المساعد الشخصي الرقمي

مشاهدة النسخة كاملة : نقاشات الأنمي ماهو الانمي الذي سوفه يعربونه


linux
23-01-2002, 04:42 PM
هل هناك مسلسل انمي جديد سوف يعربونه غير ديجي مون و بوكي مون وهل خرابيط وما هي الشركه التي تشرف علا التعريب

ولماذا لا ارى مووفي معرب
Ranze Eto
23-01-2002, 06:31 PM
:غضب: لا تنتظر من العرب يسوون شي عدل ... ايام الانمي المعرب الممتع راحت مع عدنان و لينا و هايدي و لوسي و بسمه و عبدو و زينه و نحول و المقاتل المضحك و جراندايزر و رانزي الساحره و نينجا المغامر و سانشيرو البطل و ....و .... و.... الخ ( اعداد لاتحصى منهم ...كانت في قمة الروعة .

العرب اللحين يشوفون شو الانمي اللي مشتهر في الغرب ..ياخذونه و يعربونه اي كلام ... للأطفال عشان يتعرفون عليه .. و بعدين يبتدون ينشرون البضايع عشان يستفيدون من وراهم ...

هذا تفكير العرب اللحين
:غضب:
Rewayah
23-01-2002, 07:12 PM
كتب العضو (Ranzie Eto)
العرب اللحين يشوفون شو الانمي اللي مشتهر في الغرب ..ياخذونه و يعربونه اي كلام ... للأطفال عشان يتعرفون عليه .. و بعدين يبتدون ينشرون البضايع عشان يستفيدون من وراهم ...


صح إلسانتش رانزي!!!!! :p

هالكلام العدل! :)

أخي الكريم linux! مو أي مسلسل يعربون...
قصدك أي مسلسل بيشوهون... :)

كلام رانزي سليم! يقدمون المسلسلات للأطفال ليتعرفوا على شخصيات الكرتون اليابانية الإبداعية فقط لتسويق بضائعهم ومنتجاتهم لاحقاً!!!

والله ويبتيها رانزي إتاوا! -_^

هؤلاء المغفلين... مركز الزهرة للإنتاج الفني... مو الزهرة! إلا البقرة!! :D

أيام الدبلجات العربية الجميلة راحت... الله يعيدها لنا! :)
كان فيها وفاء وإخلاص في عملية نقل العمل الفني...
وأداء رائع رهيب...


كتب العضو (Ranzie Eto)
هذا تفكير العرب اللحين
:غضب:


مو بس ألحين إختي الكريمة رانزي... مو بس ألحين!! دايماً وأبداً :)

تحياتي :)
john_silver
23-01-2002, 07:35 PM
وتبا لمركز الزهره للتحريف....الحمد لله ما دبلجوا الكرتونات القديمه ...كنت بانتحر:غضب:
morad133
24-01-2002, 12:35 AM
ما راح يعربون GUNDAM الي مصلح في عام 1984 الانميشن الا بعد بعد 20 سنة او اكثر

لا تفكرون يعربون الجديد حتى يعربون القديم


http://www.animecastle.com/media/ga-063.jpg http://www.animecastle.com/media/59769.jpg http://www.animecastle.com/media/ga-070.jpg


http://www.animecastle.com/media/pida-0111v.jpg
linux
24-01-2002, 11:37 AM
اي ولله انا طاحت من عيني الترجمه العربيه بعد الديجيمون


بس بصراحا كنت اتمنى لو يتم ترجمه دراجون بولز
بطل الأمارات
24-01-2002, 11:48 AM
أنزين إذا الدبلجه العربيه ما عيبتكم ...شو رايكم في الترجمه العربيه أدخلوا موقعي الي هو http://www.uaehero.homestead.com/index.html
ونزلوا الحلقه الأولى من inuyasha الي ترجمتها الى العربيه وهي حلقه من مسلسل مشهور في اليابان ولين الحين يعرضونه .... يوم تبغون تنزلون الحلقه عندكم إضغطوا على الزر الأيمن من الفاره وأختاروا save target as
عقب ما تنزلون الحلقه عندكم عطوني رايكم فيها أوكي ;)
Ranma Saotome
24-01-2002, 12:03 PM
كتب العضو (linux)
اي ولله انا طاحت من عيني الترجمه العربيه بعد الديجيمون


بس بصراحا كنت اتمنى لو يتم ترجمه دراجون بولز
والله أنا اتمنى لكن في نفس الوقت مااتمنى هالشي يصير
يعني لو شركة الدبلجه اللي سوت ليدي أوسكار هي اللي تدبلج ألحين أكيد راح أتمنى أن دراحون بول يتدبلج
لكن أدري أن إذا دبلجوه راح يكون خاااااااااااااايس ويلوع الجبد
أصلا بعد في مشاهد عنف وانتوا شفتوا شلون كانوا يقطعون من مدرسة الكونغ فو بعض اللقطات
راح يخترب ويكرهون الناس فيه
orange road
24-01-2002, 01:34 PM
خلاص.. شركة الانتاج سكروا قسم الدبلجة فيها..
والعراقيين ما عادوا يدبلجون بعد الحرب...

والدبلجة السورية حترة على الاخير...

تبونهم يدبلجون دراجون علشان يشوهونه.. على العموم.. هم شوهوا الجزء الاول..

لو بيدي.. ابدلج دراجون دبلجة كشخة زين.. معليش.. نطروا يمكن في المستقبل انشاءالله افتح شركة دبلجة.. هني باحاول اني ادبلج بفن..

هي المشكلة انهم يجوفون الكارتون على انه حق يهال.. مب انه فن.. علشان جذي يتعاملون معاه بتفاهه..

لو اللبنانيين مع دبلجتهم الحلوة ذي يدبلجون لنا كارتونات بقدر ما يدبلجون هالمسلسلات المكسيكية السخيفة.. كنا ارتحنا..
Ranze Eto
24-01-2002, 02:08 PM
quote
______Rewayah________________

صح إلسانتش رانزي!!!!!

________________________

أعجبك ;)



quote:
___________Rewayah________

والله ويبتيها رانزي إتاوا! -_^

__________________________

و الله من القهر يا رواية ... ما عندنا غير المنتدىالمتنفس الوحيد لنا و للآرائنا :D
john_silver
24-01-2002, 03:25 PM
احمدوا ربكم بس ما دبلجوا الكرتونات القديمه...
خلهم يعيثون في الارض فسادا....يمكن تضربهم طياره نفس امريكا...
انشالله...
بس في اليل علشان محد يموت...
احب الخير ..احب الناس.."التنين الصغير":D
a.m.k
24-01-2002, 04:44 PM
سلام .. نصيحة لا تنتضر اي ترجمة عربية لانهم يحولون المسلسل الى مسلسل اطفال :D
و لو تدري مسلسل دراجن بولز عربوة !!! طلع زفت :غضب: .. انا اول ماشفتة حسبتة مسلسل لي تحت 5 سنوات !!..
orange road
24-01-2002, 09:01 PM
اهئ اهئ اهئ..
لو كنت اعرف ان هذي بيصير كنت وانا صغيرة سجلت كل الانيمي المدبلج اللي كان ينعرض حزتها
john_silver
24-01-2002, 09:32 PM
ويش قصدك؟؟ يعني الكرتونات القديمه...مثل جزيره الكنز ..وطقتهم؟؟
Rewayah
24-01-2002, 09:56 PM
أيوه يا جون سيلفار! :)

أنا قاعد أجمعهم ألحين! :)
وأنبش الأرض نبش عشان أحصلهم! :)
john_silver
25-01-2002, 03:44 PM
تحصلينها في كل محلات الفيديو ,,,بس ما يبيعون الا للعميل:":
لو كنت في الدوحه ..كنت با جيب لك الي تابين...
اسالي orage road يمكن عندها شئء:D
زيــل
25-01-2002, 10:52 PM
شباب معاكم حق!!

وحبيت اقول لكم ان خلاص الترجمه اغسلوا ايدكم منها...

لأن صراحه الكرتون مثل ماهو ((انجليزي)) احسن من انهم يعربونه

ويقلبون القصه مثل ديجيمون !!

إلا اقول احد عنده موقع Anime Zero

عشان الآنيمي؟؟