المساعد الشخصي الرقمي

مشاهدة النسخة كاملة : المنتخب سيء جداً اليوم...


mom_com3
24-01-2002, 07:33 PM
المنتخب السعودي كان في اسوء حالاته اليوم...
...
الشوط الاول كان كويس ما عليه بس الثاني اغسل رجلك من المستوى - مافيه مستوى-.
...
صح ان المنتخب فاز بس صراحه المنتخب الامارتي افضل منا في الشوط الثاني..
.
.
ولازم يفوز المنتخب مباراته امام قطر علشان نضمن الكاس...
..
وسلامتكم..":"
السعودية
24-01-2002, 11:09 PM
اخوي mom_com3
تري اهم شيء في كأس الخليج النتيجه بعدين فكر بالمستوي
ولا منتخب البحرين قدم مباريات جميله وحلوه
لكن لم ينفعه مستواه
انا معك لو كان المستوي مقرون بالنتيجه لكان افضل بكثير
لكن تبقي النتيجه هي الاهم دائما
والحكم دائما هو النتيجه ولا شيء غيرها
mr.3bod
24-01-2002, 11:14 PM
أول شيء مبروك لكم
وثاني شيء هاردلك لنا ( عادي اصبحنا متعودين ):أفكر:

يا أخوي قول الحمد لله على الفوز أخذتوا 3 نقاط وهذا أهم شيء ..... وبس
( الزعيم )
24-01-2002, 11:19 PM
الله يستر من مباراة قطر .....:واو:


اعتقد ان قطر اصبحت مرشحة بقوة بعد المستويات الثابتة التي قدمتها ..
THE_YET_IS_T
24-01-2002, 11:59 PM
انا ابي افهم وش اللي لاقيه الجوهر بالغامدي ؟؟؟؟؟؟؟؟؟؟؟

وبعدين ليه مايفكنا من احمد خليل ..
اللي رغم اني مدحته المباراه الاولى الا انه وضح على مستواه وصار ماعليه الا يشوت ولا مستحيل يقطع الكوره من بين رجل اللاعب ..

فكونا من هالاثنين وضموا وسط ايسر ومدافع صح وبعدين اطليوا مستوى ..
ظلموا مناف وباسم اليامي .. ولاعبين اخرين ..
الا ابي اسألكم ...
فيه مدرب يلعب بثلاث محاور وبعض الاحيان اربع ؟؟
ماطر .. خميس .. الواكد .. الغامدي ..
ويلومون سنتراش ...........

اذا استمر التدخلات في التشكيله انسوا المنتخب ..
Killer
25-01-2002, 12:32 AM
شباب اذا كان هذا مستوانا في ارضنا وبين جمهورنا ومع منتخبات متواضعه ايش بنسوي في كوريا واليابان قدام المانيا والكاميرون

انا ارى انه الخلل الاساسي في التشكيله

من ناحيه ارى انا قاعدين نشارك بفريق الهلال مو بالمنتخب من يوم ما اخذ الجوهر التدريب

يعني اي مباراه تلقى في تشكيلتها الاساسيه حول 7 لعيبه هلالين من 11
وشوفوا مباراتنا مع تايلاند !!!

انا ما اقول شي في الهلالين هم عالعين والراس لكن احيانا فيه افضل منهم

عندك مثلا الخليوي افضل من احمد خليل وعبدالله سليمان

عندك محمد نور احسن من عمر الغامدي ....

اختيار اللعيبه يبغا له اعادة نظر


ولا عبدالله الجمعان .. لاعب ما عنده اسلوب لعب ولا مهارات حتى محللين اوربت انتقدوه و عبدالمجيد الشتالي يقول هذا ما يلعب في بطوله هذا قاعد يلعب في حاره لأنه ما عنده غير شوت من غير تقنين ما بقي الا يشوت ضربة المرمى

بصراحه لن نحقق شئ في كاس العالم الا اذ تغيرت التشكيله بشكل جذري
ابتسامــــــه
25-01-2002, 02:11 AM
اولا...
الف مبرووووووك للسعوديين ((شوفو الروووح الرياضيه باهل الامارات ))
وعقبال الكاس قطري .. اه امزح معاكم

بصراااااااااحه شديده المباراة كانت منصفه

قدر الاماراتيين في اغلب المباراة البروز

اعطى السعودييين مالديهم الاان اهمية المباراة وتوترهم
هو الي ما خله السعوديه تعطي كل الي عنده








* * ارجــــــــــــوا من الاخوه السعوديين انكم اشعمون بارتيز
لانه غلط علينه((صح انا ما قصرت فيه))بس لازم يسكت

مهما كان ضعف منتخبنا احنا رح انظل طوول حياتنا اشجعه لانه
يحمل اسم دولتنا
alamid
25-01-2002, 11:02 AM
اهم شي اننا فزنا:D
بحـــ الشوق ـــور
25-01-2002, 11:39 AM
شباب انا ما شفت المباراة مين اللي سجل الهدف؟
ahmad_5
25-01-2002, 01:34 PM
انا ما ااعتقد ان المنتخب كان سيء






انا اعتقد ان المنتخب كان اسوا من السيء
فضحنا قدام خلق الله )فولر وبلاتر)
منتخب سيء الكورة من جنب وهو من جنب ولولا سترالله ثم الدعيع كان شفتوا فينا اهداف بالكوم

بس بصراحة يا THE_YET_IS_ ويا Twisted Metal
ما بقيتوا لنا شي نقوله يعطيكم الف عافية

فعلا عيب المنتخب من الجوهر ولعيبة الواسطة اللي ما فكنا منهم

على فكرة ترون من اسباب اقالة سانراش انه لعب بثلاثة محاور
اجل وش نقول عن الجوهر:D
fsfs 3000
25-01-2002, 03:08 PM
لا والي زاد الطين بله الجمعان يوم جاب القول
انغر وصار يشوووووت على كيفه والله صدق الشتالي
يوم قال انه يلعب في حارة
غير الجوهر الي مابي اتكلم عن استهتاره ..
وشكرا
mom_com3
25-01-2002, 03:57 PM
الحمد الله على النتيجه ...
..
بس السؤال ليش المنتخب في تدهور ... ياخي ما نبي بطوله الخليج اذا كذا مستوانا ... وتقولي البحرين لعبت بس ما استفادت من المستوى....
اقولك انت غلطان اولاً : الان الكل صار يحسب للبحرين الف حساب .. بس من زمان كان ما يشكل خطوره مثل الان ..
ثانياً : التحكيم لعب ضده ...
..
خلينا في المنتخب...
بالله عليك اذا كذا مستواه لك وجه انك تدخل كاس العالم بهذا المستوى ... لا ...
ثانياً الي يقول اللعب الفلاني سيء و الا المدرب متعاطف مع الهلال ... يا خي الهلال فيه نجوم كثار .. والفرق الثانيه فيها نجوم ...
بعض اللاعبين يلعبون صح بس ( ما عندهم خبره ) فيحتاجون انهم يتدربون ويكسبون الخبره بعدين يدخلون للمنتخب...
..
و والي يقول ان الجوهر سيء ... غلطان ..و الدليل ... مافيه مدرب واحد غير سعودي حقق انجازات كبيره مع المنتخب ..
..
و سلامتكم...
العاشق الهلالي
25-01-2002, 05:45 PM
يا شباب أهم شيء النتيجة المستوى مو مهم في هالبطولة .

المستوى ما نفع البحرين .........
anime-boy
27-01-2002, 11:26 AM
حبيت اقول منتخب السعودية في الخليجي 15
منقلب 180 درجة عن التصفيات >>>>>>ما ادري وش السبب؟

وزيادة البحرين لعبت كورة حلوة بس خانها الحظ في التحكيم

>>>>>>>>> والصراحة قطر تستاهل اذا خذت البطولة
لانهم يعرفون ينتزعون الثلاث نقاط رغم الاداء المتوسط..



نتمنى تفوز السعودية اليوم قولو امين
مع تحيات احمد 9000 قديما