المساعد الشخصي الرقمي

مشاهدة النسخة كاملة : كمال الاجسام سؤال عن المحفزات


روحي لله
10-06-2010, 08:20 PM
السلام عليكم
يا جماعه الخير عندي سؤال خجلان منه لاكن اتمنى منكم مساعده اخوكم سؤالي انا عندي ضعف جنسي طفيف الله يبعد عنكم الشر وانا متزوج لي 6 شهور وهذا اعتقد بسبب العاده السريه قبل ما اتزوج و الحمد لله تخلصت من هذي العاده السيئه*و الحين ياريت تخبروني لو في اي منتج ممكن يساعد على حل هذي المشكله .
نصحوني بمحفز النستسترون شو رايكم .
انتظر ردود اصحاب الخبره*
toto jeddah
10-06-2010, 08:32 PM
اهلين يابطل ,,

التستسترون المحفز رح يزيد حماسك ,,
لكن كعلاج ,, لا طبعا
لذا استشير طبيب وقد ينصحك بـ التستسترون ( الاسترويدز ) تحت اشراف وجدول خاص تحت الطلب يتم عن طريق حقن ,,

,,

وبإمكانك تتعالج عن طريق زوجتك وفهمها لنفسيتك ,, لانك تعاني من الضعف بسبب العادة , وشي طبيعي انك رح ترجع طبيعي بالاكل وبالنفسية الجيدة والنوم الجيد ,,

وبإمكانك تراجع الطب القديم من اعشاب و مؤكولات طبيعية مثل الاسماك والمحار واللحوم الحمراء اللي تزيد من نسبة التستسترون الطبيعي في الخصيتين ,,


ولا حياء في الدين والعلم يا عزيزي واسأل المولى ان يقويك ,,
ولو فيك ضعف في الحيوانات المنوية وحركتها لا سمح الله , عليك بالبرجنيل , يحفز من حركتها ويقوي الشهوة لدى الرجل خاصة ,,, وهي عبارة عن حقن تباع بالصيدليات ,,

اخوك تركي
عرباوي كربونش
10-06-2010, 08:42 PM
يالغالي ما انصحك بشيئ غير مراجعة الطبيب افضل ومثل ما قال اخوي عليك بالبرجلين وهو منظم هرموني وينباع بالصيدليات..
والله يوفقك ان شاءالله
اما انا ازيد على كلامك عندي سؤال ..
اذا خذيت محفز يعني مثلا محفز تسترون او محفز غروث .. هل يعطي ضخامه عضليه اكثر من البروتين ام البروتين افضل؟
ينفع ابدل البروتين بمحفز ... اي نوع كان يعني ينفع الغي البروتين من البرنامج التدريبي والعضله تطلع وللالا؟
وشكرا
legend 0f dark
11-06-2010, 12:29 AM
يالغالي ما انصحك بشيئ غير مراجعة الطبيب افضل ومثل ما قال اخوي عليك بالبرجلين وهو منظم هرموني وينباع بالصيدليات..
والله يوفقك ان شاءالله
اما انا ازيد على كلامك عندي سؤال ..
اذا خذيت محفز يعني مثلا محفز تسترون او محفز غروث .. هل يعطي ضخامه عضليه اكثر من البروتين ام البروتين افضل؟
ينفع ابدل البروتين بمحفز ... اي نوع كان يعني ينفع الغي البروتين من البرنامج التدريبي والعضله تطلع وللالا؟
وشكرا


لأخوي صاحب الموضوع الله يشافيك انشالله انا بصراحة ما املك ادنى خلفية لهذا الموضوع ,,

اما المقتبس كلامه ^^^

المحفز يحفز لك الهرمونات الطبيعية في جسمك و هذه الهرمونات من وظيفتها انها تبني العضلات في الجسم
أما البروتين فكل انسان يحتاجه في جسمه فهو غذاء كل خلية في جسمك لكن لاعب كمال اجسام يحتاجه بكميات اكبر لبناء العضلات ..

يعني كل شي له وظيفة هذا ماله شغل بذاك و ذاك ماله شغل بهذا ...
.hamad.
11-06-2010, 12:59 AM
مرحبا اخوي ...
ماعليك شر وفترة وتعدي ...
نصيحه ياخوي لاتاخذ اي منتج بدون استشارة الدكتور لأن الحاله يمكن تسوء أكثر ... وشوف اخصائي او استشاري في المسالك قبل ماتقدم على اي خطوة واكيد بتلقى العلاج عنده ...
روحي لله
11-06-2010, 02:43 AM
شكرا يا اخوان على هذي الردود الجميله
انا رحت الطبيب كل الفحوصات تقول ما عندي اي مرض عضوي الحمد لله و اكد لي هذي كلها نفسيه و ما اخبي عليكم انا امر بحاله نفسيه سيئه جدا ما اعطاني اي وصفه علاجيه و خبرني انها حاله نفسيه و تعدي . فما تنصحوني اخذ المحفز التستسترون و له اعراض جانبيه او مشاكل على المدى القصير او الطويل او يمكن يكون عندكم حل ثاني .
وسمحولي على الاطاله
Aziz.k
11-06-2010, 07:02 PM
تقرب لـربك أكثر اخوي, ومارس الرياضه.. أي نوع من الرياضه, لأن لها تأثير نفسي إيجابي كثير على الشخص وتلعب دور كبير بصفاء الذهن
وان شاء الله فتره وتعدي ياوحش, بالتوفيق =)
drَpower
11-06-2010, 10:30 PM
اخوي ممكن تقولنا عن عمرك وطولك ووزنك واذا كنت تمارس أي نشاط رياضي بانتظام ؟
ولد ابوظبي
11-06-2010, 11:36 PM
دام الطبيب قال مافيك شي والفحوص تثبت مايقال .. فعليك فالمأكولات البحريه ولا تكثرها مرتين عن الاسبوع اذا كنت بتاكل بشراههـ .. لانه تحتوي على كلسترول

وماقصروا الشباب .. وضحوا الفكره .. وعليك انك تشغل نفسك فالرياضه .. وتحرك الدوره الدمويه .. لانه لها دور ايضا في النشاط والخ ..

وووطويل العمر .. اسمحلي بس .. لازم تفهههم الزوجه عن مشكلتك وعن النفسيه لانها مثالك الأول فالحياه فالتغيير
. . ولا لاسمح الله راح تتفاقم الأمور وتكون تعبان نفسيا ومالك خلق في أي شي ..

الله يعينك ويشفيك ويوفقك ..
WA7SH JEDDAH
11-06-2010, 11:42 PM
الله يشفيك ويعافيك اسمع النصيحة هذي وادعيلي

شوف يا صاحبي انا اعرف شخص كان مثلك كان عنده سرعة في القذف والى الان لكن يستخدم مرهم من الصيدلية كمخدر اثناء الجماع وايضا كانت حرمته وهو يعني من ضعف جنسي طفيف ليس في الضهوة ولكن في عدم الانجاب ونصحته والان حرمته حامل في الشهر الرابع بعد زواج دام 8 اشهر

استخدم البردقوش كاس بعد الغداء بساعة انت وزوجتك وكاس بعد العشاء ابساعة ايضا وبدون اي اضافات ملعقة وحدة في مويه حارة واتركه 10 دقايق وصفيه والله يشفيك

وبالنسبة للأكل عليك بهذي الاشياء ولا تقول ريحة وخرابيط وداوم عليها

البصل الابيض الني الجرجير الكراث السبانخ المولخية اللحم والاهم الحبة السوداء 7 حبات على الريق العسل الطبيعي والحلبه المطحونة مع ملعقتين عسل قبل الفطور بساعة يمكن طعمها غبي لكن اسرب وراها موية على طول ماراح تحس فيها

والاهم البردقوش داوم عليه لمدة شهر وراح بأذن واحد احد راح تتغلب على هذاالضعف

وعلى فكرة العدة السرية ما لها دخل في الضعف الجنسي انت عندك ضعف في الجهاز التناسلي او حالة نفسية توكل على الله وتعوذ من الشيطان وقول بسم الله ولاتنسى اللهم جنبنا الشيطان وجنب الشيطان ما رزقتنا

انا انصح ابعد عن حرمتك اسبوعين واتحمل وابدأ بالبردقوش والاكل الي قلتلك عليه كله مقوي عام وروح للصيدلية واشتري فيتامين اسمه دينا ميزان ب 44 ريال خذ حبة بعد الفطور

ولاتنسى اذا حولك حليب خلفات (نياق) بيصير وضع عال العال


قل ما تروح للدكتور امشي على الاشياء الي كتبتها لك فوق واسبوعين اعتقد ماراح تأثر فيك من الناحية النفسية المستشفى عوار ارس وقلق وفلوس والا تطيح في يد سباك ويعطك ادوية ما لها داعي
الله يشفيك
روحي لله
12-06-2010, 10:54 AM
الله يعطيكم العافيه و يعافيكم و يسلمكم من كل شر على هذي الكلمات الغاليه والنصائح الرائعه
يعني يا اخوان المفهوم من كلامكم اني ابتعد عن المنتجات الصناعيه مثل المحفزات و اهتم في الاغذيه الطبيعيه .
WA7SH JEDDAH
12-06-2010, 05:35 PM
البردقوش وارفع يدك وتوكل على الله