اول منتخب كويتي رسمي لكمال الاجسام + تغطيه بطولة اوكسجين الكويت

[dark-crow]

اقيمت بطولة نادي اوكسجين يوم 2-6-2010 لاختيار اول منتخب كويتي ليمثل دولة الكويت في المحافل الدولية و البطولات و تم اختيار 6 لاعبين كل 2 منهم لفئة وزن معين و الاوزان كالتالي
تحت ال 75 كيلوجرام
تحت ال 85 كيلوجرام
فوق ال 85 كيلوجرام

تم اختيار حمد الشطي و نادر سالم لوزن تحت ال 75 كيلوجرام


حمد الشطي المركز الاول لفئة تحت ال 75 كيلوجرام
http://www.montada.com/attachment.php?attachmentid=320127&stc=1&d=1275920252


نادر سالم المركز الثاني لفئة تحت ال 75 كيلوجرام
http://www.montada.com/attachment.php?attachmentid=320128&stc=1&d=1275920252


تم اختيار رضى القبندي و احمد عسكر لوزن تحت ال 85 كيلوجرام



رضى القبندي المركز الاول لفئة تحت ال85 كيلوجرام
http://www.montada.com/attachment.php?attachmentid=320129&stc=1&d=1275920252

و هذا الفيديو
http://www.youtube.com/watch?v=lFbWU53CEIk


احمد عسكر المركز الثاني لفئة تحت ال 85 كيلوجرام
http://www.montada.com/attachment.php?attachmentid=320130&stc=1&d=1275920252

و هذا الفيديو
http://www.youtube.com/watch?v=V6pkPBmaGNs


تم اختيار يوسف الطبيخ و طارق الشخص لوزن فوق ال 85 كيلوجرام


يوسف الطبيخ المركز الاول لفئة فوق ال 85 كيلوجرام
http://www.montada.com/attachment.php?attachmentid=320131&stc=1&d=1275920252

و هذا الفيديو
http://www.youtube.com/watch?v=jjg-tkW8AUk


طارق الشخص المركز الثاني لفئة فوق ال 85 كيلوجرام
http://www.montada.com/attachment.php?attachmentid=320132&stc=1&d=1275920252

و هذا الفيديو
http://www.youtube.com/watch?v=LJHi-roXKxw


و بجذي عرفتكم على منتخب الكويت لكمال الاجسام و الحين خلوني اتكلم شويه عن البطولة و احاول كثر ما اقدر اغطي احداثها بشكل تفصيلي جنكم قاعدين بالمسرح

ضيوف الشرف لهذه البطولة الاولى من نوعها بالكويت هم
بطل العالم و الدبابة الالمانيه دينيس وولف
بطل العالم الوحش توني فريمان
بطل العالم دينيس جيمس ( كان دينيس جيمس يحكم للبطولة فقط )
الكابتن البطل محبوب الكويت محمد سلامة بطل نادي اكسجين
المحرر و الناشر الرئيسي لمجلة فلكس flex العالميه لكمال الاجسام


دينيس وولف صورة له من فلكس flex و هو يعرض في صالة السويدي لنادي اوكسجين
http://www.montada.com/attachment.php?attachmentid=320133&stc=1&d=1275920252


و هذا فيديو عرض الشرف لبطولة نادي اكسجين
http://www.youtube.com/watch?v=Hfmp7PCblrc


البطل توني فريمان داخل نادي اوكسحين المنقف من فلكس ايضا flex العالمية
http://sphotos.ak.fbcdn.net/hphotos-ak-snc3/hs604.snc3/31820_399618266683_77941031683_4177930_515244_n.jpg

و هذا الفيديو استعراضة للبطولة
http://www.youtube.com/watch?v=RiMYDgbz9dQ


دينيس جيمس ( على اليمين ) مع دينيس وولف اثناء تمرينهما بنادي اوكسجين
http://sphotos.ak.fbcdn.net/hphotos-ak-snc3/hs634.snc3/31820_399641246683_77941031683_4178519_1716942_n.jpg



الكابتن محمد سلامة صورة منه شخصيا
http://www.montada.com/attachment.php?attachmentid=320134&stc=1&d=1275920252


و هذا الفيديو اثناء البطولة و ابيكم تشوفون حب الجمهور له شلون
http://www.youtube.com/watch?v=DiHi1x4JfaM


رئيس تحرير مجلة فلكس ( على اليمين ) و معه مصوره الخاص على اليسار
http://sphotos.ak.fbcdn.net/hphotos-ak-snc3/hs604.snc3/31820_399224091683_77941031683_4167645_4651182_n.jpg




كلمة شكر قليلة بحق الاستاذ بدر بودي المالك لنوادي اوكسجين اللي ألقبه انا جوويدر الكويت لعطاءه المستمر و اهتمامه بهذه اللعبه بالكويت و اللي خله العالم كله يعرف اهتمام الكويت بكمال الاجسام و هذه صوره له و هو يلقي كلمته بالبطولة
http://sphotos.ak.fbcdn.net/hphotos-ak-snc3/hs604.snc3/31820_398790146683_77941031683_4159555_372052_n.jpg


و الحين جذي انشاءالله اكون قدرت اغطيلكم و لو بجزء بسيط من البطولة و ضيوفها و احداثها اللي صارت

بعض صور من مجلة فلكس العالمية اثناء زيارتها بالكويت طبعا في صور وايد راح تنحط بالعدد اللي راح يصدر انشاءالله

بهالصورة من اليسار الى اليمين نقدر نشوف البطل دينيس وولف ، الاستاذ بدر بودي ، عبدالرحمن العبيدي من قطر ( كان اهوا مقدم الحفل ) ، دينيس جيمس ، توني فريمان الوحش
http://sphotos.ak.fbcdn.net/hphotos-ak-ash1/hs544.ash1/31820_399620496683_77941031683_4178056_6056430_n.jpg




و هذه الصوره للأبطال داخل نادي اوكسجين
http://sphotos.ak.fbcdn.net/hphotos-ak-snc3/hs604.snc3/31820_399639666683_77941031683_4178467_2154547_n.jpg


و هذا الموضوع حصري فقط لمنتدى دوت كوم و لم اكتب هذا الا لعيون الأعضاء المتفاعلين اللي فيه
و انشالله ما اكون قصرت بشي و ناطر منكم اي اسأله او اي شي و انشالله اقدر اجاوب عليكم و مشكورين على المرور اخوان و ارجو تثبيت هذا الموضوع من الساده مشرفين المنتدى لأنه فيه معرفه لأبطال الخليج خاصه و ابطال العرب عامه علشان يكونون قدوه لنا بالمستقبل

و السلام عليكم رحمة الله و بركاتة ,,,

[ابو مهاا]

مشكور يالحبيب على الموضوع الرائع ووفعلا الابطال اتمنى انهم يرفعون علم الكويت بالبطولات القادمه
وموضوع رائع يستحق الشكر عليه شكرا

[آبو رآشـد]

يعطيك الف عافية

وحوش صراحة وكابتن سلامة جسمة مرتب وبطل مشاء الله

مثل ما وعدتك راح اثبت الموضوع

بالتوفيق يا وحش

[Yousif Alsaqer]

مـا شاء الله ، وأحسن شي وجود الوحش دينيس وولف بصراحة جسم روووعة
بالتوفيق للجميع بالبطولة , وأن شاء الله بحاول أغطي البطولة الي راح تصير عندنا تاريخ 18
طبعاً بطولة الشيخ ناصر ..}} وشكراً حبوب على التغطية

[ولد ابوظبي]

وعليكمـ السـلام ورحمة الله وبركاته ..

ياخوويهـ .. بطوله ولا أروع .. يكفي الموجودين فيها .. أبطااال ماشاء الله عليهم

أشكرك على حسن اطرائك على الموضوع وتسلم ايدينك على كتابة هذه الخبر المميز ..

تقبل مروري .. اخوك ولد بوظبي

:)

[الاندلس66]

مشكور اخي الكريم على التقرير الرائع و بالتوفيق للو حوش الكويتيين

[أبوجنيه]

.. تسلم أخوي على التقرير الرائع ..

.. وكل تمنياتي للكويتين بالتوفيق ..

.. وبصراحه أشيد بالاتحاد الرياضي عندكم للأهتمام بهاذيه اللعبه وبأبطالها وتشيجعهم ..

.. وياليت كل الاتحادات تهتم مثلكم ..

.. وتقبل مروري ..

[siga]

ماشالله عليك ..........وعاشت ايدك

[thug azooz]

وحش وحشش طارق الشخص ..
ما شاء الله عليه متحسسن جسمه عن قبل ..

و مشكور اخوي على طرحك للموضوعـ ،،

تقبل مروري

[MOOKA]

مشاء الله تبارك الله وحووووووش
ياخي اللي ماني مستوعبه ابطال الي تحت 75
مره ما يجي احس وزنهم اكثر من كذا طبعا ما (اكذبك) محشوم طبعا
لكن انا مو راضيه تدخل مزاجي
مشاء الله عليهم

[dark-crow]

يعطيكم الف عافيه على مروركم اللي اتشرف فيه الصراحة
و شكر خاص حق المراقب بو راشد على تثبيته للموضوع مثل ما وعدني
و اخ MOOKA ترا وايد ناس يقولون جذي مو متخيلهم تحت ال 75 بس لما تشوفهم على الحقيقه تلاحظ هالشي انه جسمهم في حجم عضلي بس واااااااااااااايد مقطع و مرتب حيل و اهما بجذي يكون وزنهم تحت ال 75 و اعتقد اذا كان 75 ولا 76 ينحط بالفئة هذي تحت ال 75 والله اعلم

[dark-crow]

يبتلكم فيديو مجلة فلكس حق تمرين الابطال داخل النادي
http://www.flexonline.com/videos/?bcpid=17320904001&bclid=1459293934&bctid=90419414001

هالفيديو حجمه وايد كبير و لازم تصبر عليه وايد على ما يكتمل

[ابونواف4]

أشكرك على الموضوع المشوِّق والمجهود الجبّار ،

ونتمنّى لإخواننا شباب الكويت كلّ التوفيق ..

أسأل الله لك الصحّة والسعادة ..

[THh Rock]

صراحة ماشاء الله تبارك الله
والي يقول مو مصدق وزنهم 75 لان اجسامهم زيرو فاات

[toto jeddah]

ماشاء الله ابطال والله
وتغطية حصرية مميزة 100% وسلمت يمينك يابطل

ودينيس وولف ,, ماشاء الله وحش

[dark-crow]

الله يسلمكم انشالله من كل شر مشكورين على مروركم

[بوراشدQ8]

مشاء الله تبارك الله وحووووووش
ياخي اللي ماني مستوعبه ابطال الي تحت 75
مره ما يجي احس وزنهم اكثر من كذا طبعا ما (اكذبك) محشوم طبعا
لكن انا مو راضيه تدخل مزاجي
مشاء الله عليهم
رد على تعليقك بخصوص الحجم الي انت منبهر منه طبعن من القروث +igf 1 اعتقد هذا كافي تحس وزنك عادي بس حجم نفس الي تشوفه وتمنى وصلت المعلومه لك يا قلبي :wink2:

[M00]

الله يوفق ابطال الكويت لتحقيق البطولات العالمية
ويعطيك الف عافية على الصورة الحلوه للبطولة

[eng.bader09]

كفو عليهم وحوووش

بس اخوي محمد سلامه ما تأهل؟؟!!

و اشكرك على التغطيه المميزه و عساك عالقوه

[dark-crow]

والله يا الغالي محمد سلامة بهالبطولة كان ضيف شرف مو داش المسابقة

[y1zed]

يعطيك الف عافيه على التغطيه الاكثر من رائعه

[dark-crow]

هذا اقل شي اسويه يا الغالي و شاكرلك مرورك اخوي

[الـوشاح]

يعطيك الف عافية ..
الاحظ البعض يهتم بالجزء الأعلى من الجسم وينسى الجزء الأسفل ( اقصد الشخص الاول من اليسار ع الطاوله )
طبعا شفت كذا واحد على الطبيعه الشكل نوعا ما مضحك ..:)

[dark-crow]

الله يعافيك يا الغالي
والله كلامك صح في اكثر الناس تهتم بس بالي فوق و تنسى اللي تحت
اتوقع هذيله اللي تقول عنهم هواة للعبة يعني يعلب بس حق نفسه مو حق بطولات ولا شي
و شاركلك مرورك يا الغالي

[eng.bader09]

والله يا الغالي محمد سلامة بهالبطولة كان ضيف شرف مو داش المسابقة

اها,,,
لاني انصدمت ماشاء الله عليه وحش و ما يتأهل..!!

اشكرك على التوضيح

[dark-crow]

لاااااااااااا محمد سلامه ماشاءالله عليه الحين بس يدش بطولة يصير الاول فيها عودنا على جذي
الله يحفظة و يوصله للنتايج اللي اهوه يبيها صج يستاهل

[مشروع بطل]

اشكر صاحب الموضوع بشدة...

ونتطلع للمزيد من التغطيات، وتسلم إيديك على الصور الرائعة...

تقبل مروري

[العاشق M]

يعطيك العافيه وتسلم يديك على الموضوع رائع
اللهم لاحسد في الكويت فيه وحوش كثيره
وان شاء الله انشوفكم معاهم وماخذ المركز الاول
تحياتي لك يالغلا

[dark-crow]

حبيب يا مشروع بطل لا شكر على واجب اخوي
و شاكرلك مرورك يا الغالي

[dark-crow]

العاشق M كلامك و تشجيعك لي على العين و الراس اخوي
و مشكور على مرورك للموضوع و اتشرف فيك

[eng.bader09]

لاااااااااااا محمد سلامه ماشاءالله عليه الحين بس يدش بطولة يصير الاول فيها عودنا على جذي
الله يحفظة و يوصله للنتايج اللي اهوه يبيها صج يستاهل


اي والله يستاهل ما شاء الله عليه

صار لي مثل الحافز منه كل ما اتكيسل لا اتمرن اضغط على روحي و افكر انه ما وصل لهالمستوى الا بعد جهد فبتالي انا ما راح اوصل للي ابيبه الا بجهد...


الله يوفقه

[dark-crow]

انشالله يوفقه و يوفقك انتا بعد و يوفق الجميع

[coceza]

بس حبيت الفت انتباهكم فيه لاعب اسمه خالد الكاظمي بلوزن المفتوح منو شافه ماشاءالله جسمه وسمتريه واااااااااااااااااااايد حلو الله يوفقه والله انك وحش يلكاظمي

[dark-crow]

اي امبلى بالنسبة حق خالد الكاظمي خذا بهالبطولة المركز الثالث على فئة فوق ال 85 كيلو جرام
و ما دش المنتخب الكويتي

[coceza]

وطبعا سلامه ماله منازع وحش يسلامه

[dark-crow]

اي والله سلامه كان ضيف شرف و الصراحة بدع بهالبطولة

[coceza]

اي امبلى بالنسبة حق خالد الكاظمي خذا بهالبطولة المركز الثالث على فئة فوق ال 85 كيلو جرام
و ما دش المنتخب الكويتي
من قال انه مادش المنتخب انا شايفه بلمطار لابس لبس المنتخب الازرق اللي كلهم كانوا لابسينه الله يوفقه واااااااااااااااااااااااااااااايد حلو وسمعت انه بلمنتخب وراح يزهبون حق اسيا

[coceza]

اي والله سلامه كان ضيف شرف و الصراحة بدع بهالبطولة
اوكي ضيف شرف بس عقبها راح قطر وخذا الاول بلوزن المفتوح

[dark-crow]

عموما هالبطولة سووها علشان ينقون المركز الاول و المركز الثاني من كل فئة اوزان
و قالو هالست لاعبين اهما المنتخب الكويتي
و المشكله في ناس مو ماخذه مراكز ولا شي و راحت تسوي بطولات و الصراحة ما قصرو كلهم ماشاءالله ابطال

[dark-crow]

اوكي انا قاعد اتكلم عن بطولة اكسجين مو بطولة قطر
و ماشاءالله على سلامه ادري انه الاول بكل بطولة بدون منازع هذي ما يبيلها كلام

[coceza]

عموما هالبطولة سووها علشان ينقون المركز الاول و المركز الثاني من كل فئة اوزان
و قالو هالست لاعبين اهما المنتخب الكويتي
و المشكله في ناس مو ماخذه مراكز ولا شي و راحت تسوي بطولات و الصراحة ما قصرو كلهم ماشاءالله ابطال
اي صح بس طلعوا نادر سمير ودخلوا خالد الكاظمي وعبدالله بودستور

[dark-crow]

ما عندك علم ليش طلعو نادر و دخلو خالد و عبدالله ؟

[coceza]

ما عندك علم ليش طلعو نادر و دخلو خالد و عبدالله ؟
ولله ماعندي علم بس المنتخب يوسف طبيخ وطارق الشخص ورضاالقبندي واحمد عسكر وحمد الشطي وخالد الكاظمي وعبدالله بودستور
بي علي سالفة ندور اسلك بودي باجر:32:

[dark-crow]

ما قصرت حجي على هالمعلومات و مشكور على مرورك يا الغالي

[coceza]

ما قصرت حجي على هالمعلومات و مشكور على مرورك يا الغالي
حياك الله يلوحش ويوفقك ان شاءالله

[coceza]

نسيت خالد الكاظمي دش بطوله بلدوزرقبل اوكسجين وخذا الاول بلوزن المفتوح وبطل ابطال البطوله

[R . V . D]

نعم هذي البطوله صارت في الكويت واقامها نادي اكسجين عندنا

بس والله كفو يا ابطال الكويت صح الصح