شنو معنى اسمك باللعبة

[almu6laq]

أنا من بديت اللعبة لي اليوم, ما أعرف أميز بين العربي والأجنبي.. ليش ؟

لأن أسامي اللاعبين الصراحة غريبة.. يجيلك واحد اسمه تحس إنه يوناني بحت حتى من كثر ما الأسم يوناني تحسه هذا أمه مقدونية مو يونانية

مثلا أنا ربعي أساميهم جذي : Modx - Brilla - Maycan - Felnoob وغيره وغيره

هالأسامي بعرف شنو معناتهم ؟! سألت ربعي يقولون ماراح نقولك هذا سر.. ما حبيت أحن عليهم لأن الموضوع ما يسوى.. فا خليتهم ولي الحين ماعرفت شنو معنى أساميهم

أنا كتبت هالموضوع عشان نشوف شنو أسامي لاعبين أعضاء المنتدى الغريبة وكل واحد يقول شنو معنى أسمه

[almu6laq]

أبدي بنفسي بما إني صاحب الموضوع.. والله أنا أسامي لاعبيني مو غريبة, بس لازم أبدي بالموضوع على أي حال

لاعبيني أساميهم : Jovial - Sacrifice - Heat - Akira

وأتوقع كلكم تعرفون شنو معنى هالكلمات, إلا أسم Akira يمكن.. بس أنا أبي الناس إلي أساميهم غريبة

شنو معنى أسمكم وليش مختارين هالأسم ومن وين خذيتوه ؟

[almu6laq]

أووه نسيت أقول من وين خذيت الأسامي

Heat : أهو أسم البطل بلعبة بلاي ستيشن 1 القديمة, أسم اللعبة Bust A Groove.. لعبة رقص والصراحة حبيته شلون يرقص وشكله حلو وأسمه حلو بعد

Sacrifice : هذي أسم أغنية أحبها حق فرقة Creed ومعنى الكلمة حلو ومعناها بالأغنية أحلى لأنه يقولها حق موقف صارله فحبيت الأسم

Jovial : هذا الأسم كل ما أكتب أسم يطلع مأخوذ, كل الأسامي إلي ببالي كتبتها وكلها مأخوذة, جان أروح وأجيب القاموس الإنجليزي وقلت راح أفتحه عشوائي وأي كلمة تطيح عيني عليها راح أكتبها.. ولا تطيح عيني على كلمة Jovial ومن ذاك اليوم لي الحين وأنا أستعمل هالأسم

Akira : هذا إسمي الرسمي إلي لي درجة إن ربعي ينادوني أكيرا مو أحمد.. هذا أسمي من أيام الطفولة.. هذا طبعا إلي يعرف فيكم رسومات الأنيمي Manga راح يعرف Devilman.. هذا دفل مان تحطمت حيل بشخصية البطل إلي أسمه Akira.. ومن وأنا صغير لي الحين وأنا محتفظ بهالأسم بكل لعبة أو أيميل أو أي شي.. صار هذا أسمي الرسمي

[dagwar]

الاسامي عندي :
الهنتر dagwar اسم شخصية في احد الافلام
البالادن : blodprince معروف اكيد
الشامان : highvolte ضغط عالي لان شغله كله كهرباء
الديث نايت : tearofant دمعة نمله
الميج :mourha مادري كيف اخترت هالاسم بس تخبيط
الدرويد : captagon ????? معروفه
الوارلوك : evellove

[Karazhan]

يالطيب ممكن اشارك ؟

انا عندي كذا نك وبكتبهم بس ياجماعه اعذروني مابي اقول اي سيرفر عشان ماابتلش بالمعجبين وكل واحد يقولي بصور معاك سكرين شوت

اولا myrootunderwater يعني عروقي بالماي , بس طبعا حذفت كم حرف عشان يكفي النك

weldbtnha يعني ولد بطنها. دورت بالمعجم شنو ولد بطنها بالانجليزي ماحصلت الظاهر ماعندهم عيال بطنها مثلنا , جان اكتبه معرب

kingofwow معروفه ولكن هذا كان اسم رفيجي اللي اهو ملك اللعبه الاصلي وانا اخذته منه

gtjgrgfdsgfdjkjngdkjl كان عندي شخصيه درود وكان هذا اسمه , من كثر ماطفشت كل ما اختار اسم يطلع مأخوذ كتبت خرابيط والحمدلله طلع مو مأخوذ . ولكن كل من شافه ضحك وقال والله خوش اسم , غيرت النك بعدين لأني ابتلشت فيه كل ما اشتري قولد ابتلش لما يقولولي حط نك الشخصيه


tamyam شوربه بس بالتايلندي

samtam هم شوربه بالتايلندي

kabt kbawniya انا فاصل الكلمتين واهي يعني عيش ولحم مشوي , بالتايلندي طبعا

kai دجاجه او ديك , هم بالتايلندي


انا اكتفي بالقدر هذا لأن شكلي اخذت مساحه من الموضوع

[Smart Player]

بالنسبه لي انا خذيت اسم Helgast من لعبه killzone
وعندي بعد بريست اسمه ReCrit وانا طلعت الأسم من مخي , يعني اعادة الكرت D: ماكو احد باللعبه كلها نفس الأسم :P
/cheer


الشامان : highvolte ضغط عالي لان شغله كله كهرباء يا سلام عليك , اسم صح راكب على شامان ele

[almu6laq]

الصراحة عجبني رد الأخ الفاضل إلي عروقه بالماي.. أسم على مسمى

[Rankor]

:pاهنيك على الموضوع المميز صراحةً!:biggthump

عندي اسامي مدري وش تبي:أفكر:
ولطالما سؤلوني شمعناتها او من اللي ماخذ منه الاسم:wow:
انا عندي اسلوب اذا جيت ادور اسم ادور اي شي جنبي واسمي عليه

اول شي
Dallah=دله اللي ينحط فيها القهوه, ساعتها كنت توني طالع من عزيمه وانا كنت اقهويهم :boggled:

Al ka ka= يعني القعقاع, ماخوذه من قعقعت السيوف ومسميها على واريور, وفي صحابي جليل(رضي الله عنه وارضاه)اسمه على نفس الاسم :p

Yathrb=يثرب.. مدري ليه سميت عليها بس دايمن اذا واحد سالني في الحياة قالي وين رايح اقوله الى يثرب:12:


dolores=اسم مغنية فرقة the cranberries المشهوره :p

Iliveinbubble=واظحه :33:سميتها على Paladin
Wayhok=ويحك!
وباقي الاسماء ماهي مميزه :D

[almu6laq]

لووول.. ياخي خله يدش المنتدى ويفيدنا بخبرته مثل ما انت فايدنا

[Jeremie]

خلينا نرجع للموضوع

أنا عندي أورك female ومسميها غادة ماشاء الله إسم على مسمى معناها ناعمه ولينه
وعندي واحد مسمية ريان لا تعليق.

[.::RaK_BoY::.]

Elvaan
ماخذنها من لعبة فاينل فانتسي 11 وهي نفس فصيلة الblood elf

ربيعي ماخذ كل شخصيات الfemale ومسمنهم على اسامي بناته الصغارية ههههه

[Fluta]

Fluta = كـــآن قــصــدي فــيهــآ الآلــة المســيقيــة ..

Shakiera = أســم المغنــية ..

catoon = أســم الـGuild Master القــديــم قــبل ينــقل مــن الـServer ..

Phaya = أســم الــGuild master فـي الـReal life ..

[موت عالمي]

والله تذكرني بناس عندي XD
يسألون وش معنا STC لـ استاذ الانجليزي
يقول ماله معنا
انا عن نفسي ماحب اسمي اسامي لها معنا
لانها 85% ماخوذه واحسن لي اني اجيب اسم كذا مألفه في ساعه او ساعتين

[Jeremie]

والله تذكرني بناس عندي XD

يسألون وش معنا STC لـ استاذ الانجليزي
يقول ماله معنا
انا عن نفسي ماحب اسمي اسامي لها معنا
لانها 85% ماخوذه واحسن لي اني اجيب اسم كذا مألفه في ساعه او ساعتين


أنا لما بغير إسم أو بسوي شخصية أقضي وقتي في مواقع أسماء الأطفال أبي إسم الياباني محجوز والإيطالي محجوز وجربت فرعوني مافيه فايده:33: أبي أعرف مين يسمي منيرة :cray:.

[hamad.22]

almansori = المنصوري

[QTR .SOUL]

والله ياطويل العمر Mzyonh = هذي المزيونه اورك female بلود الف سابقا
و Qtr = على اسم ديرتي قطر :) وفيه لاعب ماله داعي مسميه slc ليومك هذا وانا ناسي ليه مسميه وروق مسميه bormsh = بورمش واخر لاعب msken = لانه مسكين ترول :(

[Xnon]

الصراحة أنا زهقت من كثر مايطلع الإسم مأخوذ

فقلت بألف شي

كتبت Xenon اللي هو غاز وغيرت كذا حرف بعدها وهذا تقريبا نص أسامي الكاركترز عندي

Roxa : كان عدنا واحد بالقلد إسمه Moxa و أنا حرفته لأني ماعرفت أحصل إسم Female xD

Monalesa : منو مايعرفها :p??

Cleoptra : كتبها عشان أكمل المجموعة

Elizabth : من نفس المجموعة :p

[falconi]

الموضزع :شنو معنى اسمك باللعبة
death: الموت
falcon:الصقر
texen:من راسي :)

[supzero99]

اوالله انا ما فرقت عن الشباب اب شي اجلس وافكر في اسم وفي النهايه ماخوذ والفت هل اسامي
blackhummer=المطرقه السوده بس مغير u بدل a لانه ماخوذ

subzeo=طبعن المفروض subzeroبس بعد ماخوذ يعني تحت الصفر :)

واحلى اسم عند الدرويد يعني بلحظ كتبته واشتغل
best = الافضل :)
والوارير javara =طبعن معروف منهو جافاارا
والميج frost hart=طبعن الاسم واضح :) :)

[therooj]

انا عندي اسمي واجد بس بحط الزين فيهم

hellsscream: طبعا زدت s لانه ماخوذ ما ادري ليه خذيته بس الاسم عجبني

hellsx: هذي ولد hellsscream

hellkiller: هاذا اخو hellcream

طبعا امهم للحين مسافره متا ما رجعت بقولكم اسمها

[ll DarkLight ll]

dolores=اسم مغنية فرقة the cranberries المشهوره :p

The Cranberries <3

[Rankor]

The Cranberries <3

:biggthump Best band evah

بس Dolores في 2009 طاالعه غييييير 2008 مدري ليه

او يمكن عندي
http://www.youtube.com/watch?v=vvDxwydFUZg
^^^^^^^^
watsh that

[HUNTER x KILLER]

Emmawaston هيرموني في هاري بوتر ><"

[lolstorm]

:biggthump Best band evah

بس Dolores في 2009 طاالعه غييييير 2008 مدري ليه

او يمكن عندي
http://www.youtube.com/watch?v=vvDxwydFUZg
^^^^^^^^
watsh that

ahhh noway! i liked this song so much 3 years ago :P but i forgot name so i couldnt hear it again thank u so much!! :09:

[xman 2]

( belton ) ( toony ) ( autry )

اذا احد يعرف معنى الاسماء يخبرني :)

[Rankor]

ahhh noway! i liked this song so much 3 years ago :P but i forgot name so i couldnt hear it again thank u so much!! :09:


rofl :biggthump

CRANBERRIES FOR EVAH :biggthump

بس ترى الغنيه الاصليه حلوه ;)
بس ال Jumpstyle محليها زياده, Dolores صوتها روعه:o
وبعدين شكلي جالس اكسب ذنوبـ من وراك :أفكر:

[Diana34]

السلام عليكم

انا مسمي الهنتر orcal لا تقولوا وش معناه اسم وجا في بالي .

[Madnoooo]

يعني مو بشرط ان الاسم يكون له معنى

[Y0ZE]

انا اسمي ماله معنى :) هههه انا ألفته

[majed750]

Dethroad
طريق الموت
هذا اسم شخصيتي في اللعبه

[TiTaN]

معظم الاسماء انا مألفها
بس عندي dk سميته Corn soup
كنت جالس أكلها و انا اسويه ، و كل ما كتبت إسم ما يمشي الحال ، في النهاية سميته شربة دجاج :P

[Golden Heart xx]

8 شخصيـآآتـ ...

كلهـآآ TeGoMaSs :)

TegoMass = فرقهـ يـ،،ـآبآنية تعبجني + الإسم حـ،ـلو كمـآآن 3'>

[icykid stormrag]

السلام عليكم : )

Proffset = المحاربين بال سويدي
Proline = الخط القوي
Lightline =خط النور
Demilovato = اظن كلكم تعرفونه 3<

[Count AbdelAziz]

السلام عليكم ^^

أنا حاليا عندي شخصيتين و هما :

Warrior : Jetli
Warlock : Abdulaziz

واحد على اسم الممثل جت لي و الثاني على اسمي ^^

وشكرا ^^

[deathbull]

السلام عليكم
انا اسمائي كلها قصة طبعا للشرح المبسط قلت احط صور بسم الله نبدأ

http://up.a7bk-a.com/img1/Db640600.jpg

holydragon : بلادين و تعني التنين المقدس

deathbull : درويد و تعني ثور الموت

kutaro : ديث نايت و هو مأخوذ من لعبة Devil King's وهو شخصية Kotaro Fuma و تعني على ما أعتقد إله الموت. حبيت الاسم و معناه و إستايل الشعر.
صوره لـ Kotaro Fuma

http://www.ninjaunited.com/images/boss/kotaro_fuuma.jpg

deathlink : ووارلك و تعني وصلة الموت

protogas : ميج فاير وهو مأخوذ من Protogas de ace اخ لوفي في ون بيس
صورة Protogas de ace
http://one-piece.itudia.com/images/portgas_d_ace_01.jpg

bloodlord : هذا بس حجز اسم و تعني سيد الدم

raiden : شامان و تعني إسم إله البرق و اعتقد رايدين معروف من سلسلة مورتال كومبات

صورة Raiden

http://media.giantbomb.com/uploads/0/1433/327914-raiden_super.jpg

deadlysting : رووق وتعني اللدغة الموميته

و في النهايه اشكر صاحب الموضوع على هذا الموضوع الجيد و أأسف على الاسماء لان بعضها مأخوذ من اسماء آله و أأسف مره أخرى على الإطاله

[mr naser]

مـيج بلود ايلف =Ipewpewu طبعا لايقه على الاركين ميج :silly:
واريور=Disarm هذي سبيل عند الواريور والروج
شامان=LavaBringer على مسمى الاساطير :silly:

[almu6laq]

معظم الاسماء انا مألفها
بس عندي dk سميته Corn soup
كنت جالس أكلها و انا اسويه ، و كل ما كتبت إسم ما يمشي الحال ، في النهاية سميته شربة دجاج :P



بس أخوي Corn soup معناها شوربة ذرة مو شوربة دجاج :)

أهو معظم شوربات الدجاج يكون معاهم ذرة بس شوربة الذرة مو شرط يطون معها دجاج :)

أدري كلامي كثير بس شسوي صايم وجوعان :)