المساعد الشخصي الرقمي

مشاهدة النسخة كاملة : استفسار بخصوص بلاتينيوم هيدرو وي من اوبتمم


ازرق اللون
28-06-2010, 08:31 AM
السلام عليكم

ناوي اشتري بروتين ومحتار بين القولد واي و بلاتينيوم هيدرو وي من اوبتمم الجديد بس في فرق كبير بالسعر ودي اعرف من سبق استخدمه يعطينا رايه عنه او من يعرف الفروقات وهل تستاهل ؟

بانتظار ارائكم
THE CAST
28-06-2010, 09:12 AM
وعليكم السلام ورحمة الله وبركاته
هيدرو واي هو نفس الواي لكن معدل من ناحية سرعة الامتصاص وكمية البروتين في السكوب و الاحماض ..
صراحة الفرق كبير بالسعر لوتاخذ الواي العادي وتوفر على نفسك

تحياتي
ازرق اللون
28-06-2010, 09:56 AM
الله يعطيك العافية

سبق جربته العادي نتايجه معي مو زياده ودي بشيء اقوى لكن اذا الفرق ضعيف وبسيط مايستاهل بستمر عالعادي لاني ابحث عن بروتين ما يكون فيه الفات والكارب عالي ولايكون ثقيل يصدني عن الاكل
Leaner
28-06-2010, 09:57 AM
بلاتنيوم هيرو قاعد أدوره دواره وليلحين مومحصله

ع العموم تقييم الواي بروتين العادي والواي بروتين بلاتنيوم، جميعهم 9 من 10

والكابتن the cast ماقصر وقالك الفرق :)

تحياتي
ازرق اللون
28-06-2010, 11:16 AM
انا حصلته عند واحد بالرياض الـ 2 كيلو بـ 350 والعادي بـ 210
almobd3 ana
06-02-2011, 02:24 PM
السلام عليكم ورحمة الله وبركاته على جميع الأعضاء
بالنسبة عن الفرق بين الواي والبلاتنيوم فرق في الطعم اولا طبعاً طعم البلاتنيوم شي خرافي ماتقول بروتين كانه عصير شكولاته أو فانيليا أو فراولة حسب طعمه بس الفضل الشكولاته
ثانيا نوعية البروتين كلكم عارفين نوعية البلاتنيوم هيدروليدزينج سريع الإمتصاص للجسم ويجعل بناء العظل بسرعة كبيرة ولا ينفخ البطن ولا الجوانب مهما كانت كميته عكس الواي معظم المتدربين يشكون منه من ناحية البطن والجوانب
ثالثا السعر طبعا صحيح سعره غالي وأصغر يجي تقريبا كميته 1500 جرام أقل من الواي بس الغالي من جد سعره فيه ويقول المثل أسال مجرب ولا تسأل طبيب
وعموما موجود عندي بـ300 والعادي بـ200