المساعد الشخصي الرقمي

مشاهدة النسخة كاملة : مشاكل صحية الصدر


بوجاسم@قطر
27-08-2010, 03:42 AM
السلام عليكم ورحمه الله وبركاته


شلونكم


شباب اعاني من مشكله كبر حجم الصدر حاولت اني احرق الشحم الي متجمع بالصدر وماقدرت وسويت فحص هرمونات وطلع كل شي اوكي مافي اي خلل بالهرمونات


بس دهون متجمعه


ومادري شالحل معاها


وزني 78

وطولي 170

قبل شهرين كان وزني 74 وعقب صار 80 مع التمرين

والحين نزلت كيلوين


بس الحين عندي مشكله الصدر


ممكن تعطوني حل :(
THh Rock
27-08-2010, 04:07 AM
ركز على التكرارات باوزان معقووله وركز على الغطس والاوفر وامورك تمام واهم شي اكلك
غلاقطر
27-08-2010, 04:10 AM
مرحبا يابو جاسم والله يحيك معنا


انصحك فالمشي على الكارديو او السيكل ليس اقل من 40الى 60 دقيقة
والتكرار باوزان خفيفة الى متوسطة يعني ابتعد عن الاوزان الثقيلة وكثر التكرار
وحاول تستخدم شي من منتجات حرق الدهون مثل الليبو 6 بلاك او العادي وبتحصله في الجي ان سي
او الاوكسي اليت بس ماعتقد انه متوفر عندنا في قطر للحين
وباذن الله راح تشوف نتايج وحاول ان بروتينك يكون زيرو فات وزيرو سكر وزيرو كارب
راح تلقى في محل يورك بروتين حلو يصلح لك او يصلح لدايت اسمه (سمارت وي)
بوجاسم@قطر
27-08-2010, 10:59 AM
هلا غلا قطر


المشي بس مناسب ولا يبيله جري بعد؟

وبالنسبه للتمارين بالاوزان الخفيفه مادري هل هي في تمارين محدده للصدر نفسه عشان احرق الشحوم ولا عادي نفس التمارين الي اتمرنها حق الصدر بس بوزن خفيف وتكرار من 15 مره لين 20 مره و 4 جلسات

وبالنسبة لحوارق الدهون قبل رمضان كنت ماخذ ليبو سكس العادي ماجاب اي نتيجه وياي


مادري شباب تنصحوني اخذ ليبو سكس بلاك ؟

وبالنسبه للبروتين سمارت وي عندي اياه استعمله بس الحين موقفه في رمضان
الرمـادي
27-08-2010, 03:21 PM
السلام عليكم

مثل ما قال غلاقطر

افضل حل للشحم حول الصدر الكارديو، وانا كنت اعاني من نفس المشكلة قبل فترة والحمدلله الكارديو سعدني كثير في حلها.
بديت مشي سريع ومع الوقت صرت اركض .

ولين بغيت تستعمل الليبو سكس لا تروح للبلاك على طول، جرب الليبو سكس العادي او الأكس.

ومع الكارديوا راح تشوفه شغال عدل ورحا يطيرلك الشحم الي في جسمك كله.
بوجاسم@قطر
28-08-2010, 01:01 AM
بس

شباب احتاج نظام غذائي معاه او لا؟
غلاقطر
28-08-2010, 01:15 AM
بس

شباب احتاج نظام غذائي معاه او لا؟


اهم الاكل وانا اخوك ولا شنو الفايدة اذا تذبح نفسك تمارين وتخبص بالاكل

لازم لازم لازم لك جدول تغذية سليم وبعيد عن الكاربوهيدرات والسكر والفات

كثر من البروتين واقصد البروتين اللى هو الاكل الطبيعي يعني وماقصد كثر يعني اترس البطن
لااقصد خل اعتمادك على الاكل الطبيعي بمعدل اللى العادي مش المعدل اللى تترس فيه البطن


وباذن الله تشوف النتايج اللى تسرك يابوجاسم


واي استفسار انا واخوانك فالمنتدى موجودين
غلاقطر
28-08-2010, 01:19 AM
مبديا اخوي بوجاسم مشي عادي وبتدريج مشي سريع

وفالاخر ارفع درجة الى الهروله لين تحس ان جسمك يهتز منها

يعني لاتفتح فالركض خل ركضك على الخفيف بما يضمن لك الاستمرار وعدم التعب


وجهاز الكروس لاتنساه اللى اقصد الجهاز اللى يتحرك ايديك والارجل مع بعض
بوجاسم@قطر
28-08-2010, 09:41 AM
يعطيكم العافيه شباب