والله صدمني الميزان ( ساعدوني يااخوان والله قهر )

[R . V . D]

السلام عليكم

والله اني مقهور وقلبي متحسر على كل دقيقه قضيتها بالنادي :o

يا جماعه السالفه هي ...

انا عمري 17 صار لي بالنادي شهرين

الشهر الاول ما لعبت زين كلش لكن الشهر الثاني كرف والله

وهذا جدولي:




العب على الغزاله لمده 30 دقيقه بسرعه 45








http://www.screenservices.be/images/fitness.jpg







بعدها العب مشي لمده 10 دقايق بسرعه 5.0






http://www.indexsignal.com/vb/attachment.php?attachmentid=107719&stc=1&d=1231177816







وبعدها دراجه ثابته لمده 30 دقيقه







http://www.u-mark.net/shopping/image.php?object_type=product&image_id=1680






بعدها العب اجهزه المعده و الخواصر





وانتهي من الجدول





للعلم العب 5 ايام في الاسبوع + مشترك في دايت سنتر




اتوقعون شنو المشكله شنو الغلط الي انا مسويه


وابي جدول من تأسيسكم بس جدول نزله اكيد بالشهر من 8 الى 10 كيلو


طالبكم ردو بسرعه


مع العلم :الوزن المثالي 85 الى 80 نسبه الدهون 34 %


وزن الدهون الزايده 20 كيلو


الوزن الحالي 107 كيلو

[الرمـادي]

السلام عليكم

افهم من كلامك اخوي انه في الشهرين ما نزلت ولا شي ؟

شنو كان الدايت الي تسويه ؟

وهل تستخدم اي مكملات او حوارق للدهون في هالفترة ؟

[THE CAST]

السلام عليكم
وعليكم السلام ورحمة الله وبركاته
والله اني مقهور وقلبي متحسر على كل دقيقه قضيتها بالنادي :o
يا جماعه السالفه هي ...
انا عمري 17 صار لي بالنادي شهرين
الشهر الاول ما لعبت زين كلش لكن الشهر الثاني كرف والله
وهذا جدولي:






اتوقعون شنو المشكله شنو الغلط الي انا مسويه

اخوي جهاز الغزاله او الدراجه ليست بفائدة السير
لابد تقعد على السير(كارديو) لمدة 45 دقيقه
او30 دقيقه والباقي وزعه على الدراجه

وابي جدول من تأسيسكم بس جدول نزله اكيد بالشهر من 8 الى 10 كيلو

طالبكم ردو بسرعه

مع العلم :الوزن المثالي 85 الى 80 نسبه الدهون 34 %


وزن الدهون الزايده 20 كيلو


الوزن الحالي 107 كيلو
يليت تكتبلنا نظامك الغذائي الي بدايت سنتر مفصل, وهل تستعمل اي مكمل او حارق دهون

[/CENTER]

ووجباتك قسمها ل5-6 باليوم
وخذ هالجدول
الوجبه الاولى/ 4 بياض بيض مسلوق + شوفان بحليب خالي الدسم
الوجبه الثانيه/ فواكه منوعه لايتجاوز مجموعها حبتين
الثالثه ( قبل التمرين بساعتين)/ صدردجاج مشوي او سمك فيليه او تونه + سلطه منوعه بدون ملح
الرابعه(بعد التمرين تقريبا)/ علبة تونا
الخامسه/ كوب لبن خالي الدسم

همسه
عملت جدول لصديق لي مشابه لهالجدول ونزل من 107 الى 99 ماشالله
في مايقارب الشهر ماني متذكر تحديدا

الفاصل بين كل وجبه واخرى مالايقل عن 3 ساعات

بالتوفيق

[R . V . D]

للعلم يا شباب ترا انا اروح للنادي الصبح الساعه 7 اول ما اقوم من النوم

اكل شي خفيف جدآ واروح

واذا في منشفات وحوارق تفيدني اتمنى تعلموني ماهي

[R . V . D]

انا ما استخدم اي حوارق او شي طبيعي 100%

نظام الغذاء مالي

3 وجبات : فطور بعده غداء بعده حلو بعده عشاء

ومنوع الدايت سنتر احيانآ يجيبون لي ارز في الغداء احياآ سمك احيانآ لحم

[THE CAST]

طبق المكتوب بردي الاول وان شالله تستفيد

بالتوفيق

[الرمـادي]

شوف أخوي لازم تحط في بالك شي انه العضل اثقل من الشحم.

طيب شنو المهم، أنت في حال تقوم بالتمارين وصار لك شهرين، او شي لازم تعرفه انك راح تقوي عضلات الرجلين ، وهما من اكبر عضلات الجسم.

صح ما بيكون شي واضح بس الكتلة العضلية راح تقوى وتكبر.

وفي نفس الوقت الي انت تفقد فيه شحم راح يرفع وزنك عضل.

وفي هالحالة لازم تلتزم الاشهر الاولى بالتمارين ولا تشوف الميزان..

احول يكون جدولك للكارديو ساعة ونصف في اليوم، 45 دقيقة سير 25 دراجة 20 تسلق الدرج.

وتمارين البطن مو لازم تسويها كل يوم لازم تريح عضلة البطن علشان تقوى.

وبخصوص الحوارق انصحك انك تستخدم الليبو 6 العادي في البداية، وراح يعطيك نتيجة ممتازة مع الكارديو.

انا في اول مرة كنت بنزل وزن ما خسرت شي في شهرين بالعكس زدت خمس كيلو، والمدرب قالي عادي بعد فترة راح ينزل وزنك بشكل ملحوض وهذا الي صار. بعد الشهر الثالث خسرت 9 كيلو في شهر.

في رحلة انقاص الوزن لا تهتم بالميزان ركز على تمارينك ولا تفقد الدافع.

نصيحة أخيرة، خذ لك (متر) الي يقيسون فيه (نفس الي عند الخياط) وقيس جسمك وسجله ، الرقبة و الصدر والذراع والبطن والخصرة والخلفية والفخذ.

وراجع القياسات كل شهر.

ووقتها راح تشوف الفارق حتى لو ما تحرك ونزنك بشكل كبير. راح تفهم ليش وزنك ثابت

[R . V . D]

صحيح يالرمادي


انا والله ملاحظ ان جسمي متغييييييييير بشكل كبير وكل من شافني قال انت ضعفان


حتى بالنادي بس الميزان يقول نسبه الدهن بجسمك 34% وزنك 107 وما نقصت الا 2 كيلو

والمطلوب هو انقاص نسبه الدهن الي تعادل 20 كيلو


وياليت يالغالي تحط نظامك الغذائي وجدولك

[scaryface]

كم طولك يا اخوي ؟؟؟

ترى مرات الجسم يخزن ماي بعد خسارة الدهون فاصبر اشوي حتى تتاكد وهذا يعتمد على نوعية جسمك وعملية الايض اللي عندك

واذا حسيت انه جسمك ما ينزل حاول تقلل من الكربوهيدرات وابتعد عن دايت سنتر لانه هدفهم هو كسب المادي ولازم انته تتعلم كيف تاقلم نفسك وتعلم نفسك اي انواع الاكل تناسبك ... لانه كل انسان عارف اللي يصلحله واللي ما يصلحله

بالتوفيق

[R . V . D]

طولي 180 سم

[الوحش بوعابد]

اخوي الكبتن ذا كاست كاتبلك جدول غذائي
امشي عليه تراه مفيد

[الرمـادي]

السلام عليكم

اخوي راح اخلي لك جدولي الغذائي للفترة الي راحت، انتظرني بعد قليل ............ (طالع من الدوام >>>> رايح البيت)

[R . V . D]

اخذ راحتك يالرمادي

[scaryface]

يا اخوي انته حاليا تاكل من دايت سنتر واكلك عبارة عن كربوهيدرات وبروتين فقط ؟؟!! فلو ما استفدت هذا يدل انه يمكن الكربوهيدرات تقلل من حرق الدهون عندك او انك مكثر من الاكل

فنصيحة حاول تبتعد عن الكربوهيدرات ( حتى الحليب) لانه جلوكوز (سكريات) تقلل من حرق الدهون اذا تواجد بالجسم يعني اكلك بيكون عبارة عن خضروات وبروتينات وبعض انواع الدهون مثل زيت السمك والكتان.

[R . V . D]

للرفـــــــــــــــــــــــــــــــــــــــــــــــــــــــــــــــــــ الله اكبر ــــــــــــــــــــــــــــــــــــــــــــــــــــــــــــــــــع

[الرمـادي]

السلام عليكم

آسف على التاخير،

بالنسبة للجدول الثاني ان صح التعبير ، كان جدول بسيط ويميزه التوازن. بعد ما اخذت نصيحة من الدكتور عبدالرحمن مصيقر اخصائي تغذية معروف.

كان اساس النظام تقليل الكمية, وحسب حاجتي كان علي زيادة او انقاص بعض الاشياء.

في الصباح كنت مجرد اتناول عدد 2 أو 1 سليس اسمر مع جبن وعصير جوافة.

بعد الساعة 10 شاي حليب بدون سكر او ملعقة واحدة.

الغداء سلطة بكمية كبيرة وروب قليل الدسم. وثلاث ملاعق فقط رز !!

وقت العشاء كنت اعتمد على المشويات بدون خبز او نصف رغيف فقط. واحيانا كنت انوع بين وجبات السمك او الدجاج واللحم.

وبخصوص البروتين كنت اتناول جرعة الصباح بعد الفطار وبعد التمرين وقبل النوم.

وبهذا كنت ماشي على هذا النظام البسيط والذي له تأثير كبير مع تمارين الكارديو.

ومثل ما سبوق وقلت لك اخوي ركز كارديو مع تمارين الشاملة واستخدم الليبو 6. وراح تغير كل شي.

وبالتوفيق

[R . V . D]

طيب وصلت الى زبده الموضوع وهي

نظامي الغذائي : الفطور تمر + كوب حليب

الغداء : صدر دجاج مسلوق + رز ابيض مسلوق + سلطه

العشاء : تمر+ كوب حليب

التمارين : كارديو مشي لمده 30 دقيقه + 30 دراجه ثابته + تمارين المعده يوم وترك

ما رأيك يا صديقي هل الجدول قوي

وياليت تقولي كيف اتبع اليبو يعني كم حبه و لمده كم ؟؟

[الرمـادي]

الافضل تزيد مع الفطور رغيف واحد خبز اسمر مع جبنة قليلة الدسم. كوب حليب خالي الدسم. تمر

والغداء مثل ما قلت لك تحتاج تكون كمية الكربوهيدرات والنشويات قليلة الرز المسلوق بس بكمية بسيطة (للعامل النفسي) علشان ما تصيدك ردة فعل وترجع للرز بشراهة.

والعشاء حاول تخلي معاها تونة او صدر دجاجة .

الريجيم لا يعني انك تحرم نفسك من الطيبات، الأصل انك تخفف من كل شي.

وبخصوص الليبو 6 انا انصحك تستخدمه بعد رمضان لانه يحتاج طريقة استخدام صعب تطبيقها في رمضان.

[R . V . D]

جزاك الله خير يا صديقي وما منك قصور

والحين بحط موضوع فيه جدولي الجديد وابشوف راي الاعضاء

[Ab00mer]

الليبو اخوى في رمضان حبه بعد الاذان المغرب و بعد نص ساعه تفطر وحبه قبل النادي بنص ساعه وتاكل وتروح الحق النادي وبعده في ثلاث ايام زود الجرعه تصير حبتين بدل حبه لمده الضمان ست اسابيع النظام الروتيني 8 اسابيع تبى تخاطر 10 اسابيع والله ولي التوفيق