المساعد الشخصي الرقمي

مشاهدة النسخة كاملة : كمال الاجسام استفسار - هل اقدر اتمرن بعد التبرع بالدم


CitySon
17-08-2010, 09:04 PM
الله يعطيكم العافية ، وتقبل الله صيامنا وقيامنا، قولوا آمين.

عندي استفسار بسيط، اليوم لازم اتبرع بدم ..

الحالة الأولي :
بس كنت ابغى اعرف هل اقدر امارس تماريني طبيعي؟
يعني لو تبرعت الساعة 10 مساء هل اقدر اتمرن الساعة 11 مساء طبيعي او الأفضل اني ارتاح؟ وكم الفترة؟
شو الأفضل للجسم؟

والحالة الثانية
ممكن حأتخر في التبرع لبكرة
طيب اذا تمرنت طبيعي في وقتي هل عادي اني اروح اتبرع بعد التمرين؟ والا اخاف يكون الدم حار واول مايحطو الابرة يقوم الدم ما يصدق يخرج :D
لأنه تعرفوا المستشفيات مايهمهم امرك!

معليش يا شباب على الأسلوب حالة اولى وحالة ثانية!! اعتبروها فوازير رمضان. :D

طرحت الاستفسار لأنه سبحان الله ممكن شخص تمر عليه نفس الحالة!


والشكر مقدما.. :)
.hamad.
17-08-2010, 09:35 PM
الافضل انك يوم التبرع بالدم اتريح وبعد التبرع تاخذ يومين راحه لان فقدان لتر دم مهب شي بسيط احتمال اذا تمرنت يجيك هبوط لا سمح الله فالاحسن اتريح يومين بعد التبرع ...
والله يجزاك خير على تبرعك بالدم ..
موفق
بعارين
17-08-2010, 10:41 PM
خذ راااااااااحة
sami1989
17-08-2010, 10:56 PM
الافضل انو تريح لان فقدان الدم راح يسببلك انخفاض وممكن تتخربط لاسامح الله الافضل انو عل اقل 3 ايام وتغذه زين وبعدين ترجع
THE CAST
17-08-2010, 11:32 PM
وعليكم السلام
وماقصرو الاعضاء

اذا تبرعت بالدم يوم فرييح يومين ومن ثم عد للتمارين مره اخرى
ملاحظه: سحب الدم مو لتر على مااذكر250مل او اقل..
وقبل مايسحبون منك يقيسون ضغطك ..الخ للتاكد من انك مؤهل للتبرع وعدم تأثيره على صحتك

بالتوفيق
M.L.T
17-08-2010, 11:37 PM
أول شي أحب أقول لك جزاك الله خير وكثر الله من أمثالك

بالنسبة لما بعد التبرع الأفضل إنك تريح يومين مع زيادة السوائل
أما قبل التبرع فما يفرق إذا كان بعد التمرين لكن الأفضل إذا كنت تاخذ مكملات غير البروتين إنك ما تاخذها قبل التبرع لأنه ما ندري عن تأثيرها على التحاليل
THE CAST
17-08-2010, 11:41 PM
^^^
صحيح ذكرني الاخ ام ال تي
اذا كنت تستعمل اي منتج من منتجات البور وقفها قبل التبرع بيومين
لانها حتأثر على النتيجه

انا كنت بتبرع الشهر الفائت وماتمت الموافقه لان الضغط كان مرتفع شوي
(بسبب منتج بور)

اتمناك التوفيق
الوحش بوعابد
18-08-2010, 12:03 AM
كلام ذا كاست لايعلى عليه الافضل توقف يومين
صوت الجماهير
18-08-2010, 01:08 AM
الاخوان ماقصرو

بس انا تبرعت بدم الساعه 11 الليل ومن بكره تمرنت العصر والحمدالله الوضع ماشي تمام

بس قبل لا تتبرع يسئلونك اذا كنت تستخدم استرويدات
CitySon
18-08-2010, 10:11 AM
الله يجزاكم خير يا شباب والله ما قصرتو
وشكر خاص لكل شخص رد علي

التبرع تأجل ممكن ليومين لأنه اخوي تبرع البارحة!
انا حاليا بس استخدم امينو2222 وبروتين
واحتياطا بوقف الاثنين عشان لا يردوني لأي سبب من الأسباب سبحان الله ما ادري ايش يطلع في التحليل!

الله يشفي كل مسلم...
والشكر مرة ثانية لأحلى اعضاء! ;)
كحيل العيون
18-08-2010, 11:36 AM
ريح عمرك ... كفايه عليك 8 ايام ف الاسبوع تتمرن .......
لووووول

اسولف معاك ... ^_^
مشروع بطل
18-08-2010, 12:07 PM
3 ايام بعد التبرع كافية... مع التغذية والسوائل الكافية طبعا...
CitySon
18-08-2010, 01:09 PM
ريح عمرك ... كفايه عليك 8 ايام ف الاسبوع تتمرن .......
لووووول

اسولف معاك ... ^_^

تعرف بعض الأحيان الواحد ينزل عليه حماس مش طبيعي ;)
ميعرو
18-08-2010, 04:20 PM
اخوي جميع الاخوان ماقصروا جزاهم الله خير.
انا اتبرعت الحمدلله اكثر من خمس مرات لكن الصراحه كنت اريح خمس ايام واعطيها سوائل وعنب وزبيب
ما عمري رجعت للتمرين ثاني يوم لاني ما اقدر اتمرن ولا راح اقوم بالتمارين على اكمل وجه
والله يوفقك.
CitySon
19-08-2010, 02:16 AM
اخوي جميع الاخوان ماقصروا جزاهم الله خير.
انا اتبرعت الحمدلله اكثر من خمس مرات لكن الصراحه كنت اريح خمس ايام واعطيها سوائل وعنب وزبيب
ما عمري رجعت للتمرين ثاني يوم لاني ما اقدر اتمرن ولا راح اقوم بالتمارين على اكمل وجه
والله يوفقك.

الله يعطيك العافية ويجعلها في ميزان حسناتك
اليوم ان شاء الله بعد العشاء التبرع
وحأريح يومين الى ثلاث ايام.

تسلمو شباب.
العاشق M
19-08-2010, 01:32 PM
الله يعطيك العافية ويجعلها في ميزان حسناتك
اليوم ان شاء الله بعد العشاء التبرع
وحأريح يومين الى ثلاث ايام.

تسلمو شباب.
ماقصرو الاعضاء معاك
بس تبغى نصيحتي لاتعود التمرين الا بعد 5 ايام ومافوق
ليه لتنسى احنا في رمضان يعني ماتقدر توفر كل الي يحتاجه جسمك يوميآ
وانا عن نفسي هذآ بعد قبل رمضان تبرعت بدم اخذو مني 2اكياس دم تصدق جاتني دوخه وانا قايد السياره كم مره بقيت اسوي حادث
يعني يالغلا طول في مدة الراحه
ولاتخاف من المكملات الي ذكرتها انا كنت متبرع وكنت مستخدم السرياس ماس والجلوتامين والامينو ومحفز
وماشي الحال تبرعت
CitySon
21-08-2010, 01:11 AM
ماقصرو الاعضاء معاك
بس تبغى نصيحتي لاتعود التمرين الا بعد 5 ايام ومافوق
ليه لتنسى احنا في رمضان يعني ماتقدر توفر كل الي يحتاجه جسمك يوميآ
وانا عن نفسي هذآ بعد قبل رمضان تبرعت بدم اخذو مني 2اكياس دم تصدق جاتني دوخه وانا قايد السياره كم مره بقيت اسوي حادث
يعني يالغلا طول في مدة الراحه
ولاتخاف من المكملات الي ذكرتها انا كنت متبرع وكنت مستخدم السرياس ماس والجلوتامين والامينو ومحفز
وماشي الحال تبرعت

تسلم حبيبي على اهتمامك
انا تبرعت امس والدكتور قال تقدر ترجع تتمرن عادي اليوم الثاني
واليوم الحمدلله مافيني شي حاسس ان الموضوع عادي
بس احتياطا بريح يومين واذا حسيت بتعب حارجع البيت اكل سمبوسة وبسبوسة وفرموزة وكنافة الين اطيب! :biggthump
يعطيك العافية