زواجي بعد .. وابي هل تنصحوني ادش حديد او سويدي .؟

[يوسف الكويتي]

السلام عليكم ورحمة الله وبركاتة

انا زواجي بعد 3 شهور تقريبا

وطولي 171 ووزني 75

ابي حبوب او اي شي عشان اخسس ويصير جسمي حلو

علما ان المشكله اللي عندي هي الكرش والفخوذ

ومابي برنامج غذائي اكل بيضه مسلوقه وتوست وهالكلام لان مستحيل راح اسوي هالشي وانا مو محتاج رجيم قاسي كلهم كم كيلو

وابي حل طلبتكم علما اني داخل نادي صحي

هل تنصحوني ادش حديد او سويدي وشو التمارين المناسبه لمثل وزني

وجزا الله والديه الجنه اللي يرد علي

[sami1989]

المفهوم من النضام الغذائي هو {تقليل الكاربوهيدرات ودهون جدا قليله !}

لكن البروتينات والخضار والفواكه والدهون الصحيه امثال زيت الزيتون والمكسرات الغير محمصه هذي كلهن جدا ضروريه في مرحلة التخسيس !

تريد تنقص وزن اتبع تمارين الكارديو اهمهن { الجري , البايسكل ,والخ }

التمارين تكون عاديه نفس التمارين القصد , لكن التغيير يكون في العدات

{ عدات اكثر باوزان خفيفه }

وفي تمارين للمبتدئين تلقاهن في قسم المواضيع المميزه في اعلى الصفحه

1.تمارين الكارديو من 20 الى نصف ساعه بعد التمرين

2.نضام غذائي مثل ماذكرتلك فوق

3.الركض في فترة الصباح قبل الفطور 30 دقيقه راح يساعدك على حرق الدهون
كثيرا لان الجسم عند الاستيقاض يكون فيه نسبة السكر في الدم منخفضه وهذا يساعد في حرق الدهون
للمبتدئين والراغبين في دخول رياضة كمال الاجسام " جداول للمبتدئين " (http://www.montada.com/showthread.php?t=589653)

http://www.montada.com/montada/misc/tag.png ! حقق حلم الـ 6 بـــآك وازالة الكرش والترهلات ! (http://www.montada.com/showthread.php?t=654134)

http://www.montada.com/montada/misc/tag.png #: جميع صور التمارين المهمة لكمال الاجسام :# (http://www.montada.com/showthread.php?t=653235)

]||[ مصطلحــات كمــآل الآجســـآم وتعريفهــآ وشرحهــــآ ]|||[ -- > ،؛ٌ~ بالصــور (http://www.montada.com/showthread.php?t=664146)

وفي مواضيع مختصه بلتغذيه وتكدر تشوفهن من هذا الرابط

http://www.montada.com/forumdisplay.php?f=639

وبلتوفيق

[منادة الليل]

ماقصر الوحش بارك الله فيه


لا زيادة على كلامه الا في شي واحد وهو مثل ما طلبت انك تبي حبوب او اي شي علشان تخسر الزوائد

ماراح تفيدك هذي الحبوب الا في حال انك جهدت نفسك بالتمارين

بكل سهولة في شهر تخسر حتى 5 كيلو ولكن يبي لك جهد والتزام في التغذية بحيث انك ما تخربط بالاكل

والابتعاد عن الوجبات السريعة والوجبات الي نسبة الدهون فيها عالية

وبخصوص التمارين ما قصر الوحش السمي الله يحفظه

جدول مراقبنا الغالي بوراشد الله يخليه ممتاز جداً

[ابو مهاا]

بارك الله فيكم شباب ماقصرتوا بالردود واخوي اهتم بنقطه انك اول ماتصى تمشي 30 دقيقه لانها فعلا شي راح يفرق معاك جداا وان ماكان عندك جهاز مشي بالبيت طبعا الواحد بالنسبه لي ماعندي ودرب النادي خذيت حبل واللعب ضغط ومعده اول ماقعد هههههههههههه الصبح اناقز بالحبل مفيد حيل ويرفع اللياقه حبيت افيدك بتجربتي بالتوفيق

[ولد الرشااقة]

اخوي استخدم كورس حبوب كلين باترول مع الليبو بلاك خخخ تجلس بالبيت وانت تخسس بدون تمارين

[سيف ربعه]

وعليكم السلام ورحمة الله وبركاتة

والله يتمم على خير اخوي يوسف والله يوفقك بحياتك

الاخوان ما قصروا وياك ولن ازيد الكثير على ما تفضلوا به

شف يا بعدي سالفة تخفف وزن في فترة بسيطة ممكن لكن يبيلها تعب شوي وفي نفس الوقت يبي يكون لها أثار جانبية إن لم تكن بشكل صحيح

بالنسبة لك اشوف وزنك زين لكن مثل ما تقول عندك شوي كرش والافخاذ يبيلها شغل

عليك بالكارديو فوق 40 دقيقة وزودها مع الوقت لساعة والعب بطن بشكل مكثف

التمارين اللي تفيدك اكثر شي هو السويدي لان الحديد ياخوي يبيله صبر وتعب ونظام تمارين وتغذية خاص

وبالنسبة لأكلك حاول تقلل الكربوهيدرات والدهون المركبة وزود كميات البروتين والخضار

في المساء حاول تبعد عن الكربوهيدرات يعني من بعد المغرب لا تقرب صوب الخبز او العيش ( الارز ) او البطاطس او الشوفان وخل عشاك خفيف والجدول الغذائي امر بسيط

الدهون المركبة او الدهون الحيوانية ابعد عنها وركز على الزيت النباتي في اكلك وافضل شي زيت الزيتون لكن بكمية بسيطة

ونصيحة وزنك لا يحتاج حارق دهون او مواد مساعدة لكنه يحتاج عزيمة وشوية تعب منك بالتمارين وتنظيم الاكل وعليك بالسونا والبخار والتشميس وحاول يكون جلدك رطب دائماَ حتى لا تظهر التشققات

وبالتوفيق بإذن الله

[sami1989]

اخوي استخدم كورس حبوب كلين باترول مع الليبو بلاك خخخ تجلس بالبيت وانت تخسس بدون تمارين


حتى الترهلات تقتل جسمه :31:

[vaan man]

سو تمرين شد البطن هذا اللي اقدر اقوله و الهروله بشكل يومي او المشي العادي مسافه طويله حوالي تقريباً 3كيلوا