المساعد الشخصي الرقمي

مشاهدة النسخة كاملة : كمال الاجسام اليوم أشتريت CREALEAN وسؤال صغير من فضلكم


Yousif Alsaqer
23-06-2010, 11:58 PM
السلام عليكم ورحمة الله وبركاته
شخباركم ، أن شاء الله بخير .. اليوم الحمد لله اشتريت CREALEAN
وسعره معقول مع الخصم .. المهم كان في بالمحل واحد ضخم ومبين عليه انه قديم في اللعبة دي ..
سألته كيف استخدم المنتج لأن اول مرة اجرب الكرياتين ، قال لي 5 مرات باليوم
لمدى يومين ، وبعدين كل يوم سكوب واحد قبل التمرين بنصف ساعة .
فـ مو عارف شو القصة 5 سكوبات مو كأنه كثيرة ؟
بما أن عمري صغير .. مش عارف بالضبط ياريت احد يوضح لي
طبعاً عمري مو صغير صغير ههه لا بس تمام يعني
وقال لي لازم تأخذ بروتين معاه .. وانا راح اشتري الواي بعد كم يوم
وشكر اً لكم يا حلوين ..
Yousif Alsaqer
24-06-2010, 12:00 AM
صحيح يا جماعة هاي صورة للمنتج
http://www.europadatafeed.com/images/250/710779444560.jpg
Sufian Ahmed
24-06-2010, 06:52 AM
وعليكم السلامة ورحمة الله وبركاتة
مرحبا

هذا الكرياتين حقك نوعه منهيدرات Creatine Monohydrate وهو كرياتين صافي

وعادةً الصافي فيه فترة تحميل اللي هي ٥ جرام ٥ مرات باليوم لمدة ٢-٥ ايام !

لكن بالنسبة لنوع حقك دخلت على الصفحة حقتة بالبدي بيلدنق حصلت طريقة الاستخدام
من جرعة إلى جرعتين باليوم ماذكر فيه فترة تحميل .

يعني فترة التحميل اللي هي يومين راجعة لك براحتك . والاستخدام العادي من جرعة لجرعتين

موفق ياوحش
Yousif Alsaqer
24-06-2010, 12:33 PM
أخوي يعني الحين كيف استخدمه 5 مرات لمدى يومين وبعدين مرة مرة كل يوم
أو كيف بالضبط ... لأن خايف ما استخدمه مثل ما قال الأخ ، وبالنهاية ما استفيد شي ..
Leaner
24-06-2010, 12:50 PM
اخوي اسمحلي اقولك الي قالك 5 مرات باليوم كلامه خاطئ، يمكن اهو مستواه متقدم جدا بس مايصير يعطيك هالنصحية

طريقة استعماله: سكوب واحد مرتين في اليوم ومو مكتوب طريقة التحميل فأعتقد مافي طريقة تحميل
Leaner
24-06-2010, 12:55 PM
بحثت عنه ولكن صورة المنتج بتختلف

فترة التحميل:
أول 5 أيام، 4 سكوبات في اليوم ومن ثم سكوب الى سكوبين باليوم

Labrada Crealean™ Creatine Monohydrate -- 500 Grams

Take one scoop (approximately 5 grams) mixed in juice or water four times daily for five days (loading phase). Thereafter, take one scoop on to two times daily. Drink plenty of water each day when supplementing with Creatine. Do not exceed recommended dose.
Leaner
24-06-2010, 12:57 PM
http://www.vitacost.com/Images/Products/200/Labrada/Labrada-Crealean-Creatine-Monohydrate-710779444560.jpg

وهذي صورة المنتج بس أعتقد ممكن الي عندك الجديد لان نفس الشركة labrada

كلام الأخ الي نصحك في المحل صحيح ولكن 4 سكوبات مو 5 بفترة التحميل

تحياتي
THh Rock
24-06-2010, 01:09 PM
صراحة شركة ليبرادا قوية واقرب شي السوبر شارج
وصراح االاخوان ماقصرو وترى المنوهيدرات تخزن موية كثير
Yousif Alsaqer
24-06-2010, 02:39 PM
تسلمو على الكلام الحلو ، وان شاء الله ببدأ فيه بـ 4 سكوبات باليوم لمدى يومين .. وبعدين سكوب قبل التمرين
وشكراً لكم أخواني ما قصرتو
sami1989
24-06-2010, 02:42 PM
اخوي يوسف هذي يسموه فترة التحميل علشان جسمك يشبع بلكرياتين وبعدين اخذه قبل التمرين بنصف ساعه واذا حابب ضخامه اخذ 5 جرام بعد التمرين ايضا ,,, اشرب مياه كثيره الى 5 الى 6 لتر يوميا

والافضل فترة التحميل 4 او 5 ايام
Yousif Alsaqer
24-06-2010, 04:01 PM
طيب أخوي سامي كده تمام ، بس يصير اخليه يومين وتكون الجرعة 5 مرات باليوم ؟
اكيد انا ابغى ضخامة ، طيب ما يضر يعني بعد وقبل التمرين ؟ لأن ما ادري امبارح أكد علي الي بالمحل قال قبل التمرين فقط .. لأن بيعطيك طاقة بعد ..
عموماً أبغى أعرف فترى التحميل تصير يومين صح ؟ وتكون 5 مرات كل جرعة
وكذالك بالنسبة لأيام الراحة وأيام الي أوقف عنها وكم يوم بالأسبوع اخذه ؟
وتسلم حبيبي سامي وسامحني عالأسالة
sami1989
24-06-2010, 09:51 PM
فترة التحميل عامه من 4 الى 5 ايام وبعدين تكدر تاخذ 5جرام قبل التمرين بنصف ساعه للطاقه وبعد التمرين 5 جرام للضخامه في ايام الراحه 5 جرام قبل الفطور بنصف ساعه فقط
وكمية المياه كوب كافي وتخلطه ,,,, مدة استعمال 8 اسابيع وتوقف 4 اسابيع ,, اشرب مياه من 5 الى 6 لتر يوميا ,,


وبلنسبه للاضرار فلاتخاف 5 او 10 جرام ماتسوي شي بس لازم تشرب مياه كثيره وتستعمله شهرين وتكطع شهر
Yousif Alsaqer
24-06-2010, 10:26 PM
لك على راسي والله ، تسلم سامي وما قصرت والله وان شاء الله أول ما أخذ البروتين ببدأ فيه
ما قصرت يالغالي .. وأنتظروا اخر تحولاتي بعد شهرين هه ..