وحشـــــــ وكمان هشارك بحاجة خفيفة ــــتوني

[رحّال بأشعاري]

السلام عليكم ورحمة الله وبركاته
آاااا ه .... وحشتووووني كتير ووحشني منتداي الجميل
بصراحة رغم انشغالي الشديد إلا إني بالصدفة لقيت ملف عندي من المنتدى ... صممت أدخل وأشوف أحبابي وإخواني
أتمنى تكونوا جميعا بخيييير وفي أحسن حال

[رحّال بأشعاري]

قصيدتي اليوم كانت عبارة عن رسايل قصيرة .... أرجو أن يصل الإحساس فيها إلى قلوبكم
وتشعروا بها ... كما كنت أشعر عندما كتبت

حبيبتي



حبيبتي مرة لومتيني وقلتي إنّي ناسيكي



وأقسمت ان أيامي ما تحلى إلا بيكي



وليه دلوقتي ناسياني وناسيه حبّي ليكي



أنا خايف أكون يعني بقيت تقيل عليكي



* * *



حبيبتي لو ف يوم حبّي بقى بركان لآلامك



ولو ماتت مشاعرك أو ف يوم راح ابتسامك



يا ريت انك تصارحيني ولا تجاملي ف كلامك



داانا عمري ما هغفر لك خداع قلبي ف غرامك



* * *



انا بادعي ان أيامك تكون دايما سعيدة



يحقق ربّي أحلامك ولو كانت بعيدة



ولا تضيع يوم أمانيكي ولا تضعف عقيدة



ولا يقرب شرور منك ولو كانت أكيدة



* * *



حبيبتي روحي عمري يا أمالي وذكرياتي



(أنا بهواكي من قلبي وتشهد لي بناتي)



أنا باعشق خطاويكي وهمسك جوا ذاتي



وباعشق كل مافيكي انا باعشق حياتي



* * *



ولكن رغم حبي يا أمانيّا الكبيرة



ورغم عذابي جوايا هقول كلمة أخيرة



انا بتمنى تنسيني وتنسي كل حيرة



أنا عاشق قولي لي ازاي فقير يعشق أميرة



* * *

أشكركم إخواني الأعزاء