المساعد الشخصي الرقمي

مشاهدة النسخة كاملة : مشاكل صحية نقص في المصادر و الكتب التي تتكلم عن كمال الاجسام او البرامج الرياضيه


Aqili
30-08-2010, 12:30 PM
انا لي سنتين تقريبا في رحلتي مع الحرب مع الوزن الزايد و الحمد لله في تقدم دائم علطول . و لاحظ ان في نقص كبير جدا في عدد الكتب و المراجع العربيه الي تساعد في تخفيض الوزن او بالاصح الكتب و المراجع التي تتكلم عن بناء الاجسام . مثلا يوم تروح مكتبه مثل مكتبة جرير ما تلاقي اشياء تفتح نفسك و تخليك تتثقف زين او انك تلاقي الكتب الموجوده عباره عن كتب قديمه جدا تم ترجمتها في زمن لم يكن احد يهتم فيه بالرياضه في فتره الثمانينات و في ذالك الوقت . و لست فقط المكاتب و لكن في نقص في مواقع الانترنت العربيه الي تقدم معلومات عن رفع الاثقال او تقدم برامج تدريبيه و صار المكان الوحيد لاخذ المعلومات هو المنتديات . انا ما اقول ان المنتديات فاشله و مو زينه لكن فيها معلومات خاطئه و فيها معلومات غير موثوق فيها احيان و الكل يفتي بشغله و ما في احد يعطيك مصدر المعلومه او من اين حصل عليها و تحس ان الكل وده يساعد و ان الكل يعتمد على الاجتهاد الشخصي و هذا كله بالعكس عند الغرب فتلاقي واحد جرب برنامج رياضي جديد كتب عنه كتاب ووثق مكان المعلومات و شارك الناس فيها من خلال كتابه او تلاقي ممثل مشى على برنامج رياضي و نزل البرنامج الرياضي في موقعه و عطاك مصدره . للاشخاص المتمكنين من اللغه الانجليزيه فرصه رائعه في تطوير معلوماتهم الرياضيه و فرصه في تجربه تمارين و برامج جديده و انا ما اقول نروح نجرب كل شي بس نجرب عشان نشوف ايش ينفعلنا و ايش ما ينفعلنا و على سبيل المثال في ناس اذا لعب حديد باوزان خفيفه يزيد وزنه بسرعه و في ناس اذا لعبت باوزان خفيفه ما يتغير شكلها فيعني ممكن نجرب اشياء جديده و نشوف ايش اوكي و ايش لا .

انا اتمنى ان مصادر المعلوامات الرياضيه تزيد و اتمنى من الرياضين العرب يبدؤا يالفو كتب لاجل يستفيد منها غيرهم منها في تحقيق اهدافهم و من الاشياء الي اتمناها ان الاشخاص يكون عندهم تنوع في المعلومات . مثلا عمري ما سمعت عن HIIT من اي شخص في منتدى عربي و لكن الكل يحاول ينقص وزنه . مع العلم ان ال HIIT هو افضل طريقه لانقاص الوزن . و بتكلم مره عنه في موضوع ثاني . و في مواضيع كثيره لازم نتكلم فيها و نتشارك و نطور نفسنا فيها .

اتمنى ما اكون طولت عليكم بس الموضوع لفت نظري
آبو رآشـد
30-08-2010, 07:42 PM
وعليكم السلام والرحمة وبركاتة

صدقت بعض الشي عدم التمكن من اللعبة من ناحية الكتب والمراجع

لكن انت غابت عنك نقطة كاتب الكتاب كتبة من خبرتة وهذة الخبرة في مجالة سمحت لة انة يكتب

طبعا صدقت في مسالة المنتديات والتكرار والمعلومات الخاطئة وهذا كثير في المنتديات لان مقالة تختلف عن صاحبها بأختلاف خبرتة هل هي جيدة اما لا


لذا في المنتدى هذا يهمنا جداً كاتب الموضوع واي موضوع من اجتهاد شخصي نابع من خبرة ينقل للمواضيع المميزة

وفي الاخر يكون للعضو مجموعة مواضيع تستطيع ان تقراها وتعتمد عليها وهذا الامر راجع لوثوقك فية وفي كلامة

قد تختلف الاراء والفلسفة من من شخص او عضو الى عضو اخر وليس كلهم خطا قد يكون الفرق الفرق فقط من ناحية سرعة النتيجة او يكون كلهم صح لكن الاختلاف فقط في التطبيق

وهذا النوع من الاختلاف مرحب فية بكل مقاييسة ولهذا نحن هنا في نحاول نجعل لكل كاتب سلسلة مواضيع تستطيع ان تقرى مواضيع بناء على خبرتة الي العضو يقيمها

لكن بكل الحالات لا يتم نقل اي موضوع محتواه خاطى اوغير صحيح الى المواضيع المميزة وان نقل يوضح في الردود ليكون القارى على اطلاع

ومن ناحية الخبرة في القريب العاجل راح يكون هناك علامة توضع لكل عضو بحسب خبرتة لكي تسهل على القارى الاقتناع بخبرتة وحتى لا يشوش على المستفسرين

وبالتوفيق لك في حربك
Al3aZeF
30-08-2010, 08:22 PM
صحـيح كـلآمك ، وأنآ أؤيـدك !
وعـلى فكـرة .. أنآ سمعـت عن آلـ HIIT وهـذه طريقـة حـديثة تعتبـر ..
ولهـآ نتـآئج ممتـآزة في نقـص آلوزن .. أنآ أشـوف آلمفـروض آلأعضآء إلي يعـرفوآ آنجلـيزي !
يترجمـوآ لنـآ بعـض آلموآَضيـع آلمهـمة ، وأنآ عن نفـسي لو عنـدي وقـت كآن ترجمـت ،
بس إن شـآء آلله ، رآح أترجـم بعـض آلموآضيـع ، وشكـراً
Sultan989
30-08-2010, 09:21 PM
اخالفك الرأي في كتب انقاص الوزن لغير الرياضيين فالمكتبه العربية يتم تحديثها بإستمرار
ربما بسبب إن الفئة المستهدفة نسبها كبيرة

لكن جبتها عالجرح بخصوص الكتب الرياضية وخصوصا التغذية للرياضيين
وبالنسبة لل high intensity interval training هذا شي أقرب مايكون للسحر
عن نفسي اتمرنت بالطريقة هذي منذ اكثر منذ 3 اشهر
وفي بالي اكتب موضوع عنه
أحاول اشتغل عليه اليومين الجاية إن شاء الله من خلال تجربتي خصوصا إني من انصار ممارسة الرياضة في البيت
زاحف مزحف
31-08-2010, 02:24 AM
عاد يلا يالذياب ياليت الي راحو للكتاب وتعلمو العنكليزي يتروجمون النصوص المهمة ويجيبون البرامج المهمة ويفيدون الشباب ويبشرون بالدعاء
Aqili
01-09-2010, 01:23 PM
جميل جدا ان في ناس تبي تقرا و تستفيد . انا شخص احب اقرء و خصوصا في مجال الرياضه و كمال الاجسام . و من الاشياء الي كنت حاب اني اسويها اني انقل معلومات ( او اترجمها ) من مصادرها الصحيحه و الموثوق فيها و ادونها بحيث ان الشخص يقدر يطور خلفيته الرياضيه بشكل مستمر .

من المواضيع الي قاعد اجهز فيها لكم يا شباب موضوع HIIT و موضوع supper set و و التمارين في المنزل و الشارع ( للاشخاص الي ما يقدرو يدفعو للنادي ( بعض الشهور هههه))بعض برامج التمرين و الديت لبعض محترفين الرياضه و افضل مدربين في العالم . لكن يا شباب اعذروني في العربي الكتابه بتكون شويه عاميه لان العربي الله بالخير .

و بحاول اجيب موضوع جديد كل اسبوع .

و دمتم *