المساعد الشخصي الرقمي

مشاهدة النسخة كاملة : ايش الفرق بين التنشيف والتضخيم في التمارين؟


ABDo Meen GaDDo
27-06-2010, 04:50 PM
السلام عليكم ورحمة الله وبركاته

أول شي الفرق بين التضخيم والتنشيف بشكل عام الأغلبية عارفينه

لكن السؤال هنا >> لمن نلعب حديد !!
1- لازم نلعب على جلسات
2- وكل جلسه لها تكرارات معينه

طيب لو افترضنا انو 4 جلسات كل جلسه 30 تكرار للتنشيف
ايش يصير اذا نقصت الجلسات وزودت التكرارات
أو اذا زودت الجلسات ونقصت التكرارات؟؟

يعني كيف أعرف الي أنا جالس أسويه تضخيم!! وكيف أعرف متى يصير تنشيف يعني لو زودت تكرارات؟


والله مني عارف كيف أوضح السؤال حقي
بس أنا أبغى أضخم وأخاف أتعب نفسي وفي الأخير شغلي كله يكون تنشيف
يعني التضخيم من النهاية (في التمرين مو في التغذية) يعتمد على الوزن وقلة التكرارات؟ والجلسات!!

ممكن الخبراء يوضحوا؟! لأن السؤال هذا بيفيد الكثير
THE CAST
27-06-2010, 05:08 PM
السلام عليكم ورحمة الله وبركاته
وعليكم السلام ورحمة الله وبركاته
أول شي الفرق بين التضخيم والتنشيف بشكل عام الأغلبية عارفينه

لكن السؤال هنا >> لمن نلعب حديد !!
1- لازم نلعب على جلسات
2- وكل جلسه لها تكرارات معينه
طيب لو افترضنا انو 4 جلسات كل جلسه 30 تكرار للتنشيف
ايش يصير اذا نقصت الجلسات وزودت التكرارات
أو اذا زودت الجلسات ونقصت التكرارات؟؟

اخوي شوف كل ماتزود الوزن طبعا بالحد المعقول كل ماتضخم العضله
مرحلة التضخيم تكون العدات قليله والاوزان كثيره على عكس مرحلة التنشيف
الي تكون اوزانها متوسطه وتكراراتها عاليه لانك هنا منت قاعد تبني بل تحرق دهون اكثر من كونه بناء
اما سالفة 30عدة واربع جلسات انت كذا منت قاعد تلعب كمال اجسام.. كمال الاجسام لعبه
لها خبرائها وناس لعبوها على مر السنين وافادونا بتجاربهم وخبراتهم الواسعه.
انت كذا قاعد تلعب تمارين مرونه للعضلات واذا كان الوزن عالي وعملت30عدة
كذا انت بتهدم العضله وترهقها

يعني كيف أعرف الي أنا جالس أسويه تضخيم!! وكيف أعرف متى يصير تنشيف يعني لو زودت تكرارات؟

تنشيف اذا اوزانك قليله او متوسطة وتكرارتك عاليه مثلا 15-15-15-15
والله مني عارف كيف أوضح السؤال حقي
سؤالك مفهوم والاجابه عليه طويله لكن حاولت اني اختصر فإذا في نقطه مافهمتها استفسروان شالله افيدك

بس أنا أبغى أضخم وأخاف أتعب نفسي وفي الأخير شغلي كله يكون تنشيف
يعني التضخيم من النهاية (في التمرين مو في التغذية) يعتمد على الوزن وقلة التكرارات؟ والجلسات!!
لا ابدا يعتمد على التغذية بشكل رئيسي ايضا لو تلعب بنظام التضخيم وماتتغذى... ثق تماما وزنك حينقص وتنحف انتبه مثل واحد عندنا بالنادي له شهور ومازاد كيلو بالعكس قاعد ينقص وزنه
رغم انه قاعد يلعب ضخامه
عليك بالنظام الغذائي اولا والتمرين ثانيا


ممكن الخبراء يوضحوا؟! لأن السؤال هذا بيفيد الكثير

والله الموفق...
ABDo Meen GaDDo
27-06-2010, 08:36 PM
لوول حبيبي أكيد التغذية أهم شيء وانا بظبط لي خمس وجبات يوميا ان شاء الله
بس انا كنت أقصد ان ابغا الجواب على الموضوع مو على التغذية فهمت علي :)

وبالنسبة لموضوعنا اجابتك أعجبتني بس ناقصتها كم حاجة
انت تقول (مرحلة التضخيم تكون العدات قليله والاوزان كثيره )
طيب الجلسات!؟
ثلاث جلسات أحسن ولا أربع!

والتكرار انا سمعت الأحسن يكون 12 - 11 - 10 - 9
شيء زي كذا

انت ايش تنصحني أسوي في التكرار والعدات؟
والأوزان خلاص فهمت وضعها
العاشق M
27-06-2010, 09:30 PM
وعليكم السلام
ياحبيبي ماقصر الاخ في الرد
المعروف على قدر الاستطاعه مثال تبقى تضخيم قوي تأخذ 4 جلسات 10 8 6 4 كل ماقل عدد تكرار كل مزاد وزن
والبعض يمشي على هذآ النظام 3 جلسات 10 8 6
بس نصيحه لا تعاود جسمك على تمارين معينه فتره طويله
حاول تشكل
والله اعلم
يفيدونك بقيت الاعضاء