كلوب ساندويتش بالبيكون في الفرن

[Arashi]

السلام عليكم ^^

هاذي طريقه لكلاب ساندويتش جربتها في مطعم وطبقتها في البيت ونجحت
حبيت أكتبها وافيدكم ^_^


المكونات:

روتي Slice Bread
بيكون بقري
بيض
طماطم
خس
جبن slice
مايونيز


الطريقه:

1-تقلين البيكون لين يتغير حجمه (يصير اصغر شوي)وتقصين زواياه الشحميه
2- يخلط البيض بيضه بيضه في وعاء وتقلينه بحيث يكون ممدد في المقلاه (مثل بيض البلاليط تقريبا ويكون كبير شوي)
3-توزعين المايونيز عالروتي كله:
الطبقه السفلى للكلاب: تحطين الجبن-البيكون
الطبقه العليا: البيض(تقطعينه بالحجم المناسب)-الطماط -الخس
4-تدهنين السندويتشات من الاعلى بصفار البيض
5-تحطين كل السندويشتات في الفرن على حراره 150 وتنتظرين حتى يصير سطح السندويتشات اصفر مايل للبني
6-بعد ماتطلعينهم من الفرن تقصينهم من النص واهم شي عود الاسنان مع زيتونه :D

وحلو لو تقلين معاها wedges و زهره بالبقصم (كزبره) مثل الصوره :biggthump

http://store2.up-00.com/Mar10/Yye10961.jpg

[Al Bhed Girl]

السلام عليكم ورحمة الله وبركاته

Yummyy !

انا اكثر شي بارعة فيه ..الساندويشتات XD !!

طبختج عجبتني وحسيتها لذيذة ،،

شكرا على مشاركتنا اياها .

واصلي الابداع : )

[Iris]

وعليكم السلام و رحمة الله و بركاته

اهلا arashi ,

http://store2.up-00.com/Mar10/Yye10961.jpg

nice, اشتهيت كلوب ساندوينش,
يعطيك عافيه على الطريقه,
موفقه,

[ima93]

شكرا لك علي الطريقة
يسلمووووووووووووووووو

[blood roses]

يسلمو ........ شكرا على الطريقه ..........

[Arashi]

بالعافيه ^^

عاد اللي تجربه تصوره لي وترويني وتقول لي رايها ^^

[Yasu]

يعطيج العافية، وايد أحب هالسوالف :)

بما انج بالدوحة، عندج فكرة من وين ممكن نشتري البيكون؟

[Arashi]

^^^^
وجود البيكون مع الاسف عالمزاج
بس اكثر شي تحصله في اللولو ومجمع التموين العائلي
لازم واحد فيهم عنده والثاني لا..عالمزاج
وخاصة في اللولو احيانا تحصله عند اللي يبيع مرتديللا واحيانا في قراطيس صوب اجبان الامل وربعهم

[cold girl]

يمي مرررة يشهــي ,,
مشكووورة أختي على الطبخــة ..

[Arashi]

^^
العفو

مافي حد جربها لحد الحين؟ XD