المساعد الشخصي الرقمي

مشاهدة النسخة كاملة : التخسيس واللياقة هل اخفف وزني


Fares1651
10-08-2010, 05:41 AM
السلام عليكم ورحمة الله وبركاتة

كيف حالكم يالغالين

ياشباب حبيت اطرح لكم مشكلتي لآن ناوي استفسر قبل لا اسوي شي

معلومات عن نفسي

الطول 168
الوزن 85
العمر 21

يالغالين اللحين انا اشتركت بنادي بس للاسف المدرب ماحولك احد
انا اللحين عندي كرش وابي اشيله وابي اشد جسمي بحيث انو تكون
السكس باكز بارزه وعضلات الصدر كلها على خفيف يعني ابي انسق جسمي
يكون رشيق ورياضي فماذا تنصحوني هل اني انزل من وزني او اني
ابدأ تمارين البطن وزي كذا .

فـ الله لا يهينكم ابي نصيحتكم يعني وش اسوي هل اخفف وزني
بعدين ابدأ تمارين أو اني أبدأ تمارين أو أيش

تحياتي لكم واحد واحد من إداريين الى مراقبين الى مشرفين الى اعضاء
Heartbeat
10-08-2010, 06:16 AM
وعليكم السلام ورحمة الله وبركاته

أخوي انا انصحك اول شي العب سويدي لمدة شهر مع تمارين الكارديو اللي اهي
العجله وجهاز المشي

شوف طال عمرك اول مادش النادي اذا كان في وقت قبل وقت السويدي
امش على جهاز المشي ربع ساعه دقيقه مشي سريع ودقيقه مشي بطيئ
بعدها العب على الدراجه لمدة ربع ساعه بعدها دش سويدي اذا مافي وقت وبلش السويدي
خلهم بعد السويدي مافي مشكله
خلك على هالحال لمدة شهر بعد مايخلص الشهر
دش حديد بس يوم حديد ويوم سويدي
واذا وصلت للوزن المناسب مولازم سويدي
حديد بس وتمارين الكارديو

اما بخصوص الاكل خل وجباتك كل ثلاث ساعات
وجبه اساسيه بعدها وجبه خفيفه

الوجبات الاساسيه
الفطور بشكل يومي ثلاث بياض بيض مسلوق اول وجبه تاكلها بعد ماتقعد من النوم
الصبح او اي وقت تصحى من النوم

الغداء
تكون اكل صحي مثلا ربع صدر دجاجه مشويه مع خبزه سمراء
او علبة تونه بالماء
او ثمان قطع لحم مشوي
او ثمان قطع شيش طاووق
او ثلاث بيضات بدون الصفار
او مرتديلا ديك رومي مدخن
مع السلطات الخضراء الورقيه وخفف من الطماط ابتعد عن الملح والزيوت

العشاء
سلطات او فواكه فقط

اما الوجبات الخفيفه
تفاحه
او مكسرات نص قلاص
او عصير برتقال او خياره

المشروبات حليب خالي الدسم او عصاير طبيعيه
كثر من الماء اقل شي لترين ونص باليوم

وبالتوفيق
Fares1651
10-08-2010, 06:38 AM
الله يعطيك الف عافيه يالغالي بس معليش اسفسار ثاني لاهنت
بالنسبة انت تقول للوزن المناسب وش تشوف الوزن المناسب ؟
Fares1651
10-08-2010, 02:09 PM
بعد استفسار ولا عليكم امر
الححين بالنسبة للتمارين السويدية هل هي نفس التمارين اللي يقولها الغالي أبوراشد في موضوعه
حقق حلم الـ 6 باك وازالة الكرش
http://www.montada.com/showthread.php?t=654134

ولا عليها زود تمارين .. ولا تمارين غيرها بالمره

بأنتظارك
العاشق M
10-08-2010, 11:16 PM
لا هذآ جميع تمارين البطن
Fares1651
14-08-2010, 06:43 AM
الله يعطيك العافيييه يالغلآلآلآ ماقصرت كفيت ووفييييت

:)