غ بروتين بالإضافة تحتاج كذلك الى كمية معتبرة من الكاربو في فترة التضخيم وقد تجدها في الشوفان ان كان متوفر او الأرز فالتغذية لا ترتبط بغذاء واحد معين فعليك بالتنويع
تحياتي