بقولكم كورسي المقترح وعطوني ملاحظاتكم عليها

[مستر سعد]

السلام عليكم وحوووووووووووش >>>>> لاحظو الوحوش أسمائهم يوجد فيها حرف الـ ش ولا ما يكون وحش صح يـــا بو راش ــــــــــد :wink2:
أنا اسمي ما فيه حرف الشين بس عندي حرف الـ س يعني أكون وحس >>>>> :D


موضوعي للجميع واخص بالذكر بوراشد ومشكلجي ومناداة الليل وتوتو جدة ولينار لأني مشتاق لأرائهم بالذات في موضوعي وكل شخص فاهم أكثر مني في هالمنتدى الوحش


تبدأ موضوعنا
أنا إنسان >>> أجل بتكون مب أدمي :D......... عمري 19 عام طولي 180 وزني 65 >>>> ناقص وزن كثير !!!!!


*معلومة على الطاااااااااير أنا أشوف منتجات gnc على موقعهم هل الأسعر نفسها الي في محلات جي ان سي وهل أقدر أكاسر بأقل من الي موجود بالنت؟؟؟؟؟؟؟؟


لي في النادي حوالي أكثر من شهر شهر ونصف موقف حاليا لمدة قرابة 3 إلى أربع أسابيع


المكملات السابقة :


الواي بروتين >>> وجهت نظري المتواضعة هذا حق الي يبي يخسس مو يزيد وزن أدري يفيد ولكن ما يعطيك زيادة كبيرة بالوزن "هذي معاي حق فيها "


المكملات المقترحة : وساعدوني فيها بس لاحد يجيبلي البديل مثلا أقوله واي بروتين يقولي الدب الروسي >>>>> نفس الشي وقد يتفوق عليه الواي ببعض الشغلات أبي تعطيني منتج قوي أو مشابه في القوة إن كانت منتجاتي ضعيفة >>> إن كانت " الأخ واثق خخخخخ :D"


نبدأ بالمكملات المقترحة : والله جايبها من المنتدى من خلال تجربة بعض الأعضاء >>>> المهم


بس لاحظوا شي أنا في مرحلة تضخيم وليس تخسيس " ووزني ناقص " يعني لا حد يقولي على منتج يخسس



*1- بروكومبلكس قينر "طبعا بستبدله بالواي بروتين" لانه أقوى منه ويعطيك بروتين + وزن إضافي "ضخامة لأن وزني ناقص " وياليت أشوف الجدول الغذائي أو القيمة الغذائية للمنتج إن وجد



*2- "صححولي المعلومة أو أكدوها المنتتجين كلهم كرياتين أو يحتوون على الكرياتين فرق بين المنتج هو كرياتين ومنتج يحتوي على أشياء من ضمنها الكرياتين" والله محتار بين النواكسبلود والسوبر شارج وياليت أشوف الجدول الغذائي أو القيمة الغذائية للمنتجين إن وجد


أبغاكم تقارنولي بين المنتجين من هالنواحي
اول شئ وش الي جربت منتج والا اثنينهم
وش الأفضل "العبارة الي ما أبي أسمعها يختلف على حسب الجسم هذي ما أبي أسمعها في الردود"
*مين الي حصل على جوائز عالمية أتوقع النواكسبلود صح ؟
*كم مقدار الكرياتين في هالمنتجين
*هل يوجد بهم أحماض أمينة أو بروتينات
*أسمع أشخاص كانو يستعملون الواكسبلود وجايب معاهم نتايج حلوه ويغيرون ليش!!! أو العكس
*هل يجيبون الأرق
*والفشل الكلوي
*وكثرة التبول "أكرمكم الله"
*والإمساك " طبعا إذا استخدمت كميات بسيطة جدا 3 غرام وشربت كميات ماي كبيرة هل يجيب امساك"
*هل أشكالهم على شكل بودرة أم حبوب
*ومن هو الي يخزن ماء أكثر "على فكرة الي يخزن تعتبر نقطة إيجابية ولا سلبية"
*هل صحيح النواكسبلود يزيد الوزن
*عطوني معلومات أكثر عنهم لم أذكرها



هذي المنتجات الي أبيها وأبي آرائكم قبل لا أشتريها
أنا تقريبا بشتري بروكومبلكس قينر و النو اكسبلود >>>> لاحد يقولي ناقصك أمينو ولا بياض البيض ولا ما أدري أيش >>>> أتوقع جيدين


*وش رايكم بالكارزين ولا المنتج الي فوق يغني عنه
الآن
*كيف طريقة استخدام المنتجين مع بعض " ركزوا قلت مع بعض " لاتقولي مثلا البروكمبلكس قبل النوم وبعد التمرين والنواكسبلود قبل وبعد التمرين وهم في الحقيقة يتعارضون مع بعض يعني مايصلح تاكلهم مع بعض كل واحد يبغاله معده خالية


**يعني أبي الجدول يكون مثلا اصح الصباح وكل المنتج مع الفطور او قبل ثم بعدين تغدا وبعد ساعتين اكل المنتج وبعد ما تجي من التمرين اكل المنتج وبعده بساعين اكل المنتج وبعده بنصف ساعة اتعشاء ......زي كذا



*طبعا أنا ماخذت السيرياس ماس لأني متخوف من الكرياتين الي فيه يعني باخذ كرياتين مرتين "سيرياس + النواكسبلود" فخذت البروكمبلكس قينر "مافيه كيرياتين صح ولا لا"
وبالنسبة للتحميل في النو "النواكسبلود" كيف طريقته وبم اني لي فترة بسيطة في اللعبة "مب مثلا 3 سنوات"
*هل اقدر احمل بـــ 15 جرام واخذ في اليوم بعد خمس ايام اخذ 3 جرام "بم اني بسيط في اللعبة وماعندي ذاك العضل الي يحتاج 5 غرام"
*والبروكمبلكس قينر وش الي يناسبني " أتوقع سكوبين ويزيد علي "يجيب نصف إحتياجي اليومي من البروتين " بس كيف أوزعه


*البروكمبلكس كم سكوب فيه وبكم من جي ان سي وكم يجلس معاي "شهر شهرين ...."
*النو اكسبلود كم حبه فيه وبكم من جي ان سي وكم يجلس معاي "شهر شهرين........."


اتمنى اني أكون خفيف الظل >>>> بعد هالبلاوي بتصير ثقيل الظل "طبعا عضل صافي :D"


علشان تكون الصورة واضح أتمنى أمرين
1- بيجيك شخص ما راح يقتبس الموضوع ويجاوب لك على 20% في المئة بس وإجابات مب واضحة صح من الإجابات ويروح ويحسب نفسه انه جاوب >>>>>>>>>>>> بليـــــــز اقتبس الموضوع اريحلك وأريحلي إلا إذا كانت عندك ذاكرة تحفظ جميع الأسئلة مرة واحدة جاوب بدون إقتباس لأني الصراحة رايكم يهمني كثيـــــر أوي
2- شخص ثاني بيرد "هذا إن رد ويقول الشباب ما قصروا " >>> أنا أبي رايك أنت بما أنك مجرب ولا فاهم في الشغلةز
3- علشان نريحكم أكثر حطينا لكم على كل سؤال نجمة علشان ما تنسونه فحط جوابك من بعد كل نجمه.
4- الموضوع والله تعبان عليه أتمنى أني ألاقي إجابات "ما قلت إجابة وحيدة" إجابات كاملة على كل الأسئلة كافية وشافية.


شكرا لكم

[Leaner]

ماني خبرة بالاقتباسات بس بجاوبك نقطة نقطة

ولكن بالبداية

البروكومبلكس قينر منتج ممتاز والمكونات الغذائية للمنتج حسب السكوب الواحد:
65 جم بروتين + 85 كاربوهيدرات + 8 جم دهون + 5 جم سكر + 4 جم ألياف + 650 سعرة حرارية+ فيتامين c و A وكالسيوم وحديد والعديد من الفيتامينات والمعادن الأخرى

- ماعندي فكرة عن منو الي حصل جوائز أكثر ولكن المشهور والأفضل عالميا من حيث الاستخدام والشعبية هو النو اكسبلود.
- كمية الكرياتيين في المنتجين غير واضحة في ال supplement fact ولكن تقريبا جميعهم نفس المحتوى ولكن في الكميات تفرق.
- مافيهم أمينو ولكن بروتينات نعم ولكن فقط في السوبر شارج 2 جم بروتين والنو اكسبلود 0 جم بروتين
- الشباب يغيرون لتجربة منتجات أخرى ولكن فيه شباب يغيرونه لان جسمهم ماتقبل له
- الاثنين يجيبون أرق ويفضل استعماله في فترة الصباح أو الظهيرة والذهاب الى النادي
- الاثنين يجيبون فشل كلوي اذا ماشربت كميات كثيرة من الماء
- الاثنين عرضة للتبول كثيرا نظرا لشرب الكميات الهائلة من الماء
- مايجيبون امساك لا تحاتي
- الاثنين أشكالهم بودرة ولكن فيه منتجات من شركات أخرى تأتي على شكل حبوب
- ماعندي فكرة لكن الاثنين بخزنون نفس الشي تقريبا، ( ايجابية لتكبير واعطاء العضل شكل جميل وسلبية لتخزينها في في أسفل المعدة)
- الاثنين يزيدون وزن لان بيساعدكم انك تشيل أوزان ضخمة وبالتالي العضلة بتكبر وبيزيد وزنك
- المنتجين فيهم كميات عالية من الكافيين وهي السبب الرئيسي في حدوث الأرق، والنو اكسبلود فيه 3 أنواع من الفيتامينات المهمة B12 B9 B6 وفيهم أرجنين وجلوتامين ومحفزات growth ... الخ من المكونات
- الكازين ممتاز قبل النوم ويساعد على تغذية العضل لمدة 7 ساعات متواصلة ومنتج البروكومبلكس قينر بيغنيك منه لان يحتوي على 3 أنواع من البروتين ( بروتين البيض والكازين والواي بروتين)
-طريقة الاستعمال مع بعض ( على معدة فاضية):
بعد الفطور بساعة أو بعد الاستيقاظ من النوم: سكوب بروكومبلكس قينر مع ماء أو حليب + بعد التمرين سكوب مع ماء
أما النو اكسبلود فقط قبل التمرين ب 30-45 دقيقة وسكوب 1 أو سكوبين
- البروكمبلكس قينر منتج بروتين وكارب خالي من الكرياتيين
- النو اكسبلود مافيه فترة تحميل، استخدم سكوب قبل التمرين واذا أوزانك زادت، استخدم سكوبين
- سكوبين برو قينر يكفي وبيعطيك باليوم 130 جم بروتين + 170 جم كارب + 16 جم دهون + 10 جم سكر + 8 جم الياف + 1300 سعرة حرارية
- البرو كومبلكس بيجلس معاك أسبوع اذا استخدمت سكوبين و اسبوعين اذا استخدمت سكوب واحد
- النو اكسبلود بيجلس معاك 40 يوم اذا استخدمت سكوب واحد و 20 يوم اذا استخدمت سكوبين
- بالنسبة للأسعار ماعندي فكرة لان اعتقد انت من السعودية وانا من الكويت

بالنسبة لكورسك ( البرو قينر + نو اكسبلود) ممتاز جدا في التضخيم وعن تجربة

بالتوفيق

[sami1989]

ماقصر معاك الوحش :)

[ابو مهاا]

ولله ياخوي انا انصحك ببروتين مجربه صاحبي وتقريبا نفس طولك لاكن وزنه كان 52 هههههههه والحين وحش الوحوش ماشاء الله طول فتره تضخيمه مافي شي يمدحه كثر ما مدح المايبلوك ديلوكس يقول روعه خيال عن وجبه كامله فيه جميع الفيتامينات والاملاح والبروتين وكل شي انا بعطيك لنك وشوف وقارن منتج نظيف وروعه
http://www.bodybuilding.com/store/eas/myoplexnew.html
بالتوفيق

[ابو مهاا]

حتى كان الله يسلمك يجرب بروتينات قبل تقريبا جرب بروتين اسمه قين فاست من جي ان سي واستخدم بروتين ميقا ماس 4000 مافادوه زاد وزنه خلال 3 اشهر الى 4 كيلو كان وقتها يدش المحل يقوله ابي بروتين عظم صافي ههههههههه كان نحيف حيل وعموما اوصيك تفتح بالاكل وتاخذ مشهيات من الصيدليه ان كان اكلك خفيف وبالتوفيق يا وحش

[مستر سعد]

سامي >>>> مشكور وماقصرت

بو مها >>>> كثر الله من أمثالك ومشكور يا بو الوحوووووووووش

لينار "طبعا مشكور بس عندي ملاحظات "أو بالأصح استفسارات مافهمتها من كلامك المفيد""
أتمنى من لينار والوحوش يشاركونا بآرائهم الجميلة

1-
- المنتجين فيهم كميات عالية من الكافيين وهي السبب الرئيسي في حدوث الأرق، والنو اكسبلود فيه 3 أنواع من الفيتامينات المهمة B12 B9 B6 وفيهم أرجنين وجلوتامين ومحفزات growth ... الخ من المكونات

وضحولي >>>> لأني مش فاهم مثلكم
>>>> وش هالشغلات محفزات جروث وارجنين وجلوتامين >>>> هل هم تبع الهرمونات والمنشطات والمحفزات وهالأشياء الخطيرة ؟ وما هو المنتج البديل للنواكسبلود "سوبر شارج مثلا "؟ لأني أبي أغيره إذا يحتوي على هالبلاوي ...

وهل في البروكومبلكس أي شئ تبع المنشطات أو الهرمونات

بالنسبة للإمساك أنا سمعت انه يسحب جميع السوائل الي في الجسم ويرسلها إلى العضلات فيقل نسبة السوائل بالجسم فيحدث الإمساك صح؟ولا غلط



- ماعندي فكرة لكن الاثنين بخزنون نفس الشي تقريبا، ( ايجابية لتكبير واعطاء العضل شكل جميل وسلبية لتخزينها في في أسفل المعدة)

قصدك يجيبون كرش ! ولا ايش ؟ وهل الماء اسفل المعدة خطر ومزعج


وسؤال خطيـــــــر مرة قبل لأقوله أنا أتمرن 3 أيام يوم راحة 3 أيام يوم راحة ....الخ المهم هل آخذه أيام الراحة يعني طول الأسبوع أكله ومتى أكله في يوم الراحة ويصلح أتركة في يوم الراحة؟

السؤال الخطير هو لو تدربت السبت والأحد والأثنين وانشغلت أو نسيت أو سافرت مثلا أربع أو خمس أيام ورجعت من السفر الأحد "يعني الثلاثاء والأربعاء والخميس والجمعة والسبت والأحد مارحت للنادي مثلا 6 أيام " آكل فيها النو اكسبلود >>> خطأ آكل منتج طاقة وأنا ما افرغه بتمرين ......... أتركة 6 أيام ثم أرجعلة ؟! ولا شسوي >>>>> طبعا لا تقولي التزم فيه لمدة شهر "مب هذا سؤالي " سؤالي وش يصير لو أكله 4 أيام واتركة خمس ثم اكله 6 أيام و أتركة اسبوع ؟





طريقة الاستعمال النواكسبلود مع بعض ( على معدة فاضية):


البروكومبلكس معروف مع ماي أو حليب النواكسبلود مع ماي او حليب أو عصير برتقال أو .....؟

والنواكسبلود آخذه بعد الغداء بساعتين و أجلس 45 دقيقة واروح التمرين صح؟ يصلح آخذ فقط 3 غرام لأن وزني بسيط

بخصوص الطعم هل هو حلو ومستساغ؟وهل فيه نكهات؟ وهل صحيح يجيب الحموضة أو الحرقان في الجسم "وبأخص في المعدة " ؟



- النو اكسبلود مافيه فترة تحميل، استخدم سكوب قبل التمرين واذا أوزانك زادت، استخدم سكوبين


مافيه فترة تحميل متأكد !!! طبعا أنت أفهم مني لأنك مجرب >>> بس أنا كني قريت أنه بيغاله فترة تحميل عشرين إلى 30 غرام لمدة خمس أيام ثم خمس غرام يوميا ولا ما يحتاج فترة تحميل >>>> يمكن السوبر شارج هو الي يبغاله " ولا لاذا ولا ذاك"

وش التحذيرات الي محظورة على من يستعمل النواكسبلود " لأنك لم تذكرها ....ضغط ... سكر ...قلب ...حرقان بالمعدة ... قولون ....رعشة ....أمراض نفسية....أمراض باطنية ...الكبد.... فشل كلوي ....."
يعني الي فيه مثلا قلب ولا .... لا يستعمل هالمنتج ؟
هذي النقطة زعلتني كثير وأوي كمان

- البرو كومبلكس بيجلس معاك أسبوع اذا استخدمت سكوبين و اسبوعين اذا استخدمت سكوب واحد

أولا هل حجمة مثل الواي بروتين ولا مثلا ربعه
يعني هالبروكومبلكس الله يهديه بس فيه 14 اسكووووب !!!!!!!! "سكوبين لمدة اسبوع" أفا يا البروكومبلكس متعشم فيك خير طلعت ما عندك سالفة أجل بدفع [ 250 + 250 + 250 + 250 ] = 1000 ريال في الشهر للبروكومبلكس فقط !!!!!!!!!.....!!!!!!!!!! أجل لو بستخدم 4 اسكوب في اليوم أتوقع ببخلصة في يومين >>>>طلع عصير مب مكمل >>> صح الي فهمته .... كلام خطير 1000 ريال في الشهر لمكمل واحد تستعمل فقط اسكوبين؟

ولا فيه أحجام لأني شفت 3 أحجام وش يقصد لينار


هذا

http://gnc.imageg.net/graphics/product_images/pGNC1-3802948t300x300.jpg
كم كيلو فيه ؟ وبكم سعره؟ وكم يجلس معاك؟

ولا هذا
http://gnc.imageg.net/graphics/product_images/pGNC1-6061777t300x300.jpg
كم كيلو فيه؟ وبكم سعره؟ وكم يجلس معاك؟

ولا هذا
http://gnc.imageg.net/graphics/product_images/pGNC1-6329172t300x300.jpg
كم كيلو فيه ؟ وبكم سعره؟ وكم يجلس معاك؟


وكم يزيدوني هالمنتجين في الشهر الواحد ؟ إذا بمارس وآكل بإنتظام ؟ وش أسوي في رمضان ؟ أترك التضخيم لأن أتوقع بيضيع وزني بهالشهر ؟ ولا فيه طرق تخليك تستمر بالتضخيم

ومشكور يا لينار وتعبناك أكيد معانا

بس ملاحظة الأسئلة الي فوق لـ لينار و بوراشد ومشكلجي ومناداة الليل وتوتو جدة ووحوش المنتدى

الأسئلة التي لم يجب عليها لينار "طبعا لعدم تواجده بالسعودية " فالي يعرف يخبرنا

أنا أشوف منتجات gnc على موقعهم هل الأسعر نفسها الي في محلات جي ان سي وهل أقدر أكاسر بأقل من الي موجود بالنت؟؟؟؟؟؟؟؟

وكم أسعار البروكومبلكس والنواكسبلود من جي ان سي

[KOOOOG]

يا اللة شكبر الموضوع سعد شكلك ناوي ع نية

سعد انا بحل سؤال واحد شو رايك

النواكسبلود سعرة 180 درهم

وربي يوفقك وشد حيلك نريد نشوفك وحش

[toto jeddah]

لا كلام بعد كلام الوحش لينر ,,
ماقصر معاك يا مشتر شعد ^_^ يا وحش

وبالتوفيق يارب

[مستر سعد]

مشكور يا كوووووج


توتو جدة "أهل الرخا والــ ش دة >>>> لاحظ وجود حرف الشين >>> إذا أنت وحش

بس الظاهر مع كثرة الردود ضيعت المسار >>> خخخخ ماقلتلك في التأني السلامة وفي العجلة الندام

لي رد رقم 6 يحتوي على بعض الأسئلة >>> الظاهر انت قريت السؤال الأول والإجابة وكتبت ردك >>>> ارجع احنا محتاجين ردودك الحلوة في المنتدى فيه أسئلة لم جديدة لم أحد يجاوب عليها

سمعت أن ان او اكسبلود حاااااااااامض مرررررررررة ويجعل الإنسان يعورة بطنة "يالهوي " >>>> هل هذا سبب مقنع لتغيير ان او اكسبلود إلى السوبر شارج وإلا يوجد به نكهات تغير هذا الطعم الحااااامض >> وكم سعر المنتجين

[Leaner]

ماشاءالله أسئلتك كثيرة ودقيقة ولكن تستاهل :)

راح أجاوبك نقطة نقطة

- الأرجنين: يساعد على انتاج غاز بالجسم يعمل على توسيع الأوعية الدموية ( زيادة تدفق الدم في العضلات) مما يعطي طاقة عالية وضخامة عضلية وأيضا يقلل من عملية الهدم في الجسم ويزيد من افرازات هرمون الانسولين

الجلوتامين: يساعد على الاستشفاء العضلي بمعني انه جسمك في التمرين لما يتعب، في هالمرحلة قاعد تتعب العضلات وبالتالي الجلوتامين بيساعد انه ماتخسر حجم العضلات في الجسم

محفزات قروث: وظيفته تنشيط الهرمون في الجسم وافرازه بطريقة أفضل من السابق وينشط العضلات بطريقة أسرع والنتيجة ضخامة عضلية

هال 3 عناصر آمنة وليست هرمونات ولا منشطات فلا تحاتي :)

والبروكومبلكس خالي من هالشغلات، فقط الجلوتامين وهو مهم وبالأخص بعد التمرين

والنو اكسبلود مايسبب امساك لاني استخدمته عدة مرات وماجابلي امساك وولا شي

- يجيبون الكرش قليلا، اذا لم تمارس تمارين المعدة بعد استخدامه

تاخذه في يوم الراحة فقط مرة واحدة وسكوب واحد فقط (اذا كنت متواصل في التمرين والراحة يوم أو يومين)، ولكن يفضل انك تستخدمه فقط في أيام التمرين

اذا سافرت في هالأيام، اخذه فقط يوم الثلاثاء ( سكوب واحد) ومن ثم وقفه لما ترد من السفر وتتمرن، ومايصير شي اذا اخذته اسبوع ووقفته كم يوم، بمجرد أخذه قبل التمرين بيعطيك طاقة عالية في رفع الاوزان ولكن طبعا يفضل انك تلتزم فيه لأفضل النتائج

النواكسبلود تاخذه مع ماء فقط لان فيه نكهات وطعمه جدا ممتاز ( الفواكة) وفيه بنكهة العنب لكن ماجربته، وشلون تاخذ 3 جم والسكوب فيه 20 جم ؟؟ اخذ فقط سكوب واحد لما تتطور في التمارين وتحس انه جسمك قام يتضخم ويزيد وزنك، بالتالي ممكن تاخذ سكوبين

طعمه حلو واخذه وانت رايح النادي ( بالسيارة تلذذ فيه )

يجيب حموضة اذا أخذته بعد الأكل مباشرة فدائما اخذه على معدة فاضية بمعنى بعد الأكل ب 2-3 ساعات

- اي نعم مافيه فترة تحميل ، حالة حال السوبر شارج، ولكن طبعا في منتجات تحتاج الى فترة تحميل

بالنسبة للتحذيرات، لا ينصح باستخدامه لمن يعانون من ارتفاع أو انخفاض ضغط الدم وعدم انتظام ضربات القلب ، والسكتة الدماغية والقلب والكبد أو أمراض الغدة الدرقية والقلق والاكتئاب والأمراض النفسية والسكري وفقر الدم

- بخصوص البرو قينر، فيه 14 سكوب فقط وانا اقصد العلبة حجم 5 باوند ( الحجم العادي ) ولكن فيه كيس بروكومبلكس قينر حجمه 10 باوند وفيه 28 سكوب

فأنا انصحك انك تاخذ الكيس أوفرلك

وبالنسبة للصور ماتطلع عندي ولكن انا وضحت هالشغلة

- انا كان يزيدني بالاسبوع من 4-6 كيلو ( أول اسبوع طبعا ومن ثم الزيادة بتقل ) مع تمارين شاقة وتغذية ونوم كافي ولكن طبعا في شباب يزيدهم بالشهر 4-5 كيلو يعني حسب الجسم وانت عارف هالشي فماقدر أعطيك رقم دقيق

يعني لا تستغرب انه زادك في الشهر 3 كيلو إو 10 كيلو، يعني انت ومجهودك في اللعبة وتقبل جسمك له

الخلاصة : منتج بروكومبلكس قينر منتج آمن وممتاز للضخامة وأيضا النو اكسبلود منتج آمن اذا طبقت تعليماته ( شرب 3-4 لتر ماء يوميا + استخدامه في وقت مبكر في اليوم لتجنب الأرق) ومنتج ممتاز جدا للضخامة أيضا

وان شاءالله الشباب بيفيدونك بخصوص الأسعار

تحياتي

[مستر سعد]

لنير >>>>>> أخجلتني صراحة وما أدري كيف أرد عليك بس أشكرك على إجاباتك الكافية والشافية

وما أقول إلا جزاك الله ألف ألف خير يالغالي وكثر الله من أمثالك في المنتدى الرائع