حبيت أشارك و أكتب النظام الغذائي الي ماشي عليه من يوم و التمارين الي أعملها .

[OlyoDinzel]

السلام عليكم و رحمة الله و براكته,

العمر 16
الطول 178
الوز87

تاريخ بداية الرجيم : 2-8-2010
تاريخ اتوقع فيه اوصل هدفي: 2-9-2010 و هو يكون وزني مابين ال 78 و ال 75

النظام الغذائي كالتالي :
عندما استيقط اخذ الOmega-3

الفطور
كورن فلكس فتنس مع حليب قليل الدسم أو خالي الدسم

بعدها بمده ما تقارب النصف ساعه أسوي تمارين معده.

بين الفطور و الغذاء
كمية كبيرة من الماء

الغذاء
صدرين دجاج اما مشوي أو مسلوق منزوعين الجلد أو علبتين نونه بالماء أو أي شي مشوي.

أنتظر مده ما تقارب الساعه الا ربع و بعدها أشرب كمية من الماء

في النادي :
أنا كنت العب شامل , لكن قررت اني أخفف وزني أول و من ثمه العب الحديد شهرين أو شهر كامل
فغيرت تماريني بالنادي الى:

امشي و اركض على التريد ميل (جهاز المشي) لمدة ساعة و ارفعه يا 5 او 2.5

بعدها أسوي تمرين معده , بس مو الي أشيل فيه وزن , الطبيعي الي تحط رجلك جدام و تجدم جسمك , يعني معده عادية و الي أصدق انها تعمل على البطن أكثر من الجهاز.

بعد النادي :

أشرب كمية من الماء ليمه تصير الساعه 6 او 7

العشاء:
علبة زبادي(روووب) خالي الدسم

اذا حسيت بعدها بالجوع أشرب ماء

-----
سبب كتابتي للموضوع : الصراحه حبيت ادش تحدي بيني و بين نفسي اني أقدر اضعف و عشان تشاركوني التحدي يعني و شوي احصل من تشجيعاتكم و ارائكم الطيبة , أتمنه كنت خفيف عليكم :) و شكرا.

[THh Rock]

نظاااامك تمام التمام بس ليش ماتركز على حصص الللياقه الايروبيك

[OlyoDinzel]

تسلم اخوي , والله امبله ناوي أدش كلاسات الاروبك بس مركز على الكارديو اكثر :)

[بعارين]

انت تحرق عضلات كده وتسبب ترهلات

[THE CAST]

وعليكم السلام ورحمة الله وبركاته

ملاحظه / البطن مو كل يوم بل يوم بعد يوم افضل لاتنسى البطن موتمرين واحد لها تمارين كثيره

استمر يابطل ووافينا بالنتائج

وفقك الله

[OlyoDinzel]

تسلم اخوي The Cast :)

أخوي "بعارين" أنا already باني غضلات بجسمي و مبينه بشكل واضح , كل الي أحتاجه أني أحرق الدهون و اشيل كتل الشحم الي بجسمي و محافظ عليها يعني :)

[ابو مهاا]

لاتحرق العضلات ولا شي بس انصحك وجبه العشى تخليها تونه او بياض بيض 3 وتونه تكون بالماء او صدور دجاج لكن افضل تونه اسهل واسرع ولبياض البيض لانك بعد التمرين تحتاج شويه بروتين وبالتوفيق حبيبي وان شاء الله توصل لوزنك المثالي

[OlyoDinzel]

اي أكيد . أما ما راح أضل على الزبادي (رووب) يوم و ترك راح اغير بالوجبات , المهم يكون اكلي ناشف و صحي و خفيف و شكرا على مرورك :)

[ابو مهاا]

حياك الله وخل اخر وجبه معدومه الدهن والكارب قليل يعني لاتاكل ساندوتش مثلا او شي انتبه بالتوفيق ان شاء الله

[OlyoDinzel]

أكيد , يا تونة يا رووب , لا سوالف الساندوشس موخر عنها نهائيا و اذا تبي الصراحة , أنا من أول ما بديت لي اليوم أحس في تغير , بطني كان منتفخ حيل و الحين صار داش لي داخل , كل الي أحتاجه اراده و عزيمة قوية و دعواتكم :)