المساعد الشخصي الرقمي

مشاهدة النسخة كاملة : ملطوب جدول اكلات + خلطات غذائية للضخامة ضروري


تي باغ مدريد
03-06-2010, 05:06 AM
السلام عليكم و رحمة الله و بركاته

اخواني انا من النوع اللي تغذيته ضعيفة و انصحوني اني اشتري فاتح شهية من الصيدلية و شريت و لكن الاكل اللي اكله ما هوو صحي يعني ملبك اكل اكلات تنشيف و دايت و انا ابي ضخامة فحبيت انزل الموضوع تفيدوني بوجبات عالية البروتين و ابي وجبات تكوون السعرات الحرارية فيها عالية و المشكلة اني درت على جميع المواضيع بالمنتدى و الاكلات اللي موجودة كلها تحتاج طبخ و عمل كبير و انا ضروفي ما تسمح اني اطبخ و ودي الجئ للخلطات اللي تنعمل بالخلاط يقولون انها فيها نسبة بروتين حلوة + كارب + دهون و عالية السعرات الحرارية فابي منكم جدول غذائي بسيط قوي << ما ادري اشلون تنفهم بسيط قوي لكن القصد اكلات بسيطة فيها نسب عالية

1 _ وجبات عالية السعرات الحرارية مع ذكر نسبتها

2 _ وجبات فيها بروتين عالي مع ذكر النسبة

3 _ وجبات فيها نسبة كارب و دهون حلووة مع ذكر النسبة

4 _ اكلات و فواكه دايت تنصحوني بالابتعاد عنها بالفترة اللي انا امر فيها اللي اهي فترت تضخيم

5 _ خلطات غذائية حق ضخامة ( تفجير )

علماً بأني رااح استخدم 3 منتجات على هالاسبوع هذا : بروكومبلكس جينر + سوبر امينو 10000 + فوسفاجين


و انشالله تفيدوني و اكون شاكر لكم

مع تحياتي لكم ......
عآزف
03-06-2010, 07:33 AM
شوف اخوي شي انا مجربه 100%

موز + حليب قليل الدسم + بيضه نيه = با الخلاط وشربهم قبل وبعد التمرين

وشوف النتيجه بنفسك
تي باغ مدريد
03-06-2010, 08:12 AM
يعطيك العافية لكن كم موزة
.hamad.
03-06-2010, 10:33 AM
مرحبا الغالي ...
بالنسبة للسعرات فأفضل شيئ التمر (6 حبات تعادل 120 سعرة حرارية) وتوجد فوائد كثيرة بالتمر ويحفز على النمو أيضاً .
وبالنسبة للبروتين عندك علبة التونة الكبيرة تعادل 23 جرام بروتين بس إذا تبي يزيد وزنك خذها بالزيت ..
و صدر الدجاج كامل يعادل 25 جرام تقريباً .
وبالنسبة للكربوهيدرات تنقسم لقسمين (سريعة الهضم - بطيئة الهضم) السريعة هي الفواكة مثل الموز وتحتوي الموزة على 15 جرام كربوهيدرات أما بالنسبة لبطيئة الهضم فعندك التوست والرز والشوفان وقطعة التوست الواحدة تعادل 15 جرام كربوهيدرات وملعقة الشوفان المتوسطة تعادل 5 جرام كربوهيدرات .
وبالنسبة للدهون الصحية .. فعليك بزيت الزيتون وتعادل ملعقة متوسطه 90 سعرة حرارية .

وبالنسبة لزيادة الوزن فتوجد حبوب اعشاب صينية أسمها (جونسون) تنباع فالبحرين تفتح الشهية ويوجد بها نسبة من مادة الأنبولك وتزيد الوزن من 5 إلى 10 كيلو بالشهر ...
وبالتوفيق وأسمحلي على الإطالة
عآزف
03-06-2010, 10:42 AM
انا كنت احط 5 موزات وحليب قليل الدسم وبيضه

يعني خله مثل العصير طعمه حلو وفتمنه 100%
عآزف
03-06-2010, 10:44 AM
بس للمعلوميه زيادة الوزن يعني زيادة البطن لاتنسى تلعب بطن كثير
تي باغ مدريد
03-06-2010, 11:05 AM
يعطيكم العافية على الردود اللي تثلج الصدر و تفرح و الله ما قصرتو من الناحية البطن انا يومياً العب معدة الحمدلله موفقين و ما تقصروون مشكوورين ع المرور الرائع نورتو الموضوع
Yousif Alsaqer
03-06-2010, 11:52 AM
وبالنسبة لزيادة الوزن فتوجد حبوب اعشاب صينية أسمها (جونسون) تنباع فالبحرين تفتح الشهية ويوجد بها نسبة من مادة الأنبولك وتزيد الوزن من 5 إلى 10 كيلو بالشهر ...
وبالتوفيق وأسمحلي على الإطالة


هلا أخوي ، عزيزي شنو أسم الحبوب ؟ ووين بالضبط يبيعونها ؟
وأنتَ متأكد أنها تزيد 5 كيلو ؟ ....؟؟؟؟ لأن البروتين والكورسات ما تزيد 10 كيلو
فـ ما أدري هذا الحب شنو قصته ؟
.hamad.
03-06-2010, 01:09 PM
مرحبا مليون أخوي يوسف ...
بخصوص الجونسون ممكن اتحصلها عند لعيبة الحديد فالبحرين وفي محل حواج يبيعها بس بالخش في محرق العام خذت من عنده علبتين حق الشباب العلبة بخمسين ريال وهي عبارة عن كبسولات أعشاب تفتح الشهية وقد ماتاكل ماتشبع يمكن اتوصل 9 وجبات فاليوم ...
وأتمنى اني افتك بشيئ
Yousif Alsaqer
03-06-2010, 02:10 PM
^^
لحضة قلت لي شسمها ؟ " الجونسون " صح
طيب عند الحواج صح .. لأن اليوم بروح بشوف .. صحيح هيَ جم سعرها ؟
ههه أسف على كثر الأسئلة بس أنا صارلي 3 شهور وأنا أكل وكل شي ومافي وزن
رجل من عالم آخر
03-06-2010, 02:39 PM
طيب يالحبيب بالله إذا جربت الحبوب ياليت تعطينا نتايجها والله يوفقك
السلطان..
03-06-2010, 06:27 PM
اخوي تي باغ مدريد عليك بالمكسرات بانواعها والحلبة والعسل ويكون طبيعي والتين المجفف (كل تين تصير متين هههه) كلها تزيد الوزن وتفتح الشهية, مجربة وعلى حسب جسمك بزود وزنك ....جرب وشوف....