المساعد الشخصي الرقمي

مشاهدة النسخة كاملة : مشاكل صحية حبيت اسأل عن اقوى منشط ويعطي طاقه


alzqrtya
18-08-2010, 02:14 AM
السلام عليكم ورحمة الله وبركاته

اخواني
حبيت اسأل عن اقوى منشط ويعطي طاقه علما اني جربت جنسنج وليبو 6 قالي انه يحرق الدهون ويحولها طاقه وماكو فايده

انا فيني خمول مو طبيعي وعملت فحوصات مافيني اي شي
يوم اصير نشيطه وسنه خامله كله فيني نووم برمضان وغير رمضان
ابغى اصير كذا :bigeyes: ههههههههههه

مشكورين ياغالين
طموح11
18-08-2010, 02:35 AM
غيري نمط حياتك
واهمها السهر
وكثري من السوائل والتغذيه السليمه
والاهم ابعدي عن الجلسه الكثيره كالنت
ولد ابوظبي
18-08-2010, 02:42 AM
وعليكم السـلام ورحمة الله وبركاته ..

شيختي .. . في اجسام تتقبل بعض المنتجات وفي اجسام ماتتقبل ..

بالنسبه لليبو6 .. هذه منتج باور فيه مواد تساعد على حرق الدهون ويمدج بالطاقه علشان تأدين التمارين لفتره اطول ويقلل من التعب .. .. فهل انتي استعملتيه فالرياضه .. او بس للنشاط من دون رياضه..؟

اذا فيج خمول مو طبيعي .. الكسل يعني .. فعليج انج ترتبين وقت النوم ومابعد النوم .. ونوعية الأكل .. والرياضه .. والتخفيف من درجة برودة المكيف .. الخ .. .. والكثير من العوامل اللي ممكن تخفف الكسل ..

حاولي تشغلين نفسج بقراءة القرآن وذكر الله .. وتروحين المطبخ .. وبعدها تسوين رياضه .. الخ

تحياتي
alzqrtya
18-08-2010, 02:48 AM
والله اخوي اسوي كل هذا بس كاني حامل مالي خلق شي :/ كله ابي انام ونومي مرتب بس ماكو فايده
أبو حـنفي
18-08-2010, 02:48 AM
وعليكـ السلام
اذا تبين تحرقين دهون لازم تسوين رياضه مشي ولا نقز ع الحبل < حلوهـ ,
فيه موضوع هنا يتلكم عنه بتحرقين سعرات حراريه كبيرهـ والتزمي بدايت
هذا الرابط http://www.montada.com/showthread.php?t=681412
النزول السريع يسبب ترهلات عندكـ

معلوماتي بسيطه والاخوان هنا راح يفيدونكـ اكثر
بالتوفيق
alzqrtya
18-08-2010, 02:53 AM
تسلم يالغلا
ابو مهاا
18-08-2010, 03:22 AM
كم وزنك بالاول وكم عمرك !! ادري هل سؤالين كل البنات يجذبون فيهم هههه وطولك
اختي بالنسبه للدهون هل اشياء ماتفيد الى بالرياضه وممكن اخذتي نوع المخصص للرجال
عموما ان بغيتي منتجات تنشطج اخذي فيتامينات ملتي فيتامين وحاولي تضبطين اكلج وسوي حركه بالبيت بالمطبخ اهم شي تتحركين وان كنتي تقدرين تمشين ببمشى مثلا او تقدرين تمارسين رياضه بنادي اخذي منتج اسمه اوكسي اليت والله يوفقج مادري ماني عارف شلون افيدج بس هذا الخلاصه
alzqrtya
18-08-2010, 03:39 AM
وزني 108 طولي 169 عمري 27 هههههههههه والله صج ماجذب

والله مشتركه واسوي رياضه واحاول اتحرك بس 5 دقايق وتقول سياره خلص بانزينها
Leaner
18-08-2010, 03:43 AM
جربي قهوة تركية قبل التمرين

بتساعد ع زيادة الحرق في الجسم وتعطيج طاقة
alzqrtya
18-08-2010, 03:46 AM
تسلم اخوي لينر

بس مافي اي حبوب تعطيني نشاط وتخليني قرده خخخخخخخخخخخ
ابو مهاا
18-08-2010, 03:54 AM
دام مشتركه بنادي جربي اوكسي اليت منتج فات برنر حارق دهون ويعطيج طاقه استخدميه وان شاء الله تستفيدين
Leaner
18-08-2010, 03:55 AM
انتي جربي القهوة الحين واذا ماحسيتي بالفرق، جربي موزة مع قفشة شوفان ( كويكر) عليه، واذا هم مافادوج

امشي ع كلام اخونا أبو مها واخذي أوكسي اليت، احسن من الليبو6

بس للبنات الطبيعي أحسن
M.L.T
18-08-2010, 04:00 AM
اختي

للاحتياط سوي تحليل لهرمونات الغدة الدرقية
FT3 FT4 TSH

على شان تستبعدي السبب العضوي
آبو رآشـد
18-08-2010, 04:13 AM
يا جماعة لا احد يستعجل ويوصف مكملات التعب هذا الي ياخذ لة منشط ام النوم والكسل وقت التمرين يا من الاكل او عارض صحي وهي تقول انها تاكل صح

ام ال تي كلامة صحيح اتوقع المشكلة من الغدة الدرقية على الاقل هذا يفسر زيادة وزنها العالي

راجعي الدكتور بالتوفيق وما تشوفين شر
w4hm
18-08-2010, 04:23 AM
سوي اختبار لوظائف الكبد alt+ast
بعض الاحيان يكون الكبد الدهني هوا السبب الرئيسي للخمول والاحساس الدائم بالتعب...
ماراح يكلفك 50 ريال
وافضل لو تسوي تحليل للكليسترول بنفس الوقت...
تحياتي
alzqrtya
18-08-2010, 04:33 AM
الله يسلمكم اخواني
والله سويت التحاليل كامله وشامله الحمدلله مافي اي شي او اي سبب مررضي
alzqrtya
18-08-2010, 04:35 AM
بالنسبه للكسلتسرول عندي مرتفع جداوالاملاح
w4hm
18-08-2010, 04:43 AM
بالنسبه للكسلتسرول عندي مرتفع جداوالاملاح

شوفي ياختي
سوي اختبار لوظائف الكبد... احتمال 90% عندك الكبد عليه دهون وهذا الي يسببلك التعب والجهد عن اداء اي مجهود...
الحل بإذن الله سهل لكن راح ياخذ وقت وصدقيني بعدها راح تحسي بفرق كبير جدا في كل حياتك باذن الله

لازم تغيري اسلوب اكلك بشكل كبير..ابعدي قد ماتقدري عن الجنك فود والاكلات الدسمة خصوصا قبل النوم
لازم لازم لازم رياضة...
انصحك وبقوة تستخدمي منشطات الكبد الطبيعية مثل Himalaya LiverCare و milk thistle
وباذن الله مافيكي الا العافية....
اهم شي الصبر وتمشي على الاشياء هذي بكل بساطة.

تحياتي لك
ابو مهاا
18-08-2010, 04:44 AM
انا كتبت اخوي بو راشد عن المكمل ومانتبهت لهل نقطه ,, والسموحه وفعلا كلامك عدل
واهيا الاخت داخله بنادي فيعني عادي تستخدمها حبيت اوضح الفكره
وبالنسبه للكلسترول طبيعي يكون مرتفع والاملاح لانه الدهون كبيره بالجسم
وراح ينزل مع الايام انا كنت جذي والاملاح عاليه جدا لكن نزلت الحمد لله كل شي بالتمرين المنتظم والدايت الممتاز
وهل عوامل او الحبوب مساعده وليست اساسيه
alzqrtya
18-08-2010, 04:46 AM
مشكوووووووووورين اخواني ماقصرتوا تعبتكم وياي
toto jeddah
18-08-2010, 06:05 AM
احيانا الخمول يكون سببه وجود دم فاسد بالجسم ,,

تبرعي بالدم او اعملي حجامة والله يوفقك
Sufian Ahmed
18-08-2010, 06:37 AM
قريت قبل فترة من موقع إستشارات طبية عن نفس المشكلة الخمول
فالطبيب نصح في شي غريب لكن بنفس الوقت شي فعال بعد ماطبقته و بعد ما طبقة كذا واحد يعاني من المشكلة...

الطبيب يقول إذا كنت تجلس بغرفتك (وشديد بكلامة سرير النوم) لأوقات طويلة كستخدام إنترنت أو دراسة أو غيره
فالمحتمل هذي هي المشكلة والحل إستخدام الغرفة لنوم فقط!

بالنسبة لي كنت أعاني من الأرق وأحياناً خمول وطبقته والحمدلله كل شي كويس

موفقه وإذا طبقتيها ياليت تعلمني بالنتيجة!